PATER NOSTER
Nostre Père régnant aux Cieux ; Afin de faire œuure en tous lieux, Et qui vous soit fort agréable.
Et qui nous soit très profitable.
Faites, que tous doresnauant, Vous connoissent seul Dieu viuant, Et votre Fils égal en gloire, Qui nous perpétuant sa mémoire, Rende nos cœurs d'amour épris, Pour voir la fin decesescris.
Et vous aussi Vierge Marie, Monstres vous mère, ie vous prie, Mère de Dieu priés pour nous, Pour parler dignement de tous.
Et vous nostre Sainte Patrône, Qui du Ciel aués la couronne Du martyre enduré par vous Pour Iesus votre cher Espoux.
Sainte Colombe nostre amie, Nostre support et nostre vie, Protégés nous en ce deuoir Que ie puisse ramenteuoir
* Imprimée à Paris en 1660.
Les secrets de vostre légende
Si bien que tout chacun l'entende.
Vous aussi nos Paroissiens
Voyez ce que Dieu donne aux siens,
Ne faites pas la sourde oreille
L'œil d'vn Dieu pardessus tous veille,
Il veut qu'ailleurs vous ne voyez.
Quand à l'Eglise vous oyés
La voix qui d'aimer vous conuie
Et Sainte Colombe, et sa Vie.
Au temps que le Prince d'erreurs,
Regnoit au cœur des Empereurs,
Et que c'estait payenne race,
Qui dominoit en toute place.
Trop gemissoit tout l'Vniuers
Sous le faix des tyrans peruers,
Et ceux qui preschoient l'Euangile
Souffroient martyres mille et mille.
Lors l'Empereur Aurelien
Grand ennemi du nom Ghrestien,
De l'Orient faisant sortie
Gomme vn torrent de l'Arabie
S'en vint droit aborder à Sens,
Pour tourmenter les bonnes gens ;
Et par sa grande tyrannie
Faire aux Ghrestiens perdre la vie.
Où d'vn bruit commun il apprist
Que là regnoit vn Iesus-Christ
Dans vne Vierge sans compagne
Fille d'vn Roy Payen d'Espagne.
Icelui César Potentat,
Maistre de tous en son Estât ;
Et frémissant de félonnie
De la gagner brusloit d'enuie,
Et se picquant d'vn vain honneur
Il iura de venger son cœur ;
Si que la Vierge à Dieu donnée,
Pardeuant luy fût amenée,
Par satellites ses couriers ; Laquelle vint tres-volontiers, Adressant à Dieu sa prière Qu'il la garde en sa foi première.
Quand Gesar la vid approcfier Pour plus doucement l'aboucher Luy parla de son haut lignage De ses seize ans enuiron d'âge, Puis fixement la regarda, Et sur elle ses yeux darda Sur cette Vierge bien ornée De veuë et de face ordonnée, De plus voulut son nom sçauoir ; Elle sans beaucoup s'émouuoir Lui respondit ie suis Chrestienne, Et tout de bon, ie ne suis tienne ; le suis à Christ lequel à tort Par les lu ifs fut mis à mort, Colombe en Dieu prédestinée, Et dans l'esprit illuminée.
Quand ce tyran l'eut entendu Il respondit comme esperdu, Pourquoy par ta folle croyance Es tu dans cette deceuance :
Parle à moy dedans ma maison De ta foy m'en rendant raison.
La pu celle fort bien apprise Comme estant instruitte à l'Eglise Respondit, ie croy fermement, Dans vn seul Dieu du firmament, Duquel la grandeur toute Immense N'est que vertu, gloire et puissance, Et dans son seul Fils Iesus-Christ, Qui pour nous humanité prist Aux flancs de la Vierge Marie, Puis à trente-trois ans de vie 11 souffrit mort et Passion Pour nous donner saluation :
22â APPENDICE.
Dont son ame diuinisée, Et du grand Dieu non diuisée Fut dans les Lymbes et l'Enfer, Où rompant les chaisne* de fer, Malgré lesftni dès son entrée Il mist ses gens hors leur contrée Et le tiers iour resuscita, Et ses Apostres visita, Quarante iours pour compagnie, Ayant prés soy sa troupe amie, Au Ciel il monta glorieux, Qui croit en luy peut estre heureux, Son Ascension glorieuse Tire après soy toute ame heureuse, Il doit venir au iugement Pour le final partagement?
Les bons seroôt mis à sa deître Et les meschans à sa senestre, Nous croyons tous au Saint-Esprit Qui les Chrestiens d'amour éprit Trois personnes sans différence Estre vn Dieu tres-pur en Essence.
Mais toy tyran tu n'y crois pas, Pour Dieu ton cœur estant trop bas Par trop desplaist tout Infidelle A sa bonté continuelle.
Lors dist César sçais tu pas bien Que tout ce grand païs est mien, Et que de par haute puissance Nous auons fait vne ordonnance.
Si voulons que ce iugement Soit exécuté promptement, Sans dispenser femme ny fille, Ny d'ailleurs, ny de cette Ville.
Colombe respond sagement, Quel est donc ce tien iugement, D'vn cœur malicieux et rude Qui tout veut rendre en seruitude !
APPENDICE. 22b
Lors l'Empereur luy respondit,
Par la rigueur de mon Edit
Ta Loy Chrestienne est al^oJie,
La mienne d'etthaut estabHfc :
le suis Prince de l'Vniuers,
Et le bras des Dieux tous diuers,
Si quelqu'vn leur grandeur n'honore,
Et deuant tous ne les adore,
le veux qu'il soit aux feux jette,
Ou par boureau décapité.
Alors nostre chaste Colombe
A ce propos p& ne succombe
Et dit,, tu deurois honte auoir
D'adorer tels dieux, et de voir
Qu'ils sont de fonte, et qu'à ta veuë
Iamais idole ne remue :
Dieux ne les doisqualifier,
Qui ne peuuent viuifier,
Dans le feu lequel tout désole,
Il faudroit jetter tout idole,
N'estant que monstres tous infets,
Qui de nostre ennemi sont faits
Pour deceuoir cette gent folle
Qui va croyant à ta parole :
Mais toute gloire, et toute honneur
Est à Iesus Notre Seigneur,
11 est Dieu, dans qui ie veux croire,
Qui créa le monde à sa gloire,
Et me fist dix commandemens,
Qu'il a donnés pour reglemens
Pour bien viure en sa bergerie
Exempte de l'idolâtrie ;
Et tous ceux qui les garderont
En la vie éternelle iront :
Ce bon Dieu seul on doit priser.
Et tes idoles desbriser.
Le tyran changea de manière,
Disant fille, si par prière
Tu t'accordes à mon vouloir Beaucoup de biens tu peux auoir, Pour la beauté de ton visage Tu peux auoir en mariage Mon Fils vnique, si de foy, Tu te veux réduire à ma loy ; De mes gens seras honorée, Pour souueraine reuerée, Il semble à ton geste et raison Que tu sois de grande maison, le ne puis te voir confondue, Ny dans vne créance indue.
Elle dit, ton cœur ne vaut rien, Tu me veux tenter par ton bien, Comme autrefois voulut le diable Par vne fourbe deceuable Tenter mon Sauueur Iesus-Christ, Comme es lieux Saints il est escrit, Et que la vérité le monstre, Luy faisant du monde la monstre :
lesus lui commanda va-t'en D'auprès de inoy, maudit Satan, Comme ce démon prist la fuitte.
Et se retira sans poursuitte.
Toy pour ton fils retire toy, le ne suis pas de vostre loy ; Renonçant à vostre infamie le suis pour lesus seul amie.
C'est mon Espoux sans varier, A luy ie me veux marier ; I'ay pris sa foy seule pour mienne, Afin que ie sois toute sienne :
Donc non moy dans moy désormais Mais Iesu viue, et pour iamais.
Ton fils et toy priués de joye De l'Enfer vous serés la proie, Liés auec chaisnes de fer Captifs du crueMjicifer ;
ïxw. - *^
Si l'vn et l'autre ne confesse, Celuy qui nous donna la Messe, Et ne vous faites Baptiser Instruire, et bien catéchiser Auant que finir vous conuienne, Ou que mort subite vous prenne.
Pour moy ie respire en mon coeur Le Paradis de mon Seigneur, Qui promet me donner la grâce, De voir, là mon Dieu face à face.
Le tyran respond rudement, Disant : tu parles hardiment ; Il ne faut plus que ie l'endure, Puisque de mes Dieux tu n'as cure ; le veux bien te faire à sçauoir Que grands tourments tu peux auoir
Si tu ne leur fais sacrifice, Honneur, reuerence, et seruice ;
Peut estre à toy tu penseras
Lors qu'en la prison tu seras
Fort cruellement tourmentée,
Puis dans les feux ardens iettée.
Sainte Colombe respondit,
le ne crains ton fait ny ton dit,
Dieu qui sçait calmer tout orage
Me peut garantir de ta rage,
Ce Tout-Puissant qui tout à fait,
Me peut garder de tout mesfait,
Preseruant mon corps et mon aine
De tout mal et de toute flâme.
l'ay le cœur à souffrir tourment
Pour Iesus courageusement,
Afin que la double couronne
De Vierge, et martyre, il me donne.
Lors César sa robe rompit,
Et pensant creuer de despit
Va commandant h sa menée,
Que nostre Sainte fust menée
En la prison sans lardement
Et qu'on la traitast rudement,
Et comme vue coupable fille
Qu'on la traisnast parmy la ville.
Alors l'ont prise ces tyrans
L'escheuelant, la deschirans
De cruelle sorte et manière
La rendirent leur prisonnière.
Gesar comme homme sans raison
La voyant prise en la prison
Pour la faire par tyrannie
Traiter auec ignominie,
Manda pour la luy confier
De ses gens de cœur le plus fier ;
D'ailleurs homme plain de luxure,
Qui d'autre chose n'auoit cure,
Et le commandant il luy dit.
Va t'en d'icy sans contredit
A la prison, où dans icelle
Tu trouueras vne pucelle
Dont tu feras à ton vouloir,
le t'en donne le plain pouuoir,
Et de par moy toute licence
D'exécuter mon ordonnance.
Elle n'y voulant consentir,
Fay luy grands tourmens ressentir ;
Baruch bouffon de renommée
Prompt et vif comme vn chef d'armée
Ardent des yeux comme vn tison
S'est tost glissé dans la prison,
Il luy fist paroistre à la porte
Sa face de douceur : en sorte
Qu'elle descouurant son dessein
Le rejetta loin de sa main,
Sans le considérer en face,
Et craignant que mal ne luy fasse,
Luy dist fort vous vous mesprenez,
Si céans en dessein vous venés
De forcer icy la Golombe Que Dieu garde qui ne succombe ; Parquoy craignant de l'offenser Luy mal faire, dire, ou penser. Baruch alors tout esperdu, D'auoir ce discours entendu.
Pour sortir veut prendre la course ; D'ailleurs il vint vne grande Ourse A la prison soudainement.
Non de soy, mais diuinement ; Laquelle effroyable en sa veuë Estrangement Baruch salue, Et par les espaules le prist, Et dessous ses pâtes le mist.
Golombe en face regardée Par l'Ourse, qui l'auoit gardée, Reconnut alors pour certain, Que par vouloir du Souuerain L'Ourse à la seruir estoit preste, Et pour lors coniura la beste Au nom de Dieu qu'à ce Lyon Mal ne fût fait, ny lésion, Ny d'outrance grande ou petite, Qu'elle n'eust sa parole dite, L'Ourse le laschant de depuis Se posa sur le pas de l'huis; Pour empescher que par la porte Qui que ce soit n'entre, ny sorte- Colombe se mist à prescher, Baruch et le cœur luy toucher, Si viuement de chose saincte, Que sa foy n'eust plus nulle feinte, Disant, tu peux bien regarder, Et connoistre, sans plus tarder, La grandeur de la Prouidence, D'vn Dieu, qui de pouuoir immense A mon humble inuocation, Et pour la gloire de son Nom,
Fait ainsi de lointain bocage Venir cette beste sauuage Pour me garder et garantir, Ne voulant iamais consentir Qu'on me puisse aborder ny prendre, Dont ie luy dois bien grâce rendre : Regarde ce pauvre animal, Qui ta pris sans te faire mal Entre ses griffes en main seure, Comme estant de Dieu creature r Et rendant à son Créateur Ce qu'on: doit à son bien facteur.
Et toy qui vis sous sa conduitte Tu fais contre luy ta poursuitte, Le mesprisant en tous les lieux Où Ton adore tes faux Dieux ; Mais au contraire cette beste A le seruir est toute preste, Tu deurois connaissance auoir Par cet acte de son pouuoir, Et par raison supérieure Prendre Religion meilleure Pour adorer le Iesus-Christ Qui pour nous en la Croix souffrit,.
Ou pour te monstrer sa puissance Si tu n'as en luy ta créance , le te feray sans plus durer A cette beste deuorer.
Baruch luy dit, ma douce amie le croy dans Christ Fils de Marie r Qui donne à ceux son Paradis, Qui sont purs de cœur, faits, et dis ; Et qui tous vous garde et conforte Sur tous sa puissance estant forte Pour Dieu ie veux viure et mourir,.
Et pour luy des tourmens souffrir :
Puis qu'il est mort en la souffrance, Alors Baruch eut deliurance,
APPENDICE. 23i
L'Ourse se laissa deualer, Et par la porte s'en aller, Elle feu bas et gueule morte Se soûmist à garder la porte.
Baruch doncques est conuerty, Et de la prison départi ; Auec vigueur dés sa sortie Par les rues il s'encourt et crie, Proclamant ie suis vne voix Qui va parlant en tous endrois, Et disant, il faut qu'on m'escoute, Mescreans vous ne voyés goutte, Vn Dieu seul nous deuons chérir, Qui pour nous à voulu mourir, Sur la Croix au Ciel adorée De son sang teinte et décorée, Ainsi par vn coup de sa main Voulant sauuer le genre humain :
N'estant d'autre Dieu, quel qu'il soit, Que celuy, que Colombe croit, Tenant de foy bien asseurée Qu'il vid sur la voûte azurée :
En luy ie n'eusse creu iamais S'il ne m'eust monstre de ses faits, A sa Croix ie m'attache et colle, Moy renonçant à tout idole, le dis adieu, mais de bon cœur A tous les dieux de l'Empereur Desquels ie fais si peu d'estime, Que ie feray qu'on les supprime, Ayant mon cœur en la vertu D'vn Iesus-Christ, qui fut battu, Traisné, mocqué : puis au caluaire Mourut, pour nostre salut faire, le vous requiers de m'escouter ; Il se mist à leur raconter La merueille à luy paruenuë Comme l'Ourse beste velue
Entre ses pattes rattrapa, Puis après comme il eschapa Sans aucun mal ny tort luy faire, Et comme il ne s'en pouuait taire :
Plusieurs de ceux qui Fentendoient En Iesus se conuertissoient :
Colombe estant lors demeurée En prison, et l'Ourse à rentrée.
L'Empereur, qui fut aduerti Que Bartrcb estoit conuerty r Et qu'il alioit parmy la ville* Prescher à chacun l'Euangitey Voyant plusieurs qui l'escoutorent Et ses paroles racontoient S'enflamma d'ardeur et de rages, Et d'vn malicieux courage, 11 dist à ses gens brigadiers, Et plus grands maistres Caualiers, Qu'on aille vers la prisonnière, Qui de nos grands dieux fait littiere, Preschant qu'en lesus est tout bien, Que tous idoles ne sont rien,.
Et deuant moy soit amenée :
Pour en faire madestinée, le veux la faire desbriser, Ou désormais nos Dieux priser.
Elle à la ville conuertie r Si que la plus grande partie A laissé nos Dieux immortels, Leurs encens, leurs deuots Autels, Pour suiure en Christ la Loy nouuelle Qu'il nous faut brûler auec elle.
Alors s'en vont par achoison, Les Caualiers à la prison ; A trauers la porte ils ont veuë L'Ourse beste d'eux inconnue, Qui manifestant hure et crin Leur rompit d'abord leur dessein >
Veu qu'elle contre eu si fort gronde, De fureur là frisant sa ronde, Que tout tremble aux fremissemens Tout poil dresse aux rugisseraens Eux effrofei, mis en déroute Vers César reprirent leur routte, Lequel se prist à se foscher, D'abord, qu'il les vid approcher Mais ne luy donner cette joyè, De luy faire voir de leur proye.
Ioinct que Colombe ne voyant, 11 dit, en fuite la croyant : Où gist celle qui mort mérite, Et qui tous nos Dieux décredite.
Sire entendez nous vous disons, Quelle a à Dieu fiait ses Oraisons, En la prison, là par nous mise, Qui ne sçauons par quelle guise Nous la pourons de la rauoir, D'autant qu'on vous fait à sçauoir, Qu'il est accouru du Bocage, Vers elle vne beste sauuage, Pour la garder et garantir, Et pour rien ne veut consentir Qu'on fasse à cette fille outrage, Et sans vous faire grand langage Nous n'auons osé demeurer, L'Ourse nous voulant deuorer.
Afin donc qu'à la sainte fille Ne peust rester aucun azile L'Empereur fist commandement À ses gens que sans tardement La prison fût enuironnée De flambeaux ardens brandonnée.
Crainte qu'elle ne joûast d'vn tour Qu'on rengeast le feu tout autour.
Pour qu'elle auec la beste infâme Fût consommée en cette flâme.
Les Sergens tous bien accostés Mirent le feu de toiifr costés, Au tour de la prison fermée Afin qu'elle fût enflammée.
L'Ourse voyant le feu vomir Les fiâmes, se mist à frémir, Puis Colombe elle a regardée, Monstrant que n'estoit plus gardée, Ny la porte, ny leur séjour, Ny de sortir ne voyoit iour, Mais Colombe ayant apperceuë L'Ourse tremblante et toute emeu<S Luy dist, Ourse, ne tremble pas, Nous n'irons par feuxautrespas: l'ay dans le cœur, et la mémoire, Parfaitement le Roy de gloire Parmy les feux et les tourmens, Il peut garder de mal ses gens ; Il a fait tout et peut deffaire, Tout ainsi comme il luy peut plaire.
Cette flâme qui va passer N'est pas faite pour nous blesser:
Mais Dieu, qui void mon innocence Veut manifester sa puissance, La gloire de son Nom hausser, Et les mescreans abaisser :
Tu sortiras de cette place, Sans qu'aucun outrage, on te fasse Si tu crains, ou trembles de rien Retire-toy ie le veux bien, Aussi-tost cette pauure beste, Par vn trou se passant la teste Entr'eux s'enfuit bien doucement Sans qu'on luy fist empeschement Colombe seule est demeurée Des feux ardens toute entourée :
Mais voyant la flâme approcher, Et bien preste de la toucher,
Elle fist à Dieu sa prière, Pour luy sauuer la vie entière»
Qu'au Nom de Iesus Souuerain, A ces fiâmes il mist la fin, La parole estant acheuée, Il descendit vne nuée, De grosse pluye auec du vent Mettant ce feu tout à néant A la race, qui fut reprouuée, Nulle créance s'est trouuée ; D'autres qui le miracle ont veu En Iesus-Cbrist ont bien-tost creu.
Le tyran ne sçait plus que faire, Luy voyant bien que cette affaire Touche vn Dieu du Ciel agissant Par tout comme le Tout-Puissant ; Mais sa face au mal endurcie Alors vn peu s'est adoucie Pour voir Colombe, et regarder, Qu'il ne la peut pas engarder, D'auoir au cœur et la mémoire Parfaitement le Roy de gloire.
Il dist fille du firmament, Par quel art, quel enchantement Fais-tu ta volonté si pure Contre tout ordre de nature, Et contre tout esprit bien-fait Comment se peut, comme as tu fait, Que la beste la plus sa image Pour te seruir sort du bocage, Si tost, et tant soudainement , Te desgageant entièrement, le ne sçaurois aussi comprendre, Comme l'eàu du Ciel peut descendre Icy bas pour te secourir, Et pour t'engarder de périr ; Parquoy deffends, cœur de nouice, Qui vas irritant ma Iustice.
Sainte Colombe lui respond, Tes œuures aueugle te font, Tu ne peux auoir connoissance De Dieu , ny de son Ordonnance, Trop és-tu de mauuaise foy Pour entendre vn seul mot de moy, A ta Majesté ie confesse, Que ie ne suis enchanteresse, Et tous ces miracles qu'as veus, Viennent de mon Seigneur Iesus :
Lequel par sa grande puissance.
Nous secourt faits à sa semMance, Il prenoit à l'affliction, Pour donner consolation, lainais ne s'endort ny sommeille, Pour nous garder tousiours il veille.
Aurelien, à ce discours, Remply de rage et de couroux, Transporté de fureur et d'ire Se prist à tancer, et luy dire :
Fille tay-toy ne parle pas Dauantage ; moy j'en suis las ; le voy que celui-là s'abuse, Qui trop à ton discours s'amuse, Prend garde de ne parler plus Deuant moy de ton Dieu Iesus, Ny de son Nom, ou sa Clémence, Ou de sa grande Prouidence, le t'ay de prescher deffendu, De Christ sur la Croix estendu, Tu Tas tousiours dedans la bouche, Ce desplaisir bien fort me touche, Et semble ainsi comme ie croy, Que ce soit en despit de moy.
Colombe qui ne l'appréhende, Ny n'aspire qu'on la deffende, Luy repartit, Aurelien, Contre moy tu ne gagne rien ;
De ta Puissance Impériale*
Et ta milice desloyale,
Tu vas meurtrissant le troupeau De Iesus le Diuin flambeau,
Et sous ta robbe de Iustice Tu n'es qu'inuenteur de malice, Toy ny ton fils ne valés rien, le te le dis tu le sçais bien, Poursuy ta guerre déclarée, Par toy ne seray séparée, Ny par mort ny par vexateur De l'amour de mon Créateur.
Le tyran plain d'ire enragée, L'aurait détruitte et saccagée; Mais arriuant là son Conseil, Il ne leur fist aucun accueil, Il leur dist, prenés cette fille, Et la menés hors de la ville, le veux la faire décoler, Pour n'auoir au cœur d'immoler, A nos Dieux, n'y rendre seruice, Ny me craindre, ny ma Iustice :
La Vierge alors sans s'estonner, Preste à sa mort leur pardonner, Luydit auec grande éloquence, Dictateur de brefue Sentence ; le ne crains, ny toy, ny tes gens* Ny moins encore tes tourmens; le veux endurer le martyre, De mille morts; qu'on me déchire :
Pour gaigner la rédemption, Ainsi que nous fait mention L'Euangile qu'on nous prononce Qu'il faut que de cœur on renonce Au monde et son inique but, Pour bien opérer son salut :
Qui trop au monde ayme son âme, 11 périt toujours auec blasme,
Et qui pour Dieu sa vie y pert, Trouue le Paradis ôuliert; le meurs en épouse fidelle, Pour trouuer la vie éternelle, De loin pensant au Iugement Qu'aux Iustes pris séparément, Dieu dira venez à ma dextre, Aux autres allez à ma senextre; Disant aux siens venez à nous, Aux reprouuez retirez- vous ; Les bons vie auront perdurable.
Les mécharts peine intolérable; Pour toy, tu seras auec eux, En la gesne des mal-heureux, Pour auoir en toute ta vie Fait suiure ton Idolâtrie, Et comme vn grand blasphémateur Fait renoncer au Créateur; I'ay plus d'horreur de ton grand vice, Que de peur du présent supplice, Tu peux bien mon corps débriser, Et de mon âme diuiser, Mais tu ne peux rien d'auantage A quelque excez que soit ta rage, Afin que tu sois satisfait, Regarde moy Tyran infect, Des yeuxdroictemen en la face, Afin qu'au Iugement ic fasse, Que paroissantpour t'accuser Tu ne puisse me récuser Deuant la Majesté d'un luge, D'vn Iesus seul Roy par déluge De feux tout le monde effroïant, Qui tost les siens purifiant Est mon espoux qui me conuie En luy seul d'espérer la vie :
Que deuiendra ce tien courroux Lors que tu verras iugertous,
Que dira ta conscience noire Quand tu verras toute la gloire.
Et le double couronnement Que i'auray là, pour ce tourment, Et pour ce désiré martyr», Mais de toy Ton ne sçauroit dire :
D'Enfer tes éternels tourmens, Et sans fin grincemens dedens.
L'ors les Boureaux sans plus attendre.
Prêts à ce supplice entreprendre, Mennent cette victime au lieu Qui la deuoit mener à Dieu :
Où ces traîtres l'ont décollée Sans estre d'aucun consolée, Colombe estant d'assez bon sens, D'iceux requist vn peu de temps, Pour se retirer d'eux arrière, Et faire à son Dieu sa prière, Ce que refusant ces boureaux, Ses yeux deuinrent deux ruisseaux, N'ayant point de plus fortes armes, Que dans la douceur de ses larmes, Lors néanmoins sans s'estonner, Elle eust l'esprit de leur donner, Pour plus cher joyau dans sa voye, Son voile nouueau fait de soye, Qu'elle gardoit en lieu secret Pour s'en seruir par saint décret ; Qui tistque cette gent guerrière Luy laissa faire sa prière, Elle ayant temps, heure et saison, De faire à Dieu son Oraison, Dist prés le bûcher approchée, Où sa teste après fut tranchée :
Grand Dieu qui s'est voulu liurer, A la mort pour nousdéliurer, Par vne bonté paternelle, De la gesne toute éternelle :
Et qui, par vn excez d'amour, Nous déliurer de iour en iour Ouurant à tout moment la porte A l'espérance demy-morte; Aux yeux du monde et des ingrats, Pour nous auoir ouurant les bras, Voicy vostre pauure semante, Qui sa prière vous présente.
Pour ce peuple, et la nation, Qui court à la perdition, Pardonnez à cet infidèle, Afin qu'il ne soit plus rebelle, De vostre Tout-puissant vouloir,' Donnez-nous aussi le pouuoir/ Que malgré ces gens et leur rage, Nostre Foy vainque leur courage; le vous prie aussi, mon Sauuenr, De me faire cette faueur, De garder de peste et de guerre, Vostre troupeau desur la terre.
Au nom de vostre passion, Ayez aussi compassion ; De ceux que dans la maladie, Langueur, ou douleur attiédie, Eux croyant en vous fermement, Donnez leur bon allégement, Et ceux qui de vous en souffrance, En leur coeur auront souuenance, Par vostre sainte affection, Soulagez leur affliction :
Enfin, mon Iesus débonnaire, Que vostre sang soit salutaire A ceux qui vous inuoqueront, Et vostre nom prononceront, De Iesvs : et vostre martyre, Seront soigneux de le faire lire :
Conseruez les tous en la paix, Des démons et de tous forfaits,
Afin qu'en repos fort tranquille,
Tous soient saints, homme, femme et fille.
Benissez-nous et nos trauaux,
En la souffrance de nos maux,
Au reste partans de ce monde,
Gardez-nous tous de mort seconde,
Pour moy mon Sauueur lesus-Christ,
le recommande mon esprit
Dedans vostre main Souueraine,
Qui tant fist pour nature humaine,
Qu'en souffrant la mort en la Croix,
Dans les douleurs et les abois,
Nous fist naistre à tous cette enuie,
De mourir pour trouuer la vie,
Elle sincère et de cœur franc,
N'escoutantqueson pigeon blanc,
A l'instant du Ciel est venue,
Vne voix qui fut entendue,
Disant, Colombe, nostre sœur,
Laisse tes pleurs,entre en bon-heur,
L'Eternel ta iuste prière,
Te veut accorder toute entière,
Prend le pareil éclat que nous,
Toute en splendeur vient voir l'Espoux;
Prest de te couronner luy-mesme,
Ton chef d'vn double Diadème.
Défia tu vois ton ennemy
Dedans les enfers à demy,
Dont tu seras victorieuse,
Ta mort estant fort précieuse,*
Plus belle que le diament,
Tu luiras dans le firmament
Mal-gré cette race ennemie,
De ta mort tu prendras la vie,
Comme sur la Rose, et les Lys,
Va portant la Croix, si nous suys;
Croix qui n'est aux saints que la ioye,
Et pour voir Dieu ta seule voye,
Quitte ce monde plein d'ennuy,
Les saints t'attendent aujourd'huy,
Pour porter deuant Dieu ton ame,
Qui te tact la reine et Dame :
Colombe mise à deux genoux,
En la face de son Epoux ;
Colombe en la foy ferme et stable,
Pour la vie auoir perdurable
S'en va tenant son col tendu,
Son voile et son crespe épendu,
Qui parlant en cette manière,
De rechef à Dieu fist prière;
Mon Dieu, dans mes plus hauts desseins,
le rends mon âme entre vos mains,
Vous mon lESvsplain de puissance,
De grâce ne prenez vengeance,
De ceux qui martyre me font,
Qui de vous connaissance n'ont
Ce qu'ils font c'est par ignorance,
Bref le traistre boureau s'auance,
Vers Colombe la décolant :
Dont la vie , et sang s'escoulant ,
Son corps aux tyrans fut en proye ,
Sa teste en tressaillit de ioye,
Alors que le Ciel elle prist ,
En cette fermeté d'esprit ;
Lequel remporta la victoire ,
Et pour en rendre à Dieu la gloire ,
Les anges chantèrent es cieux ,
Vu chant doux, et mélodieux,
Portant cette glorieuse aine,
De nostre Sainte qu'on reclame ,
Pour la présenter deuant Dieu ,
Au sortir de ce mesme lieu :
Voy ce sang respandu sur terre ,
Qui finit des tyrans la guerre :
Vn sang généreux , si beau
Peut mettre ton vice au tombeau ,
Et cette virginité blanche , De ses sujets oste et retranche , Les dards de ce Serpent ancien , Qui sous le masque d'vn faux bien , Tant d'homme surprend et moleste , Par vne générale peste , Que pour peine de vieils péchez , Tant sont des fleures entachez , Que rechercheront la rosée De cette céleste Espousée , Qui par la grâce dans ses voeux Fort efficace esteind ces feux , Voy ce corps , qui plus ne respire , Sur vn cheualet du martyre, Rendant odeurs à tous passans , Qui frappant des mains vont disans :
Qui parmy tant de gens de guerre , Pourra mettre ce corps en terre ?
Corps, dis-je, qu'on void cy-gisant , Qni vif son Iesvs aimoit tant , Que ne vismez de nostre vie , Enuers Dieu si pieuse amie ; Qui de nous seroit si félon , De la laisser en son valon , En lieu désert pour qu'on l'oublie , Entre espines enseuelie ?
Lors gens d'Eglise et leur Prélat , Venant en ordre et grand éclat , Rendre le deuoir à nature , Mirent ce corps en sépulture , De nuict , ne l'osant pas de iour, Crainte des Payens d'alentour, Qui faisoient là la sentinelle, Autour de Colombe, laquelle Tous leurs faux oracles defist, Par les miracles qu'elle fist ; Dont le nombre est innumerable , Dieu, qui la gloire perdurable,
A Sainte Colombe donna, Et dans le ciel la couronna , Nous veille tous par sa prière Illuminer de sa lumière , Et parmy nous ses seruiteurs , Qui le respirons tous des cœurs , Qu'il donne à ceux qui font mémoire , De Sainte Colombe , la gloire.
Ainsi soit-il.
La fin de ta vie de Sainte Colombe de Sens, laquelle a esté martyrisée sous l'Empereur Aurelian, le dernier iour de Décembre : Et ce au dehors des murs, dans la place distante d'enuiron mille pas de la mesme ville de Sens, en la France, d'où dépend toute la Duché de Bourgogne.
