XX VII

Le Dauphin aux gouverneur et gens du Conseil en Dauphiné

B 9”-novembre 1421.

À nos amez et feaulx les gouverneur el gens du conseil de nostre pays du DASIDIARE

DE PAR LE REGENT LE ROYAUME, DAULPHIN DE Trantoig

Noz amez et feaulx, pour aÿdier à soustenir l'estat de nostre tres chier et amé cousin le bastard d'Orliens, et autres charges que pour nostre service lui convient continuellement supporter, tant en nostre guerre comme autrement, et à ce que plus honourablement se puisse maintenir en nostre compaignie, de nostre volonté, eue sur ce grande et meure deliberacion, lui avons donné, ainsi que par noz lettres patentes sur ce faictes vous pourra plainenent apparoir, les terres, chastellenies, chasteaulx, ensemble les fruiz et emolumens, appartenances quelxconques des chasteaulx et chastellenies de Vaunbonoys, Retier, Antrisques, le Perier, Clays, et generalement toutes les terres, chasteaulx, villes et autres appartenances de la dicte terre de Vaunbonoys, estans au bailliage de Gresevodain en nostre pays du Daulphiné. Si vous mandons et expressement enjoignons, et à chascun de vous, sur tout le plaisir et service que faire nous voulés, que à nostre amé et feal maistre Symon Charles, maistre des requestes de nostre hostel, procureur de nostre dit cousin, porteur de cestes, et lequel pour ceste cause

- 1. Copie du temps. Archives de Grenoble, B 3044, f. 134 ve.

nous envoyons par devers vous, vous vueilliez incontinent baillier et delivrer ou faire baïllier et mettre à plaine délivrance les dictes terres, en instituant ledit procureur et luy baillant plaine saisine et possession d'icelles, non obstant privilegez, libertez, franchises, ou ordonnances quelxconques de nostre dit pays, ou des dictes terres et de chascune d'icelles, à ce contraires; et gardez que en ce n'ait aucune faulte ou delay, sur peine de encourir nostre indignacion. Si en faictes tant que vous er doions savoir gré, et que n'ayons cause d'y faire pourveoir, en vostre deffault ou delay, par ’autre manière; et au surplus croire le dit maistre Symon en ce qu'il vous dira de par nous touchant nostre dit octroy et don, et lui donner au dit fait confort, aide, conseil, en ce qu'il vous requerra de par nous. Noz amez et feaulx, Nostre FIBRES vous ait en sa saincte garde.

Escript à Bourges, le 1x° jour de novembre.

CHARLES

VILLEBRESME !