DECEMBRE 1627. TROVES

Autorisation accordee par I'eveque de Troyes, Rene de Breslai, a I'abbesse et aux religieuses de I'abbaye de Notre- Dame du Bricot de transporter lew convent dans un faubourg- de Sezanne.

Rene ', par la grace de Dieu et du Saint-Siege apostolicque evesque de Troyes, a tous ceulx qui ces presentes lettres verront, salut.

Scavoir faisons que, veue la requeste a nous presented par les dame abbesse et religieuses de I'abbaye et couvent de Nostre-Dame du Bricol, expositive du desir qu'elles ont de servir Dieu en la purete de leur reigle, avec nombre et accroissement de religieuses capables de conserver a perpetuite le service divin, ce qu'elles ne peuvent faire audict lieu du Bricol, attendu que la situation du lieu est fort incommode et comme mise au milieu des bois, exposee a la mercy des coureurs et meschans garnemens, pour estre les bastimens ruinez, en sorte que depuis ung long temps elle auroit reste deserte, sans religieuses et service divin, sinon que,

i. Rene de Breslai, eveque de Troyes d'octobre 1604 au 2 novembre 1641.

depuis quelques annees, laditte dame abbesse, pourveue par Sa Sainctete a laditte abbaye, auroit, aux despans de la piete des sieurs vicomte et vicomtesse de Sacconnet, ses pere et mere, fait restablir quelque logement pour sa retraitte et de ses religieuses, ce que toutesfois n'est suffisant pour les garentir desdits dangers et incommodites, joint que la pauvrete du lieu, mal scitue pour des filles naturellement foibles et maladives, et la pa'ucite du revenu leur font une puissante guerre, ce que les habitans de la ville et fauxbourgs de Sezanne [en] nostre diochese ayant recongnus, avec 1'utilite qu'ilz en pouvoient recepvoir, leur ont consent! une retraitte ainsy qu'il apparoist par leur consentement qu'elles nous ont mis en main, il nous plaise, pour ces raisons et tout plain d'aultres aussy considerables, leur permettre transferer leur couvent avec le service divin en une maison au faulbourg de laditte ville de Sezanne, attandu mesme que beaucoup de personnes de qualite qui ont dessein' de servir Dieu en ceste saincte maison en ont retarde 1'effet sur 1'incommodite dudit lieu du Bricol; sur quoy ayant enquis messire Cristophe de Moraine, archediacre et chanoine de nostre eglise et nostre vicaire general par nous delegue et envoye pour en faire la visite, et sur son rapport, avons permis et permettons, consent! et consentonsquelesdittes dame abbesse et religieuses de 1'abbaye Nostre-Dame du Bricol se transfereront aus fauxbourgs de Sezanne, et la s'establiront en lieu convenable et desant, pour y faire le service selon leur ordre et couvent [comme] ilz souloient en 1'eglise dudict Bricol, lequel demeurera en son entier; et pour y conserver les marques de la piete des premiers fondateurs, se diront quatre messes a leurs despans par quatre jours de 1'annee choisis par

3/42 H1STOIRE DE I/ABBAYE DU BRICOT

elles, y compris celuy de la fesle du patron ; et noh -aultrement et sans prejudicier au droict de noz visittes ordinaires et de nostre juridiction.

Donne a Troyes, en nostre palais cappital, le vingt et uniesme jour du moys de decembre de 1'annee mil six cens vingt-sept, soubz nostre seel et sing de nostre secretaire.