TRE

SFR

Mars

474 HISTOIRE DE CHARLES Vil.

de Beaucaire, vous, et Otto Castellain, nostre argentier, pour nous y servir ainsi que en eulx et vous avons parfaicte fiance. Si voulons et vous mandons que, avant vostre partement, vous surroguez en vostre lieu maistre Pierre Granier pour besongner à Bourges et ailleurs avec Briconnet touchant l’expedicion de l’arrest de Jacques Cuer, afin que pendant vositre voiage de Languedoc on donne expedicion audit arrest, car nous avons deliberé brief veoir la fin dudit procès. Aussi voulons que incontinant vous en alez audit Montpellier pour estre par delà au jour assigné et passez par le Puy pour avancer l’evesque et autres que trouverez en chemin qui ont accoustumé aler à ladicte assemblée. Et au regard des procès et autres besongnes touchant le fait de Savoie et des Cyprians, lesquelz avez entre mains, nous voulons que les baillez et laissez à nostre amé et feal Tristan Lermite, prevost des mareschaulx, et sur le contenu lui en dictes vostre opinion. Nous avons esté advertiz que maistre Pierre Ferral et Jehan Pasquot, lesquelz ont besongné au fait du procès d’Armignac, sont à Montpellier, et les y trouverez. Si voulons que tout ce que avez touchant la matière portiez avec vous, afin que, quant serez par delà, vous puissiez conferer ensemble de ladicte matière, et faire sur tout entre vous trois vos advis et memoires et nous en escripre pour en ordonner à nostre plaisir. Aussi voulons que se par delà trouvez aucune chose à expedier touchant le procès dudit Cuer et de ses clercs, facteurs et serviteurs, que mectez tout à fin et à expedicion, en manière que plus n’y conviengne retourner, et que tout soit vendu, excepté le fait des marques. D'autre part, pour ce que sommes informez que nostre Court de Parlement à Thoulouse est assez petitement pourveue de procureur et advocat, et que à ceste occasion y avons grans dommages, sommez d'oppinion que, où cas que eussiez temps et espace de povoir retourner à Paris, que passissiez audit Thoulouse pour vous informer de ce que dit est est et nous en faire rapport pour y donner provision convenable, et nous semble bon que remonsirez aux presidens et conseilliers de nostre dicte Court qu'ilz se tiennent ensemble autrement qu’ilz n’ont accoustumé, pour le bien de nous et de justice.

Donné à Montluçon, le xvre jour de janvier.

CHARLES

LE COINTE i.