SENTENCE DE LA CHASSE POUR MONSIEUR L/ABBE [DE NEELLEJ

A toulz ceulx qui ces presentes lettres verront et

orront, Hue de Proverville, escuyer du Roy nostre *

sire, maistre et enquesteurde ses euaez l et forez, salut. Comme a requeste du procureur du Roy nostre sire les religieux, abbe et convent de Neelle-la-Reposte eussent ja pie9a este appele par-devant nous et eust propose* ledit procureur du Roy centre eulx que il avoient chassie ou fait chassier avant solail levant et apres soloil couchant en certains bois cy-dessoulz nommez qui sont des elles et du ramaige de la forest de la Traconne, si come lidiz procureur disoit, et pour ce concluent ledit procureur que lesdiz religieux fussent condempnez en amende arbitraire ou telle comme par nous seroit resgarde, et de par lesdiz religieux eust este propose que il estoient en saisine et possession de chassier a toutes bestes, a cor et a cry, es boix de Sainte- Croix qui jadiz furent monseigneur Lionne en la com-

i. Sic, pour eaue% ou eaux.

3l6 HISTOIRE DE l/ABBAYE DU BRICOT

mune delaCharmoye l , de Montgenost 2 , de Fontenne- Beton 3 , en leurs bois et austres bois tuchant aux leurs, et que en gardent et continuant leur dicte saisine et possession avoient chassie et fait chassier es diz bois touteffois qui leur avoit pleu ; laquelle confession oye, nous leur feimez amender ce que chassie avoient es diz bois avant soloil levant et apres soloil couchant, et meismez en la main du Roy la chasse que lesdis religieux se disoient avoir es dis bois, en disent a leur procureur que il meist par devers nous toutes lettres et austres enseign[emens] dont il se vouloient aidier pour monstrer et plus plainement apparoir quel droit il avoient de chassier es diz bois. La quelle amende le Roy nostre sire leurs a quittee et remise, et avons veu plus[eurs] lettres a nous monstrees et exhibe'es par ledit procureur desdits religieux, lesquelles nous avons diligentement veuez et visiteez en la presence de plusfeurs] saiges, par lesquelles il appert clerement le droit, possession et saisine de ladicte chasse es diz religieux avoir este adjugids plus[eurs] foiz par plus[eurs] maistres des eauez et forest, gruyers et austres auxdiz religieux. Pourquoy la main du Roy mise par nous en ladicte chasse avons levee et levons a plain au prouffist desdiz religieux, pour en user es diz bois si comme il ont acoustume a faire deuement.

Donne soulz nostre seel le v e jour d'aoust, 1'an de grace mil trois cens soixante et onze.

(Arch, depart, de I'Aube, serie H, Cartitlaire de Vabbaye de Nesle-la-Reposte, fol. 10 r.)