SENTENCE DE SERVET
« Le procès faict et formé par ileuant noz très redoubtés seigneurs scindiques, iuges des causes criminelles de ceste cité à la poursuitte et instance du seigneur lieutenant de ceste dicte cité, es dictes causes instant
Contre
w Michel Seruet de Villeneufue au royaume d Aragon en Hespagne,
« F.equel premièrement est esté atteint dauoir, il y a enuiron vingt troys a vingt quatre ans faict imprimer ung liure à Agnon en Alemagne contre la saincte et indiuidue Trinité, contenant plusieurs et grans blaphemes contre icelle, grandement scandaleux es Eglises desdictes Alemagnes : lequel liure il a spontanément confessé auoir faict imprimer, nonobstant les remontrances et corrections a lui faictes de ses fausses opinions par les scauants docteurs euangelistes desdictes Alemagnes.
« Item, et lequel liure est esté par les docteurs dicelles églises dAlemagne, comme plein dheresie reprouué et ledict Seruet rendu fugitif desdictes Alemagnes a cause dudict liure.
« Item, et nonobstant cela ledict Seruet a persévéré en ses faulses erreurs, infectant dicelles plusieurs a son possible.
« Item, et non content de cela pour mieulx diuulguer et espancher son dict venin et hérésie dempuys peu de temps en ça il a faict imprimer un aultre liure a cachettes dans Vienne en Daulphiné remply desdictes hérésies, horribles et exécrables blaphemes contre la saincte Trinité, contre le Filz de Dieu, contre le baptesme des petits enfans et aultres plusieurs saincts passages et fondemens de la religion chrestienne.
« Item a spontanément confessé quen iceluy liure, il appelle ceux qui croyent en la Trinité, trinitaires et atheistes.
« Item et quil appelle icelle Trinité ung diable et monstre a troys testes.
<c Item et contre le vray fondement de la religion chrestienne et blaphemant detestablement contre le filz de Dieu, a dict lesus Christ nestre filz de Dieu de toute éternité, ains tant seulement dempuys son incarnation.
« Item et contre ce que dit lescripture, lesus Christ estre filz de Dauid selon la chair, il le nye malheureusement, di-
sant iceluy estre créé de la substance de Dieu le Père, ayanl receu troys éléments diceluy. et un tant seulement de la Vierge ; En quoy meschamment il prétend abolir la vraye et entière humanité de nostre Seigneur lesus Christ, la souueraine consolation du pouure genre humain.
« Item et que le baptesme des petits enfans nest que une inuention diabolique et sorcellerie.
« Item et plusieurs aultres poinlz et articles, et exécrables blaphemes, des qnelz ledict Hure est tout farcy, grandement scandaleux et contre Ihonneur et majesté de Dieu, du Filz de Dieu et du Sainct esprit, quest ung cruel et horrible murtrissement, perdition et ruine de plusieurs pouures âmes, estant par sa dessus dicte desloyable et détestable doctrine trahies. Chose epouuantable a reciter.
« Item et lequel Seruet remply de malice intitula iceluy son liure, ainsi dressé contre Dieu et sa saincte doctrine euangelique. Cliristianismi restilulio, quest a dire restitution du christianisme, et ce pour mieulx seduyre et tromper les pouures ignorans, et pour plus commodément infecter de son malheureux et meschant venin les lecteurs de son dict liure soubz lumbre de bonne doctrine.
« Item et oultre le dessus dict liure, assaillant par lettres niesmes nostre foy, et mettant peine icelle infecter de sa poison a volontairement confessé et recogneu auoir escriptes lettres a ung des ministres de ceste cité, dans laquelle entre aultres plusieurs horribles et énormes blaphemes contre nostre saincte religion euangelique, il dit nostre euangile estre sans foy et sans Dieu, et que pour ung Dieu nous auons ung Cerbère a troys testes.
« Item et a dauantage voluntairement confessé que au dessus dict lieu de Vienne, a cause diceluy meschant et abominable liure et opinions, il fut faict prisonnier ; les((uelles prisons perfidement il rompit et eschapa.
« Item et nest seulement dressé ledict Seruet en sa doctrine contre la vraye religion chrestienne, mais comme arrogant innouateur dheresies, contre le papistique et aultres, si que a Vienne mesmes il est esté bruslé en effigie, et de sesdiclz Hures cinq basles bruslées.
« Item, et nonobstant tout cela, estant icy es prisons de ceste cité détenu na laissé de persister malicieusement en sesdictes meschantes et détestables erreurs, les tachant soustenir àuec iniures et calomnies contre tous vrays chrestiens et fidèles tenementiers de la pure immaculée religion chrestienne, les appelant trinitaires, atheistes et sorciers, nonobstant les remontrances a luy desia des longtemps en Alemagne, comment est dict, faictes, et au mespris des reprehen-
sions, einprisonneuienls el corrections a luy tant ailleurs que icy faictes. Comme plus amplement et au long est contenu en son procès.
« Et Nous sindiques, juges des causes criminelles de ceste cité, ayans veu le procès faict et formé par deuant Nous a linstance de nostre lieutenant èsdictes causes instant, contre Toy. Michel Seruet de Villeneufue au royaume dArragon en Espagne, par lequel et tes voluntaires confessions en noz mains faictes, et par plusieurs foys n-ïterees, et tez Hures deuant nous produiclz, nous conste et aparl Toy Seruet auoir drs longtemps mys eu auant doctrine fauîse et pleinement hereticale, et icelle mettant arrier toutes remonstrances et corrections, auoir dune malicieuse et peruerse obstination, perseueremenl semée el diuulgée jusques a impression de liures publiques contre Dieu le Père, le filz et le Saint Esprit, brefz contre les vrays fondemens de la religion chrestienne, et par cella taché de faire schisme et troble en leglise de Dieu, dont meintes âmes ont pu estre ruinées et perdues ; chose horrible el espouuantable, scandaleuse et infectante, et nauou' heu honte ny horreur de te dresser toulallement contre la majesté diuine et sainte Trinité; ains auoyr mys peyne et testre employé obstinément a infecter le monde de tez hérésies el puante poyson hereticale, Cas et crime dheresie griefz et détestable, et méritant grieue punition corpoieile. A cez causes et aullres justes a ce Nous mouuantes. desirans de purger leglise de Dieu de tel infectement el retrancher dycelle tel membre pourry ; ayans heu bonne participation de conseil auec noz citoiens et ayans inuoqué le nom de Dieu, pour faire droit jugement, seans pour tribunal au lieu de nos majeurs, ayans Dieu et ses sair.tes escriplures deuant noz yeux, disans au nom du Père, du Filz et du Saint Esprit, par iceste nostre diffinitiue sentence laquel le donnons ycy par escript, Toy Michel Servetcondaninons a debuoir estre lié et mené au lieu de Champel, et la debuoir estre a un pilotis attaché, et bruslé tout vifz auec ton liure tant escript de la main, que imprimé, jusques, a ce que Ion corps soit reduicl en cendre; el ainsin finiras tez jours pour donner exemple aux aullres qui tel cas vouldroient comiuetire.
« El a Vous nostre lieutenant, commandons nostre présente sentence faictes aiectre en exécution. »
(Mémoires de la Société d'Histoire, tome III, pages I lô à I I9.i
