FAICTE

Entre les princes , Seigneurs, Gentilshommes, et autres , tant de rEstat Ecclésiastique que de la Noblesse et Tiets-Estats, SubgetS et Habitants du Pais de Picardie.

Au Nom de la Saincte Trinité , et de la Communication du précieux corps de Jésus-Christ , Avons promis et jure sur les Sainctes Evangilles et sur nos vies , honneurs et biens , d'ensuivre et garder inviolablement les choses icy accordées , et par Nous soubz-signées , sur peine d'estre a jamais déclarez parjures , infâmes , et tenus pour gens indignes de toute noblesse et honneur.

Premièrement, estant cogneu d'un chacun les grandes pratiques et conjurations faictes contre l'honneur de Dieu, la Sainte Eglise Catholique , et contre l'Estat et Monarchie de ce Royaulme de France , tant par aulcuns des Snbgets dlcelny que par Estrangers , et que les longues et continuelles guerres et divisions civiles ont tant affoibly nos Rôys et icenh réduits a telle nécessité qu'il n'est plus possible que dVuk-mesmes ils soustiennent la despense convenable ei expedienie pour la conservation de nostre Religion, ne qu'ils puissent par cy-aprés nous maintenir souba leur protection en seùrete de nos personnes , familles et

biens , ausquels par cy-devant nous avons receû tant de pertes et dommaiges.

Avons estimé estre très-nécessaire et à propos de rendre premièrement l'honneur que nous debvons à Dieu , à la manutention de nostre Religion Catholique , et mesme nous monstrer plus affectionnez à la conservation d'icelle, que les desvoyez de la bonne Religion ne sont à Fadvancement d'une nouvelle et faulse opinion.

Et à cet effet jurons et promectons de Nous employer de toutes nos puissances à remectre et maintenir l'exercice de nostredite Religion Catholique , Apostolique et Romaine , en laquelle Nous et nos Prédécesseurs avons esté nourris , et voulons vivre et mourir.

Et jurons et promectons aussi toute obéissance , honneur , et très-humble service au Roy Henry à présent régnant , que Dieu nous a donné pour nostre Souverain Roy et Seigneur légitimement appelé par la Loy du Royaulme à la succession de ses Prédécesseurs , et après luy à toute la postérité de la Maison de Valois , et autres , qui après ceulx de la ladite Maison de Valois seront appelez par la Loy du Royaulme à la Couronne.

Et sur l'obéissance et service que Nous sommes tenus par tous droits de rendre à nostredit Roy Henry à présent régnant, promectons encore d'employer vies et moyens pour la conservation de son auctorité et exécution des comman démens qui par lui et ses Lieutenans généraulx , ou autres ayans de par luy pouvoir, nous seront faits, tant pour maintenir le seul exercice de la Religion Catholique , Apostolique et Romaine en France , que pour renger à raison et en sa pleine obéissance sesSubgets rebelles, sans recongnoistre autre quiconque soit que luy , etceulx-là qui de par luy nous sera commandé.

Et daultant que par la bonté et prudence de nostredit Roy et Souverain Seigneur , il luy a pieu tant faire de bien

a tous ses Subgets de son Royaulme , que de les convoquer à une assemblée générale de tous ordres et estats d'iceluy , pour entendre les plaintes et doléances de sesdits Subgets , et faire une bonne et sainte réformation des abus et désordres qui ont continué dès long-temps par cedit Royaulme, espérant que Dieu nous en donnera quelque bonne résolution par une si bonne et grande assemblée , promectons et jurons d'employer nos moyens et vies pour rentière exécution de la résolution prise par lesdits Estats , en ce qui dépendera notamment de la manutention de nostre Religion Catholique , Apostolique et Romaine , conservation de la grandeur et auctorité du Roy , bien et repos de nostre patrie , le tout néaultmoings sans préjudice de nos libertez et franchises anciennes , ausquelles entendons estre tousjours pleinement et entièrement maintenus et conservez.

Et à l'effet encore que dessus , Nous tous soubz-signez promectons de nous tenir prests bien armez, montez et accompagnez selon nos qualitez , pour incontinent que nous serons advertis exécuter ce qui nous sera commandé par le Roy nostredit Souverain Seigneur , par ses Lieutenans généraulx , ou autres ayans de luy pouvoir et auctorité , tant pour la conservation de nostre Province , que pour aller ailleurs s'il est besoing pour la conservation de nostredite Religion et service de sadite Majesté.

Sans qu'il soit loisible ny permis aux Gentilshommes de prendre party ny charge sous autres Cornettes que celles du Chef ou des Bailliages ausquels ils seront resceans, si ce n'est avec permission et congé du Roy ou de son Lieutenant , ou bien du Chef esleu à ladite Association, qui est Monsieur de Humières , auquel promectons rendre tout honneur et obéissance.

Au Conseil duquel seront appeliez et employez six des principaux Gentilshommes de la Province et autres de qua-

îité et fidélité requise , pour avec leur advis pourvoir à l'exécution des choses susdites , à la despense, entretennement et autres frais convenables et nécessaires à tel effect, selon que ledit pays en pourra porter et fournir.

Pour lequel pays nous offrons à cet effect jusques au nombre de quatre Cornettes , gens de cheval bien montez et armez et unze enseignes de gens de pied , tant pour la conservation de ladite Province , que pour employer ailleurs où il serabesoing, sans nullement y comprendre ceux des Ordonnances, attendu qu'ils sont obligez de servir ailleurs ; et si pour chacune compagnie , soit de gens de cheval ou de gens de pied , seront nommez trois Gentilshommes du pays de valeur et expérience au Lieutenant du Roy , ou à celuy qui aura ce pouvoir de Sa Majesté pour faire choix et eslection de l'un d'iceux.

Et parce que telles levées ne se peuvent faire sans grands frais et despenses , et qu'il est très-juste à tel expédient et nécessité d'employer tous les moyens que chacun peut avoir , sera levé et prins sur le pays les sommes de deniers à ce convenables et nécessaires par l'advis du Lieutenant du Roy ou autre ayant pouvoir de Sa Majesté , dont elle sera après suppliée de les vouloir auctoriser et valider , attendu que c'est pour occasion si saincte et si expresse , que le service mesme de Dieu et celuy de Sadite Majesté; en laquelle levée de deniers neaultmoings ne sera aucunement comprise la Noblesse, attendu qu'elle fera service personnel , ou bien fournira gens , chevaulx , et armes, selon qu'il leur sera ordonné par le Chef de la Ligue, ou autres par luy députez.

Et pour tant plus facile exécution desdits frais seront en chacun Bailliage ou Séneschaulcée dudit pays députez ung ou deux Gentilshommes , ou autres de suffisance et fidélité requise, pour informer des moyens , et entendre par-

ticulierement sur les lieux ce qui sera sur ce mestier et de besoing , pour après le rapporter , et en instruire ceulx qui en seront chargez par le Gouverneur ou Lieutenant pour le Roy audit pays , ou autre ayant de luy pouvoir.

Et si aucuns desdits Catholiques de ladite Province , après avoir esté requis d'entrer en la présente Association, faisoient difficulté , ou usassent de longueur, attendu que ce n'est que pour l'honneur de Dieu , le service du Roy , bien et repos de la patrie , sera estimé en tout le pays ennemy de Dieu et déserteur de sa Religion , rebelle à son Roy , Trahistre et proditeur de sa patrie , et du commun accord et consentement de tous les gens de bien habandonné de tous , et délaissé et exposé à toutes injures et oppressions qui lui pourraient survenir, sans qu'il soit jamais receu en compagnie, amitié et alliance des susdits associez et confederez , qui tous ont promis amitié et intelligence entre eulx , pour la manutention de leur Religion, service du Roy , et conservation de sa patrie, de leurs personnes , biens et familles.

Promectons en oultre Nous conserver les ungs les autres sous l'obéissance et auctorité de Sa Majesté en toute seùreté et repos , et nous préserver et défendre de toute oppression d'aultruy ; et s'il survient quelque différend ou querelle entre nous, en sera composé par le Lieutenant général du Roy, et ceulx qui par luy seront appeliez, qui fera exécuter sous le bon plaisir et auctorité de Sadite Majesté ce qui sera advisé estre juste et raisonnable pour nostre réconciliation.

Et s'il est advisé pour le service du roy , bien et repos de ladite Province , pour parvenir à leffect de nos intentions , qu'il soit besoin prendre correspondance avec les autres Provinces circonvoisines , Nous promectons les secourir et aydewde toutes nos puissances 61 moyens, ainsi

qu'il sera ordonné par ledit Lieutenant du Roy , ou autre ayant pouvoir de Sa Majesté.

Et aussi promectons de nous employer de tous nos pouvoirs et moyens pour conserver et garder l'Estat Ecclésiastique de toute oppression et injure. Et si par voie de fait ou autrement , aulcun entreprend leur porter dommaige , soit en leurs personnes ou en leurs biens , nous y opposer ,'et les en deffendre , comme estans unis et associez avec eulx pour la deffense et conservation de l'honneur de Dieu et de nostre Religion.

Aussi parce que ce n'est nostre intention de travailler aulcunement ceulx de la nouvelle opinion qui vouldront se contenir sans entreprendre aulcune chose contre l'honneur de Dieu , service du Roy , bien et repos de ses Subgets , promectons les conserver sans qu'il soit aulcunement recherchez en leurs consciences , ni molestez en leurs personnes , biens , honneurs et familles , pourveu qu'ils ne contreviennent aulcunement à ce qui sera par Sa Majesté ordonné après la conclusion des Estats généraux , ny à chose quelconque de ladite Religion Catholique.

Et daultant que cette cause doit estre commune indifféremment à toutes personnes qui font profession de vivre en la Religion Catholique , Nous soubz-signez admectons et recepvons en la présente Union toutes personnes appellées en autorité et estât de judicature et de justice , Corps de Villes et Communaultés d'icelles, et généralement tous autres du tiers Estât vivans catholiquement , comme dit est , promectant par semblable les maintenir , conserver et garder de toute violence et oppression , soit en leurs personnes , ou en leurs biens , chacun en son estât et vaccation.

Nous avons promis et juré de tenir les Articles susdits , et les observer de poinct en poinct sans jamais y contrevenir, et Éâïîs avoir égard à aulcune amitié, parentajgeet

alliance que nous pourrions avoir à quelque personne , de quelque qualité et Religion qu'il soit , qui vouldroit contrevenir aux commandemens et Ordonnances du Roy , bien et repos de ce Royaulme , et semblablement de tenir secrette la présente Association , sans aulcunement la communiquer ny faire entendre à quelque personne que ce Boit, sinon à ceulx qui seront de la présente Association : ce que Nous jurerons et affermerons encore sur nos consciences et honneurs , et soubz les peines cy-dessus mentionnées ; le tout soubz lauctorité du Roy , renonceans à toutes antres associations . si aucunes en avoient esté cy-devant faict*

J. Hurm L. Chaulnes.

F. de Pm\.

A. de Honchy.

s de Monchy.

De Payllart.

Mailly"

Authoine de Gouy.

Louys de Querecques.

Louis d'Estourmel.

Adrian de Bouflen, F, de S. Iïlymond.

De Rouveroy.

Jehan de Btjttlt |j. dfl Warluzer.