CHARLES. | VILLEBRESME
A Original sur papier, non signé, avec sceau plaqué, très bien conservé. Archives de Lyon, AA 92, f. 8.
2. Copie du temps. Archives de Grenoble, B 3044; f. 125 vo. :
Le Dauphin aux habitants de Lyon 9 juillet 1424.
À nos tres chiers et bien amez les gens d'eglise, bourgois, manans el habitans de la ville de Lyon.
DE PAR LE REGENT LE ROYAUME, DAULPHIN DE VIENNOIS
Tres chiers et bien amez, pour ce que nous savons que tousjours desirez oir et savoir de noz nouvelles, nous avons chevauchié par le pais de Beausse, et icellui recouvert, et mis en nostre obeissance pluseurs places, comme Galardon, Nogent le Roy, Maurepas et autres, et tant que aujourdui en y a peu à nous contraires de cy à Paris. Avons esté devant la ville de Chartres, et leur avons gasté en la plus grant partie leur vivres et blez. Et depuis que l'adversaire d'Angleterre est descendu et retourné à Calais, avons tenu les champs par trois sepmaines; et voyans que, pour la grant chierté et deffaut de vivres et l'indisposicion du temps, tant de maladie comme autrement, les gens de nostre compaignie se departoient chascun jour, et que, pour la grant garnison qui est audit lieu de Chartres, d'Anglois et d'autres, n’y pouryons lors bonnement prouffiter, nous avons ramené jusques cy nostre compagnie. En attendant que vouldra faire nostre dit adversaire ne quel chemin il vouldra faire, et sceu de son convine, nostre entencion est, nostre compaignie jointe avec celle de beau cousin Richart de Bretaigne et autres que nous envoyons presentement, haster de l’aler querir quelque part que savoir le pourrons. Car soiez tous certains que nostre dit adversaire n’a pas amené en tout ri" combatans, et n’a pas puissance de povoir grever aucunes des bonnes villes de nostre obeissance. Et aussi nous entretenons et tousjours nous entretendrons ensemble compaignie puissant pour lui resister, et secourir partout où il vouldroit porter dommaige. Si vous notiffions ces choses, vous prians que tousjours vueilliez garder vostre loyauté envers Monseigneur et nous, comme y avons nostre confiance, et entendre diligemment à la garde, reparacions et bon gouvernement de vostre ville, en maniere que, par deffaut de ce, aucun inconvenient nes’en . puisse ensuir. Et tousjours vous signifirons de noz nouvelles, ainsi
os 2 gum e \. rat FC -
462 | HISTOIRE DE CHARLES Vil. 1491
que elles seurvendront. Tres chiers et bien amez, Nostre Seigneur soit garde de vous. | Escript à Vendosme, le 1x° jour de juillet.
CHARLES
VILLEBRESME !
Le Dauphin aux gouverneur et gens du Conseil | et des Comptes en Dauphiné
20 août 1421.
A noz ames el feaulx les gouverneur et gens de nostre conseil et des comptes en nostre pays du Dauphiné.
DE PAR LE REGENT LE ROYAUME, DAULPHIN DE VIENNOIS
Nos amez et feaulx, nous avons sceu la difficulté que ceulx de Nyoms ont faicte à l'execucion de noz lettres par nous octroyées et bailliées à nostre amé et feal conseiller et sire de Mirandol, sur le joyssement de nostre dicte vie de Nyoms, jusque à la restitucion de certain prest qu'il nous a fait, comme par ycelles et autrement vous est apparu. Dont, comme bien leur escrivons, sommes tres desplaisans et mal contens d’eulx, et se plus y font reffuz, nous voulons et vous mandons tres expressement, et sur tant que nous devez obeir, que vous y procedez à l'encontre d’eulx par voye de fait, et en faites telle punicion que ce soit exemple aux autres, car autrement, et se la chose estoit par vous differée, nous n’en serions pas contens. Et toutes voyes, quoy qu'ilz en facent, gardez comment qu’il soit que, incontinent et sans autre delay, vous lui bailliez et delivrez reaument et de fait la possession du chastel, et qu'il n’y ait aucun deffault, toutes excusacions cessans, car tel est nostre plaisir. Nos amez et feaulx, Nostre Seigneur soit garde de vous. |
Escript à Amboise, le xx° jour d’aoust.
CHARLES
| PICART 2
1. Original sur papier, avec sceau plaqué, recouvert de papier. Archives de Lyon, AA 22, f. 31. : :
®. Copie du temps. Archives de Grenoble, B 3044, f. 134.
Le Dauphin aux habitants de Nyons
20 août 1421.
DE PAR LE REGENT LE ROYAUME, DAULPHIN DE VIENNOIS
Chiers et bien amez, nous avons bien entendu par nostre amé et feal conseiller le sire de Mirandol, auquel par noz lettres patentes et pour les causes en ycelles contenues avions baïllié et delaissié à certain temps, et par manière de gage seulement, noz chastel, ville et chastellenie de Nyoms, que ja soit ce que noz dictes lettres lui aient esté expediées par le gouverneur et gens de nostre conseil et des comptes de nostre pays du Dauphiné, et que de ce et de nostre dicte ordonnance et voulenté vous soit deuement apparu, ce nean-
moins vous, de vostre simple voulenté, ou les aucuns de vous, n’y
avez voulu obeir et avez esté reffusans et contredisans à l’execution de nos dictes lettres, dont assez ne nous povons merveiller; et tant que faire se peut, en sommes, et non sans cause, mal contens, car en ce faisant n'avez pas donné bon courage ou exemple aux autres noz subgiez de nous obeir et secourir à noz affaires et besoings, se pour yceulx advenoit que nous voulsissions engaigier chose ou aidier de ce qui seroit nostre. Et toutes voyes ne povons nous considerer quelle cause vous peut avoir meu de ce fere, car se vous doubtez que, à l’occasion et ou contempt de nostre dit conseiller, feussiez par aucuns plus grevez et opprimez,; vous povez bien penser que, pour l'affection si singuliere que avons à lui, et plus que à nul autre de son estat, nous vous vouldrions en sa faveur porter et soustenir envers et contre tous, et vous avoir de tant
que seriez en sa main plus especialement recommandez que de-.
vant ; et de lui-mesmes et des siens pourriez estre grandement secourus, confortez et supportez. Et se vous avez ymaginacion de retraindre à partir hors de noz mains, vous n’en partez en riens par ce faisant, car se vous estes à lui et soubz lui, vous n’en laissiez pas à estre à nous et soubz nous; car qui est à lui nous reputons bien estre à nous. Et avecques ce ne nous avons bailliez à lui si non à temps et lerme, qui pas ne sera long, car desja avons advisé par autre maniere sur le fait de sa recompensacion , et bien brief le ferons de son prest contenter; et par ainsi revendrez comme devant
à nostre dicte main. Mais puisque ce lui avons enconvenancié pour sa seurté, et jusques au parfait de son dit payement, nous voulons qu’il se face. Si gardez, comment qu'il soit, et sur tant que nous devez obeir et complaire, que, sans plus de delay ou.difficulté, vous obtemperez à l’execucion et enterinement de nos lettres devant dictes, car autrement et se par vostre faulte et desobeissance y convient pourveoir par autre voye, nous vous en ferions si griefvement punir que ce seroit exemple à tous autres. Et de ce né faites pas doubte.
Escript, etc. 1.
