Copie du temps. Ms. fr. 10238, f
mont, nostre lieutenant en Guienne, qui est ou païs de Medoc près de la ville de Bourdeaulx, acompaigné de beaux cousins de Foix, de Lebret, d'Orval, Poton, et d’autres noz gens de guerre en bien grant nombre, nous a escript qu’ilz exploictent fort oudit pays sur nosdiz ennemis, et qu’il n’y à eu jusques cy personne qui leur ait porté nuysance. Et si avons grant nombre de bon navire, bien equippé, en la riviere de Gironde, et telement que nosdiz ennemis sont à present en grant subjection. Et avons esperance en Dieu que le seurplus du recouvrement de nostredit pays de Guienne se portera bien. Si en rendez graces et louanges à Nostre Seigneur solempnelment, ainsi que bien appartient en tel cas.
Donné à la Rochefoucault, le xxrr° jour de juillet.
CHARLES
Depuis noz lettres escriptes, nous sont venues nouvelles certaines que nosdictes gens de guerre ont mise ladicte place de Castillon en composicion, en laquelle estoient ledit sire de Kandalle, le sire de Montferrant, et autres jusques au nombre de deux mil combatans, tant Anglois que Gascons, qui se sont renduz à nostre mercy.
Donné comme dessus. | J. DE LA LOËRE!.
Le Roi au duc de Savoie
La Couronne, près Angoulême, 30 juillet 1453.
DE PAR LE RO
Très chier et très amé cousin, pour ce que avons esté advertiz que faisiez dificullé de donner passaige à nostre très chier et très amé frère le Roy de Secile par voz païs et seigneuries pour tirer ès marches de Fleurance, nous vous avons puis aucuns jours escript sur ceste matière, en vous priant bien affectueusement que lui voulsissiez souffrir faire sondit passaige. Et depuis est venu devers nous maistre Pierre Danicier, vostre secretaire, par lequel avons
4. Original signé sur parchemin, avec trace de sceau plaqué en cire rouge (l'adresse était sur une bande qui a disparu). Archives municipales de Lyon, AA 292, ne 67, — Nous avons trouvé aux archives de Florence (Dieci di Balia. Carteggio. Responsive, 22, f. 309) la transcription en latin d’une lettre de même date, adressée au roi René, et contenant pareille substance.
reçceu voz lettres et oye la creance que disoit'avoir de vous touchant la matière dessusdicte ; et en icelle exposant a dit et exposez aucuns doubtes sur lesquelx, comme il nous a rapporté, vous fondez la difficulté dudit passaige. Laquelle creance oye, ne nous a pas semblé que pour les doubtes dessusdiz deussiez avoir escondit ledit passaige à nostre dit frère, veu mesmement ce qui fut dit et appoincté entre nous et vous quant derrenierement feustes devers nous au lieu de Cleppié près Feurs en Fourez, dont vous devez bien avoir souvenance: et semble bien que le faciez plus en faveur d’autres que autrement, dont nous donnons grant merveilles. Et pour ce vous prions de rechief très acertes que ledit passaige vous vueillez donner à icellui nostre frère et à ses gens sans plus meltre la chose en delay, car sa demeure par deça lui tourne à grant dommaige en plusieurs manières, et aussi à grant despenses, comme il nous à fait savoir. Et nous ne pourrions bonnement croire qu'il ait vouloir de porter dommaige à vous ne à nostre cousin le marquis de Montferrat, dont faictes doubte, comme nous a dit vostre dit secretaire, et ledit marquis est son prouchain parent et a tout son temps amée et servie la maison d'Anjou. Et sur ceste matière escripvons presentement à nostre dit frère bien à plain. | Donné à la Couronne près Angolesme, le xxx® jour de juillet.
CHARLES
DE LA LOËRE !.
Le Roi au chancelier de France et au sire de Torcy
Angoulême, 27 juillet 1453.
À nos amez el feaulx conseillers le chancelier et le sire de Torcy.
DE PAR LE Roy.
Nos amez et feaulx, nous avons receu les lettres que nous avez escriptes, par lesquelles avons sceu les diligences que avez faictes touchant ce que vous avions chargié, dont nous sommes bien contens. Et au regard de ce que vous, sire de Torcy, nous avez escript touchant nostre alée par delà, laquelle à semblé à entre vous de par delà estre necessaire pour l’abregement de nostre conqueste, incon-
1. Original signé sur parchemin, avec trace de sceau plaqué en cire rouge. Archives de Turin, Frencia, Lettere principi.
Ps, Qi 30
tinent voz lettres veues nous nous sommes disposez de partir demain de ceste ville pour aler à l’abbaye de la Couronne, et ilec demourer jusques à mardi matin, pour ce pendant faire fere diligence de faire mener et charroier des vivres quant et nous, selon que nous avez escript qu'il est necessaire; et mardi matin, se Dieu plaist, serons à disner à Blanzac, et là sejournerons le mercredi et le jeudi, et partirons le vendredi matin pour continuer nostre chemin diligemment. Nous feussions partiz dès demain au matin et feussions alez disner à Blanzac, et de là feussions partiz lundi prochain pour tirer oultre ; mais pour ce que vous avez escript de la dificulté des vivres, et aussi par le rapport que nous en ont fait Pierre de Tinteville et Villemor, ceulx qui sont icy nous ont conseillé de demourer èsdiz lieux en la manière dessus dicte, afin de ce pendant faire assembler ledit charroy et telement pourveoir à tout qu'il n’y ait faulte et necessité de vivres. Toutesvoyes là où verriez plus grant besoing, nous abregerions nostre alée, ainsi que le nous escripriez, jà soit ce que pour lesdiz vivres il sembleroit estre bien dificile ; et que nous ayons de voz nouvelles dedans dimenche pour tout le jour à la Couronne. Et pour ce que nous avez escript que, se n'avions bien à besongner de vous, vous pourriez faire par delà beaucoup de service et diligence, tant pour le fait de nostire logeiz que pour le siége de Fronsac, nous sommes contens que demourez par delà pour besongner èsdiciles choses, et brief vous envoyerons noz fourriers pour vous aidier au fait de nostre dit logeiz. Si faites et vous emploiez en tout ainsi que verrez estre à faire et que bien y avons confience.
Donné à Angolesme, le xxvrr° jour de juillet.
CHARLES 1
Le Roi aux habitants de Lyon Prieuré de Lanville-lès-Marcillac, 28 octobre 1453. A noz chiers el’ bien amez les gens d'eglise, bourgois, manans et habitans de la ville et cité de Lyon.
Chiers et bien amez, depuis que derrenierement vous escrivismes
4. Au dos : « R. le xxvine de juillet CCCC LIIT, environ 1x heures. » — Original signé sur papier, collection du Puy, 761, f. 21. — Nous avons publié cette lettre en 1864 dans le Supplément aux preuves de la chronique de Mathieu d'Escouchy, p. 37 (extrait de l’Annuaîre-Bulletin de la Société de l’histoire de France, tome Il).
la victoire qu’il avoit pleu à Dieu donner à nos gens sur noz ennemis devant Castillon, ainsi que dès par avant estions deliberez de faire, tirasmes en personne en nostre païs de Guienne. Et quant feusmes arrivez à Libourne, trouvasmes que encores se tenoient les fortes places des païs d’Entre deux mers et de Medoc, et que, nonobstant ladicte victoire de Castillon, noz ennemis, tant ceulx du païs que les Anglois, qui estoient encores xt mil et plus, avoient reprins ung très grant couraige de resister, et tellement que toutes lesdictes places a falu conquerir par force ; et entre les autres ceulx de Bourdeaulx ont bien montré que la place de Cadillac leur touchoit de bien près, car ilz l'ont secourue en toutes les manières qu'ilz ont peu; mais ce neantmoins ladicte ville a esté prinse d’assault, et le chasteau par composicion : c’est assavoir que les Anglois se sont renduz prisonniers, leurs vies saufves, et les Gascons et autres de nostre royaume à nostre voulenté. Et après nous sommes tirez au lieu de Montferrant, près Lormont, en entencion de mectre à execucion les exploiz de guerre que avons deliberé de faire à l'encontre de ceulx de Bourdeaulx, tant par eaux que par terre. Mais, incontinent après nostre venue, furent ouvers certains traictiez par le sire de Camus et les Anglois eslans en sa compaignie et ceulx dudit Bourdeaulx, et tellement que, le vendredi xrime de ce mois, furent baillez une partie des ostaiges, et le dimenche ensuivant fut bailliée la bastille et le surplus des hostaiges qu'ilz devoient baiïllier ; et nous devoit estre ladicte ville rendue le mardi ensuivant ; mais, pour aucuns debatz qui sourdirent en ladicte ville le lundi au soir, la reddicion d'’icelle fut differée jusques au vendredi x1x° jour de.ce dit mois. Auquel jour noz commis ont esté receuz dedans, et nos bannières mises sur les portes, ainsi qu'il est acoustumé de faire en tel cas. Et jà soit ce que la mortalité estoit très grant en nostre ost par terre, et encores plus ou navire, qui estoit chose de très grant esbahissement à toutes manières de gens, toutesfoiz, la mercy de Nostre Seigneur, nous avons recouvré ladicte ville en la manière que s'ensuit : c’est assavoir que les Anglois s’en sont alez leurs biens saufz, excepté qu'ilz ont renduz tous prisonniers et quicté les seellez et promesses qu'ilz avoient de noz gens ; et ceulx de ladicte ville nous sont venuz requerrir misericorde, et ont mis en noz mains tous leurs privileges et franchises pour en faire à nostre plaisir; et nous donnent pour supporter partie de la despense cent mil escuz; et les avons receuz à nostre grace, excepté que en avons fait bannir
vint des principaulx qui furent cause de bailler ladicte ville à nos diz ennemis. Ainsi, graces à Nostre Seigneur, avons mis et redduit à nostre obeissance tout nostre païs et duchié de Guienne.
Si vous escripvons ces choses, pour ce que Savons que en serez bien joyeulx quant en serez acertennez, et afin que en rendez et faciez rendre graces et louanges à Nostre Seigneur, en faisant faire processions solennelles ainsi qu'il est acoustumé de faire en tel cas.
Donné au Prieuré de Lenville lez Marcillac, le xxvirr® jour d’octobre. | ;
CHARLES
