D LU
moins mandons et expressement commandons, sur la foy, loyaulté et obeissance que devez à mondit seigneur et à nous, que aus diz lieu et jour vous envoyez aucunes notables personnes d'entre vous, en tel nombre que bon vous semblera, pour oir ce que par nos diz conseilliers sera dit et remonstré de nostre part. Ayans toutes fois ceulx que ainsi envoyerez à la dicte assemblée puissance souffisant de consentir et acorder de par vous ce que pour le bien de ce royaume et de toute la seigneurie y sera ordonné et appoinctié. Et en ce ne faites faultes quelxconques. Chiers et bien amez, Nostre
Seigneur soit garde de vous. « Escript à Bourges, le premier jour de decembre. | CHARLES. | BLDÉ |.
Le Dauphin aux habitants de Lyon | 17 avril 1492.
À nos chiers el bien amez les conseillers, bourgotis et habitans de la ville de Lyon.
DE PAR LE REGENT LE ROYAULME, DAULPHIN DE VIENNOIS
Chiers et bien amez, nous avons receu vos lettres, et oy ce que vostre procureur, porteur d’icelles, nous a exposé de vostre part, tant sur le fait de l’abstinence de guerre qui par dela avoit esté avisée que sur le fait de voz foires. Sur quoy vous faisons savoir, au regart de la dicte abstinence, que, veu et consideré la guerre » que nous font chascun' jour les Bourguignons es parties de par deça, comme entour La Charité et ailleurs, où ilz se sont assemblez pour nous vouloir à tout effort grever, nous sommes semblablement deliberez de les grever et opprimer en toutes marches, et ne voulons point que, tant qu’ilz nous feront telle guerre, aucune abstinence soit prise avec eulx ou païs de par dela; mais voulons et nous plaist que on leur resiste et porte tous dommaiges possibles, et ce escripvons plus au long à nostre seneschal ; et la cause en partie pourquoy le faisons, si est plus pour le bien et seurté du dit pais de par dela et de vous mesmes que autrement, car durant la dicte
4. Original sur papier, avec sceau plaqué en cire rouge. Archives de Lyon, AA 22, f. 28.
abstinence, se prise estoit, ilz s'efforceroient cauteleusement, comme bien l'ont de coustume, de prendre aucunes places et autrement nous faire prejudice, et à vous aussi, plus tost et trop plus diséement que se l'en se tenoit sur sa garde; et quant les fron-
. tières seront bien establies, comme ainsi l'entendons faire, nous
vous garderons bien qu'ilz ne vous pourront guerres grever. Quant au fait des foires, nostre entencion est de vous entretenir en : toutes voz franchises et libertez, et mesmement, en tout ce que,
à celle cause et autrement, vous avons octroyé, et de vous avoir en
tous voz affaires en especiale recommandacion, comme bien le valez, et l'avez desservi envers Monseigneur et nous. Et de ce ne devez faire doubte. Chiers et bien amez, Nostre Seigneur soit garde [de] vous.
Escript à Bourges, le xvrre jour d'avril.
CHARLES
! PICART !
Le Dauphin aux gouverneur et gens du Conseil et des Comptes en Dauphiné
27 avril 1422.
A nos ames et feaulæ les gouverneur, gens de nostre conseil et des comptes et au tresorier de nostre Daulphiné.
DE PAR LE REGENT LE ROYAUME, DAULPHIN DE VIENNOIS
Noz amez et feaulx, nous receusmes naguerres les lettres, escriptes à Grenoble le vrr de ce moys, par lesquelles, entre autres choses, nous faites savoir pour votre excusacion les causes et raisons pour lesquelles avez differé de baïller la possession du chastel de Saint-George d'Esperance au procureur de nostre amé et feal conseiller le Borne Caqueren ?, à qui l'avons donné et delaissié, comme par noz lettres patentes sur ce faictes vous est apparu : c'est assavoir pour ce que noz dictes lettres ne faisoient aucune mencion de l'anullacion d'un autre don par nous paravant fait au dit Borne de nostre chastel de Cayras, et que son dit procureur ne
4. Original sur papier, avec sceau plaqué, recouvert de papier. Archives de Lyon, | AA 22, f. 29.
