Martin Gouge de Charpaignes. Voir ci-dessus, p

par la pouterle, comme autres foiz a esté fait. Et vous prie que tousjours vous vueillez pensez en vosire cuer le grant serement que avez fait à monseigneur le Dauphin en ma presence. Se vous avez nul vouloir d'envoyer vers moy, envoyez y prestement. Je vous ay escript plusieurs lettres qu’onques n’ay eu response de vous. Tres chers frerez et grans amis, se chose vous plait que je puisse faire, escripvez le moy, et je le feray de tres bon cuer, en priant le Saint-Esperit que vous doint honneur et bonne vie. Escript à Saint Simphorien le chastel, le xvir° jour de juing.. PHILIPPON DE BONNAY, Bailly de Mascon, seneschal et capitaine de Lyon:

Chers freres et bons amys, depuis que vostre lettre a esté escripte, Jay entendu que vous estes mal content de moy, et aussi que je m'en suy partiz sans vous dire adieu. Sauf vostre grace, comme autres foiz vous ay escript, le vendredi au soir, dont me parti le samedi à matin, je le dis à cinq ou à six des conseilliers que je m'en partiroye le matin comment que ce fust, et n’en doubtez point que je me vouldroye garder de mourir comme un autre. Et je voy que plusieurs de vous autres, que estes nez et norriz du païs et en laer, vous en partez par paour de la mort; car à chascune foiz que l'en se va esbatre, je n’ay pas acoustumé de dire adieu à chascun. Et se vous saviez les choses que je scey touchans ma personne, je ne vous ay paz si mal servi que j'ay fiance en vous que vous serés bien contens de ma despartie. Et quant il plaira à Dieu, je vous le diray, et se çaura plus au vray. Et il n’y a cellui, s’il avoit esté sans veoir sa femme et son mesnage.un an, comme j'ay esté pour vous servir, que l'en se deust tenir pour mal content s’il l’aloit veoir. Et aussi je vous tiens si bons et si loyaulx que par ma personne seule vous ne ferés que tousjours que vostre devoir envers le Roy et monseigneur le Dauphin, et vous savez quel tour l'en me cuida faire à Noel et cellui que de present le m'a cuidé faire !.

Jean Caille aux conseillers de la ville de Lyon 98 juin 148.

À mes tres chiers et honourés seigneurs mes seigneurs les conseil- Ù lours de la ville de Lyon.

Tres chiers et honourés seigneurs, je me recommande à vous