DES CRASSIERS ET FOURNIERS

20. Que nulz crassiers ne aultres quelz qu'ilz soient, eulx meslans de vendre herrencq et saulmon à détail, tempré et non tempré, ne œuvrent ne fâchent ouvrir les tonneaulx d'où sont lesdits herrencq et saulmon, que premiers et avant toute œuvre ilz ne lez ayent monstre à l'esgard commis par mesdits seigneurs ou leur justice, pour par icelluy esgard visiter lesdit herrencq et saulmon, luy baillier telle droicture qu'il appertiendra, et que les tonneaulx soient marcquiez de la marcque dudit esgard ; et que para vaut le jour sainct Simon et sainct Jude au mois d'octobre, nul desdits crassiers ne aultres se ingèi^nt de vendre ledit herrencq tempré, sans en avoir le congié et licence de mesdits seigneurs ou de leurdite justice, et ce sur péril de l'amende de lxsoIs toutes et quantesfois que en chascun cas on sera trouvé avoir fait le contraire. Et aussurplus, que lesdits crassiers et

aultres vendant ledit herrencq à détail, tempré et non tempré, ne pourront vendre lesdits herrencq que on appelle herrencq gay sans ronnette , herrencq bloucke , locaslre double , locastre voerbanl et achterbant, fors es lieulx à ce ordonnés par mesdits seig'neurs ; en chascun desquelz lieulx y avéra une estancque, là où y avéra un^ billet qui contiendra le lieu pour vendre lesdits herrencq, et ce sur péril de X sols d'amende, pour chascune fois que on trouvera avoir fait le contraire. Mais le herrencq de plaine ronne et demi-ronne, si comme de Nyeuport, Dunckerke, Ostende, le Dam, Biervliet, pais d'Anvers, et gay à le ronnette, se vendera es maisons desdits crassiers sans y avoir quelque billet ne enseigne. Et pour le sallaire dudit esgard, les dessusnommés vendans ledit herrencq et saulmon seront tenuz de payer à icelluy esgard, pour chascun tonnel de saulmon, huyt denîei*s monnoiede Flandres, et pour chascun tonniel de herrencq, nu deniers.

2 1 . Item, que nul ne aulcuns crassiers, sauniers ne aultres quelz qu'ilz soient eulx meslans de vendre sel, ne se avanchent ne ingèrent de vendre et mesurer sel, en et soubz la terre de mesdits seigneurs, que préallablement les mesures esquellez ilz livreront ledit sel par eulx vendu ne soient justement gaugiez, enseigniez et marcquiés de le marcque de le clef, quy est Tenseigne ordonnée sur lesdiles mesures, sur l'amende de lx sols pour chascune que l'on trouvera non enseignée ne marcquiée de ladite clef; et au surplus, que chascun desdits crassiers , sauniers ou aultres vendans sel , viengne par chascun an au seige du bailly desdits seigneurs de Sainct-Pierre, auparavant le jour de Toussai n, ou aultre tel jour qu'il leur sera assigné, apporter ses mesures et les faire gaugier et renseignier de l'enseigne qui sera oixlonnée pour l'année, sur péril que s'il est trouvé aulcuns ayans faict le contraire, de pour chascune mesure qui sera trouvée non enseignée de l'enseigne et marcque ordonnée pour l'année, payer l'amende de x sols.

22. Item, que les officiers averont pour leur sallaire de adjusler les pois et gaugier et marcquier les mesures, assçavoir de chascun pois trois oboles, et de chascune paire de balanche quatre deniers ; de chascune mesure aussy quatre deniere, et se la mesure est nouvelle, six deniers.

23. Item, que nulz ne nulles ne vendent laignes à détail, ne se ingèrent de les enclore, sans les monstrer aux esgardz à ce commis, sur l'amende de lx sols.

24. Item, que se l'on trœuve laignes au devant ou es maisons de telz revendeurs trop petites selon la cloyère, lesdits esgardz les polront copper, et prendre à leur prouffict l'amende de v sols.

25. Item, que tous boullengiers, crassiers et tous aultres recoppeurs, ne ayent et ne fâchent faire moys de bourrées à soixante piedz près

de aulcuns édiffîces, sur l'amende pour chascune moye de lx sols, et estre baiinyz ou aultrement pu^nys à la discrétion de leur justice.

26. Item, que nulz boulleng'iers ne vendent pain à détail ne soit

de tel pois qu'il appertient selon la valleur du grain, sur péril d'avoir

le pain coppé, et de payer au prouffict des esgardz l'amende de

V sols.

En marge est écrit : Messei^neurs les doyen et chapitre de Sainct- '

Pierre de Lille ODt le xxyn<^ de febvrier xy^lii ordonné et statué sur ce

yil« article, ordonnent et statuent que l'amende de v sols contenue en

cest article sera comme elle a esté de tout temps exécutoire incontinent

qu'elle sera trouvé estre fourfaicle.

27. Item, que se le pain quy sera de pois tel qu'il est requis ne est digne de entrer au corps humain pour quelque cause ne occasion que ce soit, en ce cas le Iburnier sera pugny à la discrétion de^ la justice desdits seigneurs, et du pain en sera faict comme il appert tiendra, jà soit que ledit pain avéra esté par le sergeant levé, prins et emporté hors de la maison du fournier ou cabartier, l'ung des esgardz tant seullement présent.

28. Item, oultre et pardessus les trois pains de chascune sorte de pain trop petit coppez, et les v sols d'amende payez, statuent et ordonnent que lesdits esgardz et sergeans averont de chascun pain de patarttrop petit huyt deniers, de chascun pain de gros quatre deniers ; de chascun pain dedemy gros et de estrelin, deux deniers, et de chascun pain de parisis, ung denier. Et se Ton apperchoit que les fourniers de volunté et propos délibéré transgressent ces ordonnanches, la justice leur debvra interdire le stil, ou les aultrement pugnir, etcopper tout le pain quy sera trouvé estre trop petit.

29. Item, polront lesdits esgardz et sergeans licitement entrer es maisons desdits fourniers hault et bas, et i*egarder par tout ; et se ilz treuvent pain trop petit muchié, lesdits fourniers averont fourfait l'amende de lx sols, dont lesdits esgardz et sergeans averont x sols.

30. Item, que tous boulengiers, crassiers et aultres vendans à pois, détail et mesure, ayent leurs pois et mesures justes et gaugiées et enseignées de la marcque de l'année, à péril de l'amende de lx sols pour chascun pois ou mesure. Cest article futjadjousté et statué par mesdits seigneurs le xxvn^ de febvrier xv^lh.

3 1 . Messeigneurs les doyen et chapitre de Sainct-Pierre de Lille, aiant entendu le grande fraulde quy se peult commettre au préjudice de la chose publicque sur le faict de la vente du pain quy se faict en leur terre et seignourie par gens aultres que les fourniers y résidans, sans pois et [sans] estre esgardés par les esgardz ad ce commis, pour à ce obvier ont ordonné, deffendu et statué que depuys maintenant en avant, nulz aultres que les fourniers demourans sur leuixlites terre

et seignouric oe polront vendre pain, à péril pour chascune fois que sera trouvé le contraire, de payer par telz vendeurs Tamende de Lx sols, et despens de prinse. Ainsj fait au chapitre tenu par lesdits seigneurs , le xxv^ jour du mois d*aoust xv^^lhh , moy présent. P. Macherlet.

Le mardy xxvni® jour d'aoust xv^^liiii , pardevant Jacques de Landas, escuyer, bailly, en la présence de Jehan Febvrier, Denis Fortmantel et Franchois. de le Motte, hommes de fiefz, eschevins et juges desdits seigneurs, ceste ordonnance fut publiée à la bretesque d'iceulx seigneurs, selon le contenu d'icelle, moy présent. De BruUaerl.

DES BOUCmERS ET TRIPPIERS ET GABARTEURS.

32. Premiers, que nul ne se ingère ou advanche de tenir et exercer estât de bouchier sur la terre et seignourie de ladite église sans congié desdits seigneurs, sur paine de lx sols et de estre pugny à la discrétion de leur justice.

33. Item, que ne soit aulcun bouchier ne bouchière ou aultres esdites seignouries sy hardy qu'il tue ou face tuer aulcuns pourceaulx pour bacquonner ne escauder, que premiers et avant toute œuvre ilz ne soyent esgardez mors, et avant qu'ilz soient, c'est assçavoir les bacquounez saliez, et les escaudez dépêchiez, sur l'amende pour chascun pourciel de lx sols.

34* Item, que lesdits bouchiers ou aultres délaissent aux pourceaulx qu'ilz veuUent bacquonner les oreilles, affin de veoir le droit et enseigne qu'ilz averont receu de l'esgaixl, sur l'amende de touttes fois que aulcuns feroient le contraire de x sols.

35. Item, que aulcuns cabarteurs ou cabartresses, bradeurs ou braderesses, ne soyent [sy hardys de] en appert ne en couvert vendre chair maisel crue à personne, synon qu'elle soit cuitte et passant l'esgard, sur l'amende toutes fois que l'on fera le contraire de lx sols.

36. Item, que aulcuns cabarteurs ou cabartresses, de pourceaux par eulx encloz et tuez ne les puissent saller ne vendre, que premiers ilz ne les ayent faict esgarder par l'esgard, sur l'amende toutes fois que l'on fera le contraire de lx sols.

37. Item, que aulcuns bouchiers ou bouchières ne soyent sy hardys de apporter ne faire apporter par eulx ne par aultruy es maiseaulx chars soursannées, ne chars de truyes, sur l'amende pour chascune fois que Ton feroit le contraire de lx sols, et aussy sur péril de perdre leur mestier, ou en estre suspendu, ou aultrement pugny à l'ordonnance de justice. Lesquelez chars néantmoins se polront vendre au lieu où l'on a accoustumé de vendre chars soursannées.

38. Item, que aulcuns bouchiers ne fâchent ou fâchent faire saucisses ou andouilles hors des maiseauLv, mais les fâchent en iceulx maiseaulx, et monstrent aux esgardz ainchois qu'ilz fâchent les saucisses et andouilles le char de quoj ilz les voldront faire, sans y mettre panches ne coisnes, sur l'amende à tous ceulx quy feront le contraire de x sols, et aussy que desdites saucisses et andouilles sera faict et usé par l'ordonnance de justice.

39. Item, que aulcuns bouchiers ou bouchières ne soient sy hardys de vendre ne faire vendre char de tor esdits maiseaulx, que pardevant le char il n'y ait enseig'ne de une bannière vermeille quy ait ung quartier en quarure du moins, et que ladite bannière soit mise sur Testai, de sorte que on le puisse veoir appertement, sur l'amende de X sols, et le char vendue par l'ordonnance de justice.

40. Item, que aulcuns bouchiers ou bouchières, par eulx ne par aultruy, ne soyent sy hardys de par jour de merquedy, le mardy ne aultre jour du devant disner ne aultrement attendre, poursievir ou acheter g-rosses bestes, pourceaulx, veaulx, moutons ne aultres sur les champs, rues, chemin ou cauchie, jusques k ce que telles bestes seront menées et estapplées au marchié de Lille, sur amende toutes fois que l'on fera le contraire de lx sols.

4i. Item, que tous bouchiers seront tenus de amener ou faire amener leurs bestes à lieu acoustumé la première fois pour an, k l'huere d'entre trois et quatre, après nonne, et les loier tant que icelles bestes seront esgardées, sur l'amende, sur chascun quy feroit le contraire, le jœudy absolut, de x sols.

42. Item, que depuis lors en avant en toute l'année durant, aulcuns bouchiers ne tuent ne facent tuer quelques chars, sans premiers demander et avoir le congié des esgardz à ce commis, sur l'amende, toutes fois que l'on feroit le contraire, de v sols.

43. Item, que tous les pourceaulx quy seront portez esdits maiseaulx ne soient vendus et ne les vendent de cv adont ([iie les esgardz les aient esgardez, sur l'amende de x sols.

44- ïlem, et que toutes les chars quy seront tuées pour vendre le sabmedy depuis le Pasqiie jusques à leSainct-Remy, soient crocquiées et sallées bien et souffissanment en dedens le lundy ensuivant au vespre ; et ce qui sera tué le lundy soit crocquié et salle bien et souffissanmenl le mer(|uedy ensuivant ; et ce quy sera tué le merquedy soit crocquié et salle bien et souffisanment dedens le vendredy ensuivant. Et le Sainct-Uemy passé jusque à le Pasquc ensuivant, ce quy sera tué pour vendre le sabmedy soit crocquié et salle bien et souffissanment le mardy ensuivant ; et ce quy sera tué le lundy soit crocquié et salle bien et souffissanment le jœudy ensuivant ; rt ce quy sera tué le merquedy soit crocquié et salle bien et souffissanment

le sabmedy ensuivant, sur l'amende toutes fois que aulcun feroit le contraire de x sols. Et selon les saisons, les chars se tueront à l'ordonnance desdits esgardz et se vendront par le conseil d'ioeulx esgardz.

45. Item, que aulcuns bouchiers ou bouchières ne vendent et ne fâchent vendre par eulx, ne par aultruy, chair vièse tuée avecq le nouvelle, que elle ne soit crocquiée et sallée bien et souffissanment, sur l'amende toutes fois que aulcun feroit le contraire de xxx sols.

46. Item, que aulcuns bouchiers ou bouchièras, ung ne aultre quelz qu'ilz soient, ne soient sy hardy de vendre ne faire vendre, par luy ne par aultruy, en appert ne en couvert, chars quy àveroient esté soufflées ou battues de waullettes ne aultrement, pour les parer et embellir, sur l'amende toutes fois que aulcun feroit le contraire de Lx sols, avec pug-nition de leur justice.

47. Item, que aulcuns bouchiers ou machecliers quel qui soit, quy se entremettent de tuer bestes à cornes et pourceaulx en ladite seignourie au commun, ne soyent sy hardys que depuis maintenant en avant ilz tuent par eulx ne par aultruy, en appert ne en couvert, aulcuns pourceaulx ou bestes à cornes se ilz ne sont ydonnes et propices ad ce ; et que par avant ilz aient faict et fâchent serment es mains des maistres esgardz commis en ladite seignourie, de faire ledit mestier bien et souffissanment ; et que à chascune fois que ilz trouveront pourceaulx soursannez ou bestes à cornes non saines, ilz le diront ou feront dire ausdits esgardz et aux personnes auxquelle,s lesdits pourceaulx ou bestes à corne non saines seroient et appertiendroient, sur l'amende toutes fois que aulcun feroit le contraire de LX sols.

48. Item, et ne soient auSvSy lesdits macheliers ou bouchiers sy hardys, de saller bestes et pourceaulx par eulz tuez es hoslelleries et cabartries, que premiers ilz ne le aient signiffié ausdits esgardz, sur l'amende toutes fois que l'on feroit le contraire de x sols.

49. Item, que aulcun quel qui soit ne soit sy hardy, qu'il vende ne fâche vendre, par luy ne par aultruy, en appert ne en couvert, aulcune char de viel, que premiers et avant toute œuvre elle ne soit esgardée par les esgardz et passable ausdits esgardz, sur l'amende toutes fois que aulcun feroit le contraire de x sols.

50. Item , que aulcuns bouchiers ou bouchières ne soient sy hardys, que depuis maintenant en avant ilz deffendent ou fâchent deffendre, en appert ou en couvert, à aultre bouchier ou bouchière, de tuer et vendre chars par portion, mais polra chascun desdits bouchiers ou bouchière tuer ou faire tuer tant de char qu'il luy plaira, sur l'amende toutes fois que aulcim feroit le contraire de LX sols.

5i. Item, que tous ceulx et celles quy se voldront mesler de bacquonner pourceaulx, excepte les bouchiers, ne soient sy hardys qu'il vendent lesdits bacquons et fiés par pièces, mais les vendent tous entiers, sur l'amende toutes fois queaulcuns feroient le contraire de Lx sols.

Et se entre les bacquons sains estoient trouvez aulcuns bacquons, fiés ou jçambons soursannez ou de coche, ce sera sur l'amende pour chascun fiés ou bacquon de x sols ; et pour chascune paire de p^ambons, de y sols.

52. Item, que nul bouchier ou bouchière, cabartier ou cabartresse, ne soit sy hardy de garder et tenir en sa maison char mauvaise, corrumpue et indig'ne de entrer en corps de personne, sur l'amende de LX sols, et de estre pugny à la discrétion de leur justice chascun en son regard.

53. Item, que nul bouchiers, ne aultres de par eulx, ne soient sy hardys vendre ne faire vendre, détailler ne mettre avant char à détail par jours de dimence, d'atal, de Nostre Dame, neaultre jour solempnel, sur l'amende deLX sols, et de estre aultrement pugny à la discrétion de leur justice

54- Item, que aulcuns trippiers ou trippiéres, on aultre quel qui soit, qui aulcunnesfois cou vertement se sont meslés ou meslent de vendre ou faire vendre saucisses, andouilles ou esquinnes, ne soient sy hardys de vendre en quelque manière que ce soit, pour les grandes frauldes et déceptions quy y pouroient estre commises, sur l'amende toutes fois que aulcuns feroit le contraire de x sols.

55. Item, que aulcuns trippiers ou trippiéres ne soient sy hardys de vendre trippes qu'elles ne soient bonnes et saines, sur l'amende de X sols, et les trippes estre condempnées et enfouies aux despens des fourfaisans.

56. Item, que nulz ne soient sy hardys de riens meffaire ou mesdire à ceulx qui seront commis ausdits esgard, ains le seuffrent et laissent entrer, aller et visiter à l'heure compétente, selon la saison, sur les estaulx ou es maisons, lesdites chars, pour au surplus en faire selon l'oitlonnance de la justice d'iceulx, sur l'amende de lx sols, et de estre aultrement pugny à la discrétion de la justice.

57. Et sy averont lesdits esgardz que on leur a donné et donnent mesdits seigneurs, pour plus dilligemment besongnier audit office, à leur prouffict toutes les amendes de x sols et endesoubz ; et sur chascune amende de lx sols qui sera jugié par loy, x sols.

Addition : Messeigneurs les doien et chapitre de Téglise coUégîallc de Saint'Picrre de Lille, pour obvier aux frauldes, périlz et dangiers quy poiroient advenir sur la seigneurie de mesdis seigneurs à raison des veaulx que Ton y amaine et vend, ont ordonné et statué, ordonnent et

Statuent que nul ne nulle quel qu'il soit, ne se ingère ou adTaoche de amener, apporter ne vendre en ladite seignourie de mesdits seifçnors, quelque veau qu'il ne soit bon, sain, léal, et de quinze jours d'eage pour le moins, à péril de LX sols d'amende, à applicquer ung tierch à l'accusateur, ung aultre tierch aux officiers ^ et l'aultre tierch au proufBct de mesdits seigneurs. Et lequel eaige cestuy ou ceulx qny les averool amené ou apporté seront tenus, quand requis en seront, affirmer pardevaDl les esgardz, lesquelz esgardz quand ils trouveront quelque veau aultre qae dit est dessus, le polront sententier selon que ilz verront au cas appertenir. Faict le jœudy absolut, xv* jour d'avril xvc cincquante sii Signé Macherlet. — Publiés au cloistre de mesdits seigneurs le xv<^ d'apTiil xv^LVI, pardevant Jehan Âve, lieutenant général, et le xtii« dudit mois à la bretesque desdits seigneurs.