CHEVALIER
1. Original signé sur parchemin. Chartes royales, XVI, n° 258. 2. Original signé sur papier. Ms. fr. 20436, f. 1.
VIN Le Roi à Dreux Budé Taillebourg, 18 juillet 1451.
A nostre amé et feal conseiller maistre Dreux Bude, garde de noz chartres à Paris.
DE PAR LE Roy.
Nostre amé et feal, beau cousin de Nevers nous a dit qu'il nous a autreffoiz fait hommage de la terre de Maisières sur Meuze, et que ce neantmoins l'Empereur veult contraindre nostre dit cousin à lui en faire hommage, disant quelle est tenue de lui. Et pour ce que icellui nostre cousin n’est pas bien garny de tiltres ne autres souffisans enseignemens touchant ceste matière pour deffendre à l’encontre dudit Empereur, nous vous mandons que vous veez et visitez ou tresor de noz chartres s’aucune chose y a qui puisse servir pour nous et nostre dit cousin en ceste matière; et de ce que en trouverez lui en faites bailler extrait en la fourme acoustumée, sans en faire aucune difficulté, car tel est nostre plaisir.
Donné à Taillebourg, le xvrn* jour de juillet.
CHARLES
CHALIGAUT!.
Le Roi à ses gens des comptes
Taillebourg, 17 septembre 1451.
DE PAR LE Roy.
Nos amez et feaulx, comme pieça vous avons escript et qu'il vous est peu apparoir par noz lettres patentes sur ce, nous avons donné à nostre chière et bien amée cousine la contesse de Dunois, à sa vie, la terre et seigneurie et revenues du pont de Meulent, soubz certaines condicions plus à plain contenues en nos dictes lettres; et combien que nostre dicte cousine vous a fait requerrir l’enterine-
1. Original signé sur parchemin. Archives nationales, J 476, n° 164.
ment d'icelles, toutesvoies, obstant noz ordonnances faictes touchant le fait de nostre donmaine, tant à Nancy que à Bourges, vous ne les avez voulu expedier, comme elle nous a fait remonstrer. Et pour ce, en faveur de nostre dicte cousine, qui sur ce nous a fait derechief requerir, avons fait refaire lesdictes lettres, icelles signées de nostre main, et voulons que du contenu d'icelles elle joisse, non obstant lesdictes ordonnances, ainsi que par icelles vous pourra apparoir. Si vous mandons bien expressement que icelles lettres lui enterinez et expediez sans plus faire en ce difficulté. Car tel est nostre plaisir.
Donné à Taillebourg, le xvrr° jour de septembre.
CHARLES
CHALIGAUT!.
Le Roi à Antoine, seigneur de Croy
Montils-les-Tours, 21 février 1452.
A nostre chier et amé cousin le seigneur de Croy.
DE PAR LE RO
Cher et amé cousin, nous avons sçceu par l’admiral et le seneschal de Poictou comment nostre cousin de Saint Pol a nagaires esté devers beau frère de Bourgoigne, et que certaines ouvertures ont esté faites entre eulx sur les difficultez qui pourroient estre à cause d'aucunes noz terres et seigneuries, et que depuis vous et le bailly de Haynau vostre frère avez parlé de ceste matière bien amplement à nostre dit cousin de Saint Pol, disans que saviez bien lesdictes ouvertures avoir esté faictes entre nostre dit frère et lui, et lui priant que, pour parvenir à bonne conclusion desdictes ouvertures ? il vous fist trouver manière, ou cas qu’il viendroit devers nous,que certaine journée feust tenue par aucuns de nos gens et ceulx de nostre dit frère en aucun lieu moyen, tel qu’il nous plairoit, et que ausdiz jour et lieu nous pleust envoyer de nos gens garnis de povoir, et que semblablement nostre dit frère y envoyeroit des siens, et que vous et votre dit frère vous y trouveriez. Sur quoy vous si-
1. Original signé sur parchemin, trace de sceau plaqué. Ms. latin 11831, fo 7.
gniffions que, pour le desir que tousjours avons eu et avons de nourir amour et bonne union entre nous et nostre dit frère, et de traiter lui et ses fais en toute faveur, nous sommes contens que journée soit prinse par nostre dit frère et aussi nostre dit cousin de Saint Pol et au lieu qu'ils adviserent, et de y envoyer de par nous nostre dit cousin et autres nos gens, garnis de povoir pour besoigner esdites ouvertures, esperans que pareillement nostre dit frère y envo{yera) des siens; et somes bien joyeux que vous et vostre dit frère, auquel pareillement escrivons de ceste matiere, y soiez, car les besoingnes n’en pourront que mieulx valoir. Donné aux Montilz lez Tours, le xxre jour de fevrier.
CHARLES
DE CAIGNEUX !.
Le Roi à ses gens des comptes
La Roche Saint-Quentin, 28 avril 1452.
DE PAR LE ROYx.
Noz amez et feaulx, la vesve de feu Colin Mesnart, à son vivant grenetier du grenier à sel de Loches, nous à fait remonstrer que, combien que nagueres, après le trespas dudit feu son mary, pour consideracion de sa longue maladie, de laquelle il est alé de vie à trespas, et qu'il a delaissé ladicte vesve sa femme chargée d’enfans et de pluseurs debtes, et autres causes à ce nous mouvans, mesmement pour eviter la desercion d'elle et de ses diz enfans, à icelle ayons octroyé que, en nous payant comptant la sonme de rc livres tournois seulement, elle soit et demeure quicte envers nous de la sonme de xx livres tournois que son dit feu mary nous povoit devoir pour les causes et en la forme et manière contenuz et declarez en noz lettres patentes que lui en avons octroyées, lesquelles lettres, qui sont signées de nostre main, pour en avoir expedicion, vous aient esté presentées de la part d’'icelle vesve, offrant et preste de paier icelle sonme de uxic livres tournois, ce
1. Collection d’autographes de H. Delmotte. Pièce achetée par lui à Paris; publiée par M. de Reiïffenberg en 1841 dans le Compte rendu des séances de la commission royale d'histoire (de Belgique), t. IV, p. 62.
neantmoins, soubz couleur que dictes icelles noz lettres estre incorrectes et mal faites, ainsi qu’il appert icelle sonme de xiue livres nous estre deue, avez differé les expedier jusques à la fin et cloture des comptes que a à rendre ladicte vesve pour son dit feu mary touchant ledit grenier ; et pour ce que voullons ladicte vesve estre traictée favorablement et nos dictes lettres, qui ont esté reveues et corrigées, avoir et sortir leur plain effect, nous voulons et vous mandons bien acertes que, en nous payant promptement par ladicte vesve ladicte somme de zic livres tournois, sans avoir regart aux comptes dudit feu grenetier non renduz, vous icelle vesve tenez quicte et paisible de ladicte sonme de xirIe livres, et icelles noz lettres lui expediez selon leur forme et teneur, pourveu toutevoies que se par la fin et cloture d’iceulx comptes ledit feu grenetier est trouvé nous estre tenu en plus grant sonme que lesdictes xrr1e livres, ladicte vesve en sera tenue envers nous. Et faites qu'il n’y ait faulte et telement qu'elle n'ait cause d’en retourner devers nous. Car tel est nostre plaisir. Donné à la Roche Saint-Quentin, le xxvrxr jour d’avril.
CHARLES
