DE PAR LE REGENT DAULPHIN

Noz amez et feaulz, nous avez sceu par nostre amé et feal conseil ler et chambellan Guillaume de Martel le reffuz et difficulté que faiz lui avez de le mettre et retenir en possession de-certains chasteaulx de nostre Daulphiné, et de obtemperer à noz lettres patentes à lui sur ce octroyées, en las de soye et cire vert, lesquelles vous a fait presenter; dont nous donnons merveille, veu que, par la teneur de nos dictes lettres, ainsi autentiquement passées et deliberées en nostre presence et conseil, vous est peu apparoir de nostre entencion et voulenté. Si voulons et nous plaist, et de rechief, par ces presentes signées de nostre main, vous mandons et commandons bien expressement et acertes que, sans plus de delay ou difficulté, vous le dit Guillaume, nostre conseiller, ou son procureur pour lui, recevez à la possession d’iceulx chasteaulx, dont il nous

. Copie du temps. Archives de Grenoble, B 3044, f. 44.

a fait les foy et hommage, et l'en laissiez et souffrez paisiblement joir, tout selon la teneur de nos dictes lettres faisans de ce mencion. Et faites du tout cesser le debat ou opposicion sur ce mis par nostre procureur ou advocat fiscal du dit pays, car tel est nostre plaisir, et ainsi le lui ordonnons et commandons par ces mesmes presentes. Si en faites tant à ceste fois que plus n'en doyons oïir parler, car plus que tout nous sentons attenuz au dit Guillaume, et ne l'avons fait sans cause ne sans grant advis et deliberacion. Nostre Seigneur soit garde de vous.

Escript en notre chastel de Mehun sur Yevre, le x1° jour de septembre.

CHARLES

‘PICART !

Le président Louvet aux gouverneur et gens du Conseil en Dauphiné

16 septembre 1420.

À mes tres chiers et honnourez seigneurs monseigneur le gouverneur, lieutenant du gouverneur, et messeigneurs du conseil du Daulphine.

Tres chiers et honnourez seigneurs, je me recommande à vous tant comme je puis, et vous plaise savoir que Guillaume de Martel si a dit à Monseigneur comment vous ne lui avez voulu executer ses lettres du fait des chasteaulx que mon dit seigneur lui a donnez, en S0y complaignant très fort, pour ce qu'il lui semble que tout ce qu'on à fait on ne l’a fait que pour delayer, a requis à Monseigneur que sur ce vous vueille escrire. Si vous en rescript morr dit seigneur, et en verité il auroit tres grant plaisir et voulenté de faire du bien au dit Guillaume, car il y est bien tenu. Messeigneurs, le ditGuillaume est bien content de donner toutes les seurtez, ou de lui, ou de ses enfans, qui possibles seront en ceste matiere. Et pour ceste cause va il presentement par devers vous. Je vous prie tant comme je puis que vueilliez faire la besoingne du dit Guillaume, et le expediez briefment, car je scay certainement que Monseigneur a bien besoin de lui; car en verité je scay certaine- . ment que Monseigneur sera de lui et des siens bien et loyaument

1, Copie du temps. Archives de Grenoble, B 3044, f. 56, et 3004, f. 26.

servi. Et si croy que les faiz de Monseigneur de par dela n'en vauldront point pix, car je ne faiz point de doubte qu'il ne aime mieulx Monseigneur que seigneur du monde. Tres chiers et honnourez seigneurs, Se chose vous plaist moy mander, que je le puisse, je le feray de tres bon cuer. Et je prie à Nostre Seigneur qu'il vous doint bonne vie et longue.

Escript à Mehun sur. Yevre, le xvie jour de septembre.

Le vostre, J. LOUVET, SEIGNEUR DE THEYS ET DE FALAVIER !.

Le seigneur de Chaumont-Quitry et le vicomte de Narbonne aux maréchaux de France et au maréchal du Dauphin

29 janvier 1421.

A nos tres chiers seigneurs et freres les mareschaux de France et le mareschal de Monseigneur le Regent.

Messeigneurs les mareschaux, nous nous recommandons à vous, et sommes arrivés ce soir icy, entre sept et huit heures, et sommes entrés dedans la ville le plus secretement que avons peu, pour'’esperance de demain au matin combatre les ennemis qui estoient devant ceste ville. Mais ils ont esté plus gracieux, car bien deux heures après nostre venue, ils ont mis le feu en leurs logis, et s’en sont alés, et ont laisssié leurs canons et autre cariage. Et demain au matin, au plaisir de Dieu, est l'entencion des chevaliers et escuiers qui sont icy, et de nous avecques, de leur porter la bataille devant 'Joigny, où nous pensons qu'ils se sont retrais. Et nous semble par le rapport de ceux du païs que se Monseigneur envoie hastivement par deça mil ou mil cinq cens combatans, ou plus, en quoy il y ait une partie d’'Escossoys, que l’on avitaillera ceste ville, et prendra l'en grant cop de forteresses, et faira l'en d’autres explois qui seront au tres grant bien, honneur et prouffit de Monseigneur et desole de ses ennemis. Et vous plaise de ce conseiller Monseigneur qu'il y pourvoie hastivement, ou nous faire assavoir

1. Copie du temps. Archives de Grenoble, B 3044, f. 57, et 3004, f. 25,

son bon plaisir. Nostre Seigneur veus doint tout ce que vostre cuer

desire.

Escript à Villeneuve le Roy, ce vingt et neufiesme de janvier, une heure après minuit.