DES TANNEURS ET CORDONNIERS, ET DE LA MANIERE DE TANNER
CONRER ET VENDRE GUYRS.
58. Premiers, pièches de quatre escorches, empiegnes de trois escorches, selon Tadvis et congnoissance des eswardeurs à ce commis.
Note ajoutée : Le lundy v<^ jour d'aoust xt<^ soixante, Jacques Bertoot, tasneur et conreur, et Jehan Wilge, demeurans hors la porte de le Barre, ont esté commis esgardz des cuyrs sur la jurisdiction de messeîgneurs de St Pierre, avec Mahieu Waymel, quy csloit csgard paravant, et oot faict le serment pertinent es mains de me Robert Nivesse, bailly desdits seigneurs.
59. Item, hatreaulx et fons de trois escorches ; veaulx, pallestres et quevaulx de deux escorches, en tant qu*ilz soient bien à Tadvis et cognoissance que dessus.
En marge : Messeîgneurs les doyen et chapitre de l'église Sainct-Pierre de Lille ont ordonné et statué sur ce ii<' article, ordonnent et statuent que depuis Pasques communiaulx XTCLili prochain venant en avant, les tanneurs demeurans sur la seignourie et jurisdiction de mesdits seigneurs seront tenuz baillier aux cuyrs et quevaulx trois escorches, comme es hatreaulx et fons déclarez en cest article. Ainsy faict en chapitre, 1(^ xxvii« jour de febvrier, anno xve cincquante deux. Signé Poutrain.
60. Item, se lesdits cuvrs ne sont trouvez tennez comme dit est, soient et doibvent estre enseignés de l'enseigne de refiFus, sans amende.
61. Item, que nul ne puist enclore nulz cuyrs se ce n'est par le congié des eswardeurs, ne vendre cuirs non enseigniez ou enseigniez de l'enseigne de reffus, sur l'amende de chascun cuyr de lx sols.
En marge : Mesdits seigneurs ledit jour ont pareillement ordonné sur ce iiiP article que nul ne polra enclore aulcuns cuyrs tennez, se ce n'est par le compte des eswardeurs, ne vendre cuyrs non enseigniez ou enseigniez de l'enseigne de rcfFus, sur Tameude de chacun cuyr de lx sols. Signé Poutrain.
02. Item, que nul ne puist transporter ne emmener hors de la terre desdîts seigneurs aulcuns cuyrs, se ilz ne sont enseigniez de renseigne ordonnée, ou que les esgardz en aient la congnoissance et audit transport se y consentent, à péril de payer pour chascun cuyr Tamende de lx sols.
Addition en marge : Lesdits seigneurs ont pareillement ordonné sur ce ye article, que nui ne puist transporter ne emmener hors la terre desdits seij^neurs, depuis ledit xxvn* jour de febvrier XT<^Ln, aucuns cuyrs tennez, [se] ilz ne sont enseigniez de l'enseigne ordonnée, ou que les esgardz en ayent la congnoissance et audit transport se y consentent, à péril de payer pour chascun cuyr l'amende de LX sols. Signé Poutrain.
63. Item, que nultz coureurs ne encloie cuirs, ne les rechoipve et ne ait 6n sa maison, s'ilz ne sont premiers passez et enseigniez, assçavoir cuyrs d'empiengnes de deux enseignes; sommelles en le queue , chevaulx en le chufFe, veaulx et pallestres en le queue ou aillieui*s, à la discrétion des eswardeurs, sur Tamende pour chascun cuvr de lx sols.
En marge : Lesdits seigneurs ont aussy ordonné sur ce vi« article, que depuis ledit jour de Pasques, nulz coureurs ne encloient cuyrs tennez non ouvrez en la seignourie desdits seigneurs, et ne les ayent en leurs maisons, se ilz ne sont premiers passez et enseigniez, assçavoir cuyr d'empiegnes de deux enseignes, sommelles en le queue, chevaulx en le chufife, veaulx et pallestres en le queue, ou aillieurs, à la discrétion des eswardeurs, sur l'amende pour chascun cuyr de LX sols. Signé Poutrain.
64* Item, chascune sommelle et empiengne, cuyrs de chevaulx de V sols; veaulx, pallestres, hatreaulx et fons, chascun n sols.
65. Item, se ung coureur est défaillant par mal conrer, il le debvera amender, s'il est possible, par l'advis desditz esgardz.
66. Item, que se ung cuyr est par le coureur par crasse trop chaulde ou aultrement brullé, telz cuyrs seront coppez ailleurs qu'il n*est accoustumé, pour ce que quand ilz estoient fenduz par le millieu, on les vendoit par moittié, et par ce perdoient l'enseigne ; et fourfera le coureur pour chascun cuyr ainsy trouvé l'amende de v sols.
En marge : Lesdits seigneurs ont pareillement ledit jour ordonné sur ce ix^ article, que s'il estoit trouvé par l'esgard que tel cuyr brullé ne fuist bon et souffissant pour le mettre en œuvre, tel cuyr sera condempné d'estre bruslc par lesdits esgardz et gens à ce congnoissans, et tel conreur condemné en l'amende de v sols et à payer toutes mises de justice. Poutrain, notaire.
67. Item, se on treuve à la maison des cordewanniers cuyrs mis ou non mis en œuvre non eswardez, ne ayant l'enseigne ordonnée, iceulx
cordewanniers payeront pour chascun cuvr Tamende de lx sols, et desdits ciiyrs sera ordonné ainsy que la justice de mesdîts seig^neurs trouvera en debvoir estre fait.
68. Item, que se on treuve en la maison d'un cordewannier seriez mal cousus, ilz payeront pour chascune paire lamende de xii deniers, à la cherg-e de celluy quy cousu l'avra.
69. Item, que nulz cordewanniers ne puissent mettre en œuvre cuvr de viel ou de cheval avecq vacque, mais chascun séparé Tung* de Taultre, sur l'amende pour chascune fois de x sols.
70. Item, que nulz cordewanniers ne puissent mettre en sorlez cras aulcuune sommelle secque, sur l'amende pour chascune fois de X sols.
7 1 . Item, que les tanneurs ne puissent présenter leurs cuyrs aulx esgardz s'ilz ne sont frecqz venans de le cuve, et se on treuve en leurs maisons aulcuns cuyrs secqz non ayans la bonne enseigne, ilz paieront pour chascun cuyr l'amende de lx sols.
En marge : Lesdits seigneurs ont samblablement ordonné et statué ledit XXV n<! de febvrier xvclii, sur ce xnii« article, que depuis lors en araot les tanneurs non conreurs demeurans en leurdite seignourie, polront secquier leurs cuyrs, fons, veaulx et pellatres, avant les présenter ausdits esgardz; et quant aux tanneurs quy sont conreurs, ne polront présenter telz cuyrs, fons, veaulx, pellatres ne aultres ausdits esgardz, se ilz ne sont frecqz venans de la cuve ; et se on treuve en leurs maisons aulcuns cuyrs secqz non ayans la bonne enseigne, ilz payeront pour chascun cuyr lamende de lx sols, et pour chascune sommelle, empeigne et cuyr de chevaulx ainsy trouvé secq, l'amende de cinq solz ; et pour les veaulx, pellatres, halreaulx et paisre de fons, chascun deux solz d'amende.
72. Item, se ung* tanneur veult avoir ung soubz-es^rd, il le debvera demander avant que les esgardz soyent partis et widiez de sa maison.
78. Item, affin que les esgardz puissent faire bonne visitation des cuyrs quy leur seront présentez, est ordonné que lesdits tanneurs seront tenuz de apporter et mettre leurs cuirs en telle place et lieu qu'il plais ra audit esgard, à péril d 'estre pugnys à la discrétion de leur justice.
74. Item, est ordonné pour le sallaire desdits eswardeurs, qu'ilz avront à leur prouffict toutes amendes de x sols et endesoubz, et sur chascune amende de lx sols quy sera jugié par loy, x sols; et aussy pour chascun cuyr eswardé, bon ou mauvais, ung denier; de veaulx, pellastres, fons et hastreaulx, une maille de la pièce, soit que lesdits fons et hastreaulx ayent esté coppez jus de aulcuns cuyrs entiers qui averoient paravant esté eswardez, et dont averoit esté payé ou non ung denier.
En marge : Lesdits seigneurs ont pareillement ledit xxtip de febvrier xveLlI ordonné et statué sur ce xvil^ article, ordonnent et statuent que toutes les amendes dessusdites qui seront trouvées par lesdits esgardz ainsy fourfaicles sur le faict desdits tanneurs et conreurs, se exécuteront sur le corps et biens des delincquans présentement iceulx délictz trouvez par lesdits, et après namptissement faict seront recheuz à opposition, et non aultrement.
Messeigneurs de chapitre de l'église de St Pierre de Lille, par Tadvis des maistres tanneurs et conreurs demeurans sur leur seignourie, ont ce jourd'huy xxx<^ de mois d'aoust xv^ cincqante cincq statué et ordonné, statuent et ordonnent que doresnavant, quand les tanneurs non conrans vouldront secquier aulcuns cuyrs, ilz seront tenuz de signifier aux esgardz le nombre des cuyrs qu*ilz vouldront secquier, et aussy de en faire ostension ausdits esgardz endedens huyt jours aprics que iceulx cuyrs seront seeqz, à péril que sy lesdits esgardz ne trouveront à ladite ostension le plain des cuyrs ainsy signifié, tel tanneur encourra, pour chascun cuyr que seront trouvé moins dudit nombre, en l'amende de LX sols. Ordonnans mesdits seigneurs ce présent statut estre publié à leur bretesque, comme est de coustume. Faict en chapitre, publié à la bretesque hors la porte de St Pierre, pardevant Guillaume de le Lys, soubz-baitly général desdits seigneurs, le xxilli« jour de janvier xy^LT, présens hommes de fief telz que Jacques de BruUant, Pierre du Castel, et Hector Le Tellier et aultres.
