XCIV. — Charte de Guy de Cernay concernant la donation et la

vente précédente (i254).

Je Guis, chevaliers, sires de Sarnai en Dormois, fas asavoir a tous cex qui verront et orront ces présentes lestres que je et Ysabiaus, ma mère, avons denei et octroie a perpetuiteit por Deu et en aumône a l'abesse et a Tesglise de saint Piere d'Avenai la quarte partie de nostre ban de Monfeschier que nous avons à Suippe, set a savoir en

hommes, «n rantes, en cens, en ferrages, en terre ahenable, en gelines, en quatre hommages et en autres, se nous les i avons, en plais, en ban et en justice, en signerie et en autres choses quoiqu'elles soient, en quelcunque meniere que nos les îavons et poons avoir et devons, en ce ban de Montfeschier devant dit et en terroir de celle meime ville. Et si requeuois que je et ma mère avons vandu a celle abbesse et a celle esglise devant dites a perpetuiteit a tenir et avoir les autres trois parties de ce meime ban de Montfeschier, set a savoir en hommes, en rantes, en terrages et ens autres choses, ensi com elles sunt deseur dites et devisées, et quanque nos avons en ce ban devant dit et povons avoir par quelconque raison que ce soit ; et ces trois parties desour dites avons nos vendu a celle abbesse et a celle esglise par le pris de set vinz livres et diz d,e tornois, de quez je requenois que je en n'ai eu mon gré et receu en deniers qui me sunt conté, bailliez et délivrés por moi et por ma mère de celle abbesse et de l'église devant dites; et toutes ces choses ensi com elles sunt ci desour dites et devisées devons nos et avons vendu a. celle abbesse et a celle église devant dites comme de franc alue, et si promet par ma foi que je contre ce don et ce vandage devant dit ne venrai ne ferai venir ne par moi ne par autrui des or en avant, en promet par ma foi flencie que j'en porterai loial garantise de ces choses devant dites a celle abbesse et a celle église envers tous cex qui a plait et a droit en voroient venir ne pouroient, comme de franc alue, et weil et otroi que celle abbesse et celle église en soient en teil tenure et tel possession com je et ma mère estions ^au jour que ces présentes lestres furent faites, et ce je defailloie de ceste garantise a porter envers celle abbesse et celle église, ensi comme il est devant dit, j'en met en abandon touz mes biens meubles et fors meubles en quelcunque leu qu'il soient.En tesmoignage de ces choses furent présent mes sires Wis de Vonc, mes sires Guis, ces fiz, messires Jehans don Chateler et messires Guis de Chaleranges, chevaliers. Et por ce que ce soit ferme chose et estable, j'ai ces présentes lestres saellées de mon sael. En l'an de l'Incarnacion Nostre Signer mil ans CC sinquante quatre, en mois de novembre.