Original autographe sur papier. Archives de Lyon, AA

tant a sertes comme je puis. Et vous pleisse savoir qu'yer, qui fu

xxvII° jour de juing, monseigneur le Daufin receu vous lettres et veu le contenu en ycelles, en pleine sala, va dire : « Veissi leyaux gens; Monseigneur et nous lur sommes bien tenus; » lesquelx vous lettres je presentei à mon dit seigneur, et le chevauchour le mersia des biens que li aviez fes pour honur de mon dit seigneur. Si vous escrypt mon dit seigneur, ensy que par ses lettres pourreis voyr, et vous suppli de bien aviser au fet de la ville et du payis, quar, au pleissir de Dieu, vous orreis bien brief bonnes novelles, et par les anbessours que Monseigneur a propousé de vous envoyier de novioux, à presant ni à autres que le chevaucheur ne vous die. Tres chiers et honourés seigneurs, le Seint Esperit soit garde de vous.

Escrypt à Aubigny, le xxvirie jour de juing.

Le vostre en tout et par tout,

JEHAN CAILLE, Esleu à Lion !.

Le Dauphin {au sénéchal de Limousin]!.

14 août 1418.

DE PAR LE DAULPHIN DE VIENNOIS, DUC DE BERRY ET DE TOURAINE ET CONTE DE POICTOU.

Cher et bien amé, nous avons chargié le seigneur de Villar de vous porter certaines lettres closes que nous rescrivons preseñtement à plusieurs barons et nobles du pais de Lymosin pour le bien de Monseigneur, de nous, et de la seigneurie. Si vous mandons et commandons trss expressement que les dictes lettres vous faictes porter et presenter hastivement, nuyt et jour, par propres messages, à ceulx à qui nous les rescrivons, et gardez que en ce n'ait aucune faulte, sur tant que vous doubtez encourir nostre indignacion. Cher et bien amé, Nostre Seigneur soit garde de vous.

Escript à Poictiers, le xrrri° jour d’aoust 5.