ET PREMIERS LES BANS DE MARS ET AOUST

1 . On fait assavoir de par mesdits seigneurs et par le jugement de hommes de fiefz de leur court et seignourie, que nulz ne nulle ne soit sy hardy de aller cœullier, prendre ne emporter en aultruy gardins quelque chose sans le gré, sceu ou consentement de cculx à quy ilz appartiennent, sur péril de Tamende de lx sols, et de réparer le dommaige.

2. Item, que nul ne pesque en aultruy eauwes : de jour sur Tamende de lx sols, et de nuict comme 1ère.

3. Item, que les chemins soyent amendez, cours d'eauwes aouvers, pons, plancques, appoyelles, frettes, relevées et rabatues en temps et en saison, gardins et héritaiges restoupez en la manière accoustumée, sur Tamende de lx sols.

4. Item, que nul ne coppe en aultruy bois ne mariens, sur péril de l'amende de lx sols.

5. Item, que nul ne soye ne emporte aultruy herbes, sur Tamende de X sols.

Bans accoustumez de faire anchiennement sur le fait des cabartierSy crassiers^ Jburniers, bouchiers et Irippiers, tanneurs, cordonniers, tainteniers des wesdes, brasseurs ; de la peste, touchant la justice, et pluiseurs aultres choses pour le bien et utilité de la chose publicque,

PREMIERS, DES GABARTIERS.

6. Messeigneurs prévost, doyen et chapitre de Tèg'lise Sainct-Pierre de Lille, considérans que les cabaretz ont esté et sont instituez et ordonnez pour aux passans prendre leur réfection et giste corporelle, et que aujourd*huy ilz sont applicquiez et tournez à aultre usaige, car en la pluspart desdits cabaretz les passans ne y prendent leur réfection et giste, mais hourriers et hourrières menans vie dissolue ; et pluiseurs demeurans tant en leursdites terres que dehors, dès le matin, du point du jour, entrent esdits cabaretz et ne en wident que ne soit mynuyct, en jouant aux detz et dissipant ce dont la femme et enfFans debvoient estre sustentez et nouris ; en quoy faisant ilz font pluiseurs sermens détestables et exécrables, et au moyen des keutes que l'on vend esdits cabaretz, noises et débatz en ad viennent, tellement que pluiseurs y sont occys et mis à mort sans confession ; par lesquels cas et aultres dont lesdits seigneurs sont deuement informez, ils entendent uostre benoît créateur et rédempteur y estre journellement offensé; veullans comme vrays ecclésiasticqnes à ce obvier et à leur pooir appaisier le ire de Dieu, ont pour les causes que dessus, et aultres à ce les mouvans, interdit et detîendu, interdisent et deffendent que nul ne nulle se ingère en leursdites terres et seignouries tenir cabaret, ne aussy débiter ou brocqueter et vendre à pot keute ou c-ervoise, fors es maisons à ce ordonnées, et encoires en ayant obtenu d'iceulx seigneurs grâce et congié de ce faire, et que en chascune desdites maisons l'on ne vende fors une sorte de boire, à péril en chascun desdits cas de l'amende de lx sols, et de aultrement estre pugny à la discrétion de leur justice.

7. Item, que tous cabartiers, taverniers et brocqueteurs, tenans logis ou vendans boire sur la terre et seignourie de ladite église, combien que ilz ayent pour ce faire obtenu congié desdits seigneure, seront néantmoins teuuz de demander de nouvel et obtenir d'iceulx seigneurs ledit congié chascun an entre la S^ Jehan-Baptiste et la Magdaleine, en rapportant et exhibant à ces fins le congié par eulx premier obtenu par escript, à péril de l'amende de lx sols, et de estre privé dudit congié et aultrement pugny à la discrétion de leur justice.

8. Item, que ceulx et celles quy auront ledit cong-ié ne pourront asseoir à escot ne aultremeiit es jours de dimence ou festes durant la grand messe ou vespres, et fors après icelles chantées es églises des parroisses où ilz seront demeurans, ne du soir fors jusques à noef hueres , sur l'amende de lx sols et estre aultrement pugny à la discrétion de ladite justice, se n*est que le lendemain lesdits ayans ledit congié viengnent déclarer au bailly ou lieutenant desdits seigneurs ce que averoit esté fait contre leur gré, en dénommant par serment, se requis en sont, par nom et surnom, ceulx qui averoient esté assis après lesdites heures, et sy fourfera chascun desdits beuvans ou estans esdils cabaretz durant que Ton chantera lesdites grand messe ou vespres, ou après lesdites heures, pareille amende de lx sols.

g. Item, que nulz hostes et submanans de ladite église ne polroul pareillement aller boire hors de la seignourie de mesdits seigneurs durant lesdits grand messe, vespres, ne aussy hors desdites heures, à péril de pareille amende de lx sols.

10. Item, que nul ne nulle, en appert ne en couvert, soit sy hardy de vendre sur ladite terre et seignourie, en gros ne à débit, keute plus hault que à douze deniers le lot, et petite bière à six deniers le lot, à péril de l'amende pour chascune fois de lx sols.

Le iXe jour de mars xycLYii, ledit ban a esté renouvelle et publié à la bretesque desdis seigneurs, quant à la bière. Présens maître Robert Muette, bailly desdits seigneurs ; Pierre du Castel, Hector Le Thellier.

11. Et en oultre, s'il est trouvé que boire que Ton vendra esdites seignouries ne soit sy bon et sy souffissant que pour valloir ledit pris de douze et six deniers chascun lot, en ce cas les vendeurs et distribueurs desdits boires seront tenus eulx rigler en la vente d'iceulx selon Tadvis, dit et ordonnance des esgardz à ce commis, sur samblable amende de lx sols.

12. Item, que nul vendant quelque breuvaige ne ait en sa maison pot ne potz d'estain ne de pierre, s'ilz ne sont adjustez d'ung clau d'estain marquié de Tensaigne de la clef, sur péril de l'amende, pour chascun pot ou mesure, de lx sols.

i3. Et avéra l'estainnier pour chascun pot qu'il enseignera un deniers Flandres, pourveu qu'il en enseigne ensamble six potz ou plus ; mais s'il ne en enseignoit ensamble que cincq potz ou endessoubz, il avéra pour chascun pot six deniers ; et se, en mettant ladite enseigne, aulcuns potz sont cassez ou rompus, ledit estainniers sera tenu en rendre ung aultre.

i4. Item, que nul cabartier ne aultre vendant vivre à détail, ne s'avanche de faire ne vendi-e pastez d'anguilles, que premiers elles ne

soient monstrées touttes vives aux esgardz, sur péril de payer ausdits es^ardz Tamende de v sols, et les pastés coppez et rompus.

i5. Item, que nul tenant cabaret ne prende en gaige, paye ne auUrement, habillemens d'hommes ne de femmes, ne aultres biens et baghes quelzconcques, sur l'amende de lx sols, et de estre privé de tenir ledit cabaret, pugny à la discrétion de la justice, et avecq ce de perdre leur deu, et lesdits biens renduz et restituez à ceulx à quy ilz appertiennent.

i6. Item, que nul ne tiengne mauvais hostel, ne soustiengne ne herberghe hourriers ne hourrières, homicides, bannys ne bannyes ; aussy que nul ne recoipve, loge ne assiée filles ne femmes publicques ou mal famées et renommées, avecq hommes, en leursdites maisons, sur péril de l'amende de lx sols, et d'estre aultrement pugny à la discrétion de leur justice.

17. Item, quand esdits cabaretz seront aulcuns débatz advenuz ou aulcunnes amendes fourfaictes, les hostes seront tenus le lendemain de le signiffier aux baillyz de mesdits seigneurs, et déclarer par serment, se requis en sont, les noms et surnoms de ceulx quy averont fourfait lesdites amendes, sur l'amende de lx sols.

18. Item, que tous hostes es cabaretz et maisons desquelz adviendra et sera perpétré quelque homicide, seront privés de tenir cabaret incontinent ce advenu , et sans aultre déclaration , n'est qu'ilz obtiennent nouvel congié desdits seigneurs.

19. Item, lesdits seigneurs interdisent en oultre à tous cabartiers et cabartresses, que nul ne nulle ne tue, face tuer chair, fors pour la provision de eulx et leurs mesnaiges, à péril de l'amende de lx sols.