CURE

+ ge # Mrs Fa eh ee ne Le me qu

à NEA EN AE

: -… 2 Éaate T n d

15 or ane FLE ne

Le Roi à Antoine de Chabannes Saint-Pourcain, 25 octobre 1456.

A nostre amé ct feal conseiller et chambellan le conte de Dampmartin, grant pennetier de France.

Nostre amé et feal, nous avons reçeu vos lettres escriptes à Genève le xx1° jour de ce present moys d'octobre, faisant mencion que, en la façon de vos dictes lettres, xI1 jours avoit que estiez arrivé par delà, et que depuis n’aviez eu aucunes nouvelles de nous, dont es- Liez esmerveillé; aussi sont beau cousin et belle cousine de Savoye, qui pareillement nous avoient escript de leur venue par devers nous et se attendoient avoir responce. Desquelles voz lettres, et [de] la diligence que avez fait et faictes [de] besongner par delà

ès matières dont vous avons chargé, avons esté et sommes très :

contens de vous. Et au regard de ce que vous esmerveillez dont ne vous avons fait response, et pareillement audit beau cousin et belle cousine, dès bonne pièce par avant la recepte de voz derrenières lettres, par le messaige mesme que nous envoyasles, nous vous avons rescript bien au long, et pareillement avons fait audit beau cousin et belle cousine ; et croyons que de present avez reçeu noz dictes lettres. Mais, pour plus largement vous faire sçavoir toutes choses, avons retenu ung pou plus longuement cellui que envoyastes devers nous. Et quant à la venue par devers nous desditz beau cousin et belle cousine de Savoye, nous en sommes bien joyeux et contens. Et, comme vous avons escript, nous semble qu’elle sera expedient et convenable pour le bien des matières.

Nous sommes au jour d’uy arrivez en ce Hcu de Saint Saphorin, et y demourrons pour tout le jour; et demain serons à Vyenne, auquel lieu le gouverneur, les prelatz et plusieurs nobles et gens des trois estatz des bonnes villes du pays du Dauphiné doyvent estre par devers nous.

Et, pour ce que naguères vous avons escript plus au long, quant à present ne vous escrivons plus largement, fors que tousjours à noz affaires vous employez, comme à vous avons fiance.

Donné à Saint Saphorin, le vingt-cinquiesme jour d'octobre.

Nous avons veu bien au long, par voz autres lettres que nous avez

escriptes par vostre dit homme, le bon vouloir desditz beau cousin et belle cousine de Savoye, dont sommes bien contens. Et pour ce que esperons que de brief ledit beau cousin sera par decà, nous de- portons pour le present de leur escrire.

Donné comme dessus.