PROCÈS INTENTE A BAUDICHON DE LA MAISONNEUVE ET A JANIN

DIT LE COLLOGNIER

PAR LES INQUISITEURS DE LYON, en mai et juillet 4534.

Baudichon de la Maisonneuve et Janin le coUognier (l'armurier) étaient les plus ardents promoteurs de la Réforme. Après que le parti des évangélistes eut conquis le privilège de prêcher publiquement leurs dogmes, les deux chefs du mouvement crurent pouvoir donner quelques soins à leurs affaires personnelles ; ils se rendirent à Lyon , au moment de la foire. Les chanoines, les prêtres et l'évêque de Genève avertirent les inquisiteurs de Lyon de la présence des deux plus grands luthériens genevois, en les invitant à leur faire intenter un procès d'hérésie. Cet avis fut suivi. Baudichon et Janin, saisis par les suppôts du saint office, furent incarcérés ; leur procès dura trois mois. Pour les convaincre de luthéranisme, on ramassa comme témoins tous les Français et Savoyards qui avaient habité Genève durant les années précédentes. Ces personnes racontèrent ce qu'elles avaient vu dans les rues et sur les places de Genève pendant les luttes et les émeutes suscitées par les partis religieux. Elles s'accordèrent à représenter Baudichon de la Maisonneuve comme le plus ardent promoteur de l'hérésie, (c S'il revient à Genève, répètent-ils en maintes dépositions, le catholicisme est perdu, toute la ville tourne luthérienne, d Baudichon se conduisit avec beaucoup de fermeté ; il refusa toujours de

Ai

répondre aux interrogatoires, disant que le tribunal français n'avait aucun droit de juger un Genevois. Il aurait élé puni du dernier des supplices, si les Bernois n'avaient envoyé une députalion qui, à force de prières et de menaces, parvint à obtenir sa liberté ainsi que celle de son compagnon.

En parlant, les inquisiteurs remirent aux députés de Berne une copie notariée du procès. Celle pièce si importante pour l'histoire populaire de la réforme à Genève a été retrouvée par M. de Slurler, chancelier de Berne, grâce à l'obligeance duquel j'ai pu la consulter. Nous donnons ici les parties les plus importantes du dossier qui ne figurent pas dans le cours de notre récit.

Ces extraits textuels et les fragments cités dans notre récit contiennent tous les détails propres à intéresser. Le reste du dossier se compose d'interminables formules judiciaires, de répétitions et confrontations qui n'offrent aucun fait nouveau.

Lettre de Berne, Archives n° 4dd2.

Nobles, magnifficques seigneurs, singuliers amys et très chiers combourgeoys, Nous avons receuz vous lectres touchant l'affayre de Baudichon. Sur quoy avons faict dépaiche nécessayre, et pour ce qu'avons aulcugnement entendu que la détention du dict Baudichon et Jehan Janin procède paravanture des praticques d'aulcungs chanoynes, moynes et prestres de vostre ville, vous voulons prier et admonester de vous enquester de cella, et sy le trouves comme nous est rapourté, fayre tieuUe punition comme en tieul cas apartient; et si ne pouves incontinant fayre l'inquisition, que au moings fasies présentement remonstrances ausdictz prestres, comme tielz cas nous soyt venuz à notice ; laquelle chouse si ainsin est qu'elle soyt pralicquée par aulcungs d'eux, que y fassent réparation incontinant, affin que les prisonniers détenuz à Lyon soyent mis en délivrance, aultrement nous y mettrons tieul ordre et y aurons tieulz esgard et ferons tieuUe instanc*; et poursuite contre ceulx que sont en cause de la dicte détention que tout le monde voyra que l'avons à grand desplaisir et ung chascun y prendra exemple de soy dépourti-r de tieuUes trahisons. Dat. 9 maii 1534.

L'Advoyer et Conseil de Berne.

Lettres inédites de Farel.

S'en suit la teneur de troys lettres missives saisies es papiers de Baudichon.

A mon très-chier frère et meilleur amy. La grâce, paix et miséricorde de Dieu nostre père par nostre Seigneur Jésus seul Salveur et Rédempteur qui pour nous est mort, régnant en gloire es cieulx où il le fault chercher, car luy seul est nostre droict trésor célestiel lequel si par vraye foy avons, ne nous peult estre osté ne desrobé combien que tout se lève contre luy comme de jour en jour en avons l'expérience selon qu'il plaist au Père éternel nous ouvrir la porte pour advancer son fils, et si Dieu nous donnoit plus de couraige, on verroit autres choses, mais nous avons tant de chevaulx rétis qui au lieu d'advancer, reculent, non seulement estans peu servans, mais empeschans les autres, tellement qu'il me semble en telz estre accomplyz ce que Jésus disoit aux Pharisiens qui prenent mais estent la clef de science n'entrans point et ne laissans entrer ceulx qui veulent entrer ; mais quelque croix qu'il y aye et tous les empeschemens. Dieu ne lairra point son œuvre qu'il ne parface sa saincte volunté et fera que les meschans seront cogneuz. L'on nous a récité beaucoup de nouvelles touchant le Royaume de Dieu et n'y a personne qui ayme nostre Seigneur, qui ne désirât la chose estre telle et davenlaige, mais l'on ne sçait à qui l'on doit croire. Je pense bien que vous n'en oyez guères moins. De par deçà ses batelleurs ne cessent de controuver continuellement nouvelles inventions et menteries, mais Dieu faict que tout revient à leur confusion, car mensonge ne peut vaincre vérité. 11 fault que la lumière luyse et que les ténèbres aient fin. Le Seigneur face que les pouvres aveugles soient plainement illuminés. Vous sçavez comment nostre Seigneur a visité la maison examinant mes frères et principalement celluy qui est nay après moy, lequel a longtemps qu'il est en prison estant condampné à prison perpétuelle et ses biens confisqués. De quoy suys esbay comme ce pouvre homme qui n'entend comme rien et qui n'a rien déservy, est ainsi démainé, et fault que plus endure que moy. Le Roy a esté adverty par ceulx qui ne l'haissent point et qui valent bien qu'on face quelque chose en leur faveur et seroient marrys de demander autre que chose honneste, mais

je ne sçai qui a tellement emprins le feu, et vous promectz que grandement me desplaist que jamais en fis aucune requeste pour luy veu que contre mon désir cela que pensoys servir à charité, est venu au contraire ou guère ne s'en fault, mais ce que j'eusse faict pour un autre selon Dieu, n'ay peu laisser envers mon frère. J'en rescript au vaisseau que Dieu a esleu ayant souvenance des captifz, sera vostre plaisir rendre les lectres et vous employer comme vouldriez qu'on fit pour vous, ainsi que nostre bon maistre commande, lequel par sa grâce vous conserve ferme en foy, la vous augmentant faisant que cheminez tousjours purement selon sa bonne volunté. De Genesve, ce 25 d'avril 1534. Le tout vostre Farel.

Au sainct Vaisseau de Dieu esleu .

La grâce, paix et miséricorde de Dieu nostre très-bon père par son seul filz Jésus nostre salut et vie qui est la pierre de contradiction contre laquelle tant en elle comme aux siens le monde dès le commencement a bataillé et faict encores et fera mais en vain, car n'y a conseil ne prudence ne sagesse contre Dieu, et ne fault que les iniques lèvent leurs cornes car elles seront rompues et quelque chose qui puisse advenir aux justes, ne doyvent perdre couraige, mais avec le sainct prophète en playne foy et asseurance doyvent dire : le Seigneur est mon ayde, je ne craindray point que l'homme me face ; ô qu'il est heureux ! à qui le Seigneur donne ceste grâce, lors tout va noblement, et quant tout est perdu selon le monde, lors est expérimentée la vertu de Dieu qui puissamment ayde aux siens, qui n'ont fiance en autre qu'en luy, mais quant nous recourons en Egypte et nous fions aux hommes, Dieu se monstre véritable déclairant que sont les hommes. Je l'ay expérimenté en mon frère qui a esté longuement détenu pour chose qui ne vault comme puis entendre le parler, car s'il n'a autrement faict mesmes que aucuns de ses adversaires ont dit quant devant le pape et à Romme l'on seroit manié, mais qu'ilz ne fissent plus que paravant il passeroit légièrement mais voulant avoir ayde comme sembloit fors propre, et moy pensant faire que l'amitié fut plus grande entre ceulx que je désire. Dieu sçait comment il en est advenu. J'ay voulu plus consentir au jugement d'autruy qu'à ce que mon cueur jugeroit, Dieu en soit

loué, son bon plaisir soit faict. Si le bon père, de sa bonne volunté le veult délivrer, il a tout en sa main; il le fera. Si autrement luy plaist, ce que semblera bon devant ses yeulx soit faict et ainsi sera, mais je ne veulx laisser de prier pour luy comme faisoient les fidèles quant Pierre estoit détenu, ne aussi d'user des aultres moyens comme Pol en a usé. Pourtant pour l'honneur de Jésus et la charité fraternelle laquelle faict que si aucun membre souffre, les autres en ont compassion, je vous prie d'en parler là où mieulx savez qu'il est expédient et en faictes parler donnant s'il vous plaist entendre que l'on a assez et plus qu'en toute rigueur hostille et des ennemys à ung autre ne fust esté faict par longue prison et consumption des biens, car l'évesque oultre ce qui a esté dépendu a tiré six cens escuz; qu'on soye content et que le pouvre personnaige soit délivré, et ay espérance que de la délivrance en viendra du bien, ce que face le bon Dieu plain de toute miséricorde qui donne à tous vraye et parfaicte intelligence et plaine cognoissance de sa grande bonté, puissance et sagesse affin que n'ayons tant de craincte aux choses de Dieu, mais que tous d'ung noble et vraiement crestien cueur servons, honnorons et adorons nostre Dieu, plus purement que n'avons faict jusques à présent, craignant plus ce très-puissant Seigneur que n'avons faict, et que la craincte humaine soit chassée loing de nous, aians peur de la malédiction de Dieu aprestée sur tous qui n'ont leur confiance en Dieu et à dqux mains prenons la bénédiction aprestée à ceulx qui pour Jésus souffrent, et pleut au Seigneur Dieu que le pouvre prisonnier bien en fut adverty et que ayant plaine intelligence il pousa oultre et déclaira ce qu'il est de dire du bon Sauveur, car tout ce que me meut, c'est pourtant qu'il n'a esté guères instruict et craings qu'il n'entende rien. Et la pouvre vefve, la mère, tant plaine d'angoisse, laquelle vous soit recommandée ; celuy qui tout peut, dispose tout comme il cognoist estre à sa gloire, nous menant et conduisant par son sainct esprit, lequel il nous face suyvre et délaisser toute autre prudence, sagesse et conduicte, affin que tout ce qui est en nous, tant en pensée, faictz et dictz, soit en l'honneur et gloire de Dieu et advancement de sa saincte parolle. Amen! Il ne fault dire combien ceulx qui ayment nostre Seigneur désirent vostre bien et combien vous saluent en nostre Seigneur et quel plaisir leur feriez en nostre Seigneur si par vostre moyen le pouvre soit délivré, vous prians

tous de vous y employer. De Genesve ce 25 d'avril 1534. Le tout vostre en nostre Seigneur.

A Baudichon de la Maison Neufve, cesle lectre soy donné à Francqueforl.

Baudichon, je moy recommande bien à vous. Des nouvelles par deçà, il n'y a autres choses depuis que vous partîtes, synon que l'on a décapité Portéri et le Barbier ; et saiebe que maistre Guilliaume faict bien son devoir en anonçant la parolle de Dieu et ne nous a on point faict de deffense. Il n'y a personne qui contredise; vous advertissant que nostre affaire multiplie grandement, je ne vous seroys que rescripre autre chose synon que Dieu soy garde de vous. Escript à Genesve troys sepmaines devant Pasques par la toute vostre femme chérite Baudicbone.

Collation a esté faicte. Ponchon.

La Bible à Genève.

Baudichon interrogué respond avoir veu à Genesve ung livre en françoy intitule le Nouvel Testament et des autres comme la manière de baptesme, la cenne de Jésucrist, la vérité cachée, la confrérie du sainct esprit et autres, n'a veu autres livres que le dict Nouvel Testament et ung aultre livre intitulé le livre des marchans.

Interrogué respond avoir veu et cogneu à Genesve ung imprimeur nommé Pierrot de Vingles qui imprima quelque temps des Nouveaulx Testamens où dict lieu, mais après la ville l'en envoia et il se retira à Neuf Gheslel. Et avoit avec luy ung serviteur nommé Grosne qui est ung â qui le seigneur Damanchy couppa les oreilles.

Interrogué respond qu'il ne scet qu'on apporte aulcuns des dictz livres en ceste ville ne ailleurs du dict Genesve, Neufchastel, ne de ailleurs d'envyron.

Baudichon et Janin convaincus de poursuites contre les catholiques.

Pierre Pennet chaussetier natif de la ville de Genesve à présent habitant de Lyon aagé de vingt et troys ans, les-

moing etc., dit et dépose moiennant son serement etc., cognoistre ung jeune homme du dict Genesve nommé le Colonier faiseur de javelines et traictz, lequel est homme de meschanle vye suy vant loutellement le party des luthériens, mal famé et renommé. Et auquel Colonier il a plusieurs fois oy dire plusieurs parolles et propoz contre nostre saincte foy catholique, desquelles parolles n'est à présent recors. Dit que ung jour de dymenche que fut en caresme, il y a heu le caresme passé ung an, il qui dépose fut présent en l'église Sainct Pierre du dict Genesve à ung sermon que faisait ung Jacopin où il y avoit grant peuple, et illec survint le dict Colonyer lequel contre et nonobstant les mhibicions qui avoient esté faictes auparavant en la dicte ville de Genesve de non murmurer et parler contre la foy, le dict Colonyer estant assis près le dict déposant et plusieurs autres, se pnnt à parler et tenir plusieurs mauvais propoz contre la foy et entre autres que le prescheur ne savoit qu'il disoit, et des autres propoz n'est présentement recors. Quoy voyant plusieurs assistans escoutans le dict Jacopin, dirent au dict Colonier qu'il se ostast de là car il y avoit assez d'ung prescheur ; dit avssi le dict déposant avoir oy dire que une autres fois le dict Colonier desmentit ung prescheur en plaine chaire dans l'église des Jacopins où dict Genesve. Dit cognoistre ung marchant du dict Genesve nommé Jehan Baudichon lequel soustient loutellement la dicte secte luthérienne et est capitaine des luthériens où dict Genesve, les supporte et retire en sa maison. Dit qu'il fut présent où dict Genesve ung jour dont il n'est recors que le dict Baudichon vendit ung cheval à ung marchant de la ville de Lozane, à payer quant on ne célébreroit point les messes où dict Lozane, voulant dire le dict Baudichon que les luthériens les en garderoient. Dit aussi que despuys deux moys en çà il a ouy dire en ceste ville de Lyon à quelque personnaige duquel il n'est à présent recors, que le dict Baudichon vouldroit vendre à quelqu'un de sa marchandise à payer quant les prestres seroient en ceste ville de Lyon comme ils sont à Berne. Dit que ung jour par caresme ung an est passé et autrement n'est recors du dict jour, le dict Baudichon comme capitaine des dictz luthériens où dict Genesve, fit assembler tous iceulx luthériens embastonnéz d'aquebuttes et aultres basions invasibles pour fourraiger les églises, ce qu'ilz eussent faict n'eust esté que les crestiens tenans le party contraire ce I. d

voians, s'assemblarent, à cause de quoy les dictz luthériens craignans estre foibles, se retirarent ainsi qu'a veu et sceu le dit déposant qui estoit pour lors en la dicte ville de Genesve. Dit aussi avoir bien sceu que à cause de la dicte assemblée et émotion, despuis s'est ensuivie la mort de quatre personnes, tant d'ung party que d'autre, et la blessence de plusieurs autres personnes du couslé des crestiens tenans le party contraire aus dictz luthériens. Dit plus avoir ouy dire à troys ou quatre marchans de Genesve, des noms desquelz n'est présentement recors, que le dict Colonyer ameyne en ceste ville de Lyon des livres lesquelz ung imprimeur gendre d'ung feu imprimeur de Lyon nommé le dict feu le Prince, imprime en la ville de Neufchastel, et mesmement qu'il en a amené ceste foyre de Pasques ; et plus n'en dit. Et a signé sa précente déposicion Pierre Pennet.

Gonrald de Lorme coardonnier filz de Guilliaume de Lorme parroisse de Fonsenay à une lieue et demy près la ville de Genesve, aagé de vingt cinq ans ou envyron, tesmoingetc, dit et dépose moiennant son serement etc., qu'il a demeuré en la dicte ville de Genesve envyron l'espace d'ung an continuel finy il y a environ troys sepmaines besongnant de son mestier avec Estienne Forgeul aussi cordoannier du dict Genesve son beau-père et demeurant en la maison du dict Estienne durant lequel temps a veu que où dict Genesve y a heu et a grand partie des gens suivans l'erreur et hérésie luthérienne, vivans à la mode des Luthériens et taichant tant qu'il/ peuvent d'accroistre leur party et tirer à leur dicte manière les autres bons catholiques. Et s'appellent les dictz luthériens les évangelistes, et appellent les autres les papistes. Et entre les principaulx et plus apparens des dictz luthériens y a veu et cogneu ung nommé Baudichon, Jehan Phillippe et autres. Dit que durant le temps que dessus il a veu que les dictz luthériens faisoicnt plusieurs assemblées en armes de jour et de nuyt pour les différens estans entre eulx et les catholiques appelez comme dessus papistes, èsquelles assemblées il a souventesfois veu le dict Baudichon armé d'ung allecret et embastonné. Dit que ung jour de dimenche qui fut environ la sainct Martin dernier passé, ung chanoine du dict Genesve appelé le chanoine Vergle pource qu'il soustenait noslre foy, fut tué où dict Genesve per les dictz luthériens, et premièrement fut assailly en une place appelée le Molard, toutesfois n'y estoit présent le dict déposant et ne

scet si le dict Baudichon estoit en la compaignle quant le dict chanoine fut assailly. Bien dit estre recors que le dict jour il avoit veu le dict Baudichon portant son espée et passant par là ; que de la Fusterie dit avoir ouy dire à son dict beau-père et à plusieure autres gens et est la commune voix entre les catholiques où dict Genesve, que le dict Baudichon fut à Berne quérir des prescheurs luthériens et qu'il est l'ung des principaulx qui ont esté cause et ont pourchassé d'avoir mis la dicte hérésie en la dicte ville. Dit cognoistre ung prèscheur luthérien nommé Pharellus demeurant et preschant oii dict Genesve, lequel il a veu souventesfois fréquenter avec le dict Baudichon, Dit que après que le dict chanoine Vergle fut tué, lendemain le commun bru i et estoit entre les catholiques où dict Genesve que ceux qui l'avoient tué s'estoient retiré et esloient en la maison du dict Baudichon et disoient plusieurs des dictz catholiques et entre autres l'oyt dire assavoir à maistre Pierre le Barbier, au sire Girardin présentement lieutenant de Genesve, Thomas Moyne et plusieurs autres, que s'il n'estoit pour craincte de perdre les maisons circonvoisines ilz eussent adonques mis le feu en la dicte maison du dict Baudichon. Dit que notoirement les dictz luthériens mengent chair les vendredy et samedy et par caresme, et ung jour de vendredy ou samedy de caresme dernier passé, fut présent devant la maison de Jehan Balard et oyt que le dict Baudichon invita ung nommé Bellia filz de Denys Dada à menger d'ung chappon en la maison du dessus nommé, Amé Perrin du dict Genesve. Et plus n'en dit.

Moine témoin des prédications de Farel.

Vénérable et religieuse personne frère Anthoine Charnil, prieur de Sainct-Martin en Velay de l'ordre de sainct Benoist, diocèse de Viviers, aagé de quarente cinq ans ou environ, ainsi qu'il dit, tesmoingetc. Dit et dépose moiennant son serement etc., que ung jour de la sepmaine dernièrement passée, en revenant de Ghambéry, de visiter le sainct suaire, il passa par la ville de Genesve et en icelle arresta certain espace. Dit que il oit parler à plusieurs gens et tant dedans la dicte ville que aux champs près et à l'entour d'icelle, d'ung nommé Baudichon marchant du dict Genesve, lequel ilz disoient estre prisonnier à Lyon à cause de ce.

qu'on l'accusoit d'estre luthérien et hérétique^ duquel emprisonnement les dictes gens se resjoissoient, mauldisans le dict Baudichon et le donnans au diable, disans que c'estoit le principal qui avoit esté la cause pourquoy l'hérésie pululoit où dict Genesve et qu'il mesmes, estoit allé à Berne quérir des prescheurs hérétiques, lesquelz il avoit amené en la dicte ville, les avoit nourry, entretenu et soustenu en leurs prédications, dont estoit procédé tout le trouble d'icelle ville, de sorte que grant partie des habitans sont tombez en la dicte hérésie, et plusieurs gens de bien ont esté contrainctz icelle absenter, et laquelle ville est présentement fort désolée et détériorée, ainsi que veit le dict déposant, qui dit plus que en la didte ville sont troys prescheurs enseignans la dicte hérésie, nommez l'ung et le principal Pharellus, l'autre Viret et l'autre Froment, et en veit l'ung des deux, assavoir des dictz Viret et Froment, preschant en chaire en une église dedans le couvent des Cordelliers, et ne sçait vraiement lequel des deux prescheurs c'estoit. Dit que les dictes gens de la dicte ville et dehors icelle, lesquelz toutesfois il ne sçau rait nommer, pource qu'il ne les cognoit et n'en s'enquis! de leurs noms, disoient en parlant du dessus nommé Baudichon, qu'il estoit cause de la mort d'ung chanoine du dict Genesve qui fut tué en la dicte ville pour la querelle de la foy catholique et en icelle soustenant. 11 a signé sa déposition A. Gharnil.

Déposition de M. de Simieux. Confronter avec les dernières pages de la Chronique de Fromment, édition Revilliod.

Noble homme Anthoine de Dysimieu, seigneur du dict lieu en Daulphiné, aagé de trente deux ans ou environ ainsi qu'il dit, tesmoing etc., dit et dépose moyennant son serement etc., que il y eust jeudy dernier huit jours, il fut et passa par la ville de Genesve et en icelle séjourna environ demy journée estant logé où logeis de la grue, chieux Pierre Peschu. El il qui dépose estant en la dicte ville et se promenant au devant son logeis, survindrent à lui environ douze ou quinze personnaiges des plus apparens de la dicte ville, lesquelz après avoir salué le dict déposant, lui demandarenl quelz nouvelles on disoit à Lyon touchant Baudichon du dict Genesve, estant détenu prisonnier où dict Lyon, pource que

romme ilz avoient ouy dire il estoit prochain à estre relasché. Et en continuant leur propoz disoient que si par aventure le dict Baudichon estoit relasché, il et tous les bons catholiques du dict Genesve estoient toutellement perduz et ruynéz, et que pour mectre la dicte perdicion et ruyne à cxécucion, les luthériens du dict lieu, complices du dict Baudichon, avoient faict leurs entreprinses et délibéracions, ne restoit synon qu'ilz actendoient préalablement le relasché du dict Baudichon, ainsi que les dictes gens apparens et notables disoient avoir bien sceu et entendu. Et daventaige, priarent le dict déposant que estre de retour à Lyon il luy pleust l'aire les remonstrances de ce que dessus à ceulx à qui en appertient la cognoissance. Disoient aussi les dictz notables que le jour du sacre et feste du précieux corps de Dieu dernièrement passé, ainsi qu'on portoit le dict précieux corps PU procession parmy la ville à la manière acostumée, et qu'on passait par deuant la maison du dict Baudichon, la iemme du dict Baudichon estant aux fenestres avec sa chambrière, eulx deux fiillans leurs concilies la dicte femme disoit telles ou semblables parolles parlant aux prestres : Voylà des belles chievres ; et après parlant aux femmes suivans la dicte procession, disoit autres telles ou semblables parolles: Ha paillardes, vous allez en mommerie après ces prestres. Et aus dicts propoz devant le dict logeis, estoient présens, avec le dict déposant, M. Loys de Gorcelles, son frère le prieur et M. le maistre Meillan de Geyssel, gentilzhommes. Dit aussi que tant lors que aussi ailleurs es lieux circon voisins il a ouy dire et tenir notoirement que le dict Baudichon estoit l'ung des principaulx et celluy qui plus s' estoit emploie à réduire la ville de Genesve aux hérésies et erreurs luthériennes, au moyen desquelles au pris de la prospérité d'icelle ville du temps passé la dicte ville est empirée et désollée plus qu'on ne pourroit penser, ainsi qu'a veu et sceu le dict déposant. Et semblablement a ouy dire et tenir que le dict Baudichon est celluy qui a faict venir les prescheurs au dict Genesve, assavoir Pharel, Viret et Froment et autres, et que aussi il les avoit menez luy mesmes à Lozanne pour semblement séduire ceulx du dict Lozanne, lesquelz toutes foys chassarent les dicts prescheurs. Aussi a ouy dire notoirement où dict Genesve que si le dict Baudichon est relasché, chescun se rengera à sa créance, extimant que s'on l'avoit trouvé mauvaise, on ne l'auroit relasché. Qui

dit plus que une autre foys il y a environ ung an, luy estant où dict Genesve, se trouva en compaignie de certaines dames et entre autres y estoit la femme du dict Baudichon, laquelle tenoit quelques propoz luthériens dont il n'est présentement recors; et pource qu'il la redargua, elle luy dit qu'il estoit bon papiste ; et le dict déposant respondit qu'elle estoit bonne luthérienne. Lors elle luy replicqua telles ou semblables paroUes : Pleust à Dieu, Monsieur, que nous feussions tous bon luthériens, car c'est une bonne chose et une bonne loy. Et aussi disoil lors la dicte femme qu'ilz espéroient en brief la venue de Pharel et de ouyr ses sermons, et à ce estoient présens M. de Flacieu et sept ou huit de leurs valletz, comme il dit. Et plus n'en dit ; et a signé sa déposicion Dysymieu.

Les prédications à domicile.

Henrys Persyn fromaigier natif du lieu et villaige du Grand Bournand en Savoye, à présent habitant de Lyon, aagé de vingt troys ans ou envyron ainsi qu'il dit, tesmoing etc., dit et dépose moiennant son serement etc., que par le temps de caresme dernièrement passe, il fut et demeura par l'espace de sept jours continuelz en la ville de Genesve, et durant le dict temps passa deux foys à deux dyvers jours, par l'église des Cordelliers et à chescune des dictes deux foys veit que ung nommé Pharellus, luthérien preschoit en la dicte église et avoit plusieurs auditeurs entre lesquelz y estoit ung homme qu'on nommoit Baudichon lequel avoit aus dictes deux foys ung baston en la main, mectant les gens en ordre et faisant faire silence. Dict aussi que ung jour du dict temps en la dicte ville et en la place du iMolard, où estoient le dict Baudichon avec plusieurs aultres luthériens, le dict déposant fut présent et ouyt que le dict Baudichon parlant a aulcuns catholiques aussi illec eslans, dit qu'il gaigeroit volentiers cent escus contre cinquante à perdre les diclz cent escuz où cas que le jour de Pasques, lors procham ensuivant, l'on célébrast aucune messe dedans la dicte ville de Genesve. Dit plus que la commune voix est où dict lieu que le dict Baudichon est le capitaine et le plus grant luthérien de la dicte ville. Dit aussi avoir encores esté despuis Pen- !hecoste en ça où dict Genesve oùquel lieu la commune voix estoit entre les catholiques que le dict Baudichon et aussi ung

autre luthérien nommé le Colonier estoient prisonniers à Lyon, et que les dictz catholiques ne vouldroient pour chose du monde qu'ilz retournassent au dict Genesve, pource que s'ilz y retournoient tous les dictz catholiques seroient perduz. Et plus n'en dit.

Claude Thevenon fromaigier natif de la paroisse du Grand Bournand, diocèse de Genesve, à présent habitant de Lyon, aagé de trente quatre ans ou envyron, ainsi qu'il dit, tesmoing etc., dit et dépose moiennant son serement, qu'il demeura dedans Genesve à l'entrée de caresme dernier passé, environ huit jours continuelz, durant lequel temps il a veu certaines foys où dict lieu un marchant nommé Baudichon, lequel selon la commune voix estoit tenu et réputé pour le plus grand luthérien du dict Genesve. Dict plus, que dudict temps et le premier dymenche du dict caresme, il ouit dire que l'on alloit baptiser ung enfant en la maison du dict Baudichon, parquoy y alla en compaignie d'ung aultre fromaigeir nommé Henrys Avreillon, et eulx estre arrivez dedans la dicte maison veirent que plusieurs gens s'assemblarent en icelle, et entre les autres, y estoient le dict Baudichon et deux aultres nommez Pharel et Yiret. Et illec veit que le dict Yiret baptisa ung enfant qu'on apporta de quelque autre lieu, luy mectant de l'eau sur la teste, et disant m nomine Patris et flUi et spiritus sancli, sans faire aulcun signe de la croix ; et aussi disoit le dict Yiret telles ou semblables parolles : Dieu volut estre baptisé en l'eau pure et necte, et maintenant les calïars baptisent avec eau huyllée et crachas. Dit plus que avant que faire le dict baptisement, le dict Yiret fit ung sermon en la dicte maison en présence de grand multitude de gens, et semble au dict déposant qu'ilz estoient bien Iroys cens auditeurs et estoient en une grande salle laquelle ilz avoient alongée d'une autre chambre y joignant, au moien d'ung postan ou haiz qu'ilz avoient levé, et aussy y avoit des sièges faictz expressément sur quoy les dictz gens estoient assiz. Et estoit le dict Yiret assiz sur ung siège plus hault que les autres, et à costé de luy estoient assiz assavoir d'ung cousté le dict Pharel et d'autre cousté ung nommé Froment ; lesquelz Pharel et Froment on disoit aussi estre prescheux. Dit aussi que despuis Penthecostes en çà, il a passé par le dict Genesve et illec a ouy dire à plusieurs .gens de bien et est le commun bruict que si le dict Baudichon et ung nommé le Colonyer prisonniers en ceste ville

de Lyon sont relâchez, tous les catholiques du dict Genesve seront deffaictz et ruinez. Et plus n'en dit. (Siiit la déposition citée dans le texte.)

Propos tenus sur la religion par Baudichon.

Discrète personne messire Jehan Barhier prestre incorporé de l'église cathédrale de Vienne, aagé de cinquante et sept ans ou envyron ainsi qu'il dit, tesmoing etc., dit et dépose moiennanl son serement etc., qu'il y a environ ung an et demy durant une foyre des Roys, ung jour le dict déposant vint de la ville de Vienne en ceste ville de Lyon pour certains ses affaires en compaignie d'ung religieux de l'ordre de sainct Jehan de Jhérusalem nommé frère Lyonnet Reynault et de Anthoine Reymond lors serviteur du dict déposant, et allarent loger où logeis de la Gouppe d'or près Sainct Pierre les Nonnains, et le jour mesmes qu'il arriva où dict logeis, print sa réfection à l'heure du disner en icelluy logeis avec et en présence des dessusdictz, et aussi en présence d'ung marchant pelletier de Vienne nommé maistre Symon bien cogneu au dict déposant et d'ung aultre marchant de Genesve nommé où dict logeis le sire Baudichon, lesquelz disnarent ensemble. Dit que durant le disner, ainsi que les assistans parloient ensemble, après que le dict Baudichon eust aperceu que le dict déposant estoit de Vienne, icelluy Baudichon demanda au dict déposant s'il cognoissoit M. Peyroleri homme d'église fort ancien docteur et homme de grand savoir demeurant à Vienne. Et après avoir tenu quelque propoz du dict sieur Peyroleri, le dict Baudichon se print à dire que certain temps auparavant on avoil faict mourir à Vienne ung cordellier pour la foy, et demanda au dict déposant pourquoy c'estoit qu'on avoit faict mourir le dict cordellier. Lequel déposant lors se print à réciter au dict Baudichon qu'il estoit vray que où dict lieu de Vienne despuis ung ou deux ans auparavant l'on avoit faict par auctorité de justice dégrader et après brusler ung cordellier pource qu'il estoit luthérien et en ses sermons tant à Annonay que ailleurs avoit presché et soustenu qu'il estoit licite en caresme et les jours de vendredy et samedy menger chair, ensemble infinies aultres erreurs contre la déterminacion de nostre mère saincte église et la commune observance de tous bons crestiens. Dit que lors le dict Baudichon dit et respondit que

c'estoit mal faict d'avoir fait mourir le dict cordellier et que c'estoit un grand homme de bien et de grand science, aussi que l'église ne peult nous faire aulcune institucion, commandement ou deffence sur peyne de péché mortel, et mesmement que l'église n'avoit peu deffendre l'usaige de menger chair où dict temps de caresme et èsdictz jours de vendredy et samedy, ne semblablement instituer le jeusnes, et plusieurs aultres propoz mal sonans tenoit et disoit lors le dict Baudichon, desquelz n'est à présent recors le dict déposant, lequel de toute sa possibilité se mit à debvoir de remonstrer audict Baudichon qu'il parloit mal et luy allégua plusieurs raisons, mais n'aperceut que par icelles le dict Baudichon muast aucunement son propoz. Tellement que à ouir le dict Baudichon, le dict déposant extime que icelluy Baudichon n'est bon crestien et qu'il est mal sentant de la foy. Dit plus que lors où dict disner estoient présens plusieurs aultres incognuz audict déposant, qui plus n'en dit. Ainsy ay déposé Barberii.

Lettre de Pierre de la Baume faisant allusion à des faits antérieurs à 4532.

A Messieurs les officiaulx de la primace et ordinaire de l'arcevesché de Lyon, mes bons frères et amys. Messieurs je suis informé qu'avez en voz prisons ung mien subject nommé Baudichon de la Maison Neufve détenu pour la secte et hérésie luthérienne, de laquelle desjà aultresfois se sentant entaché m'en demanda marcis et pardon promectant jamais n'y retourner, ains en faire pénitence, sur quoy cum nemini gremium ecclesia clandat, je fus content luy pardonner en le comminant in casum. resummationis d'estre bruslé. Si d'aventure n'avez deslibéré en faire justice, par la présente vous prieray le me vouloir remectre comme à son supérieur et juge ordinaire, pour en faire justice selon le debvoir, au contentement de Dieu et du monde et entrelénement de nostre saincte foy. Et à celle fin qu'aiez meilleur matière de procéder contre luy, vous envoyé le beau père gardien du couvent de Sainct François de ceste ville avec ung des religieulx du couvent de Genesve, informez de sa vie, pour les luy confronter, ensemble aultres dépositions, fnsans à la matière. El de mon costé je vous advise en foy

de prélat que c'est celluy qui est promoteur de la dicte secte dedans la ville du dict Genesve, et le premier qui y a amené les prescheurs luthériens et logez en sa maison. Par quoy je vous prie avoir nostre foy pour recommandée en punissant telz meschantz hérétiques ensuivant le bon plaisir du roy qui s'est monstre à ce bien fort affectionné par les lectres royaulx qui en ont esté octroyées et publiées, avec ce que ferez œuvre de grant mérite envers Dieu auquel après me eslre recommandé à vous de très-bon cueur je prie vous donner Messieurs ce que désirez. De Chambery le tréziesme de juillet xv'',xxxnij. Le tout vostre frère et amys l'évesque et prince de Genesve.

LES PENEYSANS.

Archives de Genève. Portefeuilles des pièces historiques. Dossier N° 1145.

Rôle des condamnés penaysans.

Les noms des condampnés de l'an mille cinq cens trente et cinq.

Michiel Guilliel, de Thonon (bourg^ de Genève). Nycod De Prato, notayre. Franc' Régis. Franc* Régis le jeune (de Saconnex au de là d'Arve, bourg* de Genève). Claude fils de Jehan Baud (citoyen de Genève). Bizanson du Mur. Françoy et Nycolas Pennet, notayres. Pierre fils de feu Petremand Malbuisson, drappier. Nycolas fils de feu Henri Du Nant. Jehan Oddet et Bartholom. Du Crest frères. Mons"^ Dominique Suchet, docteur en droit. Claude fils de feu Perceval Mersier dict Guilliard. Bizanson Jornal, pêcheur. Rolland. Taccon. Permet Des Chans (fils de George). LoysPonfal (?) noV^. Pierre Testador, not''^ (Petrus Capitis Auri). Jehan Du Mont appelé Perce val, chausatier (fils de feu Louys). Jehan Régis, notaire, dict De fonte. Thomas Ferra (fils de feu Louys, chausatier). Mons"^ Jehan De fabrisa, docteur (en droit, bourg* de Genève). Mons"^ Claude De furno, docteur (en droit). Mons" Pierre Blanchet, docteur (endroit, dict Mermet). Jaques Grand Champt, excolfier. Pierre Verdellet, excoffier. Françey De leschaux, appelle Chandellet, excoffier. Jaques Mulatier dict Foissiaz (excoffiier). Claude Yulliard, drappier (autrefois curé de Vullenex). Pierre Bra-

met, notaire. Pierre de Lacra, notaire. Bernard De la palu, notaire. Jaques Goil, dict Redam. Gonin Mestral, excoffier. Nycolas Griffon, drappier (bourgeois de Genève). Thomaz Meruné, drappier. Franc' Du Crest, chaussatier. Jehan Blanch, admodieur de bénéfices. Jehan Levrat le jeune, chaussatier. — 38.

Deux Peneysans seuls se trouvent au nombre des eidgnos libérateurs de Genève.