CHARLES. | | DE LA LOËRE
A Marie de Valois
Vendôme, 3 novembre 1458.
A nostre chère et amée fille Marie de Valois.
Chère et amée fille, pour la grande amour et bonne affection que nous avons à nostre amé et feal conseiller et chambellan le sire de Coectivy et de Taillebourg, seneschal de Guyenne, et confiant que serez bien colloquée et pourvue avec lui, nous avons consenti et accordé le mariage d’entre vous et lui; et en faveur d'’icelui vous avons donné douze mille escus pour une fois,. et tous les droits que avons sur les places, chasteaux, chastellenies, terres et seigneuries de Royan et de Mornac, en la manière qu’il est plus à plein
contenu en nos lettres patentes que avons sur ce octroyées.
Et, pour ce que nous desirons que la chose soit parfaite et accomplie le plus tost que bonnement faire se pourra, nous envoyons presentement par delà nostre amé et feal conseiller et maistre de nos comptes maistre Pierre Doriolle, general de nos finances, porteur de cestes, pour vous conseiller en ceste matière. Si voulons et vous mandons que vous entendiez audit mariage et accomplisse-
4. Original signé, Bibliothèque du marquis Trivulci, à Milan.
PIÈCES JUSTIFICA'HVES. 489
ment et perfection d'icelui bien et convenablement, et tout ainsi
que par nostre dit conseiller vous sera dit et conseillé, en ajoutant
pleine foi et creance à tout ce qu’il vous dira sur ce de par nous. Donné à Vendosme, le troisiesme jour de novembre.
CHARLES
Le Roi à François Sforza
Montbazon, 31 janvier 1459.
À nostre très chier et amé cousin le conte Francisque Sforce.
CHARLES, PAR LA GRACE DE DIEU, ROY DE FRANCE
Très chier et amé cousin, nostre bien amé Bourronel de Grimault, qui puis naguères est venu en ambaxade par devers vous de par nos subgetz de nostre cité et seigneurie de Gennes, nous a dit et remonstré que, ou contempt de ce qu’il est venu en ladicte ambaxade et lui estant devers nous, Pierre de Campofregoso, lequel puis naguères s’est montré desobeissant et contraire à nous et nostre seigneurie de Gennes, a prins et fait prendre sur ledit Bourronel l’ostel et place de Corroscun, audit Bourronel appartenant, prins et pillé les biens estans en icelui, et reçeu et fait recevoir le serement de fidelité des hommes dudit lieu, ou grant prejudice et dommaige d’icelui Bourronel, dont il s’est griefvement complaint à nous, en nous requerant sur ce nostre provision. Et pour ce que, comme l'en dit, icelui de Campoñfregoso est de par vous porté et favorisé, dont sommes fort esmerveillez et est chose bien estrange que vueillez soustenir ledit de Campofregoso de ainsi travailler et molester ledit Bourronel et autres noz subgetz, ce que ne pourrions bonnement souffrir ne tollerer, nous vous prions et requerons bien acertes que ces choses vueillez faire reparer par ledit de Campofregos, et icelui faire cesser de doresnavant faire aucun dommaige ou empeschement audit Bourronel ne à aucuns autres noz subgetz; et sur ce vueillez croyre? nostre amé et feal le sire de Maupas, bailli de
4. Original, archives de M. le duc de la Trémoille. — Édité par M. Paul Marchegay, Lettres de Marie de Valois, fille de Charles VII et d’Agnès Sorel, à Olivier de Coetivy, seigneur de Taillebourg, son mari. Les Roches-Bartaud, 1875, gr. in-8o, P- al. t
2. On avait laissé le nom en blanc; il a été rempli par une autre main.
Berry, lequel envoyons presentement devers vous, de ce qu’il vous dira de par nous touchant ladicte matière. Donné à Montbason, le dernier jour de janvier.
CHARLES. J. DE REILHAC 1.
