XX VII
Le Roi à ses gens des comptes L'Isle Bouchard, 6 avril 1460.
DE PAR LE RO
Noz amez et feaulx, puis certain temps en ça, pour consideracion
des grans, bons et louables services faiz à nous et à la chose
publicque de nostre royaume par nostre très chier et amé cousin le conte de Dunois, nous lui avons donné, cedé, transporté et delaissé par noz lettres patentes signées de nostre main, et par l’advis et meure deliberacion d’aucuns seigneurs de nostre sang el des gens de nostre grant conseil, les terres, places et seigneuries de Partenay, Vouvent, Merevent, Chastellaillon et autres que tenoit par don et octroy de nous, en noz païs de Poictou et de Xainctonge, feu nostre cousin Artur, duc de Bretaigne, connestable de France, derrenier trespassé, pour en joir par nostre dit cousin de Dunois et
14. Original signé sur parchemin, avec trace de cachet. Bibliothèque nationale,
ms. ital. 1588, f. 46. Édité par Buser : Die Besiehungen der Mediceer, etc., p. 401 .
(assez incorrectement), et par le comte de Reiïlhac, Jean de Reilhac, etc, t. E, p. 59, note 5. — Plusieurs traductions italiennes contemporaines de cette lettre se trouvent aux Archives de Milan, Francia. Corrispond. con Carlo VII, etc.
ses hoirs masles, descendans de lui en droictie ligne et loyal mariage, tout ainsi que les avoit et tenoit nostre dit feu cousin de Bretaigne, comme en nos dictes lettres de don et transport est plus à plain contenu, lesquelles ont depuis esté leues et publiées en nostre court de Parlement, et après vous ont esté presentées en nostre chambre des comptes, afin que icelles voulsissiés enteriner. Et sur ce vous en avons escript par nostre amé et feal conseillier maistre Henry de Marle, maistre des requestes de nostre hostel. Mais, comme entendu avons, vous avez fait difficulté de proceder audit enterinement jusques à ce que soiez plus à plain informez des droiz et tiltres desdictes seigneuries et de la valeur d’icelles ; et que pour ceste cause avez deliberé envoyer l’un de noz clercs des comptes èsdiz païs pour s’en informer et le vous rapporter. Touchant laquelle informacion icellui nostre cousin à esté, ainsi qu’il nous a dit, très joyeux et content; et nous a supplié et requis très instamment que nostre plaisir soit que ainsi se face, afin que le droit que y avons soit mieulx averé et esclarcy, et que on sache l’estat et valeur où elles sont à present, afin que, se le cas avenoit que lesdictes terres et seigneuries revenissent en noz mains par faulte de hoirs masles en droicte ligne, l’on puisse veoir et congnoistre comment nostre dit cousin les aura gouvernées, et se elles seront augmentées ou diminuées en ses mains. Et pour ce que, au moien de ladicte informacion, l’enterinement desdictes lettres ne doit estre empesché ne retardé, veu que les lui avons données en quelque valeur qu’elles sont ou puissent estre, et nous pevent
retourner en faulte de hoirs masles, comme dit est, nous voulons
et vous mandons de rechief, bien expressement, que à l’enterinement de nos dictes lettres de don et transport vous procedez incontinant et sans plus y faire difficulté, ne mectre la chose en delay, et sans attendre ladicte informacion ; et telement que n’ayons plus cause de vous en escripre. Et, ce non obstant, envoiez tel ou telz que adviserez sur lesdiz lieux desdictes terres et seigneuries, pour faire ladicte informacion à la fin dessusdicte, le plus tost que bonnement faire se pourra. Et en ce ne faites faulte. Donné à l'Isle Bouchart, le sixiesme jour d'avril.
CHARLES
J. DE REILHAC!.
1. Original signé sur parchemin. Collection Moreau, 1047, n° 54.
