POÉSIE POUR PIERRE DE LA BAUME

PAR AMI PORRAL.

Le 11 Avril 1523.

Povres orphenins, vesves, gens de mestier

Ayant mestier de consolation,

Venes icy faire habitation

Soub ce arbre, qui couvre volontier

Povres orphenins, vesves, gens de mestier.

Le dict arbre est droit, rond et entier : Les bras ouvers, criant sans fiction, Povres orphenins, vesves, gens de mestier. Ayant mestier de consolation.

Si Dieu ne heu mis ce arbre en mon vergier Genesve estais sans reacreation ; Je navois plus tronc, branche ny pilier Pour mapoyer en temps dafliction.

Dieu soit loue de sa production, Et don il est plante en ce quartier, Soub luy vivront en paix et union Povres orphenins, vesves, gens de mestier.

Povres orphenins, vesves, gens de mestier. Le tiendront cher comme leur propre corps ; C'est leglantier, le noble arbre fruitier De la Baulme portant foibles et fors.

(Là Genève parle a ly.) Très révérend et mon très redoubte Prince et Prelast très humble révérence , Lon me ha de vous tant de bien racompte Que plusque uncques suys en resjoyssance. Or, puisqui plait a Vostre Excellance, Moy Genève régir benignement.

De très bon cueur, ame, corps et chevance Par ce bocquest vous oultrois humblement.