La Cronique martinienne, f. cociu
en ceste ville de Vienne. Et combien que François de Tiersant et Cadorat soyent venus par deça, et de par nostre filz le Daulphin ayant fait deffense à plusieurs villes et places qu’on nous obeyst pour ce que en brief leur envoyroit secours, ce neantmoins les officiers, prelatz et gens de leurs (sic) villes du pays du Daulphiné sont venus en ceste ville par devers nous, tous très joyeux de nostre venue et de ce que avons deliberé de donner provision et mettre en bonne seurté, ordre de justice et police le fait dudit pays, qui en avoit bien mestier. Et jà avons pourveu à la plupart de toutes les places et quelque soit (sic) des principales. Et au regard des autres places èsquelles il y à aucuns estrangiers et des gens du bastard d’Armignac et du seigneur de Montauban, nous avons esté contens qu'elles demourassent entre les mains du gouverneur et de ceulx dudit pays, pourveu que lesditz estrangiers et gens dudit bastard et de Montauban s'en allassent, et qué tout Soit mys en si bonne seureté que inconvenient n’en puisse advenir. De laquelle chose faire ceulx dudit pays ont esté contens, et aussi de nous asseurer que, se on vouloit mettre et envoyer aucunes gens estrangiers audit pays ou autres à puissance, l’on ne les y recevra point. Et affin de radresser les choses au mieulx, ainsi que l’avons desiré tousjours et desirons, nous avons esté contens que ceulx desditz pays envoyent par devers nostre dit filz luy remonstrer. son cas, la doulceur que lui avons tenue, et essayer à le reduyre, les choses dessus dictes touteffois prealablement faictes et le tout mys en bonne seurté. En quoy esperons avoir pourveu ét pourveoir par manière que de ce aucun inconvenient n’en adviendra, et que ce sera au bien de la chose publicque et de toutes les parties à qui il touche. |
Si vous avons bien voulu escrire ces choses, affin de vous advertir des demainés des matières et de ce qui est advenu depuis que derrenièrement vous escrivismes. Et quant à present ne vous escrivons plus amplement, fors que tousjours en .no0z affaires vous employez, comme bien y avons la confiance. |
Donné à Vienne, le troisiesme jour de novembre.
