Religieux, t. VI, p
2. Allusion aux conventions secrètes faites avant les conférences de Meulan. Voir ue loin, chapitre vur.
8. Dans les lettres du 11 septembre, adr essées à la veuve du duc et à son fils, Charles VI, sûus la dictée d’Isabeau, parlait du « grant vouloir que nostre dit cousin a tousjours eu à la conservacion de nous et de nostre royaume, et au reboutement des Angloixz no3 anciens ennemis et adversaires » (Original, Moreau, 1425, pièce 83, et La Barre, t. I, p. 2136). On voit quelle était la sincérité de cette déclaration.
hault et excellent prince, desirons très ardamment vous communiquier, afin que vostre haulte .excellence, que autres fois avons trouvée plaine de foy et de verité, soit des choses advenues au vray informée, et que clerement eongnoissiez par quelles gens la paix a esté perturbée de tous costez, et aussi que, comme prince et roy catholique, prouchain parent de mondit seigneur, vous emploiez au bien de justice et utilité de la crestienté.
Très hault et excellent prince nostre cousin, vous estes assez recors comme aultre fois à Pontoise signifiammez à vos solennes ambassateurs, lors estant par devers nous, la paix nouvellement jurée entre nostre dit filz et nostre dit cousin de Bourgongne, et comment nous requerions un mois de delay, pendant lequel nostre dit flz avoit promis et juré venir devers mondit seigneur et nous, car lui venu, nous avions entencion de parfaire ce qui estoit encommancié entre mondit seigneur et vous, par quoi nous esperions paix generale estre ferme et estable entre les royaumes de France et d'Angleterre, et mesmement entre les subgiez de ce royaume. Et combien que les offres que lors faisiez nous fussent assez agreables, toutes voies à les accepter et tonclure avec vous y avoit grant difficulté, car pour lors chascun conseilloit que on attendist nostre dit filz, et se nous et nostre dit cousin les eussions acceptéez et conclutes, tous barons, chevalliers et les cités et bonnes villes de mondit seigneur nous eussent abandonnez et laissiez et s0y joings avec nostre dit filz, dont plus grant guerre fust venue, se sembloit, que par avant le traictié ainsi laissié, fu mise toute diligence par nostre dit cousin à ce que nostre dit filz venist par devers nous, comme il avoit promis, de quoi il a esté delayant,
disant tousjours que premièrement vouloit parler à nostie dit
cousin de Bourgongne. Et après pluseurs ambassates envoiéez devers nostre dit filz, fut promise journée pour convenir ensemble ou dymenche x° jour de septembre derrain passé, sur le pont de Montereau ou fault Yonne ; et ja soit ce que nosdiz filz et cousin et tous les chevalliers de leur compaignie eussent juré sur la vraie croix et sainctes evangilles de Dieu et se fussent soubzmis à toutes sentences du saint-siège de Rome et de l'Eglise, et aultrement, de tenir l'amour, paix et concorde qui autres fois à Corbueil avoit esté jurée entre eulz sans fraude ou mal engin, ainsi que par les lettres signéez et seelléez des mains et seaulx de nostre dit filz et de ses chevalliers et clers, que avons par devers nous, appert bien clerement, toutes voies nostre dit cousin qui, lui xi° seulement,
t' + PE n, LE ; :
vs "re ty r:
AI “6 ee & k e Ê à,
mt =
estoit alé au lieu de la convencion devers nostre dit filz, en grant confiance des sermens dessusdis, qui à icelle heure meisme furent : renouvellez, en confiance aussi que nostre dit filz ne fut semblablement que lui x[°, ainsi que promis et accordé avoit esté, aprez ce que nostre dit cousin lui ot faicte doulce et humble reverence et offert corps, chevance et amis, saillirent d'une embusche secrete qui estoit faicte en une chambre pluseurs hommes armez,. el incontinent tous ensemble ferirent soudainement de haches sur nostre dit cousin, qui estoit à genoulx devant nostre dit filz, et là le murdrirent inhumainement contre Dieu, justice, raison, foy et loy, et de fait prindrent les chevalliers qui l'avoient accompaignié en celle dolereuse convencion, c’est assavoir nostre très chier et très amé cousin Charles de Bourbon, le seigneur de Novailles, qui est navré à mort comme l’en dit, le frère au comte de Fribourch, le seigneur de Saint George, messire Anthoine de Vergy, le seigneur d’Autrey, messire Charles de Lens, messire Guy de de Pontalier et aultres, et avec ce tous les biens et joyaulx que nostre dit cousin avoit menez au lieu de la convencion, ont prins et osté de ceulz qui les avoient en garde, iceulx appliquiez à leur proffit. Et cest horrible et detestable cas, très hault et excellent prince nostre cousin, mondit seigneur et nous avons entencion de . signifier à nostre saint père le pape, à l'empereur et aux aultres roy catholiques qui, comme nous tenons, prendront pour la grant enormité dudit cas grant desplaisance, et donrront assistence à mondit seigneur et à beau filz de Bourgongne qui est à present, pour aidier à vengier la desraisonnable et cruelle môrt de nostre dit cousin, et ad ce faire trouvons desja enclins tous les loyaulx barons, citez et bonnes villes de par deça. Mais pour ce que tousjours sommes desirans d’avoir paix, amour et concorde avec vous, et de faire icelle au bien et honneur de mondit seigneur et de vous, et des deux royammes, nous vous prions et requerons très instamment, pour la reverence et amour du prince de paix Nostre Sauveur, et pour aidier à vengier la doulereuse mort de nostre dit cousin, laquelle chose mondit seigneur et nous desirons faire sur toutes choses, eue paix avec vous, que pour cause des delays ja passez ne soiez aucunement refroidiez d'entendre à ladicte paix ; et pour entièrement et franchement besoingnier avec nous-sur la conclusion et perfection d'icelle, sans faire long sejour, dissimulacion ou subterfuge, vous plaise envoier par deça, par le porteur de cestes, sauf conduit pour quatre ou cinq personnes, de quelque
estat ou condicion qu'elles soient, et pour ceulx de leur compaignie jusques au nombre de quarante personnes et quarante chevaux, et nous vous affermons que vous trouverez Monseigneur et nous et ceulx de son sang et lignaige, et aultres grans et loyaulx barons et notables gens de cest royamme, très disposez en cest besongne, en telle manière que appercevrez la grant affection que mondit seigneur, nous, plusieurs ducs, contes, barons, nobles, bonnes villes et citez de ce royamme avons au bien de paix et amoureuse concorde qu'il redondera au bien de toute la crestienté. Très hault et excellent prince nostre cousin, nous prions à Nostre Seigneur qu’il vous ait en sa sainte garde et doint bonne vie et longue, au bien et fruit de paix et vraie concorde.
Escript à Troyes, le xx° jour de septembre. Et afin que de nostre volenté soiez mieulx informez, nous avons signé ces presentes de nostre main, en grant confiance de vostre bonne volenté, laquelle nous avons aultres fois congneue, tant par vostre propre bouche comme aultrement.
Depuis que ces presentes furent escriptes, nouvelles certaines nous sont venues que le sire de Novailles est mort, à l'occasion de ladicte trayson.
