XX

Jean Caille aux conseillers de la ville de Lyon 5 mai 1421.

A mes tres chiers et honourés seigneurs les conseillers de la ville | de Lion.

Mes tres chiers et honourés seigneurs, moy estant par desa, j'ai veu serteines cedules qui sont esté misses que tous seux qui sont

1. Copie du temps. Archives de Grenoble, B 3223 bis, f. 180. :

venus à cest presant consule ce venient souscripre en l'osteil maistre Guillaume Faverot, segreteyre de Monseigneur. Si ai çeu que de Lion n'y a esté personne, ni par monseigneur l'arsevesque, ni par la ville, dont mes seigneurs du Conseil de monseigneur le Regent sont bien esbays et tres malcontans. Et pour ce que je en ai oy parler en maniere qui n’est pleissant ne belle, je vous envoye. le present pourtour, afin que vous ayés cause de pourvoir à vostre exeusacion. J'ai entendu que monseigneur de Lyon c’est tramis excuser, dont y ne sont pas contans, et suis esbays que einsy ne l'avés feit, combien que je ne le say pas pour vray, mès demein, au pleissir de Dieu, le sarey, et qui est chargié de faire son excusacion.

Meintenant sont venues. lettres de par monseigneur le Regent, contenans que Monseigneur est au Mans; que le frere du duc de Bretagnie vient a li au dit lue, à 11" combatans. Les Engleis sont à xI1 milies du Mans. Messeigneurs les mareschaux mandent tous cappitaines qui voudront venir à la journéé des Engleis qui s’avancent. L'on tient embrief nous gens asembleront avec les Engloys. Monseigneur mande que checun soit en debvocion, et pour ce, se ferra demain soulenne prosession en ceste ville. Le consule demourra jusques venredi, que sera 1x° jour de may. Ce chause vous pleit à moy commander que fere puisse, au bien, honeur et profit dé la ville, je suis pres de le fere de bon cuer, comme Dieu seit, qui soit garde de vous.

Escrispt à Aste, le ve jour de may.

Vostre serviteur, JEHAN CAILLE.

De Lenguadot, Berry, Poyto, Thourreyne, des conseilliers de monseigneur de Bourbon et de Madame hont tramis par desa que li a seigneur competemant. Autre ne vous escript pour le presant.

Escript à Aste comme dessus.