PROTESTATION DU PEUPLE BERNOIS
CONTRE l'abandon DE LA RÉFORME EN CHABLAIS.
lo89.
Remonstrance fort nécessaire qui s\tddraisse aux Seigneurs, Bourgeois et tous autres ayons interest n la cotiseruation de C Estât de la République de Berne, contenant décision de la question qui est nujourdliuy mise en auont, Asçanoir si on doit ou peut en bonne conscience consentir au dernier traitté de paix fait à Nyon ou plus losl attendre la guerre.
Sur la question, Messieurs, ui se présente aujourd'huy» asçauoir si l'on doit consentir a la paix et alliance traitté^ dernièrement a Nyon, auec le prince voysin, ou plùstos attendre le faix d'une nouuelle guerre, il y a bien a aduiser de ne résoudre rien qui soit au préjudice de la gloire et honneur de nostre Dieu et deuoir de noz consciences, et si nous préférons, comme il faut la gloire de Dieu et le salut de nos frères a toutes autres considérations, il nous sera fort aysé d'en faire une bonne resolution.
Or. pour sçauoir si ceste paix et alliance, laquelle on requiert de nous tend a ce but, considérons les principaux articles et capitulations d'icelle.
Le premier est que l'exercice de nostre Religion soit retraint dedans six ou sept places et non plus, et la messe restablie en tous les autres lieux des trois bailliages, c'est a dire en bons termes, que le règne de nostre Seigneur Jésus Christ, au lieu qu'il auoit son estendue partout, soit doresenauant resserré et reclus dedans telles places qu'il plaira choisir et nommer a celuy qui est aduersaire juré de nostre ditte relligion et qui la voudroit voir totalement exterminée. Examinons, je vous prie, qu'il importe de consentir a cela, et premièrement, nous sçauons que les bons chrestiens ont planté l'Euangile partout ou leur pleine authorité s'est peu estendre, et partout la ou ils portèrent leurs enseignes, ils dressèrent quant et quant la bannière de Jésus Christ, mesmes quand il fut question de traitter appointement pour la restitution de quelques parties de leurs valeureuses conquestes , il n'y ont jamais voulu consentir, ores qu'ils vissent aux frontières les menaces et forces des ennemis de cest Estât plus grandes sans comparaison qu'elles no sont aujourd'huy, que la vraye religion et pureté du seruice de Dieu ne demeu-
rast en son entier en toutes les places de telle restitution, Ayans eu le cœur si droict enuers Dieu, que oncques ne voulurent céder un seul pied de desaduantage de la gloire de Dieu a leurs successeurs, et quelle honte seroit-ce a nous de dégénérer d'une telle vertu ? Restablirons nous par nostre consentement les autels et idoles de Baal aux lieux d'où noz pères les ont démolies, ou démolirons nous ce qu'ils ont si sainctement et courageusemen basty?
En après, nous ne pouuons consentir a tel article, que nous n'accordions quant et quant le retranchement du règne du filz de Dieu, lequel on prétend restraindre dans certaines limites comme pour luy faire la part, encores bien petite, pour l'amplification duquel toutlesfois noz pères ne firent difficulté d'exposer leurs vies etespandre leur sang. Et dauantage seroit consentir a l'establissement du règne de l'Ante Christ romain et réduction de ceste puante et abominable messe, que noz bons pères en cognoissant les abus et meschancetez d'icelle, chassèrent et bannirent perpétuellement des lieux de leur heureuse conqueste.
A cetles, d'autant plus que telle œuure leur a esté honorable et glorieuse deuant Dieu et ses anges, et suiuie de tout bonheur et prospérité, nostre pusillanimité et conniuence au restablissement de l'idolâtrie nous seroit longtemps ignominieuse, et n'en pourrions attendre que malheur et discontinuation des grâces et faueurs de nostre Dieu, voire changement de ses bénédictions en malédictions, si nous tenons si peu de conte de sa gloire, qui seroit tacitement renoncer Jésus Christ, en accordant chose si desaduantageuse a son Empire. Adjoinct que voila nos poures frères, qui des plusieurs mois en ca sont priuez de la pasture céleste, de la liberté de pouuoir inuocquer publi(|uement le nom de Jésus Christ, de l'usage des Saincts Sacrements, et pour eux et pour leurs petits enfants qui s'attendent a nous et par continuelz sospirs et gémissements, nous la redemandent pour en estre frustrez a nostre occasion.
Consentirons nousqu'ilz en soyentdespouillez, qu'on leur retranche le pain de vie? Que tant de poures âmes soient rauies a Jésus Christ? Qu'elles tombent entre les pattes du loup romain? Et accordans qu'elles soyent réduites a la papauté, signerons nous leur damnement éternel ! Ha ! craignons que Dieu n'en face enqueste et redemande leurs âmes d'entre nos mains ! Car n'estimons pas (comme cuident aucuns) que la religion soit chose indifférente et que chascun soit saulué, quelque religion qu'il tienne. 11 n'y a qu'un chemin pour aller en Paradis, et c'est celuy seul qui nous est montré par l'Evangile, et quiconque va par un autre, il est
en voye de perdition. Pourrons-nous donc, en seine conscience, permettre que nos frères, desquels le salut nous doit estre aussi cher que le nostre en soient deuoyez? Moyse, homme de Dieu, a désiré d'estre effacé du Hure de vie, plustost que de voir son peuple en péril de damnation. Saint Paul a souhaitté d'estre fait anatheme et exsecration pour ses frères. Que doncques, pour agréer au monde ou pour jouir d'une paix fainte, nous ne venions pas si légèrement a estre occasion de la perte du salut de ceux qui prient que nous l'ayons en recommandation. Voila, quant au premier article de cette prétendue paix, par ou il appert, si nous y deuons consentir ou non.
Le second poinct d'icelle est que nous quittions l'alliance de Geneue, c'est a dire en bons termes, que nous les abandonnions et renoncions a l'ancienne jurée Confédération, fraternité et bonne voysinance que nous auonsheue jusqu'à présent auec cette ville, qui est enuiée et haye de longtemps des adhérons et supposls de l'Antéchrist romain. Nous sçauons combien il importe de quitter les bons fidelles et anciens amis, desquels la feauté nous est cogneue de longue main pour en prendre desnouueaux, desquels la feauté nous peult a bon droict estre suspecte. L'alliance d'une ville de Geneue a donné ouuerture et occasion a la grandeur de nostre Estât. Car pourluy auoir preste jadis ayde et faneur au tems de ses premières oppressions. Dieu, renumerateur de tous bienfaicts, a recompensé nos ancestres de grands biens et honneurs, et mesme de l'heureuse conqneste de ce pays. A l'opposite , celuy qui se veult faire nostre nouuel amy, n'a cessé de nous inquiéter et causer beaucoup de pertes. Ceux de ceste ville la ont de tout temps chery et respecté nos seigneuries, craint et redouté de tomber en leur disgrâce, entretenu la paix tant qu'il a esté possible, et celuy dont est question pour l'estime qu'il a de sa grandeur a fait tout le contraire, et si est vray que le commerce de ceste ville la, mesmes au temps des chertez passées, a apporté grandes commoditez a ce pays et profit a plusieurs particuliers.
Mais venons au serment de l'alliance perpétuelle faite auec eux. Pourrions nous donner aduis que le sainct et sacré nom de Dieu inuocqué en tel serment fust si vilainement violé? Que l'ame obligée par serment soubz péril de damnation fust mise en torment et inquiétude? Que la foy publicque fust enfreinte? Gestes, nous aurions a attendre l'effect de la menace comprise en la défense de prendre le nom de Dieu en vain, et mettrions sur nous la tache d'infracteurs de serment et alliance, qui ne pourroit jamais estre lauée, et
qui rendroit nostre nom puant et détestable au siècle présent et a la postérité.
II y a plus que le sacré bien de religion, laquelle nous auons commune auee eux, nous doibt seruir plus que de double serment et obligation a ne les exposer en proye. Ils sont hays pour la mesme religion que nous : leur cause est la nostre. Nostre religion est assaillie par leur flanc. Dieu a dressé au milieu d'eux son sainct et pur seruice. Ils ont les mesmes et indubitables marques de la vraye Eglise que nous. Dieu sans double y a prins son domicile Jésus Christ préside au milieu de leurs assemblées. Le Seigneur y a bon nombre de peuple. Il y a fait de longtemps reluire ses grâces jusques a en jetter les rayons par toute la chrestienté. Ça esté l'aberge et refuge en temps d'aduersité des pourres fidelles. Elle a esté et est l'eschole de pieté et vraye vertu. Aux deroultes des dernières guerres de Dauphiné et de France, plusieurs, et spécialement ceux de ce pais, y ont expérimenté de grandes faneurs , charitez et assistances , vraye prennes de leur foy chrestienne. Bref, ils sont nos frères en Christ. Ils sont membre d'un mesme corps que nous sommes. Nous voudrions nous ainsi abandonner l'un l'autre? Abandonner Joseph en la fosse pour le vendre aux Ismaélites? Certes, ce seroit deschirer et démembrer le corps de Jésus Christ. Et si nous auons esgard au monde, que sera ce, sinon (|uitter l'auant poste de nostre maison? le bouleuart et rempart de nostre patrie? et liurer la clef entière d'icelle, voire de nos coffres, canes et greniers a qui s'en pourra faire maistre? Car si nous souffrons que le prince voysin face ses efforts d'y attindre, quelle foule sera ce pour le pais circonuoysin par les courses qu'il y fera? S'il en vient a bout, de quelle mercy cuydons nous qu'il use enuers eux? Et quel party estimons nous qu'il nous face par après? Et si Dieu leur suscite d'autres amys que nous, comme encore ils ont d'autres bons alliez, quelle honte sera ce a nous qui sommes a leurs portes de leur aiioir refusé la main? Et si un prince plus puissant voyant nostre pusillanimité vient au secours <le cesle ville la auec une puissante armée pour en faire leuer le siège, quelle misère pour ce poure pais? Cuidonsnous que ses gens nous traitent en amys? Et si Dieu encores la maintient et la deliure, comme il fit jadis Bethulie et que desia il a fait celle cy, ce qu'il fera sans double pour la gloire de son nom, que nous restera il, sinon un extresnie regret de nanoir voulu seruir et ayder a l'aduancement dun si saint œuure.
Concluons donc que pour la gloire de Dieu, nostre honneur, nostre conscience, notre profit, nous ne pouuons ni ne deuons accorder ce second article.
Le tiers poinct de cesle alliance porte que nous accordions a celuy qui la recerche une leuée de quatre a cinq mille hommes pour s'en seruir en guerre ou il luy plairra, a condition qu'il luy soyt loisible de nommer et eslire les chefs et autres officiers de guerre, et en conférer les estats et charges a qui luy semblera bon.
Premièrement, quel bonheur et victoire pourroyent attendre nos enseignes sous la conduitte et a la suitte d'un chef aduersaire de nostre religion? Or après, qu'est cela, sinon vouloir empiéter peu a peu sur nostre Estât. Item ou tend cet article, sinon a corrompre des personnes et a se les rendre obligées par pensions, offices et serments qu'il leur fera prester? Et a ceux cy, n'est ce point donner le moyen pour faire plier la Republique a la part qu'ils voudront gratifier leur maitre? 0 que de malheurs et confusions! Mais encores, ou se seruira il de cesle leuée? Ce ne sera pas contre les Potentats et la Ligue, car ils sont tous ses alliez et amys, et il est trop asseuré de ce costé la; il ne la veut pas tenir sans rien faire. Il l'employera donc, et contre qui, si ce n'est contre nos frères? Et voudrions nous tourner la pointe de noz espées contre noz propres entrailles? Voudrions nous faire seruice a celuy qui nous lient et repute au dedans de son ame pour sectaires et hérétiques pernicieux, contre les Estats et amys qui font profession de mesme religion que nous? Le voudrions nous fauoriser contre une couronne de France que Dieu miraculeusement a mise sur le chef d'un prince très chrestien , nostre voysin, allié très puissant qui nous est conioinct par le lien Ires eslroit de mesme Religion, et que Dieu, pour le repos de nostre Eglise et noslre conseruation fait prospérer en toutes sortes? A Dieu ne plaise!
Que doncques l'union, la ligue et concorde qui est entre les aduersaires de nostre foy, nousserue au moins d'exemple pour nous apprendre a demeurer fermes et de bon accord entre nous qui faisons estât d'estre membres d'un mesme Jésus Christ.
Mais la dessus, il s'en trouuera peut estre qui diront que ceux en faneur de qui nous parlons sont opiniastres, qui ne veulent accorder que le différent qu'ils ont auec le prince soit vuidé a l'amiable. Et pourtant, que nous ne deuons espouser leur querelle et opiniastreté.
Sur quoy il faut aduiser quel a esté le motif et qui le promoteur de cesle guerre, et s'ilz n'y ont pas esté attirez par aussi justes occasions que nous. 11 faut aussi aduiser aux pertes indicibles qu'ilz ont souffertes, lesquelles ne se peuuent si aysement reparer, comme on cuyde, par un amiable traitté entre nos Seigneuries et le dict prince, qui ne les a
de gueres ou de rien recompensez de leurs pertes. Ajoinct que telles prononciations faictes cy deuant a grands fraix, n'ont gueres ou du tout rien serui. Et en troisiesme lieu, faut considérer par l'adueu de qui ceste guerre dernière a esté commencée et poursuiuie, et si nous sommes équitables, nous jugerons qu'elle ne se peut terminer que ce ne fust a leur très grand dommage, sans le consentement de celuy qui seul peut les recompenser de leurs pertes. Derechef, on dira que si nous ne voulons souscrire aux capitulations susdittes, qu'il nous faut attendre une nouuelle et dangereuse guerre, qui nous retombera sur les bras. Mais tel fait semblant de nous vouloir battre qui n'est j)as encore prest, et c'est une vaine crainte que nous nous imaginons. Et ores qu'elle fust vraye, c'est a faire a mal aduisez d'euiter tellement un danger qu'ils tombent en un autre contraire. Cuidans euiter la guerre des hommes, craignons de rencontrer celle de Dieu, et mieux nous vaudroit tout perdre que de tomber en cest inconuenient. Dauantage, comme nous ne deuons faire mal aux fins que bien en aduienne, aussi ne deuons nous laisser de bien faire crainte de mauuais succès. Faisons ce qui est de nostre deuoir et en laissons l'issue a Dieu, qui la donnera meilleure que nous n'espérons.
Et quand encores il nous faudroit venir a la guerre, mieux vaudroit employer nos moyens pour la gloire de Dieu, la maintenance de son pur seruice, le rétablissement de ses Eglises, l'acquit de nos consciences, la défense de nostre patrie, l'honneur de nos princes, qu'en usans de conniuence ou fauorisans les desseins de celui la, luy prester 1 épaule et tenir l'estrief pour enfin (s' estant rendu maistre de nos voysins) asseruir nos biens, nos femmes, nos enfans, nostre religion a sa voulonté. Mais il nest icy le lieu de sonner la trompette pour esmouuoir personne a la guerre ; il faut prèscher et presser au contraire la paix, mais plus la paix de Dieu que celle du monde; or, si pour ne vouloir consentir a une paix feinte qui est au préjudice de la gloire de Dieu, de la conscience, de l'honneur et du deuoir que nous auons a nos frères, on nous vient assaillir en nos maisons, le meilleur aduis est que nous inuocquions le Dieu tout puissant a nostre ayde et employons plustost tout nos moyens, voire nos propres vies que de laisser faire bresche a pas une des susdictes considérations.
Et partant, c'est a chascun membre de ceste Republicque d'y penser soigneusement pour apporter le remède et conseil salutaire, tel que Dieu luy aura départi, et principalement a vQus, Seigneurs, que Dieu a commis pour chefs et gouuernants. Il vous a esleuez en estât excellent, il vous a
enrichis de ses grâces, honorez celuy qui vous a du tant honorez. Vous auez l'authorité, la prudence, la dextérité. Employez tout cela a la gloire de celuy de qui vous le tenez, monstrez maintenant le zèle que vous auez a son seruice, garantissez vostre chère patrie de blasrae et infamie. Maintenez l'honneur de vos ancestres et acquittez vostre conscience du serment auquel ils vous ont obligez, si vous le faites. Dieu vous a bénits et honorez grandement, et vous bénira et honorera dauantage ; sinon, attendez son jugement et malédiction.
Et vous, honorables bourgeois et feables communiers, pesez les choses susdictes , et sus icelles fondez vos sages resolutions. Le masque est leué, les gens de bien se feront recognoistre. Chassez maintenant au loin tout soubçon d'auoir jamais esté ou estre affectionnez a d'autres princes qu'a ceux que Dieu vous a donnez, et desquels il s'est serui pour vous communiquer le plus grand thresor que sçauriez auoir en ce monde, qui est d'estre desliurez du joug de l'Antéchrist pour jouir du bénéfice de son sainct Euangile. Ne vous monstrez jamais indignes ni ingrats d'un si grand bénéfice, et, en tant que vous en est, moyennez (au lieu de l'empescher) que vos frères et bons voysins en jouyssent en paix comme vous. Monstrez a ce coup vostre preud'hommie, et ne soyez pas de moindre affection a soustenir et défendre l'Eglise de Dieu, que sont les fidelles subiects du pays ancien de nos Seigneurs. Et en ce faisant, vous acquerrez la grâce de Dieu, et les Anges vous en béniront du ciel.
A quant a nous du commun peuple, soyons assiduels en prières a Dieu, qu'il conduise le tout a sa gloire et au bien et soulagement de sa poure Eglise. Amen!
