GOSSET

Jean Caille aux conseillers de la ville de Lyon

15 juin 1418.

A mes tres chiers seigneurs mes seigneurs les conseilliours de la ville de Lyon. -

Tres chiers et honourés seigneurs, je me recommande à vous tant a sertes come je puis, et vous pleisse savoir que mon seigneur le Daufin est pour le present à Bourges, lequel, comme l'on dit, a grant nombre de gens. d'armes, quar tant environ Paris come en sa compagnie, il a bien 1111" homes d'armes de l’esta de Monseigneur. Pleisse vous savoir que dernièrement que mon dit seigneur estoit ou pont de Charenton, monseigneur le cardinal de Seint Marc vint à ly et ly dit que pour Dieu y voussit entendre au bien de paix, non ostant l'inconvenient de la ville de Paris. Et sur ce repondit qu’il estoit tous pres, ne james n'avoit failly d'y entendre, non ostant que soubz ombre de paix la trayison avoit esté fecte, don il estoit mout dolant et courroussiés. Dit plus par ceste manière : « Je scay bien qui faront fere à Monseigneur tout ce qu'il « voudront, et quant au regart du governemant je suis contans que « Monseigneur y commecte come bon ly senblera; toutefoys soyent « avisés seux qui haront la charge come y governeront, quar sans « faute une foys nous rendront contre (sic). » Si vous sertifie que mon dit seigneur est tous deliberé, pour obier es grans inconveniens que sont sourvenus et pouroient plus sourvenir pour cause de debas, et ausy ayant regart au Roy d’'Englaterre qui greve de jour en jour le royaume, de mander et mande deisja tous nous seigneurs