ROLANT
Le Roi à Jean Le Boursier, seigneur d’Esternay
Pressigny, 10 juillet 1454.
A nostre amé et feal conseiller et chambellan Jehan Le Boursier, chevalier, general de noz finances.
DE PAR LE Roy.
Nostre amé et feal, beau cousin de Dunoys nous a fait savoir qu’il est de neccessité ét besoing de pourveoir aux repparacions de nostre ville de Harefleu, et que il a sçeu que ès charges que vous avons baillées des repparacions de nostre pays de Normendie nous n'avons pour ceste presente année aucune chose ordonnée pour les repparacions dudit lieu de Harefleu. Et pour ce que ladicte ville de Harefleu est, comme savez, port de mer qui a besoing d’estre tenu en estat tel que, par deffault de repparacion, aucun inconvenient n’en adviengne à nous ne ou pays de par delà, nous voulons et vous mandons que de noz finances de par delà vous faictes bailler et delivrer à aucune personne sceure et feable, telle que adviserez, jusques à la somme de mil livres tournois, pour les mectre et em-
4. Original signé sur parchemin, avec trace de sceau plaqué. Archives municipales de Lyon, AA 22, f. 71. — La même circulaire, adressée aux gens d'église, bourgeois et habitants d'Épinal, se trouve en copie du 17e siècle, faite sur l’original, à la Bibliothèque nationale, dans le ms. fr. 18881, f. 151. Nous avons aussi le texte adressé aux maire, échevins, bourgeois et habitants de Poitiers, publié en 1872 dans les Archives hisloriques du Poitou, t. 1, p. 145 (d’après une copie du temps dans un registre des archives municipales de Poitiers). | NS
ployer es repparacions de nostre dicte ville de Harefleu. Et faictes qu’il n’y ait faulte. Et nous en baillerons tel acquit qu’il appartendra. | |
Donné à Precigny en Touraine, le dixieme jour de juillet l’an mil cCCc cinquante et quatre.
Ainsi signé : CHARLES, LEGouz !.
Le Roi au duc de Bourgogne
Romorantin, 17 octobre 1454.
DE PAR LE ROY
Très chier et très amé frère, puis aucun temps beau cousin de Bourbon nous a fait savoir l’entreprise et pourparlé du mariage d’entre beau cousin de Charoloys, vostre filz, et de belle cousine Ysabeau de Bourbon sa fille, auquel mariage, comme puis nagueres il nous a escript, avez differé d'entendre à l’occasion de ce que il n’a voulu et ne veult transporter à nostre dicte cousine sa fille les chastel, terre et seigneurie de Chasteauchinon et les appartenances, jasoit ce qu’il vous ait fait remonstrer les moyens parquoy il ne luy est possible de ce faire, attendu que, par le traicté du mariage fait et accordé de nostre fille Jeanne et de beau cousin de Clermont, son filz, ladicte terre de Chasteauchinon doit demourer à eulx et aux leurs, et ne puet venir ne descendre par succession ne autrement en fumelle, ainçoys, par deffault de hoïir masle, doit retourner à la couronne, comme vray appanage de France. Et pour ce que, par avanture, vous pourriez faire doubte en ce que dit est, et ymaginer que les choses alleguées par nostre dit cousin de Bourbon touchant ce point feussent seulement pour trouver couleur ou excusacion de ne bailler ladicte terre, nous vous certiffions pour vray que les choses dessusdictes touchant ladicte terre de Chasteauchinon sont vrayes et ont esté ainsi traitées et accordées que dit est par le mariage de nostre dicte fille, tellement que nostre dit cousin de Bourbon ne puet icelle alyennerne transporter par mariage de ses filles ne autrement; desquelles choses ne nous
