Copie du temps. Archives de Grenoble, B 3044, f

bonne fortune qu'il a pleu à Dieu nostre createur de nous faire avoir en victoire contre noz anciens ennemis à la journée de Baugé, avons esté conseilliez de aler et entrer en nostre personne ou pais de Normandie à puissance, pourquoi n'avons peu estre aus dis jour et lieu de Clermont. Et pour ce y avons envoié aucuns de no0z con- . seilliers, pour ilec proposer et dire aus dictes gens qui y seroient assemblez noz voulenté el entencion sur ce que desirons à faire, à l'aide de Dieu, et aussi pour declairer les charges que, pour le paiement et souldoyement des gens d'armes estans en nostre compaignie, en grant nombre, avions à faire et supporter, en requerant aide, conseil et consort. Et finablement nous a esté octroyé et accordé au dit lieu de Clermont, par les gens des 111 estas, un aide de vire M livres tournois : c'est assavoir par les gens d’eglise estans en l'obeissance de mon dit seigneur et de nous en Languedoil, c M livres tournois, et par les gens lays et seculiers estans en icelle obeissance en Languedoil, vit c mil livres tournois. Et pour ce que le dit aide ne pourroit pas si tost ne si promptement estre cueilli et receu comme besoing nous est pour contenter, souldoyer et entretenir les gens d'armes, et que la revenue de noz finances ne puet pas à ce souffire, avons advisé, pour avoir plus promptement finance pour les affaires dessusdiz, de prier et requerir plusieurs de noz bons et loyaulx subgiez de plusieurs bonnes villes que, par emprunct ou autrement, nous vueillent secourir et aider à ce besoing, et nous prester certaines sommes d'argent pour emploier en ce que dit est, afin que, par default de paiement des dictes gens d'armes, et le departement d’iceulx, aucuns inconveniens ne puissent advenir, et entre les autres à vous de la somme de dix mil livres tournois. Si vous prions, tant acertes que nous pouvons, et neantmoins mandons, sur l'amour et feaulté que vous avez et devez avoir à mon dit seigneur et à nous, que de la dicte somme de dix mil livres tournois vous nous vueilliez promptement faire finance sur aucuns de vous en petit nombre, et icelle bailler à Pierre Chevrier, que commis avons en l’eslection de Lyon pour recevoir la part et porcion qui, à cause du dit aide, y sera imposée et assise. Et sans aucun default elle vous sera rendue des premiers deniers qui paiez et reçeus seront à cause du dit aide en la dicte eslection par le commis dessus dit, qui vous en fera et baillera sa lettre obligatoire de nous en baillier et faire avoir tele quictancé qu'il appartendra, et sur quelconques villes ou parroisses que bon vous semblera de ladicte eslection. Si ne nous vueilliés de ce faillir à nostre

besoing, et de ce que faire en vouldrés rescrivez à noz amez el feaulx conseilliers sur le fait du dit aide, estans à Bourges, pour le nous noctifier. Chiers et bien amez, Nostre Seigneur soit garde de

vous. Escript à la Ferté Bernard le penultieme jour de may.

FAVEROT !.

Le Dauphin aux gouverneur et gens du Conseil et des Comptes en Dauphiné

98 juin 1421. | A noz amez et feaulx les gouverneur ef gens de nostre conseil et des | comptes en nostre pays de Dauphiné.

DE PAR LE REGENT LE ROYAUME, DAULPHIN DE VIENNOIS

Noz amez et feaulx, par noz lettres patentes que vous envoyons vous pourra apparoir comment, pour certaines causes, nous avons

reprins et remis à nostre demaine noz- chastel et chastellenie de

Meulhon, que avions venduz et transportez à nostre amé et feal conseiller et chambellan le sire de Mirandol, et en ce lieu lui avons

baillié noz chastel et chastellenie de Nyhoms. Si voulons et vous.

mandons expressementque vous baïlliez et fæictes avoir au dit sire de Mirandol, ou à ses gens pour lui, la possession et saisine des diz chastel et chastellenie de Nyhoms, et l'en faites et souffrez joir

et user selon la fourme et. teneur de noz dictes lettres patentes,

sans y mettre aucune difficulté ou delay, car, se vous le y mettez, si lui ferons nous en la fin avoir, et n’en demourrons pas à contens de vous. Pourquoy, gardez bien qu'il n'y ait faulte, car ceste chose n'avons pas faicte sans grant cause et deliberacion de conseil, comme vous povez assez penser. Noz amez et feaulx, Nostre Seigneur soit garde de vous. |

Escript en nostre ost devant Galardon, le xvin° jour de juing.