Copie du temps aux Archives nationales, KK 328, f

Le Roi au maréchal de La Fayette

Au Châtellier, 17 mars 1456.

A nostre amé el feal conseillier el chambellan le sire de la Fayette.

DE PAR LE RO

Nostre amé et feal, nous avons reçeu les lettres que escriptes nous avez, faisans mencion de la manière comment vous vous estes conduit,ainsi que vous avions chargé au partir. [l nous semble que vous estes conduit en bonne façon, selon ce que vous avions ordonné. Et quant à ce que nous avez escript de la venue de maistre Guillaume Girard, et aussi de ce pour quoy il venoit devers nous, tout consideré, il ne semble pas que nostre très chière et très amée

compaigne la Royne, ne pareillement nos enfans, puissent venir

par deça jusques vers la fin d'avril, pour ce qu’il n’est pas possible que le logiz puisse estre plus tost prest, ainsi que nous avons dit audit maistre Guillaume Girard. Et pour ce, se ilz voient que nostre dicte compaigne ou nos diz enfans ne feussent pas bien là où ilz sont, nous avons advisé que l’on les pourroit retirer vers les lieux de Benegon, Ignay le Chastel, Sagonne, Joy, Champroux, ou aillieurs où vous et eulx adviserez estre pour le mieulx; et sur ce fauldra que l’on face diligence, se le cas le requiert, de choisir les lieux qui sembleront estre les meilleurs; car d’ycy où nous sommes ne povons pas.si bien congnoistre les lieux plus convenables comme

vous et ceulx qui sont par delà pevent faire. Si vous escrivons

ces choses afin que soiés advisé de la response que avons faicte au dit maistre Guillaume. Nous avons parlé au dit maistre Guillaume touchant l’estat de nostre f1z, ainsi que nous avez escript. Il sera bon, tandis que estes par delà, que vous en enquerez plus au vray, car par chose que de lui en aions oy ne fait oyr, ne aussi par chose que par maistre Guillaume d’Auge en ayons sceu, nous n’en savons que croire, pour ce que, comme vous savez, il ont leurs bandes et affections où bon leur semble. Et pour ce, à vostire retour devers nous, nous en pourrés dire ce que en aurés trouvé. Donné au Chastelar, le xvrime jour de mars.

CHARLES