AC
CS
ES
bastard et charge de cent lances; à Jehan de Vilaines charge de cent lances de son hostel; à Guillaume neveu Pierre de Meulhon cent lances ; à Malortie cent lances, et à Bornasel cent lances. Le seigneur de Myron (?) y a esté et a fait ses ordonnances, et s’est allé habiller, et doit brief retourner pour servir. Et a dangier de ee que Monseigneur le prevost vous dist derrenièrement, puisque il se aide des deux partyes, etc. Et a fait crier que tout homme retraye ses biens à places fortes. Et s'effroye fort le pays. Mais, quelque chose qu'il y ait, les nobles et tous ceulx dudit pays de Dauphiné n'ont fiance qu’en vous, et dient qu'ils sont perdus à ceste fois si vous n’y mettez remede; et dès qu’ils vous verront desmarcher, ils parleront hault; et quant vous serez en lieu ils rendront leur devoir envers vous.
« Monseigneur de Savoye a mandé en Bresse. En somme il a trouvé sept ou huit vingt hommes d'armes ; et quant a veu le petit nombre, les acontremandez, Monseigneur s’est offert le servir êt venir en Bresse, et y a fort tendu ; mais Monseigneur de Savoye a dissimulé et dissimule ; et, selon que l’en dit, pour appercevoir en (lisez estre) meffiance entre eux. Les villes de Bresse dient que se vous y venez, que vous estes prince qui amez justice et que vous les y traiterez, et qu’ils vous bailleront leurs villes, et aussi qu’ils ne le pourroient tenir; et vous rendront Monseigneur le prince et Madame la princesse et la maison de Savoye.
« Mon souverain seigneur, Monseigneur a envoyé devers vous Viennois, et encore y envoye le marquis, qui à fait de très mauvais rapports par deca, ainsi qu’il a esté rengmmé, et a bouté Monseigneur en ses erreurs et en ses folies plus que aultre de son estat, requerir ainsi qu'il demenast le traictié de Monseigneur de Savoye et qu'il feroit bien la besongne, etc. Semble qu’il laierroit les choses ès termes où elles sont en donnant belles paroles à Monseigneur et en entretenant vostre veaue et en faire plus de bruit que jamais ce seroit bien et pour les faire rendre, car c’est la chose qu’ils craignent plus; et aussi cependant vous aurez nouvelles de vos ambassadeurs de Savoye et d’autres advertissemens, et aurez advis par quel moyen dévez mener ceste matière ; et ne faictes pas petite œuvre en bien la conduisant, ce que semble qu'est aisé à faire, car je n’y voy nul aultre revenge en eulx. Aussy sont tant esbahis qu’ils peuvent des nouvelles d'’Italye. Le seigneur Couran, frere du conte de Rouxi, le seigneur Guillaume devant Alexandrie ; les Venitians gaignent fort pays sur ladicte conté; mais je croy que ce bruit luy aydera. Du commun bruit de vostre ambassade, on dit que Monseigneur de Savoye se submettra du tout en vous, qui seroit bien venu.
« Votre très humble et très obeissant suject et serviteur.
