Original autographe. Archives de Lyon, AA
2. Cette lettre paraît avoir été adressée au sénéchal de Limousin, qui était alors Geoffroy, seigneur de Mareuil. -
3. Original sur papier (non signé). Pièces originales, 615 : CHAPOLIE.
Le Dauphin aux habitants de Lyon
44 octobre 1418.
A noz chiers et bien amez les consulz, bourgois et habitans de la ville de Lyon.
DE PAR LE DAULPHIN DE VIENNOIS, DUC DE BERRY ET DE TOU- RAINE, CONTE DE POICTOU.
Chiers et bien amez, nous avons receu voz lettres, que par leporteur de cestes envoiées nous avez, par lesqueles nous rescrivez et faites savoir que comme, à un certain jour de ce present mois, feust venu en la ville de Lyon un chevaucheur, rapportant unes lettres seellées du grant seel de Monseigneur en laz de soye et cire vert, faisans mencion de certaine paix, lesqueles lettres et chevaucheur, en obeissant à ce que par noz lettres vous avons autres foiz commandé, c'est assavoir que toutes lettres qui vous vendroient de quelque part que ce feust, se elles n’estoient signées de nostre main, vous nous envoissiez avecques les porteurs, vous avez remis au bailli de Mascon, seneschal de Lyon, pour les nous envoier, afin d'en ordonner à nostre bon plaisir. De ce nous sommes tres contens, et demonstrez bien par effect l’entiere et loyale voulenté que tousjours avez eue el avez envers nous et au bien de mon dit seigneur et de sa seigneurie, dont nous vous remercions de tres bon cuer. Et sur ce vueillez savoir que, ainsi que derrier escript vous avons, par l’advis et conseil et en la presence de belle mere de Sicile, de beau frere de Bretaigne, de beau frere d'Anjou, de beau cousin d'Alençon et de plusieurs prelaz, barons, chevaliers, et autres gens notables en grant nombre, furent faiz à Chinon certains articles dont nous vous avons envoié copie; auxquelz, combien qu’ilz feussent à la grant charge et foule de mon dit seigneur et de nous, neantmoins, pour honneur et reverence de Dieu, et pour la pitié que nous avons du povre peuple, nous nous accordasmes et condescendismes; et pour y prendre conclusion se feust trait vers les marches de Paris le dit beau frere de Bretaigne. Et soit avenu que, à une assemblee faicte à Saint-Mor des Fossez, ceulx de
Paris baillerent une cedule en effect contraire aux articles dessus diz, laquele fu en la dicte assemblee accordée, sans y appeler ne oir noz ambaxeurs, que pour ceste cause et matiere y avions envoiez avecques le dit beau frere de Bretaigne, c'est assavoir l'arcevesque de Tours, messire Robert de Braquemont, admiral de France, le doien de Paris et maistre Jehan Chastenier, ainsi qu'ilz nous ont dit et rapporté, et icelle cedule font publier par manière de paix, parmi le royaume, comme vous mesmes le povez appercevoir. Pourquoy nous vous prions de rechief et neantmoins mandons que aus dictes lettres, ne à quelque autre chose qui sur ce vous puisse estre escripte, mândée ou denuncée, vous ne vueillez obeïir ne donner foy sans estre premierement acertenez de nostre voulenté sur ce, et par noz lettres signées de nostre main, car nostre entencion n’est pas de accorder la dicte cedule ainsi que elle gist, ne pour quelconque chose qui nous doye avenir consentir ne souffrir que vous ne les autres bons subgez de mon dit scigneur aiez autre gouverneur que mon dit seigneur et nous, et de ce ne doubtez. Et, appoinctées aucunes choses de pardeca que entendons briefment faire, nous nous pensons tirer et aler visiter les marches de par dela. Si vueillez tousjours estre bons et loyaux envers mon dit seigneur et nous, comme nous y avons nostre confiance. El au plaisir de Dieu nous recognoistrons vostre bonne loyauté tant que vous en serez tres contens ; et avecques ce faites tous diz prendre et arresler tous telz chevaucheurs et messages, et iceulx bailler au dit seneschal, pour én estre par lui ordonné comme commandé le lui avons; et souvent nous faites savoir de voz nouvelles, ensemble se choses voulez, et nous la ferons de tres bon euer. Chiers et bien amez, Nostre Seigneur soit garde de vous.
Escript en nostre chastel de Lezignen, le xrxIr° jour d'octobre.
CHARLES
VILLEBRESME !
1. Original sur papier avec trace de sceau. Archives de Lyon, AA 22, f. 25.
Le Dauphin aux gens des comptes en Dauphiné
30 septembre 1419.
A nos amez el feaulx les gens des comptes el nostre procureur general en nostre païs du Daulphiné.
DE PAR LE REGENT LE ROYAUME, DAULPHIN DE VIENNOIS, DUC DE BERRY ET DE TOURAINE ET CONTE DE POICTOU.
Nos amez et feaulx, pour les grans et notables services que nostre amé et feal chevalier et conseiller messire Jehan Louvet, president de Prouvence, a faiz à Monseigneur et à nous, fait continuelement
en maintes manieres, et esperons que face ou tempsavenir, et pour
certaines autres causes et consideracions à ce nous mouvans, nous lui avons donné les chasteaulx et chastellenies de Falavier, de Teiz, de Pierre et de Dommène, si comme il vous apparra par noz lettres sur ce faictes. Et pour ce que nostre plaisir est que le dit don sortisse plenement son effait, nous vous mandons et expressement engoignons que, ces presentes veues, incontinent, toutes excusacions cessans et autres choses arrieres mises, et non obstans quelconques contradicions, vous souffrez, en tant que à vous est, baillier et delivrer à nostre dit conseillier ou à ses procureurs pour lui, la possession et saisine des diz chasteaulx et chastellainies et des drois, fraiz et revenuez d’iceulx, et l'en laissiez joir et user pleinement et paisiblement, ainsi que contenu est en nos dictes lettres, et gardés, comment qu'ilsoit, que ence n'ait faultene delay aucun,sur quant que vous desirez nous faire plaisir et que doubtez nous courroucier, car se faulte y a, nous monstrerons à ceulx par qui l’empeschement y seroit fait le courroux et desplaisance que y prenrions, et se aucune chose estoit obmise à mettre en nos dictes lettres, pourquoy on porroit avoir occasion de delayer l’enterinement de noz dictes lettres, nous le y ferons mettre quant le nous ferez savoir. Et neantmoins ne voulons que pour ce l’enterinement de noz dictes lettres soit delayé, et creez et ajoustez foy en ce que vous en diront, de par nous, nos amez et feaulx conseillers l’evesque de Saint Papoul, le seigneur de Boschoilles!, ausquelz nous
