G. DE CHAUMONT. G. DE NERBONNE

X VIII Le Dauphin aux habitants de Tours 20 mars 1421.

A nos tres chiers et bien amez les bourgois, manans et habitans de

nostre ville de Tours.

DE PAR LE REGENT LE ROYAUME, DELPHIN DE VIENNOIS

Tres chiers et bien amez, nous sçavons certainement que de toutes

vos jouissances vous avez monstré et monstrez par effet la bonne et loyale voulenté que avez à Monseigneur et à nous, et à l'encontre des Anglois nos ennemiz, dont nous vous mercions ; et soyez certains que le recongnoistrons envers voz tous en temps et en lieu. Et vous prions tres acertes que continuez, en vous tousjours tenant en l’obeissance de mondit seigneur et de nous, et en resistant de toute force à l'encontre de noz diz ennemiz, et en donnant tout aide et faveur à noz genz estant et alans entre les rivières du Loir et de Loire, en esperance de iceux combattre nos diz ennemis. Et souvent nous rescripviez des nouvelles, et nous vous en saurons bon gré. Tres chiers et bien amez, Nostre Seigneur soit garde de vous. :

Nostre entencion est d’estre Énefinent. au Élaite de Nostre Seigneur, à toute puissance par dela, pour donner confort à vous et aux autres bons et loyaulx subgiez de Monseigneur et de nous, et pour quer {sic) nos diz ennemiz.

Escript en nostre chastel de Poictiers, le xx° jour de mars.

CHARLES