GOREAU
Le Roi à François Sforza Beaugency, 16 juin 1458.
A nostre très chier et amé cousin le conte Francisque Sforce.
CHARLES, PAR LA GRACE DE DIEU, ROY DE FRANCE
Très chier et amé cousin, nous tenons que vous savez assez comme les Jennevois sai2.....que d'ancienneté la seigneurie de Jennes nous appartient, nous, recongnaissans leur aucien..... desirant..... maintenuz et gardez en paix et justice, ce sont puis nagueres, de leur franche voulenté, remis et..... én nostre..... comme chascun scet, estè longuement separez et distraiz, et en signe de ce ont mises et levées les banières à noz armes sur les portes, places..... de ladicte seigneurie, et d’icelle ont baillée la possession pour et ou nom de nous à nostre très chier et très feal ..... general par delà. Et depuis sont venus devers nous certain nombre des citoyens de nostre dicte ville de Jennes..... de par... dudit lieu, nous en faire la plenière obeissance. À quoy nous les avons receuz, en entencion de les traicter de..... en avant comme noz bons et obeissans subgiez, et de les garder, preserver ét deffendre de toutes vexacions et oppressions indeues. Et pour ce que nous avons esté advertiz que vous ou aucuns des vostres avez donné, depuis ladicte reduction, faveur à aucuns de ceulx de nostre dicte seigneurie de Jennes qui estoient mis hors d’icelle ville et cité pour occasion des differences et parcialitez du temps passé, laquelle chose nous est fort à croire ne que voulsissiés faire chose prejudiciable ne deplaisant à nous, veu que tousjours avez aimé le bien et honneur de la maison de France, nous vous avons bien voulu escripre de ces choses pour vous en advertir, en vous priant et re-
4. Stc pour Toreau. — La Chronique martinienne, f. CCcurr. « . 2, Lacunes provenant de l’état défectueux de l'original.
querant bien affectueusement que, pour honneur et contemplacion de nous, vous vueillez nos dictes cité et seigneurie de Jennes et les habitans d’icelles traicter et faire traicter par les vostres .en toute faveur et doulceur et ainsi que faisons et faire vouldrions ès vostres, en vous employant à reduire en bonne union les dessusdiz ainsi mis hors d’icelle nostre cité, pour occasion desdictes differences et parcialitez. En quoi faisant nous ferez très grant et singulier plaisir. Et pour les causes dessus dictes envoyons presentement . devers vous nostre bien amé escuier d'escuierie Raolin Regnault, auquel vous prions que vueillez adjouster plaine foy et creance de tout ce qu’il vous dira de par nous touchant la matière dessus dicte. | Donné à Beaugéncy, le xvr° jour de juing.
