PAVIE

Le Roi au duc de Savoie

Chissay, 15 juin 1452.

A nostre très cher el très amé cousin le duc de Savoye,

DE PAR LE Roy.

LA

Très chier et très amé cousin, nous tenons que savez assez la bonne et ancienne amitié qui dès long temps a esté et est entre nos predecesseurs, nous, et les Florentins. Et derrenierement, nous estans en nostre ville de Tours, lesdiz Florentins envoièrent par. devers nous messire Ange, leur orateur et ambaxadeur, faire remonstrer la bonne et ancienne amitié qui tousjours a esté entre noz predecesseurs, nous et eulx, requerir avecques nous confederacions et intelligence ; laquelle avons prise et acceptée d’eulx et du conte

4. Original signé sur parchemin. Chartes royales, XVI, n° 354.

Francisque, condessendant par l’advis, conseil et deliberacion de beaux frères les Roy de Secille et duc d'Orleans, et de beaux cousins de Clermont, le connestable, d’Armignac et de Dunois, et autres de nostre sanct et lignage et de nostre grant conseil. Et pour ce que nous avons sçeu que les Veniciens ont rompu la guerre et mise sus à l’encontre desdiz Florentins et conte Francisque, nous vous notiffions ce que fait a esté en ceste matière, afin que ne vueillez faire ne souffrir estre fait, à l'encontre des Florentins et conte Francisque, aucune chose en leur prejudice et de ladicte confederacion et intelligence. Et quant autrement le feriez seroit à nostre très grant desplaisir, et serions contraint de les porter et deffendre ainsi que tenuz et obligez y sommes, veu que la chose touche nostre honneur. | Donné à Chicé, le xv° jour de juing.

CHARLES

CHALIGAUT !.

Le Roi aux gens de son Conseil

Cleppé, 6 octobre 1452.

DE PAR LE ROY

Noz amez et feaulx, aucuns de nos officiers ordinaires que avions nagueres commis pour cueillir et levér en aucunes vontrées les finances à nous deues, tant par gens d’eglise comme par gens non nobles, pour cause des nouveaulx acquests par eulx faiz, nous ont fait advertir que plusieurs gens non nobles et mesmement marchans publiques ont depuis aucuns temps en ça impetré et obtenu de nous aucunes lectres de noblitacions, soubz umbre desqueiles lesdiz annobliz s'efforcent de tenir grant quantité de fiefz et possessions nobles par eulx acquises, tant au devant l’octroy desdictes noblitacions comme depuis, sans nous en vouloir paier finance; et neantmoins, depuis lesdictes noblitacions par eulx impetrées, ont marchandé et marchandent et tiennent ouvrouers publiques de marchandises et n’ont vescu ne vivent noblement, ne font fait :

4. Original signé sur parchemin, trace de sceau plaqué en cire rouge. Archives de Turin, Francia, Lettere principi.

de nobles ; et avons esté requis d’octroyer nos lectres declaratoires pour contraindre lesdiz annobliz à paier ladicte finance, nonobstant les dictes nobilitacions, laquelle chose a semblé à aucuns de voz officiers que povons faire, et que lesdiz annobliz ne doivent joir du benefice desdictes nobilitacions, sinon en vivant noblement et faisant faiz de nobles; sur quoy avons voulu avoir vostre advis. Si vous mandons et expressement enjoignons que vous appellez avec vous v ou vi de noz conseilliers en nostre court de Parlement, et aussi de ceulx de nostre tresor, el autres noz officiers de par delà que verrez à faire, en ce cognoissans et expers, et entre vous . et eulx mectez cesle chose en termes pour adviser ce que en povons et devons faire de raison ; et ce que y aura esté advisé et conclut nous envoiez par escript au plus tost que vous pourez, ou à nos amez et feaulx les tresoriers estans par devers nous, pour y estre par nous procedé ainsi que sera de raison. Et en ce ne faictes faulle. Donné à Cleppié près Feurs en Fourez, le vie jour d'octobre.

CHARLES

DE LA LOËRE !.

Le Roi à ses sénéchaux, baïllis, etc.

Moulins, 8 novembre 1452.

DE PAR LE Roy.

Nostre amé et feal, pour ce que nous ne vous avons en riens escript par les aultres lettres de ce qui a esté par deçà touchant nostre filz le Dolphin, il nous a semblé que en doyés estre adverty, adfin que, se en oyés parler, que fussiés adverti de la verité. Depuis nostre partement, nostre dit f1z envoya par devers nous Gabriel de Bernes à la Palisse, par lequel nous fist savoir plusieurs choses qui trop longues seroient à escripre; mais son principal sera sceu (sic) trois poins : le premier que on avoit rapporté à nostre dit filz que nous alions par delà pour lui oster le Daulphiné; le second que l’on lui avoit rapporté que nous faisions faire ung procès contre lui; le tiers que avions dit qu'il y avoit xuIr points par lesquelz le père poeut desheriter les enfans, dont avoit commis les sept. Sur les-

4. Original signé sur parchemin. Pièces originales, 1448 : GUINGUANT, n° 93.

queles choses feismes responce audit Gabriel que n'avions point entreprins ledit voyage pour chose qui lui touchast, et que ce n'estoit point nostre intencion de lui riens demander el n’estions point venus pour ceste cause, et meismement car quant nous parlismes de Bourges nous cuidions qu'il fust du tout disposé à soy bien gouverner, mais que en chemin avions sceu le contraire, dont fort nous desplaisoit. Toutes voyes deysmes audit Gabriel qu'il lui remonstrast l’esclandre qui estoit partout de son gouvernement et le desplaisir que nous en avions, et autres grans seigneurs de nostre sang et gens de tous estas de nostre Royalme y avoient; et que bien desirions que de lui meismes mesist remede à son gouvernement, ou aultrement nous serions constrains d’assambler de grans seigneurs de nostre sancg et aultres en bon et souffisant nombre, pour avoir advis et conseil de pourvoir à son fait, et qu’il seroit trop plus honneste pour bien {sic au lieu de lui) que de soy meismes il y meist remede qu’il y fust mis par la manière dessusdicte. Quant au second point, nous lui feismes response que nul procès n’en avoit jamais esté fait, et que, depuis le fait de Mariette, n’avoit esté fait procès par nostre ordonnance qui lui touchast nullement. Quant au thiers point que, jà soit ce que les enffans pourroient bien faire des choses contre leurs pères desquelles porroit cheoir grant correcion, toutes voyes jamais ne avions oy parler de ladicte matière. Et en cest estat l'expediasmes, et s'en retourna devers lui. Et depuis revint ledit Gabriel devers nous au lieu de Cleppié, lequel nous dist de par nostre filz en substance qu’il l'envoyoit devers nous pour nous dire qu’il estoit deliberé de faire hault et bas ce qu’il nous plairoit lui commander, et qu’il nous pleust lui faire cest honneur de envoyer devers luy aucuns de nos gen$ feables et prochains de nous, et par iceulx lui mander nostre bon plaisir. Sur cecy remonstrasmes audit Gabriel, comme aultresfois avions fail, que n’avions en riens entreprins nostre dit voyage pour chose qui lui touchast, et que s’il n’estoit bien advisé de faire ce qu'il lui ordonneroit, qu’il vaulroit . mieulx qu’il y pensast et advisast tout à loïsir,et que nous n’avions point de haste, et aussi que se nous lui faisions savoir nostre volenté, et il ne le voulsist faire, nous en debveurions par raison estre plus mal contens que par avant. Non obstant lesquelles choses et aultres remonstrées audit Gabriel, il persista (ousjours à la requeste dessusdicte,et nous requist qu’il nous pleust envoyer devers nostre dit fils, ou qu’il estoit en voye de soy enfuir en lieu qu'il ne seroit -pas bon ne honneste, et se n’y .envoyons il seroit comme desesperé.

Et lors lui respondismes comme dessus que n’estions point venus . par deça pour chose qui luy touchast, et qu’il l'en asseurast hardyment, se non qu'il fist chose qui nous deust esmouvoir ad ce. Et lors deliberasmes envoyer devers luy le sire de Monstreau (Montsoreau), par lequel lui fismes ancoires remonstrer qu’il advisast bien et pensast à son fait, et qu’il vaulroit beaucoup mieulx que ne lui feissions ancoires point savoir nostre volenté, que s’il estoit reffusant de la faire après ce que la lui ariesmes fait savoir. Lequel sire - de Monstreau fut devers lui, ainsy que appointié avoit esté, et revint devers nous et ramena ledit Gabriel en sa compaignye. Lors fist sa rellacion qui fut tele : que nostre dit filz le Daulphin l’avoit grandement et honnorablement requeully pour honneur de nous, et que après plusieurs parolles qu'il y avoit eues aveuc lui, il lui avoit dit que nous poions envoyer devers lui quant il nous plairoit et qu’il estoit deliberé de faire hault et bas tout ce que voldrions ordonner; toutes voyes il nous supplioit qu'il nous pleust estre contens que pour ceste fois il ne venist point devers nous, tant pour crainte d’aucuns rappors qui lui avoient esté fais, que aussy pour certains pelerinages qu'il disoit avoir vouez accomplir avant que venir devers nous. Duquel rapport fusmes bien contens, cuydans que ainsy fust, et deliberasmes lui ottroyer sa dicte requeste. Pour laquelle chose ledit Gabriel pariy incontinent pour soy en retourner devers lui, pour ce qu’il disoit que nostre dit fils ne seroit jamais aise jusques à tant qu’il eust de ses nouvelles. Et fist ledit Gabriel tele diligence que, avant que peussions avoir expedié ceulx que y devions envoyer, il renvoya ung messagier par devers ledit sire de Monstreau, par lequel il lui rescripvy en effet que nostre dit filz le Daulphin n’entendoit point que ceulx que y envoyerions lui deussent parler en riens de deux poins, lesquelz il avoit expressement tousjours reservez, ce qu’il avoit bien dit audit sire de Monstreau. Sy feismes incontinent assembler les gens de nostre grant conseil pour avoir advis à ce que avions à faire; el fusmes conseillez, non obstant ces choses, que devions envoyer devers lui, et que pour la lettre dudit Gabriel ne le devions laissier, et meismement car ledit de Monstreau nous affermoit que quand il parla à lui il

n’avoit faite nulle expedicion fors seulement nous supplyer que fussions content que de present ne venist devers nous, ainsi que dessus est contenu. Et ensievant laquelle conclusion, ordonnasmes envoyer vers luy le sire de Torcy, maistre des arbalestriers, et le sire de Monstreau. Et adfin que nostre dit fils ne peust pas dire que

voulsissions proceder en aulcune rigueur, feismes faire les articles en nostre presence en la meilleure et plus doulce forme que faire se pooit, lesquels par les dessusdiz luy furent portés, et dont vous envoyons le double. Et après ces choses les dessusdiz allèrent devers nostre dit fils, ainsy que ordonné leur advions, lesquels jà soit ce que il les rechupt bien et honorablement, toutes voyes ne nous raportèrent aulcunes responses des articles dessusdiz, fors seulement qu'il envoyeroit de ses gens devers nous, par lesquels il nous feroit savoir de sa volonté bien au long. Nous demandasmes aux dessusdiz s'ils avoient point sceu quels points c’estoient lesquels il disoit tousjours avoir reservés, lesquels nous dirent que l’un estoit de non venir devers nous, et l’autre estoit que ceulx qui estoient à l’entour de lui et qui l’on conduit jusques ad present lui demeurroient, et que pour rien ne les habandonneroit. Sy nous sembla la chose bien estrange, car nous congnoissons assez que, quant il ne vendroit devers nous et que aveuc ce il demourroit ainsy accompaignié qu'il a accoustumé, qu’il n’y aroit point grant amendement en sa conduite. Et nous sembla qu’il nous valoit mieulx laissier la chose en cest estat jusques ad ce que par bon conseil fussions advisés de y pourveoir par aultre manière qu’il ne feroit que eussions esté d'accord qu’il deust demourer en la conduite accoustumée. Après lesquelles choses ceulx qu'il y devoit envoyer arrivèrent devers nous et leur donnasmes audience; et après nous baillèrent leur charge par escript; duquel nous envoyons pareillement le double. Et par lesdiz escripts il entend que doyons estre d'accord que aux deux points dont dessus est faicte mencion ne soit touchié. Et au surplus ne respond pas clerement à aulcunes de nos articles. Sur lesquelles choses, après grande deliberation de conseil, feismes response aux dessusdiz que, touchant le fait de l’Esglise, estions contens de envoyer de nos gens à Lyon pour faire reparer les choses qui avoient esté faites contre les Eglises qui sont de la couronne tenues et de nostre ressort, et au surplus estions contens que nostre cousin le cardinal d’'Estouteville ou ses commis, au cas qu’il n’y porroit vacquier, eussent la charge de besongnier à la reparracion des choses faites sur les Eglises qui ne sont point tenues du royalme, pourveu que, en ce qui touche les choses du Daulphiné, commettrions aultres gens pour assister en la compaignie de nostre dit cousin le cardinal ou de ses commis ét officiers que rien ne se innovast qui fut au prejudice de nostre Pragmatique; et quant au surplus, il faloit qu’il nous feist plus clere responce à aulcuns de

460 HISTOIRE DE CHARLES Vll.

nos poins, ausquels par iceulx ambassadeurs et par les memores qu'ils avoient baiïlliés n'estoit pas assez respondu. Et après leur remonstrasmes à part, presens aulcuns de nostre dit conseil, qu'ils advertissent nostre dit fils qu’il meist remède en son gouvernement. Et en effet leur deismes presques semblables paroles que avions dit à Gabriel audit lieu de Palisse. D'après lesquelles choses ils prinrent congié de nous, et oncques puis ne nous feit responce touchant les choses dessusdictes. Mais ung pou aprez envoya devers nous Guillaume le Bastard de Valence, par lequel il nous rescripvy qu’il avoit seu que les Auglois estoient venus à grant puissance en la rivière de Gyronde, et pour ce que ses gens lui avoient dit que avions esté mal content de quoy il ne s’estoit offert ou temps que estions en la conqueste de nostre duchié de Normandie et depuis au recouvrement de nostre duchié de Guyenne, et pour ces causes il escripvoit devers nous en nous faisant savoir que se nostre plaisir estoit il estoit prest de soy employer à l'encontre des Anglois dessusdiz. Pourquoy lui feismes response que, au temps que nous alasmes en nostre dit pais de Normandie, et depuis quant nous deliberasmes de mettre sus nostre armée pour le recouvrement de nostre dit duché de Guyenne, plusieurs choses n’avoient pas esté . faites de sa part qui depuis ont esté, et aussi que les gens qu’il avait assamblez n’avoient pas esté par lui mandés pour nous servir à garder nostre dit duchié de Guyenne; et que, s’il nous eust obey ainsy qu’il debvoit faire par raison, nous lui eussions fait telle responce à ses offres qu’il en deust avoir esté content. Et en cette manière depeschames icellui Guillaume le Bastard, present nostre beau cousin le cardinal de Savoye et plusieurs autres de nostre conseil.

Et adfin que sachiez aulcunement les manières qui ont esté tenues au temps que ledit Gabriel vint devers nous à la Palisse, nostre dit fils estoit deliberé de soy retirer et non attendre nostre venue en manière du monde, et faisoit le susdit Gabriel de grans doubtes qu'il ne se eslongast en quelque lieu qu’il pooit estre eust esté en dangier de sa personne, comme dessus est dit. Mais après ce qu’il ot oy les bonnes parolles que avions dictes audit Gabriel, il s’en vint à Vyenne et là manda tous les gens d'armes d'où il peut recouvrer et des communes du pays, lesquels il avoit constrains ceulx mettre en habillement et en la maniere commant l'en a acoustumé de faire fortiffier et reparer une ville quand elle attend le siège, en celle meisme maniere il faisoit continuellement beson-

gnier à faire bolvers et autres deffenses comme s’il attendeist le siège ; et très souvent avec estandars deployés se faisoient les ouvrages dessusdictes. Et en verité nous ne fusmes advertis des choses dessusdictes, pour ce que ung chascun doubtoit que y deussions prendre desplaisir, jusques à tant que nostre cousin de Savoye viat devers [nous] à Cleppier, que aucuns vindrent en sa compaignie, cuidans que le seussions bien, le nous dirent; dont fusmes bien esmerveillés, et meismement comme la chose dessusdite nous avoit esté celée. Et ne faut point faire de doubte, n'eust esté ce que avions dit et affermé audit Gabriel, il n’eust osé faire les choses dessusdites. Mais peut estre qu'il sambloit à ceulx qui le conduisoient, se la chose cheoit en appointement, que tout le monde cuideroit que eussions fait ledit appointement pour ce que nous n'’eussions pas esté puissant d'y pooir donner le remede tel que au cas appartient. Et se ne eust esté ce que avions acertené au dessusdit Gabriel que nous n'avions point entreprins ce present voyage pour chose qui lui touchast et qu'il assurast hardiment que durant icelui n’estoit nostre intencion de lui commanchier nulle voye de fait, nous eussions monstré que nous estions assez puissant pour donner remède à telles folles entreprinses. Sy vous escripvons ces choses adfin que soyez du tout adverty, et que en puissiez parler certainement là où il apartendra et que verrez qui seroit de faire. Donné à Moulins en Bourbonnoiïs, le vire jour de novembre.

CHARLES

DE LA LOËRE!1.

Le Roi à Jean Cossa

Moulins, 12 janvier 1453.

DE PAR LE Roy.

Nostre amé et feal, vous savés commant nous avons envoyé par delà l’arcevesque de Tours et vous pour, entre autres choses, travailler sur l'appointement des differances et questions qui estoyent

4. Copie du temps. Archives municipales d'Amiens, Registre aux chartes L, f. 75; copie moderne, collection de D. Grenier, 100 p. 86.

et sont entre nostre cousin le conte Francisque et nous cousins le marquis et Guillaume de Montferra. Mais depuis n’avons eu aucunes nouyelles de vous. Toutesfois nous avons entendu que vous avés eslé devers nosdiz cousins de Montferra, qui de toutes lesdictes differances qui sont entre eulx et nostre dit cousin le conte se sont voulus soubmetre à nous; et de là vous estes transportés devers nostre dit cousin le conte, lequel ne s’est voulu soubsmettre à nous se non des differances avenues depuis l'intelligence d’entre nous et lui, en mettant en nos maiens (mains) tout ce que nos diz cousins on prins sur lui depuis ladicte intelligence ; et que, pour ce qu’il vous a semblé que nostre dit cousin ne faisoit pas assés souffisante offre pour besongner esdictes matierres, vous estes transportés a Fleurance pour savoir se autre bon moyen y pourrés trouver. Mais, non obstant ces choses, comme depuis l’en nos à rapporté, nostre dit cousin le conte se dispose d’entrer ou païs de nos diz cousins et leur fatre guerre et porter dommage à eulx et leurs subgès, dont nous serions desplaisans. Et pour ce que de tout nostre cuer vouldrions l’appaisement desdictes differances, nous envoyons presentement Pierre del Barres, chevalier, par delà, à ce que vous et lui vous transportés devers nostre dit cousin pour luy remonstrer bien au long nostre voulenté sur ce que dit est, et faire tant vers lui qu’il consente et donne sourseance de guerre ou treve de cy à demi an. Et quant à ce ne se vouldroit consentir, vauldroit mieulx accepter l'offre qu’il a faitte audit arcevesque de Tours et à vous, c'est assavoir qu’il est content de soy soubsmettre à nous des differances survenues entre lui et nos diz cousins de Montferra depuis ladicte intelligence d’entre nous et lui, que laisser la chose en guerre, par ainsi que iceulx nous cousins en soyent contens, comme nous croyons qu’ils seront. Nous envoyons ledit Pierre des Barres pour ceste cause par delà, auquel avons chargé se conduer (sic) par vous pour ce que vous cognoissiés les matieres. Si y besongnés au mieulx que faire se pourra, car nous serions bien desplaisans que les choses cheussent en grant aigreur.

Donné à Moulins en Bourbonnois, le xx° jour de janvier.

CHARLES

Nous vous envoyons cy dedans enclox le double des lettres que escrivons à ceulx de Fleurence en faveur de ceste matière, pour vous en aider se bon vous semble, ou en faire ce que vous adviserés

pour le mieulx, car vous entendés mieulx ce qui en est à faire que nous ne povons faire yci.

Donné comme dessus.

CHARLES