XX VIII
Le Roi à François Sforza La Salle-Le Roi, 23 septembre 1460.
À nostre très chier el amé cousin le conte Francisque.
CHARLES, PAR LA GRACE DE DIEU, ROY DE FRANCE
Très chier et amé cousin, nous avons receu voz lettres responsives à celles que vous avons escriptes, par lesquelles voz lectres nous acertenez que à Jacques de Walpargue, duquel vous escrivions par nos dictes lectres, ne à Loys son frere, n’avez donné et ne vouldriez donner aucun support, faveur ne aide à l’encontre de nostre très chier et très amé cousin le duc de Savoye, et ne lui avez baïllé aucuns de voz gens ne souldoyers, ainçois avez envoié ès places dudit de Walpargue pour faire commandement sur griefves peines à tous les gens et souldoyers, s’aucuns y en avoit, qu'ilz en saillissent hors et audit de Walpargue ne donnassent aucune faveur ou aide. Et avec ce avez fait dire à nostre dit cousin ‘ que s’aucùns d’iceulx voz souldoyers donnoient aucun secours ou aide ausdiz de Walpargue à l'encontre de luy, icellui nostre cousin les pugnisse de peine de mort. Desquelles choses avons esté et sommes bien contens et vous en remercions ; et avons bien esperance que le ferez ainsi que nous escripvez. Et quant à ce que nous escrivez que avez sceu qu’on nous a donné entendrè que, depuis le partement de nostre amé et feal conseillier et chambellan le baïlli de Sens, avez incontinent envoyé certain nombre de gens d'armes ou royaume de Naples contre nostre très chier et très amé neveu le duc de Calabre, et que continuelment vous donnez par voyes indirectes tous les troubles et empeschemens que vous povez à l’estat et seureté de nostre ville de Gennes; desquelles choses, par vos dictes lettres, vous excusez, en nous certiffiant que lesdictes choses qu'on nous a donné à entendre ne sont point veritables et que ne l'avez fait et ne vouldriez faire, ne quelque autre chose que sceussiez estre à nostre desplaisance, en nous requerant que n'y vueillons adjouster foy et que sur ce nous vueillons informer, nous avons tousjours eu desir que feissiez telement envers nous et les nostres que eussions cause de continuer envers vous la bonne affec-
tion que avons eue et que vous avons par effect monstrée le temps passé, ce que bonnement ne se pourroit faire quant feriez chose qui tourneroit au dommaige de nostre très chier et très amé frere le Roy de Secille et de nostre dit neveu de Calabre, qui de si près nous actiennent que chascun scet, et le fait desquelz, en tant que touche ledit royaume de Napples, nous reputons comme le nostre propre. Ne aussi quant feriez ou traicteriez chose contre l’estat et seureté en nostre obeissance de nostre cité de Gennes. Si vous prions que faites par manière que n’ayons cause de nous douloir, et que congnoissons par effect vostre affection estre telle envers nous comme nous escrivez par vos dictes lectres, dont quant ainsi le ferez serons très joyeux.
Donné à La Sale le Roy en Berry, le xx jour de septembre.
CHARLES
DE LA LOËRE 1.
Le Roi à Francois Sforza Mebun-sur-Yèvre, 19 avril 1461.
A nostre très chier et amé cousin le conte Francisque Sforce.
CHARLES, PAR LA GRACE DE DIEU, ROY DE FRANCE
Très chier et amé cousin, vous savez la novité puis nagueres advenue en nostre ville de Jennes, depuis laquelle, ainsi que avons entendu, aucuns de voz gens et souldoyers sont entrez en ladiete cité, eulx adherans avecques noz adversaires et faisans guerre à noz gens estans au Chastellet. Desquelles choses ne nous povons assez esmerveiller et nous est bien fort à croyre, actendu ce que par plusieurs foiz nous avez escript et fait savoir par voz gens, et aussi dit aux nostres quant ilz ont esté par delà, touchant le bon vouloir et affeccion que avez à nous et à nostre seigneurie, et que jamais n’aviez fait ou pourchassé, ne feriez ou pourchasseriez chose à nous prejudiciable, aincois desiriez tousjours nous servir et complaire en tout ce qui vous seroit possible. Pour laquelle cause envoyons presentement par devers vous notre amé et feal conseillier et maistre des re-
1. Original signé sur parchemin, trace de cachet en cire rouge. Archives de Milan, Francia. Corrispondensa con Carlo VII, etc.
questes ordinaire de nostre hostel maistre Henry de Merle, afin de savoir et estre informé bien au long de vostre vouloir et entencion, et que s'ainsi est que ayez le vouloir envers nous tel que dessus est dit, vous vueillez en toute diligence faire retirer vosdiz gens qui sont audit lieu de Jennes, tant de cheval comme de pié, et donner à ceulx dudit Chastellet tout l’aide et confort effectuel qui vous seront possibles, ou nous mander et faire savoir comme vous vous entendez gouverner envers nous, tant pour le fait dudit Jennes que autrement, afin de au seurplus avoir advis à ce qui sera affaire. Donné à Mehun, le xix° jour d'avril.
CHARLES
J. DE REILHAC!.
La Reine au Dauphin Chinon, 22 juillet 1461.
A mon fils.
Mon fils, vous devés savoir de ceste heure la maladye et inconvenient avenue en la persone de Monseigneur, lequel, comme pensés, est fort faible. Dieu par sa grasse luy soit en aide ! Mon fils, mon frère deu Maine et aultres estans avec Monseigneur envoient devers vous le grant senechal pour vous dire l’estat auquel il a lessé mon dit seigneur, et luy hont donné bien ample cherge de parlés à vous. Si vueillez ouir sa creance et ajouter foy, car ils sont toux deliberés de vous servir, et maimement ès afaires desse reaulme cant le cas avendroit. Ou quel cas, mon fs, je vous pry que avissés à y hantrés en bonne et dousse manière, et tellemant que par faulte de bon avis n’i et treuble nulle part, comme ces chosses ay chergé plus à plain vous dire Janilhac, ce porteux, le quel je vous envoye, et ceux toute chosses, je vous pry, haiés regart à voutre honcle mon frère deu Mayne, car il est n.....2 mon frère, le quel ne peut faillir av..... à vous; et aussi de beau cousin d’'Erna..... vous voudroit faire servisse et le sara.....; aussi mon
1. Original signé sur parchemin, trace de cachet en cire rouge, Archives de Milan, Francia. Corrispondensa con Carlo VII, etc.
