CHARLES. LE COINTE

Le Roi à Antoine de Chabannes

Vienne, 2 novembre 1456.

À nostre amé et feal conseiller et chambellan le conte de Dampmartin, grant pennetier de France.

Nostre amé et feal, nous avons presentement esté advertis que le bastard d’Armignac et Guarguesalle doyvent en brief venir en ce pays du Daulphiné, auquel avons disposé de donner provision pour le mettre et entretenir en bonne seurté, ainsi que autreffois avoit esté conclud et deliberé, vous estant par deça. Et par especial avons ordonné pour pourveoir bien et honnorablement à l’estat et entretenement de nostre très chière et très amée fille la Daulphine, laquelle tousjours aurons en especiale recommandacion comme nostre propre fille. Et pour ce, comme sçavez ledit bastard d’Armignac et Guarguesalle sont des principaulx qui ont seduit et conseillé nostre dit filz le Daulphin à s’en estre allé hors dudit pays et à tenir les termes qu'il tient, et qui plus empesche sa reduction et le radressement de ceste matière, parlez de par nous à beau

cousin de Savoye et que (sic) faictes envers luy tellement qu’il.

envoye incontinent et en toute diligence au Pont de Saissal et autres passaiges de ses pays, jusques vers les marches de Bourgongne, pour scavoir des nouvelles de leur veuue et y mettre si bonnes gardes que s'ils y passent l’on les preigne et amaine l'en par devers nous. Laquelle chose, se faire se peult, novez penser que ce seroit grant bien et abreigement des matières touchant la reduction de nostre dit filz. Nous en escripvons semblablement au

mareschal de Savoye, affin qu’il y face diligence de sa part; et n’en

avons point escript audit beau cousin, pour ce que croyons que