Original signé sur parchemin. Ms. fr. 20855, f

entreprise pour assembler aucuns de noz officiers et des vostres en nostre ville de Paris, pour mectre à fin les questions d’entre nosdiz officiers et les vostres, tant sur le fait de FENESQue de Nantes que autres choses.

Pour consideracion desquelles choses et de la disposicion en quoy avez esté, par quoy ymaginons bien que ennuyeuse chose vous seroit d'envoyer à present loings de vous aucuns de voz prouchains serviteurs, nous icelle journée avons remise et delayée jusques au premier jour de septembre prouchain venant. Si le vous escripvons, affin que en soyez adverty et que ne vous donnez peine de plus tost envoyer pour la matière dessusdicte. Toutesvoies nous entendons que pendant ledit delay faictes que Jehan Wrest, chevalier, soit absoult de l’excommuniement que ledit evesque de Nantes a fait faire contre luy, et aussi que le faciez joyr des heritages qu’il a ou païs de Bretaigne, ainsi que autresfoiz fut dit et appoincté avec voz gens. |

Donné à Saint Priet ou Daulphiné, le 1x° jour de may.

CHARLES

Le Roi à Antoine de Chabannes Montils-les-Tours, 24 décembre 1451.

A nostre amé et feal conseiller el chambellan le conte de té grant pannetier de France, seneschal de Carcassonne et bailly de Troye.

Nostre amé et feal, quant vous nous avez fait demander congé . pour aller en voz affaires en Bourbonnois, vous ne nous avez point fait dire en quel temps seriez retourné devers nous. Et pour ce que nostre intencion est de faire venir ici, vers la fin du moys de janvier, de noz gens d'armes de Normandie, et semblablement du pays de Guyenne, pour donner ordre au fait de noz gens d'armes et besongner en noz autres affaires, ausquelles choses faire voulons bien que soyez, nous vous mandons ces choses, affin que facez dilligence de faire vos besongnes si dilligemment que puissiez estre

4. Original signé sur parchemin. Archives de la Loire-Inférieure, E 75.

au temps dessus dit devers nous, ou plus tost se avez achevé voz besoingnes.

Donné aux Moultilz lez Tours, le xxrrrr° jour de decembre.

CHARLES