CHABANNES

Nous allons chercher à établir :

40 Que cette lettre n’est pas de 1456 ; 2° Qu'elle est de 1452 ; 30 Qu'elle ne doit pas être d’Antoine de Chabannes, comte de Dam-

martin, mais de son frère ainé Jacques, grand maître d'hôtel du Roi.

1. — Il n'est pas besoin de s'arrêter longuement à la date de 1456.

La lettre constate :

4° Que le Dauphin est à Valenee : or, si l’on consulte son itinéraire, dressé avec un soin si cousciencieux par M. l’abbé Ulysse Chevalier, on - constate qu'il n'y séjourna pas en 1455, et ne fit qu’y passer les 20 février et 9 mars‘;

20 Que le duc de Savoie est sur le pied de guerre avec le Roi : or, le duc avait, au mois de décembre 155, renouvelé le traité de Feurs et scellé définitivement son alliance avec Charles VII;

3° Que les Vénitiens étaient en gucrre avec le duc de Milan : or, la paix de Lodi, conclue le 9 avril 1454, avait été successivement ratifiée par les États italiens, et, en 155, on était en pleine paix dans le duché de Milan.

Il. — Les impossibilités alléguées pour l’année 1456 ne se rencontrent point pour l’année 1455, et l'on pourrait hésiter un instant, si toutes les probabilités ne se réunissäient en faveur de la date de 1452.

En effet, si nous consultons l'itinéraire du Dauphin, nous voyons qu'il est à Valence du 20 juillet au 27 août 1452.

En 1452, à la date du 16 mai, les Vénitiens ont déclaré la guerre au duc de Milan. Venise a promis Novarre au duc de Savoie et Alexandrie au marquis de Montferrat pour prix de leur concours; c'est Guillaume de Montferrat qui doit commander l’armée chargée d'attaquer Alcxandrie, et nous constatons que, le 26 juillet, il subit une défaite.

Le duc de Savoic est menacé d’une attaque de la part du Roi, qui, le 8 juillet, est venu s'établir au château de Mehuu-sur-Yèvre, prêt à s'ébranler pour une expédition dirigée aussi bien contre le Dauphin que contre le duc de Savoie. |

Le Roi a pris toutes ses mesures : au mois de juillet, il à envoyé Jacques de Chabannes à Lyon à la tête de mille lances.

Le 4 août, il écrit aux habitants de la Bresse qu’il envoie ses ambassadeurs au duc de Savoie : ces ambassadeurs doivent se trouver à une réunion fixée au 20 août. |

Peu après le Roi envoie au duc une dernière sommation, et, dans les premiers jours de septembre, il se met en marche, et s’avance par le Bourbonnais.

On voit qu'il y a parfaite concordance entre les nouvelles données par Chabannes et la situation telle qu’elle apparaît au mois d'août 1452.

III. — Enfin la lettre en question émane-t-elle bien du comte de Dammartin ?

Nous savons qu'Antoine de Chabannes fut, au mois de septembre 1451, préposé à la garde de Jacques Cœur; il figura en 1452 parmi les commis-

1. Et encore la date du 9 mars nous paraît avoir été indiquée à tort : la pièce qui la fournit doit être de 14417.

saires chargés d’instruire l'affaire, et paraît être resté à son poste durant tout le procès de l’argentier.

Au contraire, nous venons de voir que Jacques de Chabannes était à Lyon, à la tête des gens de gucrre qui allaient prendre part à la lutte. C’est donc lui qui est l’auteur de cette lettre, et c’est au mois d'août 1452 qu’elle doit être placée.

Guillaume Cousinot au comte de Foix!

Louviers, 25 septembre 1449.

Mon très redouté seigneur, je me recommande à vostre bonne grace tant humblement comme je puis.

J'ai veu vos lettres, et aussi celles que ecrites avez au Roy, faisant mention de la prise de Mauleon, dont le Roy et tous Messeigneurs de pardeça ont esté et sont très joieux; et vous certifie, Monseigneur, que le Roy est très bien content de vous et des bons termes que y avez tenus. Au surplus, combien qu’il vous ecrive la substance des matières de pardegça et des termes en quoi les chouses sont, toutesfois, combien je scai? que seriez bien joïeux de scavoir bien au long du demené desdites matières, je me suis dispousé vous en ecrire tout au long et tout ainsi que la verité est, en parlant de ce de veu et de sçeu. |

Je croi, Monseigneur, que vous avez bien souvenance comme les Anglois, contre la teneur des treves, en icelles enfregnant, ont repairé Saint Jame de Beauvron et fait deux nouveaux chasteaux en la comté de Mortaing et tout en marche de frontière, et que,combien que par plusieurs fois ils ayent esté sommés et requis de faire reparer et mettre au premier estat, ainsi que raison estoit et que la

1. Cette lettre a été publiée par D. Martène, dans son Thesaurus novus anecdotorum, t. 1, col. 1814-18. On lit en note (col. 1811-12) : « Hæc epistola in manuseripto Sylvæ- Majoris, unde eam eruimus, nullum auctoris nomen præfert ; sed quidam eam Guillelmo Cousinet (sic) tribuunt, scriptamque volunt ad Gastonem IV, comitem Fuxensem, quia idem Cousinetus Malum leonem expugnavit, et cum Culentio ad Anglos missus fuit, ut ab eis Fulgerias repeteret. » — Le texte est fort incorrect; n'ayant eu aucun moyen de le contrôler, nous n'y avons fait que les rectifications indispensables. 2. Il faut lire évidemment : « Comme bien je sçai. »

treve le porte, toutesfois ils n’en ont jamais voulu rien faire ; ainçois ont fait plusieurs grans prinses, courses et detrousses sur les sujets du Roy, par mer et par terre, durant les treves. Et, en continuant de mal en pis, ou mois de mars deurenier passé, ils prindrent le chastel et ville de Fougières, qui estoit en la vraye obeissance du Roy, comme vous scavez, et en icelle place tuerent gens, prindrent prisonniers, violercent fernmes, ravirent tous les biens qui y estoient et firent tous les maux dont ils se purent aviser; lesquels biens, selon la commune renommée, sont bien estimés à valeur de deux millions d’or. Et, non contens de ce, coururent lesdiz Anglois en la duchié de Bretaigne, tuerent gens, prindrent prisonniers et tous les biens qu’ils povoient trouver, appatissans le pays, et firent tous exploits accoustumez en fait de guerre. A laquelle cause aucuns amis et serviteurs de Monseigneur de Bretaigne, voyant l’outragc lequel lui avoit esté fait et qu'il n’en pouvoit obtenir aucune provision de la part desdiz Anglois, et que iceulx Anglois avoient rompu les treves et faisoient guerre ouverte, trouverent moyen de prendre le chastel et ville de Conches et le chastel de Gerberoy, esquelles places ne se gouvernerent pas comme lesdiz Anglois avoient fait audit lieu de Fougières, car homme de langue française ne fut tué ne prins, ne ne perdit ses biens.

Depuis lesquelles chouses ainsi avenues, combien que chascun cognoist l’avantaige que le Roy avoit sur lesdiz Anglois, toutesfois, pour tousjours mettre Dieu et le droit de sa part, et que l’on ne peust pas dire qu’il ne se fust mis en tout devoir et que à son deffaut aucun inconvenient fust avenu, et obtemperant à la requeste desdiz Anglois qui avoient requis que les ambaxadeurs et commissaires desdiz deux princes se assemblassent en aucun lieu pour appointer sur lesdites matières, le Roy envoyant (sic) Monseigneur de Culant et moy à Louviers pour voir quel devoir et quelle repa-

ration le duc de Sommerset, qui est lieutenant general et gouverneur de par le Roy d'Angleterre, avoient (sic) fait touchant les chouses dessusdites; et nous avoit baillé povoir, se trouvions que effectuellement ilz eussent besoigné ou eussent voulanté de besoigner, que de sa part nous feissions le semblable et reparer toutes les chouses dont ils se vouloint plaindre. Et combien que, nous arrivez en cesie dite ville de Louviers, sçeussons certainement que lesdiz Anglois n’avoient fait aucunement aucunes reparations des chouses dessusdictes, neantmoins, pour monstrer le bon vouloir que le Roy a au bien des matières et le devoir en quoy ii se vouloit

mettre de sa part, nous offrismes de par le Roy aux ambaxadeurs de la part d'Angleterre, en la devant dite convention qui se tint en l’abbaye du Bon Port, que s'ils vouloient rendre la ville et chastel de Fougières dedans un jour qui adoncques fut nommé, lequel estoit raisonnable et convenable, ès mains de mondit seigneur de Bretaigne, sous la seigneurie et obeissance du Roy, ainsi que raison est, car les treuves sont siennes et y est ledit Monseigneur de Bretaigne nommement compris comme son subgiet, ensemble les biens qui estoint dedans selon la commune extraction, ou, si ne les pouvoint si toust recouvrer, bailler sureté de places ou houstaiges jusques à la valeur d’iceuix biens, on leur rendroit lesdites places du Pont de l’Arche, Conches et Gerberoy et tous les biens qui estoient dedans au temps de la prinse d’icelles places ou la valeur d'iceux biens, et pareillement la personne Monseigneur de Fauconberge, qui avoit esté prins audit Pont de l'Arche, et que au demourant tous excez [et] attemptats d’une partie et d'autre feussent reparez. Laquelle chouse ils refuserent; et nous convint en cet estat retourner devers le Roy, lequel, ouye nostre relation, instruite et justifiée par loyaux instrumens appliqués (?), connaissant le debvoir en quoy il c'estoit mis, la faute et deute de droit qui procedoit de la partie desdiz Anglois, le dommaige qu’ils pourroint faire à ses subjets, et la guerre qui leur faisoient, et ausquelx il est tenu, comme vous sçavez, il leur doit garder, l'infraction aussi et rompture que lesdiz Anglois avoint faits desdites treves, et qu'ils ne vouloint auculne chouse reparer, et mesmement lui oster un tel subjets et d’une telle contrée de pays comme Monseigneur de Bretaigne et son pays et duchié, ou autrement les destruiroit par guerre et voie de fait, par grande et meure deliberation de Conseil et en acquittant sa conscience, il se delibera, après les premières offres qu’il avoit fait faire ausdiz Anglois, [auxquelles] ne vouleurent obtemperer, aincois les refusa (sic) jaçoit ce qu’elles feussent si justes et raisonnables que faire se pouvoit, ainsi que dessus est dit, et qu’il se feust mis en plus grand devoir qu'il n’estoit tenu, ne devoit faire [doubte] de leur fairela guerre et recouvrer sa seigneurie par toutes voyes licites et convenables, et laquelle par long temps iceulx Anglois avoient induement occupée et detenue,; et luy fut conseillé que, selon Dieu et conscience, il se devoit ainsi faire ou qu’autrement il ne feroit plus son devoir.

En executant laquelle deliberation, le seneschal, le bailly d'Evreux, et autres en leur compagnie, le xx° jour de juillet dernier passé,

prindrent la ville de Vernoil; et le lendemain assaillirent le fort de la ville, qui est un très bel chastel tout fermé d'eaux, laquelle ils prindrent d’assault à force et puissance de gens, sans nulle artillerie, ct tout incontinent se rendit le donjon et chastel dudit Vernoil, et ne restoit que la grousse tour. Qui ne sont pas œuvres humaines, mais comme inconcevables et impossibles sans œuvre divine; et faut dire que Dieu, qui connoist le bon droit et la bonne querelle du Roy et la faute et tort desdiz Anglois, conduit cet œuvre. Monseigneur de Dunois et plusieurs autres capitaines vindrent incontinent audit lieu de Vernoil, estant le siège devant ladite tour. Et eulx estant de pardelà vint le sire de Talbot, à toute la plus grant puissance d'Anglois qu’il pust recouvrer deça la mer, à deux lieues près de Vernueil, en entencion de le secourir, comme l’en disoit; et se logea en ung lieu nommé Vertueil, auquel il arriva le dernier jour dudit mois de juillet, el y demoura deux jours et deux nuits ; et le sabmedy ensuivant, second jour d’aoust, se partit ledit Talbot et tous ceux qui estoint avec luy dudit Vertueil, et se vint logier en ung gros villaige nommé Beaumont le Rogier, sans aucunement se monsirer devant ladite ville de Verneil ne plus près en approchant. Le partement duquel Talbot venu à la connoissance de mesdiz seigneurs, midrent incontinent gens dehors pour le chevaucher et scavoir quel chemin il prendroit; et lelendemin bien matin, incontinent que la messe fut dite, ct que chascun se fut mis en estat de combattre, partirent lesdiz seigneurs dudit Verneil, et ‘allèrent le plus droit chemin qu’ils purent pour cuider trouver lesdiz Anglois ; lesquels Anglois, quand ils sceurent que nos dites gens approuchoient d’'eulx, partirent incontinent dudit lieu de Beaumont, et se vindrent mettre en bataille en un très fort lieu entre Harecourt et ledit Beaumont. Laquelle chouse venue à la coignoissance de nos gens, tirèrent incontinent après ; et si toust que lesdiz Anglois les virent approucher, ils abandonnèrent leur première place pour eulx aller mettre en une autre ; jusques à laquelle place semblablement nos gens les suivirent, voyans lesdiz Anglois laisser aucuns ladite place, et se allèrent mettre en ung très fort lieu à demie lieue dudit Harecourt, auquel ils avoient le bois au dos et deux grousses hayes aux deux costez, et ne pouvoit on venir à eUx que par un chemin entre deux au devant ; auquel lieu ils avoint mis tous leurs ribausdequins et leur artillerie, qu’ils appellent leur ordonnance, ct fortifièrent tellement ledit lieu que à toutes gens d'entendement il ne sembloit estre raisonnable ne

convenable de les y laisser assaillir; mesmement qu’il estoit presque nuit, et avoint presque esté nos dites gens à cheval depuis l’aube du jour jusques à celle heure, et avoint bien chevauchez quatorze ou quinze lieues sans repaistre ; et à cette cause s’en veindrent logier en deux gros villages à deux lieues près où estoient lesdiz Anglois, et incontinent qu’il fut nuit, lesdiz Anglois partirent de leur dit lieu et s’en vindrent audit Harecourt, et aussi toust qu’il fut jour, partirent et s'en allèrent sans repaistre jusques à Rouen. Laquelle chouse venue à la cognoissance de nos dites gens, qui dès l'aube du jour s’estoient mis en bataille, et qu’autrement ne pouvoint recouvrer lesdiz Anglois,se retirèrent en ses marches d'Evreux, Louviers et Pont de l’Arche, et prindrent une petite place près du Pont de l’Arche, nommée Longent-Pré, qui estoit auditsire de Talbot, et laquelle est à quinze lieues de Rouen: et là se joignirent Messeigneurs d'Eu, Saint-Pol, de Saveuze, de Molry (Mouy) et plusieurs autres jusques au nombre de deux mille combaitans ou environ, avec Messeigneurs de Dunois, le senechal, et autres seigneurs qui estoient parlis dudit Vernoil; et après qu'ils eurent parlé ensemble, et pris leurs conclusions de ce qu'ils devoient faire, le dimanche ensuivant, dixiesme jour dudit mois d’aougst, mondit seigneur le senechal, le bailly d'Evreux et plusieurs autres en leur compagnie partirent dudit Pont de l'Arche, en entencion d'aller prendre la nuit ensuivant le Ponteau-de-Mer par certains moyens qu'ils avoint. Laquelle chouse ne se put pas executer, pour ce que Mundefort, thresorier de Normandie, et Foucques Cotton (Etton), capitaine de Caudebec, accompagnez de quatre à cinq cents Anglois d’Angleterre, des plus vaillans qui fussent en Normandie, estoient celuy jour après disné entrés en ladite place, dont nos dites gens n’en sçavoint rien. Voyant laquelle chouse ledit monseigneur le senechal et bailly d'Evreux, et que leur entreprinse ne se pouvoit executer, si misdrent le siège devant ledit Ponteau-de-Mer, et envoyerent à toute diligence devant (devers) mesdiz seigneurs d’Eu, de Saint Paul et de Dunois, pour leur notifier la chouse, et les faire ävancer et venir audit Ponteau-de-Mer. Lesquels seigneurs, qui dès le lundy matin estoint partis dudit Pont de l'Arche pour tirer après mon dit seigneur le senechal, et ensuivoient la conclusion qu'ils avoient prinse ensemble, tirerent à toute diligence envers ledit Ponteau-de-Mer, et y arrivèrent le mardy matin xr1° jour du dit mois d’'aougst, et incontinent environnerent ladite place de tous coustez; et celuy mesme jour après disner l’assaillirent et prind-

rent par assault, et furent tous lesdiz Anglois estans dedans mors et prins. Et le vendredy ensuivant, xv° jour dudit mois, nos diz seigneurs d’Eu et de Saint Paul allerent au Pont l'Evesque, qui leur fut obeissant ; et celuy jour mon dit seigneur le senechal, le bailly d’'Evreux, et autres en leur compagnie, tirerent vers Lisieux, et y furent le landemain au matin; et celuy mesme jour la ville et cité de Lisieux se mit en composition ; et y entrerent le dimanche matin nos diz seigneurs d’Eu, de Saint Paul, de Dunois, le senechal, de Gaucourt, de Culaut, de Bleville (Blainville), de Saveuze. Les baillis de Gerberoy, et d'Evreux allerent prendre Bernay, qui est forte place et belle. Er tant en iceluy jour que en trois ou quatre autres jours ensuivant, mesdiz seigneurs pridrent les chasteaux et places de Courtonne, Faugarnon, Lienervot {(Livarot?}, Crevecueur, Gruillier (?)}, Orbec, la Rivière de Tibouville, Beaumenit, Rugles, la Ferté-Fresnay, el plusieurs autres petites places. Ceux de Dieppe aussy en iceluy temps prindrent Fecamp, et monseigneur d'Orval, qui venoit par un autre chemin, print Gassay, c’est assavoir le chastel par assault. Et la Tour de Verneil se rendit au Roy, c'est assavoir ceux dedans à sa voulenté, qui estoient bien quatre vingt. Pareillement se meist en son obeissance la cité de Vees (Seez) et la place de Loigny, qui est un des beaux chasteaux que l’on saiche. De-là mesdiz seigneurs tirèrent à Mante, qui est sur la rivière de Saine, et y a bien vingt huit ou trante lieues de Lisieux ; et arrivèrent devant ladite ville de Mente le xxiv® jour dudit mois d’aoust. Et en celuy mesme jour ladite ville se meist en composition, là où ils estoint dedans bien de huit ving à deux cens Anglois, et y estloit Thomas de Seymbarbe, anglois, bailly pour ceux dudit lieu de Mente. Le landemain, qui fut xxve jour dudit mois, lesdiz seigneurs allerent devant Vernon, lequel. se mit en composilion le jeudy xxvire jour dudit mois, pour soy rendre le sepmady ensuivant, ou cas qu’il n’auroint secours; et iceluy sepmady la place fut rendue, qui est belle ville et bel chastel à douze lieues de Rouen; et estoit dedans icelle ville maistre Ormont, frère du comte d'Ormont, et prouchain parent du duc de Sommerset, accompaigné de sept à huit vingt Anglois. De là mesdiz seigneurs tirèrent devers le Roy à Evreux, et sont tous venus ensemble en cette ville de Louviers. D’icy partirent mesdiz seigneurs, c'est assavoir messeigneurs d'Eu, Saint Paul, le mareschal de Culant, et plusieurs autres, pour aller mettre le siège devant le Neufchastel. Ce qu'ils ont fait, et prins la ville par assaut, et le chastel mis en composition, à eux

rendre, en cas qu'ils n’auroint secours, lundy prouchain. Et par avant avoint prins mesdiz seigneurs la ville ct chastel de Gornay et Belencontre. Et Monseigneur de Dunois, le seneschal, et autres dessus nommez, partirent pour aller mettre le siège devant Harcourt ; lequel se rendit dimanche dernier, x11° jour de ce mois de septembre; et paravant avoit esié trois mois en composition, et estoient de sept à huit vingt Anglois, et est une forte place, laquelle le duc de Sommerset tenoit et reputoit sienne; et n'est qu’à douze lieues de Rouen. Et incontinent firent partir nos gens pour aller devant Chambrois, qui est ung très bel chastel, et y avoit bien deux cents Anglois dedans ; lequel chastel s’est aujourd’huy rendu environ dix heures. D’aulre part, Monseigneur de Bretaigne, Monseigneur le connestable et Monseigneur de Touteville, et autres seigneurs, sont entrez en la Basse Normandie, et ont pris Saint Jame de Beuvron, les deux chasteaulx de Mortaing, que les Anglois avoint fait reparer, la cité de Coustance, la ville de Saint Lo, Reneville, qui est bel chastel et fort, et port de mer, la place de Chantelou, et sont maintenant assiewez devant Carenten. Le seigneur d’Alancon, d'autre cousté, a prins Essay, qui est belle ville et bel chastel. Et presentement sont venue nouvelle comme il a pris la ville d’Alançon et mis le siège devant le chastel. Le capitaine de Dieppe print jeudy au soir la ville d'Arques, que l’on appelle la Belle, et le belvart du chastel, et tient le siège devant ledit chastel. Et en effet, Monseigneur, nous avons tous les jours tant de bonnes nouvelles de toutes pars et nous vient tant de biens de tous coustez, que nous ne scavons auquel entendre. Et à ce peut-on bien connoistre Îla bonne querelle du Roy et comme Dieu conduit son fait; car il ne fut oncques trouvé en quelque livre ou histoire de quelque temps que ce soy en loy judaïque, payenne et chrestienne , que en si peu de temps ung prince conquist par force sur ses ennemis tant de places comme le Roy fait de present ; et si est bien à noter qu’il n’y a eu place prinse où il n’y eust Anglois d'Angleterre el en grand nombre. |

Je vous avois oublié à mettre la Roche Guyon, qui a efté prinse par siège et baillé terme de combattre de quinze jours; et n’est qu’à quatorze lieues de Rouen, où est le duc de Sommerset, Talbot et: toute leur puissance. Et se rendit ladite place, qui est si forte que chascun sait, hier eut huit jours, qui fut x11 (sic) jour de ce mois de septembre. Et par avant s’estoit rendue la place de Dangu.

Monseigneur, en ces chouses ne faites doute, car je les vous af-

ferme pour vraies, ef in omnibus interfui et vidi, et testimonium meum verum est. Et encores espere, au plaisir de Dieu, que bien brief vous oirez mieulx. Monseigneur, si est-ce long, pardonnez moy.

Escript à Louviers, le xxv° jour de septembre, l’an M CCCC XLIX.

Depuis Monseigneur de Bretaigne pris le Pont de Doue, qui est l'entrée du cloux de Coustentein, et a esté prins ledit Pont par assauit. Ceux de Carenten ont achepté leurs assaults deux mille francs et se sont rendus. Ceux de Valongnes ont abandonné leur place et nos gens sont dedans. Ceux de Bricquebec se sont rendüs. Saint Sauveur le Vicomte est rendu, et ne demeure plus à conquester en tous lesdiz cloux de Coustantein fors Cherebourc. Ceulx d'Argenten ont appelé nos gens, lesquels estoient devant, et fait entrer par un portal et chassé les Anglois jusques dedans le chastel; lequel chastel a prins composition, et s’en sont allez lesdiz Anglois un baston pelé en poing. Je vous dis pelé. Gisors a baïllé bons hostaiges à soy rendre dedans quinze jours, en cas que les Anglois ne seront plus fors devant. Le siège est devant le Chastel Gaillart pour vray. Le 1x° jour de ce mois d'octobre, le Roy fut en personne devant Rouen et y demoura tout le jour; et de present est au Pont de l'Arche. Le siège sera mis tout cloux devant Rouen dedans le xv® jour de ce mois.

Le Roi aux habitants de Lyon | Louviers, 8 octobre 1449.

A noz chiers el bien amez les conseilliers, bourgeois et habitans de la ville de Lyon.

DE PAR LE Roy.

Chiers et bien amez, nous tenons que vous savez assez comment, puis certain temps en ça, sommes entrez à puissance en cestui. nostre pays de Normandie pour la recouvrance d'icellui sur noz ennemis les Anglois, quilonguement l'ont delenu et usurpé, et que en avons jà reduit et remis grant partie en nostre obeissance et d’icellui deboulé nosdiz ennemis. Et avons entencion, moyennant l’'ayde de Nostre Seigneur, de continuer le plus que pourrons ; et à

ceste cause avons avec nous oudit pays plusieurs de nostre sang et grant nombre de noz feaulx et autres gens d'armes et de trait. Et pour ce que, en faisant les choses dessusdictes, avons fait de grans despenses et nous en conviendra faire d’autres pour l’execucion de ce qui reste à faire, pour fournir ausquelles choses avons ordonné presentement estre mis sus certain aide en noz pays de Languedoil et faire continuer le paiement de noz gens de guerre pour l’année à venir qui commencera le premier jour de janvier prouchain venant. Et pour ceste cause envoions presentement pardelà nostre amé et feal conseillier l’evesque de Carcassonne, general sur le fait de noz finances, et autres noz officiers et commissaires, ausquelz nous avons chargé vous dire et remonstrer nosdictes affaires, qui sont telz et si notoires que chascun peut congnoistre. Si vous prions et requerons et neantmoins mandons, sur tout le service que faire nous desirez et que amiez le bien de nous et le recouvrement de nostre seigneurie, que nosdiz conseillier, officiers et commissaires vous vueillez oir, faire et acomplir tout ce qu’ilz vous requerront ceste foiz de par nous.

Donné à Louviers, le huitiesme jour d'octobre.

CHARLES

DE LA LOËRE i.

ITT

Jacques Cœur à la duchesse de Bourgogne

Bernay, 10 mars 1450.

A ma très redoubtée dame Madame la duchesse de Bourgogne.

Ma très redoubtée dame, je me recommande le plus humblement que je puis à vostre bonne grace. À laquelle, ma très redoubtée . damg, plaise savoir que j’ay recues les lettres qu’il vous à pleu moy escrire par maistre Jehan de Molesmes, secretaire de mon très redoubté seigneur monseigneur le duc de Bourgongne, touchant vos num livres tournois sur la recepte de Vermandois. En verité, ma très redoubtée dame, il est vray, ainsy que par vos dictes lettres dictes, que, se Dieu plaist et la bonne fortune qui lui a pleu envoyer au Roy en la recouvrance de son pays de Normandie, les

1. Original signé sur papier, trace de sceau plaqué en cire rouge. Archives municipales de Lyon, AA 20, f. 17. |

charges dudit seigneur seront dores en avant allegiez, mais ses affaires et despens ont esté si grandes, longues, pesantes et somptueuses que la charge en est en divers lieux trop plus que plusieurs ne cuident, et si est assez à presumer que le long trait de sa presente armée pour la recouvrance de son dit pays, dont il n’a encores la fin telle qu'il desire et que au plaisir de Dieu en brief aura, ne l’a pas allegée, car si haulx et pesans faiz que de si grande armée et longue entretenueuc comme la sienne ne se pevent pas conduire sans moult grans frais et despences, pour ausquelles fournir et à la conduite de l'avenir fait bien tout {tost) besoing et beaucop plus avant; mais se Dieu plaist tout se conduira et vendra a bonne fin; et puis après pourra plus aisement subvenir à vostre fait et autres besongnes qui le temps passé, à cause des charges de la guerre, sont demourées derrière, car ledit seigneur en a très bon nombre. Ledit de Molesmes et moy avons eu ensemble conferacion se. de vostre dicte matière devoye audit seigneur parler, mais, consideré les choses dessus dictes et plusieurs autres, longues à escrire, estion demourez d’oppinion que on devoit attendre jusques à une autres fois que les besongnes seroient en meilleur terme. Toutesfois la chose s’est trouvée à point que ledit de Molesmes lui en a parlé, et lui en a respondu en très bonne manière, ainsy que s’il vous plaist par lui pouvez savoir.

Si vous supplie, ma très redoubtée dame, si très humblement comme je puis, qu’il vous plaise m’en tenir pour excusé pour ceste heure ; mais, au plaisir de Dieu, en temps et lieu pense bien, de mon petit povoir, poursuivre ledit fait et autres envers le Roy où vous plaira m’employer. Et tousjours vous plaise me faire savoir et commander vos très bons plaisirs, pour les accomplir, au plaisir de Nostre Seigneur, qui par sa grace, ma très redoubtée dame, vous doint très bonne vie. | : |

Escript à Bernay, le xme jour de mars mil IIIe XLIX avant

Pasques.

Vostre très humble

et très obéissant serviteur,