LUI

1364, k avril, Paris. Charles, lieutenant du roi de France, alloue à Jean de Lyons, sur les deniers des aides, un crédit de 150 francs d'or pour les frais de transport de certains engins et d'une certaine quantité de traits devant la forteresse de Rolleboise présentement assiégée par Bertrand du Guesclin*.

Charles, ainsné filz et lieutenant du roy de France, duc de Normandie et dalphin de Viennoys, savoir faisons à touz que, eu conseil avec noz bien amcz Tevesque de Beauvais, chancelier de France, Tevesque de Lisieux, Tevesque de Chartres, Tevesque de Nevers, Tevesque de Paris, les maistres des requestes de Fostel de monseigneur et plusieurs autres du conseil de monseigneur et de nous , avons prins des deniers des aides que nous avons receuz de Jehan FUissier, receveur gênerai des dictes aides, cent cinquante frans d'or lesquelz nous avons ordenez estre baillez à Jehan de Lyons, maistre de Tartillerie de monseigneur, pour faire mener certains engins et certaine qaantité de trait par devers nostre amé et féal chevalier monseigneur Bertran du Guerclin qui est à présent devant Raoulleboise : laquelle chose le dit Jehan doit faire par le conseil et aviz de nostre amé et, féal chevalier et maistre de notre hostel monseigneur Pierre de Villers. Donné à Paris le nu* jour d'avril Tan de grâce mil trois cens soixante et quatre.

Par monseigneur le duc en son conseil,

T. Hervé.

(Bibl. Nat., dép. des mss., Titres originaux, au mot du Guesclin,)

l. La quittance [de Jean de Lyons est datée de Paris le 4 avril 1364. Bibl. Nat., QuitUnccs, t. XIV, n* 1&43.

1364, 17 avril, château du Goulet. Charles V donne les biens confisqués de Jacquet Prestrel, demeurant à Mantes, partisan du roi de Navarre, à Jean le Bouteiller, écuyer, en récompense des services retidus par ledit écuyer, spécialement à la prise de Mantes*,

Charles, par la grâce de Dieu roy de France, savoir faisons h touz presens et avenir que, comme de novel nous ayons conquise à nous, pour certainnes et justes causes, la ville de Mante, et en ycelle ville fust demourans Jaquet Prestrel qui s'est renduz rebelle à nous, et par ce sont ses biens meubles et héritages, où quMlz soient, confisquez et acquis à nous; nous, pour les bons et aggreables services que nous a faiz et fait chascun jour Jehan le Boutellier, escuier, et par especial en la prise et conqueste de la dicte ville, à ycellui Jehan avons donné et octroyé et par ces présentes, do grâce especial, certaine science et do nostre auctorilt royal, donnons et octroyons pour lui, ses hoirs, successeurs aians cause de lui, perpetuelment et hercditablemcnt et à io\i% jours, toutes les maisons, champs, vignes, pescheries, prez, rentes en deniers et quelconques autres héritages ou rentes que avoit et tenoit le dit Jaquet Prestrel es vicontez de Constances et de Bayeux. Si donnons en mandement par ces présentes auz bailliz de Caen et de Constentin, auz vicontes de Bayeux, de Coustences et à touz noz autres justiciers et officiers presens et avenir et à leurs lieuxtenans et à chascun d'eulx que de nostre présent don laissent et facent le dit Jehan, ses hoirs et successeurs ou aians cause de lui user et joir paisiblement, perpetuelment et sanz aucun contredit ou empeschement. Et pour ce que ce soit ferme chose et estable à touz jours, nous avons fait mettre à ces présentes lettres le seel de nostre secret duquel nous usiens avant que nous venissions au gouvernement de nostre royaume,

1. Cette pièce nous a été conservée dans un vidiuius donné par Charles V à Paris le 8 mai 1376.

DBRTRIMD LU GUESCLIN. 1 — 38

en Tabsence du grant, sauf en autres choses nostre droit et Tautrui en toutes. Donné en nostre chastel du Goulet le xvii» jour d'avril l'an de grâce mccclxiiii. Ainsi signées : par le roy, présent messire Bertran du Guesclin. Gontier. (Arch. Nat., sect. hist., JJ108, n» 375, f<»» 214 v<» et 215.)

1364, 23 avril, Paris» Charles V donne les biens confisqués de Denisot le Parisé et de Jean de Bantalu, partisans du roi de Navarre^ à Léon du Val, écuyer, en récompense des services rendus par ledit écuyer à la prise de Mantes et de Meulan avec Bertrand du Guesclin, chambellan du roi.

Charles, par la grâce de Dieu roy de France, savoir faisons à tous presens et avenir que, comme Denisot le Parisé et Jehan de Bantalu atient tous] ours tenu et tiennent encore le parti du roy de Navarre qui nous a meu et fait guerre et s'est rendu et tenu nostre adversaire et rebelle de la coronne de France, et pour ce touz ses meubles et non meubles soient forfaiz et confisqués à nous et nous appartiennent; nous, considerans les bons et agréables services que nous a faiz nostre bien amé Léon du Val, escuier, en la prise des villes de Mante et de Meullent et d'autres forteresses avec nostre amé et féal chevalier et chambellen Bertren de Claesquin et en autres plusieurs manières]ou fait des guerres, et que nous espérons qu'il nous face ou temps avenir, au dit Léon, pour contemplacion de nostre dit chambellen qui sur ce nous a humblement supplié, avons donné et donnons par ces présentes à perpétuel héritage, à ses hoirs et aians cause de lui, touz les héritages, quelx qu'i[l] soient, que avoient et possidoient, au jour de la prise de la dicte ville de Mante, les dessus diz Denisot le Parisé et Jehan de Bantalu, tant en icelle ville comme ailleurs en nostre royaume. Si donnons en mandement par ces présentes à touz nos justiciers et officiers et à chascun d'eulx ou à leurs lieux tenans que les diz héritages baillent et délivrent au dit Léon, et d'yceulx comme siens propres, lui et ses hoirs et aians cause de lui laissent joir et user paisiblement, sanz contredit ou empeschement aucun. Et que

ce soit ferme chose et estable à tousjours, nous avons fait mettre à ces lettres nostrc secl duquel nous usions avant que nous venissions au gouvernement de nostre royaume, sauf en autres choses nostre droit et l'autruy en toutes. Donné à Paris le xxm« jour d'avril l'an de grâce mil ccc soyssante et quatre. Ainsi signé : par lo roy. N. de Veires. Visa. (Arch. Nat., sect. hist., JJ94, n» 47, f» 19.)

1364, 23 am/, Paris. Charles V donne les biens confisqués de Jean Doublet, naguère demeurant à Mantes, partisan du roi de Navarre, à Lucas de Maillechat, écuyer, en récompense des setwices rendus par ledit écuyer avec Bertrand du Guesclin, chambellan du roiy notamment en la prise de Mantes et de Meulan.

Charles, par la grâce do Dieu roy de France, savoir faisons à tous presens et avenir que, comme Jehan Doublet, demourant nagaires à Mante, ait touz jours tenu le parti du roy de Navarre et encore tiengne, lequel roy nous a meu et fait guerre et s'est rendu et tenu nostre adversaire et rebelle et de la coronne de France, et pour ce tous ses biens meubles et non meubles soient forfaizet confisquez à nous et à nous appartenans, nous, consid^ rans les bons et agréables services que nous a faiz nostre bien amé Lucas de Maillechat, escuier, en la prinse des villes de Mante, de Mcullent et d'autres forteresses avecques nostre amé et féal chevalier et chambellen Bertren do Gueskin, et en autres pluseurs manières ou fait des guerres, et espérons qu'il nous face ou temps avenir, au dit Lucas avons donné et donnons par ces présentes, pour contemplacion de nostre dit chambellen (jui sur ce nous a humblement supplié, tous les héritages, quelx qu'il soient, que avoit et possidoit, au jour de la prise de la dicte ville de Mante, le dit Jehan Doublet, à les tenir et possider à perpétuel héritage par le dit Lucas pour lui, ses hoirs et aians cause de lui. Si donnons en mandement par ces présentes à touz noz justiciers et officiers et à chascun d'eulx ou à leurs lieux tenans que les diz

héritages baillent et délivrent au dit Lucas ou à son certain commandement, et d'yceul.K comme fieus propres lui et ses hoirs et aians cause de lui laissent joir et user paisiblement sanz contredit ou empeschement aucun. Et que ce soit ferme chose, perpétuelle et estable à tous jours, nous avons fait mettre à ces lettres Dostre seel duquel nous usions avant que nous venissions au gouvernement de nostre royaume, sauf en autres choses nostre droit et Tautrui en toutes. Donné à Paris le xxiii jour d'avril. Tan de grâce mil ccc soxante et quatre. Ainsi signé : par le roy. N. de Veires. Visa :

N. DE Veires.

(Arch. Nat., sect. hist., JJ94, n* 44, f» 18.)

1 364, 24 avril, Paris, Charles V donne à son amé et féal chevalier et chambellan Bertrand du Guesclin, en récompense des services rendus par ledit Bertrand, notamment à la prise de Mantes, les biens confisqués d'un certain nombre d'habitants de celle ville y dénommés,

Charles, par la grâce de Dieu roy de Franco, savoir faisons à touz presens et avenir que, comme de nouvel nous aions conquise pour certaines et justes causes la ville de Mante, et en ycellc ville fussent dcmourans pluseurs personnes dont les noms cy après s'ensuient, c'est assavoir : Jehan de la Paneterie, Phelippes de la Paneterie, Perrinet filz de Pierre de la Chambre, mestre Regnaut de Paris, bailli de Mante, Jehan du Four, Jehan Courbueil, Gigonnet de la Charmetle, Guillaume Berout, Jehan Doublet, Perrin Emcry, Robin des Haies, Estienne Ryve, Guillaume aux Pers, Welet Frérot, Michelet du Temple, Jaquet Rose, Miche'.let le Geôlier, Pierre le Breton, Jaquet Prestel, Chardin Estienne, Pierre de Saint Martin, Jehan de Romilly, Jehan le Caussicr et Guerin des Champs*, et touz les dessus nonmez se soient renduz deshobeissant et rebelles contre nous, pour ce qu^il ont tenu et tiennent la partie du roy de Navarre noslre adversaire, et parmi

ce soient touz les biens des dessus nommez et de chascun d'eulx, tant meubles comme héritages, où que il soient, conCsqués et acquis à nous ; nous, considerans les bons, loyaulx et grans services que nous a fait par lonc temps et fait continuelment sanz cesser nostre amé et féal chevalier et chambellen Bertren de Guesclin, et par especial en la prise et conqueste de la dicte ville de Mante, à cellui Bertren avons donné et octroyé et par ces présentes donnons et octroyons, de certaine science, grâce especial et a ictorité royal, pour lui, ses hoirs, successeurs etaians cause de lui ou temps avenir, perpetuelment, hereditablement et à touz jours, toutes les maisons, hostelx, manoirs et habitacions, champs, vignes, prez, pescheries, rentes et deniers et quelconques autres héritages, rentes et biens immeubles, que avoient, tenoient et possidoient touz les dessus nommez et chascun d^eulx, tant de leurs propres héritages et conques comme de dons faiz à eulx et à chascun d^eulx par le roy de Navarre ou autres en quelque manière que ce soit, tant en la dicte ville de Mante comme ailleurs, en quelconques parties du royaume que ce soit. Si donnons en mandement par ces présentes au prevost de Paris, au capitaine de Mante et h touz noz autres justiciers et officiers, qui à présent sont et pour le temps avenir seront, ou à leurs lieux tenans et à chascun d*eulx que au dit Bertren ou à son certain commandenunt baillent et facent bailler, chascun endroit soy, la possession l):iisible des maisons et héritages et autres rentes dessus nommées reaiment et de fait, et de nostre présent don et octroy laissent et facent joir et user paisiblement et perpetuelment le dit Bertren, SOS hoirs, successeurs et ceulx qui de lui auront cause ou temps avenir sanz aucun empeschement ou contredit. Et pour ce que ce soit ferme chose et estable à tous jours, nous avons fait mettre à ces lettres nostre seel duquel nous usions avant que nous venissions au gouvernement de nostre royaume, sauf en autres choses nostre droit et en toutes Tautruy. Donné à Paris le xxiiii jour d'avril. Tan de grâce mil cccsoyssante et quatre. Ainsy signé : par le roy en son conseil. Yvo.

Yvo.

(Arch. Nat., sect. hist., JJ 94, n» 51, f» 20.)

1364, 25 avril, Mantes, Bertrand du Guesclin, sire de Broons et de la Roche-Tesson, capitaine général en Normandie pour le roi, donne quittance à Renier le Coutelier, vicomte de Bayeux et trésorier des guerres es parties de Normandie, de 140 francs d'or.

Sachent tous que nous Bretran du Guerclin, sire de Bron et de la Roche Tesson, capitaine gênerai en Normandie pour le roy nostre sire, avons eu et receu de Renier le Couteilier, viconte do Baieux et thessorier de guerre es parties de Normandie, la somme de sept vins frans d'or par la main au viconte de Coutences. De laquelle somme de sept vins frans nous tenons pour bien paiez •et en avons donné au dit thessorier ceste lettre de quitance et prometons à li en porter à quit enver touz ceux à qui quitance en pout et deit apartenir. Donné à Mante souz nostre scel le XXV» jour de avril Tan mil m* lxiiii.

(Bibl. Nat., dép. des mss., Quittances, t. XV, n» 6.)

1364, 15 juin. Renier le Coutelier, vicomte de Bayeux et treso^ rier des guerres, donne quittance au receveur des aides au diocèse dÈvreux, de 220 livres tournois qui ont été remis à Bertrand du Gu^clin, capitaine général en la province de Rouen au delà de larirnère de Seine et au bailliage de Chartres.

Sachent tuit que je Renier le Coutelier, viconte de Baiex, trésorier des guerres quant à ce, ay eu et receu de messire Pierrez le Tavernier prestre, receveur dez aidez ordenés pour la redempcion du roy nostre seigneur, que Dieu absoillel et pour le fait de la guerre ou dyoc(:se d'Evreux, la somme de deux cens vint livres

tournois comptans en ii« franz xxii sous tournois pièce, lezquiez ont esté bailliez à noble homme monseigneur Bertran du Glaisquin, sire de Broon et de la Roche Tesson, capitaine gênerai en la province de Rouen oultre la rivière de Saine et ou bailliage de Chartres et ressers d'icelx par sa main en prest sur lez gaiges de lui et dez gens d'armez et archiers qui ont servi et serviront es dis pais soubz son gouvernement. De laquelle somme de ii*xx livres tournois je me tieng pour bien paie. Donné soubz mon seel le xv« jour de jung l'an mil ccclxiiii.