HISTOIRE DE CHARLES YI

plusieurs morts et pris , et les autres qui demeurèrent furent contraints de eux retraire audit heu de Calais.

Quand les Anglois virent qu'ils estoient si fort pressés, ils se lenoient jouret nuict serrés emmy les champs, et firent plusieurs grandes offres , à ce qu'on les laissast passer. Et mesmement offroient comme on dit, à délaisser ladite place de Harfleur , et la mettre es mains du roy^ et rendre les prisonniers sans finance, ou à faire paix finale, et bailler ostages à tenir tout ce qu'ils promettoient. Les seigneurs et capitaines furent assemblés , pour sçavoir ce qu'on feroit. Et desja avoit-on envoyé diligempient quérir Je duc d'Orléans , le duc de Brabant, le comte de Nevers et autres. l\ y eut diverses opinions et imaginations : les uns disoient qu'on les laissast passer sans combatre, et que à faire bataille estoit chose bien dangereuse : car combien qu'on voulust dire que la compagnée des seigneurs fut grande et puissante, et gens bien armés et habillés, et gentilshommes qui ne daigneroient faire faute. Et que les Anglois estoient fort foulés , leurs harnois mal à poinct, et les jaques des archers usées et deschirées. Toutesfois, vcu qu'ils estoient hors de leur pays et en danger, ils se venderoient bien avant qu'ils fussent desconflts , ou au moins qu'ils ne fissent leur devoir. Et supposé que Dieu en donnast la victoire aux François, si ne seroit-cepas sans grand dommage. El si estoit la chose bien douteuse, et sont souvent les evenemens des batailles en grand danger et péril. Et si une fois les archers anglois joignoient aux hommes d'armes françois , qui estoient fort pesamment armés , et que iceux hommes d'armes fussent mis hors d'haleine, la desconfilure pourroit cheoir sur eux : et qu'il ne falloil qu'aller assiéger Harfleur, et que de léger on l'auroit. Et que si on deliberoit de combatre, qu'on employast les communes , et qu'on s'en aidast. Et disoit-on que le connestable d'Albret, le mareschal Boucicaut, et plusieurs autres anciens chevaliers et escuyers, qui avoient veu et fréquenté les armes , estoient de cestc opinion. Les ducs de Bourbon, d'Alcnçon et autres, furent de contraire opinion, disant que veu les offres que faisoient les Anglois, qu'ils estoient ja à demy desconfits, et qu'ils n'arrestoroient point, et qu'ils avoient assez de puissance sans les communes , et ne les falloil ja appoller. En disant que ceux qui

estoient de contraire opinion avoient peur. A quoy fut bien respondu parles autres, lesquels monslrerent par expérience qu'ils n'estoienl pas peureux. Finalement fut conclud qu'on les combatroil. Et fut ordonné qu'il y auroit gens à cheval, qui frapperoient sur les archers anglois, pour leur rompre leur traict, c'est à sçavoir messire Gaulvel, seigneur de la Ferté-Huberl en Soulongne, messire Clignet de Brebant et messire Louys du Bois-Bourdon , tous renommés d'estre vaillans , et lesquels de tout temps avoient fréquenté les armes. Nobles arrivoient de toutes parts. Or quand le roy d'Angleterre veid qu'il falloil combatre, et qu'il luy sembloil qu'il estoit mis en son devoir, il parla bien et grandement à ses princes, chevaliers et escuyers, et gens de traict, et les animoit à se bien défendre, en leur donnant grand courage. Et délibéra d'attendre les François , s'ils le vouloient assaillir. Il fut tant chevauché par les François, que d'un costé et d'autre ils s'entre-virent. Et vindrent en un champ bien mol, car il avoit bien longuement pieu, et mirent pied à terre. Les François estoient pesamment armés et estoient en la terre molle jusques au gros des jambes, ce qui leur estoit moult grand travail : car à grande peine pouvoient-ils ravoir leurs jambes et se tirer de la terre. Et commencèrent à marcher jusques à ce que le traict cheoit bien dru d'un costé et d'autre. Et lors lesdits seigneurs de cheval bien hardiment et vaillamment voulurent venir sur les archers, lesquels commencèrent à se adresser contre ceux de cheval, et leurs chevaux, bien chaudement. Quand lesdits chevaux se sentirent férus des flèches, il ne fut oncques en la puissancedes hommes d'armes de passer outre. Mais retournèrent les chevaux, etsembloitque ceux qui estoient dessus s'enfouissent , et aussi fut l'opinion et imagination d'aucuns , et leur en donnoit-on grande charge. Les François n'eurent guieres de dommage du traict des Anglois , car ils estoient fort armés. Aussi les François à l'approcher , ne nuisirent comme point aux Anglois. Mais quand se vint au joindre, les PYançois estoient comme ja hors de haleine, par le moyen dudit mauvais chemin qui y estoit. El y eut de grandes vaillances d'armes , mesmement disoit-on que le duc d'Alençon fil merveilles de son corps. Finalement les archers d'Angleterre légèrement armés frappoient el abbattoicnt les François à

las, el sembloil que ce fussent enclumes sur quoy ils frappassenl. Il y en eul qui se lelrahirenl ou enfuirent. Et cheurent les nobles françois les uns sur les autres , plusieurs y furent estouffés, et les autres morts, ou pris. Après la desconfiture, il vint un bruit, que le duc de Bretagne grandement accompagné vcnoit, dont les François se rallièrent, qui fut un bien grand mal , car la plupart des Anglois tuèrent leurs prisonniers. Et y furent morts les ducs d'Alençon, de Bar et son frère, le duc de Brabant, les comtes de Nevers et de Marie, le seigneur d'Albret connestablc de France, l'archevesque de Sens, et de chevaliers et escuyers , jusques au nombre de bien quatre mille. Il y eut de prisonniers bien quatorze mille, entre lesquels estoicnt les ducs d'Orléans et de Bourbon, les comtes de Vendosme et de Richemont , et le mareschal Boucicaut. Et sur tous ceux qui se portèrent bien vaillamment, et fort combatirent, et Anglois et François donnèrent l'honneur au duc d'Alenlençon, et estoit fort plaint d'un costé et d'autre 5 car il s'y estoit si vaillamment porté, qu'on ne pourroit guieres mieux. Des Anglois y en eut aussi de morts : mais non mie à comparer. Entre les autres y mourut le ducd'Yorck. Plusieurs des prisonniers françois s'en revindrent , les uns sur leur foy, les autres pleigés par ceux qu'on menoit en Angleterre. Et si y avoit un gentilhomme baillif de Boulongne, qui y fit grand bien. Car aucuns des Anglois le cognoissoient d'estre preud'homme, dont à sa caution en délivrèrent grande foison. Les serviteurs des morts après la bataille, allèrent voir les morts, pour cuider trouver leurs maistres. Aucuns furent recognus, mais bien peu. Plusieurs églises et cimetières y avoit à renviron,où on enterra une partie desdits morts, et les autres es fossés parmy les champs. Et estoit grande pitié de voir les gens faisans deuil de ladite desconfiture sur les François, el monstroit-on au doigt ceux qui s'en estoient retournés et fuis de la bataille. En plusieurs lieux de ce royaume y avoit dames et damoiselles vefves, et pauvres orphelins. Et s'esbahissoient plusieurs , que le duc de Bourgongne, qui estoit assez près des marches où la bataille avoit esté faite, n'y avoit esté, ou envoyé. Et disoiton communément, qu'il ne faisoit semblant d'en avoir courroux. Et se semoienl plusieurs el diverses paroles, el en disoit chacun ce qu'il

PAR lEAN JUVENAL DES URSIINS.

pensoit, sans ce que de vray on en sceust rien. A Paris mcsmes y en eut , qui en parlèrent <i leur plaisir , en monslrant signe de joye. En disant : « Que les Armagnacs estoient descon- » fîts, et que le duc de Bourgongne à ceste fois » viendroit au dessus de ses besongnes. » Dont les aucuns furent punis par justice. Les gens de bien disoient, « que c'estoit une punition » divine , et que Dieu vouloil abbatre l'orgueil » de plusieurs. »

Sur ceste matière aucuns autres ont escrit , en la manière qui s'ensuit.

Après que le roy d'Angleterre fut parly do Ilarfleur, il prit son chemin par devers Fescamp, s'en alla droit à Arques, et ne trouva aucun empeschement. De là il s'en alla sur la rivière de Somme, et trouva empeschement de ponts brisés en aucuns lieux. Finalement il passa sans aucun destourbicr, ny sans aucune défense, et alla droit vers Sainct-Paul en Artois. Nos gens , et tous nos seigneurs de France estoient sur les champs. Et avoient laissé à Rouen le roy et monseigneur de Guyenne, le duc de Berry, le roy de Sicile , et peu de gens avec eux. Or avoit esté faite l'ordonnance à Rouen , pour livrer la bataille aux Anglois , en la manière qui s'ensuit. Premièrement, en l'avantgarde estoient ordonnés le duc de Bourbon, le mareschal Boucicaut, et messire Guichard Dauphin. En la bataille le duc d'Orléans chef, le duc d'Alençon , le connestable , et le duc de Bretagne. Toutesfois il s'excusa, disant, «qu'il » n'y mettroit ja le pied si le duc de Bourgon- » gne, son cousin, n'y estoit. » Ce que les autres seigneurs ne vouloient pas , mais le faisoient contremander par le roy, et défendre qu'il ne vint, tant comme ils pouvoient. Et avoit dit ledit duc de Bretagne , « qu'il estoit » bien besoin que le duc de Bourgongne y fust. » Car quand tous les subjets du roy, et ses » bien-veuillans et alliés y seroient, on auroit » assez à faire à desconfire ses ennemis , qui » estoient moult forts. » Et est vray, que le roy d'Angleterre descendit en France , accompagné de quatre mille hommes d'armes , de quatre mille gros valets armés de cappeline: berruyeres , haubergeons , grosses jaques, et grandes haches, et de trente mille archers, qui avoient chacun haches, espées, et dagues. En l'arriere-garde des François , estoient le duc de Bar , le comte de Nevers , le comle de Charolois, et messire Fcny frère du duc de Lor-

raine. Et es aisles, le comte de Richemont, et inessire Tanneguy prevost de Paris. Et ceux de cheval , pour ronipre la bataille des Anglois , estoient monseigneur Tadmiral, elle seneschal de Ilainaut. Et de toute icelie ordonnance rien ne se fit, car le duc de Bretagne demeura à Amiens, et les autres seigneurs allèrent outre vers ledict Sainct-Paul, et par delà.

Le dimanche vingtiesme jour d'octobre, ils firent sçavoir aux Anglois qu'ils leurs livreroient bataille le samedy ensuivant. Dont le roy d'Angleterre fut moult joyeux , et donna au héraut qui luy apporta la nouvelle, deux cens escus et une robbe. Nos gens et les Anglois estoient près les uns des autres.

Le jeudy ensuivant, vingt-quatriesme jour d'octobre, nos gens délibérèrent de combatre le lendemain à la requeste des Anglois , lesquels avoient eu faute de vivre par trois jours , et requeroient qu'on leur livrast bataille , ou vivres, ou passage. Et ne firent les François de toutes leurs gens que deux batailles. En la première bataille voulurent eslre tous les seigneurs, afin que chacun eust autant d'honneur lun que l'autre, car autrement ils ne se pouvoient accorder. Et estoient par nombre en icelie première bataille cinq mille chevaliers etescuyers, lesquels ne firent oncques coup. Et en la seconde trois mille , sans les gros valets, et les archers et arbalestriers. Quand les Anglois le sceurent , ils eleurent une belle place et herbue entre deux bois. Et au devant d'eux un peu loin , y avoit un ausîre bois, auquel ils mirent grande embusche de leurs archers. Et à l'un des bois, qui leur estoit à costé , mirent grande embusche de leurs gens d'armes à cheval.

Quand se vint le lendemain au matin , qui fut le vingt-cinquiesme jour d'octobre mille quatre cens et quinze, feste des benoists corps saincts Crespin et Crespinien , adorés à Soissons. Nos gens s'approchèrent des Anglois , et en leur chemin trouvèrent terres labourables molles , pour la pluye qu'il avoit fait icelie semaine, pourquoy ils ne pouvoient pas bien aller avant. Et quand ils cuiderent trouver quatre cens hommes de cheval, qu'ils avoient ordonnés le jour de devant, pour rompre la bataille des Anglois, ils n'en trouvèrent pas quarante. Mais quand ce vint à l'approcher, oncques les archers et arbalestriers de nos gens, n'y tirèrent fleschc ne vire : ce fut;iprés

YI, ROI DE FRANCE, (I4l5)

huict heures du malin. Et avoient nos gens le soleil en l'œil , lesquels pour mieux endurer et passer le traict des Anglois , se baissèrent , et enclinerent vers terre les testes. Quand les Anglois les virent en tel estât, ils s'approchèrent d'eux, tellement que nos gens ne le sceurent oncques, jusques à tant qu'ils frappèrent sur eux de bonnes haches. Et les archers , qui estoient derrière en embusche, les assaillirent de traict par derrière. De plus, les gens à cheval, que les Anglois avoient mis au bois dessus dit, saiUirent dehors en flote, et vinrent par derrière sur la seconde bataille de nos gens , qui estoient près des premiers , de deux lances. Et firent iceux Anglois à cheval un si grand et merveilleux cry qu'ils espouventerent tous nos gens , tellement que nos gens d'icelle seconde bataille s'enfuirent. Et tous ceux qui estoient en la première bataille, seigneurs, et autres, furent desconfits, et tous morts ou pris. Et eut victoire en icelie journée le roy d'Angleterre. Laquelle besongne fut la plus honteuse qui oncques advint au royaume de France, De là s'en alla le roy d'Angleterre à Calais , et emmena tous les prisonniers, entre lesquels estoient des seigneurs, le duc d'Orléans', le duc de Bourbon, le comte d'Eu, le comte de Vendosme, le comte de Richemont et le mareschal Boucicaut. Et leur donna à disner le dimanche ensuivant, et à chacun d'eux une robbe de drap de damas. Et leur dit « qu'ils » ne s'émerveillassent pas, s'il avoit eu la vic- » toire contre eux , de laquelle il ne s'attribuoit » aucune gloire. Car c'estoit œuvre de Dieu , » qui leur estoit adversaire pour leurs péchés : wet que c'estoit grande merveille, que pieça » ne leur estoit mescheu : car il n'esloit mal , » ne péché , à quoy ils ne se fussent abandon- » nés. Ils ne tenoient foy ne loyauté à créature » du monde en mariages , ne autrement. Ils )) commettoient sacrilèges en desrobant et vio- )) lant églises : ils prenoient à force toutes ma- » nieres de gens , femmes de religion , et autres. » Ils desroboient tout le peuple, et le destrui- » soient sans raison. Et pource il ne leur » pouvoit bien venir. » Et rapporta , comme i on disoit , ces choses un nommé Tromagoi; , ' valet de chambre du roy, lequel avoit esté prisonnier, et estoit venu quérir sa rançon, qui se montoit à deux cens francs, et l'avoit pleigé

' Charles d'Orlc^ans, petit-fils de Charles V, père de r.oiiis \!I et oiirie de François I".

le duc d'Orléans, conmie on disoil. Le prevost de Paris ne fut pas à la journée, pource qu'il y vint trop tard. Le connestable, le duc de Ear, et le comte de Nevers y moururent , comme encore l'archevesque de Sens, qui fut peu plaint, pource que ce n'estoit pas son office. Du comte d'Alençon ne sçavoit-on nouvelles : mais il fut depuis trouvé mort. Le comte de Charolois esloit demeuré à Aire, par le conseil du seigneur de Hely, lequel mourut en la place , et ne le voulurent faire prisonnier les Anglois , pource que dernièrement il avoit rompu sa prison en Angleterre. On dit en outre , que quand le duc de Brabant , frère du duc de Bourgongne, oyt parler des préparatifs que le roy faisoit, il envoya devers luy un sien notable officier, et baillif , lequel de par iceluy duc de Erabant, offrit au roy, présent le conseil , « de le venir servir à tout quatorze » cens chevaliers et escuyers , et six cens hom- )) mes de Iraict, sans ses amis et alliés. » Auquel fut dit , « qu'on luy avoit pieça escrit, qu'il )) amenast certain nombre de gens , » et ledit baillif respondit , « que sondit seigneur n'en M avoit eu aucunes nouvelles. » Adonc luy fut dit, « que si le connestable et le duc de Bour- ))bon lemandoient, qu'il vint, m Et ledit baillif respondit, « qu'il se doutoit qu'il ne vint pas , » si le roy mesme ne le mandoit. » A quoy fut respondu , « qu'on luy manderoit assez à temps. » Et à tant s'en retourna ledit baillif. Si advint qu'on fit sçavoir la journée audit duc de Brabant bien tard , parquoy il n'eust peu avoir ses gens : mais luy-mesmes de grand courage y vint luy douziesme , et se trouva à la bataille. Si se fourra dedans , et là demeura mort avec son frère le comte de Nevers.

Deslors que le roy d'Angleterre fut acertené delà bataille devoir estre le samedy dessusdit, es jour precedens iceluy samedy, il manda tous ses capitaines , et ses gens par parties. Et leur monstra , comme on dit , « que de toute » ancienneté ses prédécesseurs avoient main- » tenu avoir droict au royaume de France : et » que à bon et juste titre il y estoit venu pour M faire son pouvoir de le conquerre , et n'y es- » toit pas venu comme ennemy mortel ; car il » n'avoit pas consenti de bouter feux , ne ra- » vir, violer, ne efforcer filles et femmes, » comme on avoit fait à Soissons : mais tout » doucement vouloit conquérir ce qui estoit » sien , non pas le destruire du tout. Parquoy

PAR JEAN JUYEjNAL DES UllSINS.

» leur disoit, qu'il avoit vraye espérance en » Dieu de gaigner la bataille, pource encore )) que ses adversaires estoient tous pleins de )) péchés , et ne craignoient point leur Crea- » leur : )> et leur commanda , k que si aucuns » avoient rancune les uns contre les autres , )> qu'ils se missent en paix et concorde, et )) que tous se confessassent et réconciliassent » aux prestres, qui estoient en sa compagnée, » ou autrement bien ne leur pourroit venir. » En les enhortant « d'estre bonnes gens à la » journée et de faire bien leur devoir. ))Et afin que chacun fust bon homme , il leur accorda « que tous les prisonniers, que chacun d'eux )) pourroit prendre, seroient à eux franchc- )) ment, et auroit chacun d'eux de ses prison- )) niers tout le profit, sans qu'il en eust aucune » chose, s'ils n'estoient ducs ou comtes prison- » niers. » Et avec ce il leur accorda, « que » tous ceux de sa compagnée qui n'estoient » nobles, il les annobliroit et leur en donne- » roit lettres, et vouloit que dès lors ils jouys- >) sent de telles franchises, comme les nobles )) d'Angleterre. )> Et afin qu'on les cognust, « il leur donna congé de porter un collier , )) semé de lettres S, de son ordre. )> Et devant l'heure qu'ils entrèrent en bataille, il les fit mettre à genoux les mains levées au ciel par grant espace. Et leur donna la bénédiction l'un des evesques de sa compagnée.

Après celle journée et desconfiture, pource qu'on se doutoit que le duc de Bourgongne, qui estoit à Dijon, quand il sçauroit la mort de ses frères , ne voulust venir devers le roy , accompagné de gens d'armes, dont il avoit grand nombre, on disoit communément qu'on avoit advisé, afin qu'il ne vint point , qu'on lui feroit à sçavoir , « que le roy luy donneroit par » chacun an de pension quatre-vingts mille es- )) eus. Son fils le comte deCharolois,seroitgou- » verneur de Picardie. Et il envoyeroit quatre » de ses meilleurs et plus privés chevaliers » devers le roy, qu'il seroit continuellement » au conseil du roy afin qu'on ne fist aucune )) chose contre l'honneur de luy duc de Bour- » gongne. » Et fut ordonné que monseigneur de Guyenne luy escriroit lettres de sa main , <( qu'il n'eust aucune desplaisance, s'il ne ve- » noit devers le roy , jusques à Noël , et que à » Noël il viendroit. » Mais on disoit, que ce n'estoit que pour luy rompre son coup de ses gens d'armes , et pour le travailler et luy faire

faire despenses. El pource on fit publier de par le roy par toutes les bonnes villes , et premièrement à Paris , en défendant « que aucun du » sang royal ne vinst, ne entrast dedans Paris.» Et disoit-on que ce faisoient faire ceux qui gouvernoient la ville de Paris, se doutans que si le duc de Bourgongne y venoit, qu'il n'y fist desplaisir. Et estoit chose publique parmy Paris , que lesdits gouverneurs de la ville de Paris avoient fait faire quatre mille haches bien tranchans, dont ils noircirent les fers, afin qu'on ne les apperceust si tost. Et les devoit-on distribuer par plusieurs dizaines parmy Paris, à gens ordonnés à ce, lesquels, si le duc de Bourgongne approchoit de Paris , dévoient tuer tous ceux qu'ils sçauroient estre joyeux de sa venue. Mais comme on dit, aucuns en adviserent le prevost de Paris, qui mil empeschement en la besongne. Et encores afin que ledit duc de Bourgogne ne vinst si tost à Paris, il fut ordonné, comme on disoit, que le duc de Guyenne, le duc de Berry , et le duc de Bretagne iroient à Meaux, le onziesmejour de décembre ensuivant, et là parleroient au duc de Bourgongne . et le roy viendroit à Paris. Et comme dessus est dit, le treiziesme jour de novembre furent publiées les lettres d'abolition, comme le roy remelloit (ous cas perpétrés , en faveur du duc de Bourgongne. « Et que si aucuns à cause de ce es- » toient détenus prisonniers, ou en procès, » tant en cour d'église qu'en cour laye, il vou- 1) loit qu'on les delivrast à pur et à plain , no- » nobstant les dessus nommés : » Lesquelles sembloient à plusieurs estre bien captieuses, pource que les exceptés n'y estoient point nommés. Et que soubs ombre de ce, à tous ceux qui relourneroient , on pourroit dire qu'ils seroientdes exceptés. El encore nonobstant, le jeudy vingt et uniesmc jour de novembre, on cria cl publia de par le roy par ses lettres patentes « qu'on ne laissas! passer 1) par nul passage aucuns seigneurs, ne au- » cuns gens d'armes du sang royal , ne autres : >» cl qu'on rompist les ponts , et eflondrast les 1) bacs et grands bateaux audevant de ceux » (jui voudroienl venir devers Paris, et autre » part où le roy seroit. » Et tout ce faisoil, comme on disoit, pour empeschcr la venue du duc de Bourgongne devers le roy.

Quand les nobles cl autres estais dAngle- Icrre, sceurent la victoire que le roy d'Angle-

terre avoil eue , ils envoyèrent devers lui une bien noble compagnée à Calais , et firent devant luy un bien notable propos. En remerciant et louant Dieu d'icelle victoire, et en l'exhortant qu'il voulusl continuer son entreprise, sans désister aucunement : et luy offroienl de par tout son royaume toute leur chevance, et leurs corps, à y aider.

Le samedi vingt-neufviesme jour dudit novembre , il entra en mer pour aller en Angleterre, et emmena avec luy tous ses plus gros prisonniers, et des autres il en mil aucuns à rançon , et leur dit qu'ils luy apportassent leur rançon au champ du Lendi, le jour delà Sainct- Jean d'esté^ et s'il n'y estoit , ils esloient quilles de leur rançon.

En icelle semaine, le roy estant à Rouen, et avec luy le roy de Sicile, le duc de Berry, et le duc de Bretagne, la garnison de Ilartleur vint courir jusques à deux lieues de Rouen, et emmenèrent plus de cinq cens prisonniers : mais non pas loin, car ils furent tous rescous, cl grand nombre d'Anglois tués.

Or est-il vray , qu'il estoit commune renommée, que pour lors à la journée de la bataille, à rheure que les Anglois se combaloient avec nos gens, aucuns qui s'en adviserent allèrent piller les sommiers du roy d'Angleterre, et furent menés aucuns d'eux à Hesdin, et là furent trouvés plusieurs joyaux, et autres choses de grande valeur.

L'an mille quatre cens et quinze, le seiziesme jour de novembre, furent publiés en parlement lettres touchant le faict de l'abolition , de laquelle mention est faite ci-dessus.

Charles par la grâce de Dieu roy de France à nos amés et féaux conseillers, les gens qui tiendront nostre prochain parlement, salut, et dileclion. « Comme par certaines nos lettres )) contenans l'ordonnance de paix, nous ayons » fait, donné et octroyé abolition à tous , de » quelque estai, auclorité, ou condition qu'ils » soient, de tout ce qui a esté fait à nosire des- » plaisir, et contre nostre volonté, pour avoir » aidé , servy, et favorisé nosire Irés-clier el )) aimé cousin le duc de Bourgongne, depuis )) le trailé de la paix Oiile à Pontoise. El depuis » par nos autres lettres, et pour les causes el » considérations contenues en icellcs. Nous, » de nostre plus ample grâce, plaine puis- » sance, el auclorité royale, ayons ordonné, » voulu, cl ociroyé ladite abolition esire gène-

PAR JEAN JUVENAL DES URSINS

ôSS

raie. Et que en icelle soient compris tous de quelque estât qu'ils soient, excepté quarantecinq personnes nommées en icelles lettres, qui esloient, et sont de ceux qui par notre justice ont esté bannis pour la cause dessusdite. Et neanlmoins ayons entendu que plusieurs juges tant séculiers comme d'église, détiennent prisonniers, et en procès, pour la cause dessus dite, et les dépendances, plusitHirs qui sont compris en ladite abolition, qui ne sont pas du nombre desdits quarantecinq réservés. Nous qui voulons lesdites ordonnances et abolitions avoir, et sortir leur plain effect, vous mandons , et expressément enjoignons, que tous ceux qui sont, ou seront détenus prisonniers, ou en procès, pour la cause dessus dite, et les dépendances, par devant aucuns juges séculiers, ou d'eglisc, dont il vous apperra, vous faites délivrer et mettre hors de prison et de procès, entant qu'il touche nous et justice. En imposant sur ce silence à nostre procureur, et à tous autres procureurs d'ofTice. Et contraignez à ce faire tous ceux qui pour ce seront à contraindre, par toutes voyes deues et raisonnables. Si pour autre cause que pour celle dessus dite, aucuns d'eux n'estoient emprisonnés, ou tenus en procès , sans toutesfois aucunement toucher à ce qui touche nostre foy, ne aux procès qui en dépendent. Ausquels procès nous ne voulons aucunement toucher, ne iceux empescher. En faisant icelles ordonnances, et abolition tenir et garder selon leur forme et teneur. Mandons et commandons à tous nos justiciers , officiers , et subjets, que à vous en ce faisant, obéissent et entendent diligemment. Donné à Rouen le septiesme jour de novembre, l'an de grâce mille quatre cens et quinze, et de nostre règne le trentesixiesme. » Ainsi signé, par la relation du grand conseil, duquel, vous, l'archevesque de Bourges, le chancelier de Guyenne, les evesques de Lisieux, et d'Evreux. les maistres des requestes, et autres du conseil estoient.