LES LARMES DE JEAN DE MONTFORT A AURAI
» Et adoDC commencèrent missire Jehan Chandos, Robert Quenolle, Hue de Carvalay, et les antres chevaliers qui là estoient à dire au comte qu’il louast Dieu et fist chère joyeuse, quar en celui jour avoit il conquis Teritaige de Bretaigne. Ausqueulx respondit le comte que celle bonne adventure luy estoit advenue par eulx, dont il les mercioit, et principalement missire Jehan Chandos, disant que luy en debvoit savoir plus grant gré que à nul homme du monde. Puis demanda le vin, dont il beut à tout (1) le flacon, quar il n’a voit lors autre vaisseau (2), et après qu’il eut beu il le tendit à missire Jehan Chandos, et le fist boire à celuy mesme flacon, jasoit qu’il reffusast (3).
» Et ainsi que ces seigneurs bevoient après avoir osté leurs armes et se refroischissoient de leurs sueurs et angoisses qu’ils avoient eues et souffertes en combatant, retourna (4) le sire de Cliczon tout enflambé de chaleur, lequel avoit longuement poursseu (5) les annemis, et à grant peine s’estoit peu départir de celle chace (6). Si (7) ramenoit avecques luy ses gens et grant multitude de prisonniers qu’il avoit attains et prins, et vint tout droitement descendre jouxte les bannières du comte et des seigneurs de son ost (8), avecques lesquelx il se vint refroischir, et fist mettre à point (9) la playe qu’il avoit ou visaige et l’œil qu’il avoit blecé, mais il n’y seut oncques tant faire que jamès il en vist goûte.
» Lors se enquist le comte de Montfort que monseigneur Charles de Blois estoit devenu, mais nul ne luy en donna certaine response, et pour ce commanda il sans demeure (10) à deux chevaliers et à deux heraulx qu’ilz allassent cercher (11) le champ, savoir si entre les morts gisoit monseigneur Charles. Lesquelx chevaliers et heraulx, en obéissant au commandement, se transportèrent au champ, et quant ilz vindrent au lieu où avoit esté la bannière de monseigneur Charles gectée (12) par terre, ilz trouvèrent assez près de ce lieu son corps gisant mort à l’envers. Si (13) le drecièrent d’entre les autres et le coupvrirent d’une targe (14), puis retournèrent par devers le comte leur seigneur et luy dirent tout hault, si que (15) checun le pouoit oîr, que il fist bonne chère, quar ils avoient veu son adversaire mort.
^ Adonc se leva le comte et dist qu’il le vouloit veoir, et que aussi grant désir avoit de le veoir mort comme il avoit eu de le veoir vif. Si (16) s’achemina celle part accompagné des seigneurs de son ost, et quand il fut arrivé au lieu où monseigneur Charles gisoit, il le fist descoupvrir de la targe dont il estoit couvert
(1) Avec, ou si Ton veut, à même le flacon.
(2) Vase, coupe.
(3) Quoiqu’il refusât. Ce refus de Chandos n’est pas dans Proissart.
(4) Revint.
(6) Poursuivi.
(6) A grand peine avait-il pu abandonner cette poursuite.
(7) Aussi.
(8) Son armée.
(9) Fit panser la plaie. Proissart ne parle point de ce pansement.
(10) Sans retard. Proissart ne dit point que ce fut Montfort qui s’enquit du sort de Charles de Blois ni qui fit explorer le champ de bataille pour voir si on l’y trouverait.
(11) Parcourir, explorer.
(12) Jetée, abattue.
(13) Ainsi le dressèrent.
(14) D’un bouclier.
(15) Si bien que.
(16) Ainsi il s’achemina. — La phrase précédente fait allusion aux nombreuses demandes d’entrevue faites par Jean de Montfort à Charles de Blois pour arriver à un arrangement.
