Voir sur ce personnage, p. 342, note

vous a point baiïllées et rendues noz lettres d'icellui don, ne aussi celles de la pension de v° florins par nous autreffoiz octroyée à ycellui Borne, que pensez pour ce estre adnullée. Sur quoy, et aussi sur la qualité du fief que devra pour ce fere le dit Borne, demandez savoir nostre voulenté et bon plaisir, et où voulons que ledit fief se face, ou par deca ou par dela. Si vous faisons savoir que, des delays si somptueux par vous ainsi donnez, sans grant cause, au dit

Borne, nostre conseiller, sommes tres mal contens, car il nous a bien tant desservi que lui doyons mieulx fere. Pour ce voulons, et expressement vous mandons et commandons ceste foys pour toutes, que, sans plus de dilacion ou excusance, vous, à son dit procureur, en faisant pour et au nom de lui tel fief et hommage comme d’apcienneté la place le requiert et le doit, sans plus avant le seurquerir, et lequel fief voulons estre ainsi par vous reçue, vous bailliez et delivrez realement et de fait la possession et saisine du dit chastel de Saint-George et de ses appartenances, tout selon la forme et teneur de noz dessus dictes lettres. Et ne vous arrestez point au fait de la dessus dicte pension, car ce ne vous touche en riens, et vous en devez bien rapporter à nous. Et quant au premier don du dit Cayras, c'est bien nostre entencion qu’il soit voyrement adnullé. Et, se mestier est, le dit Borne vous en fera rendre et baiïller noz dictes lettres, combien que pour ce ne vous y deussiez estre arrestez, car il y a renoncié en noz mains. Si gardez, comment que ce soit, et sur peine d'encourir nostre indignacion, que ne vous en faciez plus rescrire, et que le dit Borne n'ait pour ce cause de soy complaindre de nous et de nostre service, car nous y prendrions telle desplaisance que bien le perceuvriez. Nostre Seigneur $oit garde de vous. |

Escript à Bourges, le xxvIre° jour d'avril. |

Et quand vous baillerez la dicte possession au dit procureur de nostre dit conseiller, bailliez lui et delaissiez par inventoire toute l'artillerie, vivres, et autres habillemens estans de par nous dedans le dit chastel, sans aucunement le desamparer de chose qui y soit, Jusque à ce que plus à plain sachiez nostre voulenté et ordonnance | sur Ce.

Escript comme dessus.

CHARLES

PICART !