L'ESCALADE DE

Archires de Genève. Portefeuilles des pièces historiques. Dossier N° 1102.

Sommaire des procès de ceulx qu'il sont esté pris à cause de la trahyson et entrepr irise faicte de invadir Genève, de Van i5Sk, en la fin de juillet.

Le devant dernier de juUiet 1534 bien tard en la nuyt, Mess*^' les sindicques furent advertis comme liavoit beaucopt de gens d'armes près la ville pour faire quelque chose. Icelle mesme nuyct la ville se myst en armes en bon ordre.

Le tier jour du moy d'oust suyvant, fust prist Johan Rocard le jeune, pource que quant son disennier le demanda ilz ne le trouva point, combien que ce jour bien tard ilz fust en la ville et aussi pource que fust trouvée une lettre escripte Despato qui avoit pourtée cherchant des harmes pour porter audit Deprato à Galliard, deux jours devant que le cas fust révellé. Lequel a confessé comme cy-après.

Premièrement ha confessé avoir pourté la dite lettre missive pour avoir une cocte de mailles pour ledit procureur Deprato.

Item ha confessé que mardy le ving et vuytz dudit juillet ilz fust à Galliard avecque Johan Levract, Johan du Crestz, Françoys du Crestz et Oddet du Crestz frères, Françoys et Ny colas Pennet frères, avecque aussi Mauloz Castellain de Galliard, Nycod De Prato procureur fiscal de Genève là oùt ilz fust vehue une lettre et résolu de mander à Michiel Guilliet d'esfre prest avecque ses gens et la découverte de l'entreprise de mectre des gens dedans la ville par sus le lac et comment aulcungs de la ville les debvoyent recepvoir, mesmesment les Mabuyssons et les Pesmes et leurs complices, et se debvoyent faire des signes dedans la ville pour advertir ceulx de dehors quant ilz seroit temps de venir ; et debvoyent estre admenez par le bally Rossey et Mauloz et Mons' de Simon qu'il devoit aller ovryr la porte de Ryve pour faire entré les aultres gens de piedz

Item qu'il ilz estoit estez à Chamberyer vers Mons' l'évesque de Genève auquel ilz avoit parler qu'il luy bailla une lettre pour apporté à Michiel Guilliet, et laquelle ilz apporta et luy envoya à Galliard par Jehan du Crest, mais pour ce

que le dit Guilliet ne se trouva pas la, Mauloz la reeeupt et la déclosyt. A cause de ceste lettre, a esté oultre interrogué. Et a confessé comment à Thonon ilz entendyt de Michiel Guilliet l'entreprise qu'estoyt qu'il avoit amassé des gens et les cuydoit desjà mettre dedans la ville dix ou douze jours para vant, mais le cas esloit esté prorogué, pour ce que Mons' l'évesque n'avoit pas ses gens prest, et aussi comment son cas estoit prest et que l'om porroit bien venir par sus l'eaue de nuyct et comment Mons"^ l'évesque debvoit bavoir des gens estrangier et devoit venir en Genève en armes et à forces et luy bailla une lettre pour pourté à l'évesque; et ilz la pourta et fust à Cbambéry vers l'évesque, duquel ilz entendyt l'entreprise et comment ilz faissoient venir troys cens homme de guerre du Dauphinéz et qu'il en avoyt délivré troys cens escus et qu'il les amèneroit avec soit en Genesve, et les aultres que Michiel Guilliet avoit amassé, et comment ilz entreroient de nuyctz par sus le lac, et comment ilz seroit à Genève ilz feroit tenir ung conseil général, et luy bailla une lettre missive comment est dessus, pour aporté à Michiel GuiUiet.

Item a confessé comment en Genève le jeudy devant dernier dudit juillet, luy, Johan Du Crest et Jehan Levract parlarent ensemble au Mollard de tout l'affaire, et comment Johan Levract et Jehan du Crest luy referrent queil estoient estez à Gaillard et à Veyrier chieulx Mons"^ de Simon parler à luy, à Michiel Guilliet, à Mauloz et aultres, et comment le cas estoit tout prest, que l'évesque venoit et ses gens, que Michiel Guilliet estoit prest et ses gens, et que ce dit jeudy envyron la mynuict ilz se geterions dedans la ville par sus le lac, ainsi que le monde seroit endormys avec une bandière rouge au Mollard, et comment debvoyent estre faict des signes par feu au Molard et aussi ex tours vers Sainct Pierre pour mieulx faire queil le cas venyr à effect, entre soy estoit arresté de soy tenir en armes luy et ses complices par des maisons, dont fust arresté queil seroit chieulx Pierre Baud avecque quelque compaignie par luy nommée, et les aultres aultre part ; et que quant lesdits gens seroyent venuz et armez au Mollard et queil luy et ses complices se trouveroient là desoubtz la bannière à crier chascung vive l'évesque de Genève pour gagnyer l'artillierie et pour soit deffendre contre ceulx de la ville qu'il n'estoyent pas de l'entreprise et crier c'est Monseigneur nostre prince. Monseigneur de Ge-

nève affin que le petit peulple adhérisse et se joingnisse avecque eulx. Et comment les dites gens d'armes estant au Mo- Jard se debvoyent eslendre jusque à la porte de Rive pour la ovrir aux aultres queil venoyent par terre. Et comment estoit arresté avecq François Espaula garde de la tour sus le lac queil ne tyreroit point et queil feroit le sourd. Et que celle raesme nuyct tout l'affaire se debvoit faire et que tout estoit prestz.

Plus ha confessé qu'il compta tout l'affaire troys foys à Perceval de Pesmes, en après à Marin Versonay et à Pierre Baud , et les adverty de soit tenyr tous prest pour celle heure. Et comment Pesme luy promis soyt tenyr prest, aussi list Guiir^ De Pesmes, et queil hariont cheulx eulx deux serviteurs de Mons" de Brandix et Audoier M et des compaignons de mestiers. Et comment entre eux Marin Versonay et Pesme ilz arrestarent de la coUisse du pont du Rosne que Marin debvoit faire mettre bas, et comment pour cella ilz fust chieux ledit Versonay avecque ledit Pesmes

Ha confessé comment ilz avoit reccu argent de l'évesque et des prestres pour practicquer et assembler des compaignons du temps qu'il faisoyent les tumultes, duquel ilz a poyés plusseurs banquectz, et tousjours Perceval de Pesmes avecque luy, aulquel ilz avoit conté le tout et auquel ilz ne ne céloit rien

L'on havoit indices contre François Espaula qui la nuycl de l'insulte que Mess'* les sindicques alarent vers luy demandé s'il l'artillerie que havoit estoit preste, ilz respondy que oys et quant ilz montarent vers luy, ilz ne se trouva pas vray mais se trouva qu'il n'havoit point de monitions : l'on ha tenuz cela secret jusques au trentiesme du moy de Juing de l'an mille cinq cens trente cinq, que Jaques Mabuysson ha dict que Johan Levract avoit accordé avecque luy et qui feroit le sourd ; alors est esté prist et ha confessé que Johan Levract luy dict l'affaire et luy promis dix escus queil fist le sourd et qu'il ne tirasse poinct et luy dict qu'il se feroyent des signes sus Sainct Pierre et au Molard avetque du feu et que les gens d'armes qui debvoient venir viendrions sus le lac droit aux Molard gaigner l'artillerie, et comment ilz estait esté deux foys par ledit Levract advertir et comment ilz luy promis le tenir secret et de faire ce que ledit Levract luy havoit dictz

Plus ha confessé que quant ilz virent que le cas n'avoit

pas bien prist, il se retira et ses frères hors la ville avecque les aultres lesquieulx hont heult le chasteaux de Pigney et mandemens de Mons"" de Savoye aux gentilshommes des les faire forts et aux ehastellains de prester prisons, d'empuis hont pris les prisoniers, formé procès et faict morir, hont heubt lettres de l'évesque et places de Mons" de Savoye de prendre les biens de ceux de Genève hont heubtz par ord dudit de Savoye et mandemens par Mons"^ Barralis de soy faire forts aux chastel de Pigney. D'empuis hont prist des vasches, du bled, du vin, des chevaulx, des gents et aultres, comment font tous les jours, disans et se montrans Michiel Guilliet, Deprato et leurs complices de l'excellence de Mess"^** de Berne et dient nous summes l'aultre Genève, nouz bourgoys de Berne viennent vers nous aussi bien que vers les aultres, prenons ce que nous porrons, il accorderont tout que aura pris.

Et beaucopt de choses comment en son procès.

Avecque ce prestre fust prist Audoier Fornet de Thorens quil luy aidoit à dentraver le jument et alloit avecque luy au larressin.

Item Amye Jacquier de Thonon qu'il semblablement alloit avecque luy.

Les aultres s'ent fuyrent.

VIOLENCES DES PENEYSANS.

Archives de Genève. Portefeuilles des pièces historiques. Dossier N° H15.

Enquête au sujet des violences commises par ceux qui s'étaient réfugiés au château de Peney. 453^ et 4585.

Dix et neux decembris du dit an. Nycod Deprato et ses complices de Piney rompirent la grange à Michiel Baptisard à Chansiez, emportarent les Ions et traleisons.

Le prothonotaire de Lucingoz print le bled au secrétaire Johann Amye Curtet en l'admodiation qu'il tient à S'-Gierges.

Ibid ceulx de Piney hont envoyé ung de leurs garsons pour mettre le feuz en la maison de la ville et quant il ne l'a

peu faire, il ha robe une balle de draps sus les chers d'Allemaigne, où il fust prys et nous compta sa charge.

Le vingt et six de décembre Hemoz Lornier de estain, fuz mandé par nous porte de lettres à nostre ambassade à Berne et havoit aussi quelque charge pour des marchans ; les traictres le suyvirent et luy ostarent tout ce qu'il portoit et le contrenirent s'en retorné de prest Lausanne.

Le tiert jour de janvier, Loys Rey notaire de Veyrier passant par Sacconex de là d'Arve, fust prist par Françoy et don Johann Régis fugitiffs et complices de Piney, luy ostarent les lettres qu'il portait et le heubssent mené à Piney, s'il n'heusse là auprès de ses parents.

Le neufz de febvrier du dit an io55, au village de Bernex douzes acquebutiers de ces traictes de Piney prirent prisonniers trois cordelliers venans de France à Genève. Item trois aultres compaignons deux imprimeurs, l'ung d'Argentine, l'aultre Normand et Heustache Chappuys sallier de Genève, les menarent à Piney par force ; le lendemain il les lachiarent excepté un cordellier qu'il se dict que il hont nyé et le battirent fort le jour qu'il le prirent.

Le neufz de febvrier il prirent Humbert Exerton de Genève exécutant des lettres * pour procéder pour justice, luy ostarent ses lettres.

Le second de mars du dit an il prirent el battirent le filz de Urbain Besson esgardentier et le filzde Briganton bochier à Sacconay de là d'Arve; cela firent les Régis fugitiffz.

Le vingt et sept de mars du dit an 153S, il robarent tout le bien de la grangeriè de Johann de la Pallu à Challes et montarent tout à Piney.

Le premier de avril il prirent le filz de Begoz borgois de Genève et le menarent à Piney où il le tiennent.

Le cinq de avril Françoy de la Planche et ses compaignons furent prist par don Johann Everard Deprato et les aultres, menés à Piney et interrogués.

Ce jours mesmes il prirent Henry Goula qu'il détiennent tousjours.

11 furent à La Rouche pour prendre Johann Darlod avecque des lettres ducales, épiscopales et comitales, mais les enfans de la Roche lesauvarent.

Le sèze dudit moy de avril, Deprato et les aultres de Piney venirent à Privissin et prirent tout le bien de Estienne

l. li se trouve ici un mol qui parait élre apostoliques.

Chapeaurouge citoyen de Genève et des enfans pupilles de feu Pierre Chapeaurouges, et le tout il menarent à Piney.

Le dix. et vuyt de avril 1555 ces traictres de Piney allarent à TroUa, mandement de Ghomont, rompirent le tonaz de Claude Roset nostre citoyen et destruysirent tout ce qu'il estoit.

Le vingt et deux de avril 1535 fust prist Le Fondu serviteur du magnifficque Mesgret qu'il se tient à Genève et luy donnarent à Piney trois traictz de corde, puy luy tondirent la moytié de la teste et la moytié de la barbe, puys le renvoyarent en France tout gasté pource quil venoit à Genève.

Le dit jour vingt et deux de avril, ces traictres de Piney venirent jusques sus nouz franchise, pour prendre Tivent Chenu nostre bourgois, et quant il ne le peurent bavoir il battirent tant sa servante, qu'il la cuidarent tuer.

Le vingt et quatre dudit moy de avril 1555 il trovarent Johann Mellier laborier habitant de Genève qu'il alloit à Challex. Il le prirent et le menarent à Piney, le interrogarent et donnarent trois traictz de corde, tant qu'il en ha ung bras gasté.

L'excellence de Mess" de Berne est esté bien informée, tant par ses ambassadeurs que par les lectres de ceulx. de Genève des vyolences à eulx faictes tant par les Savoyens que par ceulx qu'ilz sont au chasleaulx de Piney.

Mesmement comment dès le commancement du moy d'augst en sa, il nous bont détenu les passaiges tant que n'avons peult tenir foyies ny de Lyon ny aullre. Hont pryst nouz biens sur les champs, hont gardé de laborer nouz terres, hont deslorné les gens d'apporter vivres, hont prys nouz citoyens prisonniers, et les détiennent.

Et mesmement dès que fust commencé à journoyer à Thonon, il hont tuez ung nostre olficier sus le pont d'Alva; battu ung aultre en Plainpalais ; nous hont contrai net mettre bas les faulsbourgs; hont dépontonéz le pont d'Alve, destornant les vivres, et nous hont conlrainct norrir ung six vingt hommes de guerre l'espace de quattres à cinq moys que nous couste beaucoup.

Et après que bavons longtemps enduré et pansions qu'il soy deubssent désistir, quant est venu auprès de Pasques, il sont venu à Challes, hont forraigé et prist tout le bien de Johann De la pallu à Prévissin et Russin, les beufz, les vaches, la pasture, le bled, le vin et voyer le pareysdes may-

sons de Michiel Batasard, de Araye Chappeaulx Rouge, de Estienne Chappeaulx Rouge et des enfans pupilles de feu Pierre Chapp. -Rouge, etc., et les vaches de Pierre du Marseil. Non contens de cela, se tiennent sus les chemins et prenent les noslres ; hont prys dès Pasqucs le filz de Bègue du Sex (?) nostre citoyen et Henry Goula qu'il détiennent, prirent près Gursilles quattres bochiers, ils les laissèrent aller pour ce... (sic.)

Il hont prist à Bernex un Françoys allant à Lyon dès Genève, l'hont torturé et puys murlry et pendu.

Hz sont venus jusques à nous portes en armes nous assaillir. R sont venus robes les naviotz de nos pescheurs jusque en nous faulsbourgs; hont pris et détenus des marchans estrangiers venans en Genève, mesmement de ceulx de Allemaigne ; hont cherché et gasté la marchandise sur les champs et tout cecy par le port des Savoyens, comment bien apart par l'oultraige faict au seig' Biscolîz don sont informés. Gomment aussi se appart par les gestes de ceulx de Gex qu'il hont faict lieutenant du grand capitaine général Michiel Jottens de Lausanne à chescung cogneust, et d'aultres pour nous debvoir venir dessus.

Le lundi tiers de maii de cest an d53S, ils prirent Thomas de la Maison Nova, Johann Lect et des aultres, non pas par eulx, mais par des Savoyens leurs complices, les menarent en Cheserier, s'il ne fust qu'il fussent tant estrangiers que aultres non résident il les heubssent retenus.

Le vingt iiij de ce moy de may 1535, il trouvarent Grille du Boycs, marchant de Parys venant en Genève. l\ le vollurent destourner il venir, et ne peurent, mays il en firent retorné quattres venans avecque luy par menasses et faulses paroUes, dès la ville de Sainct-Claude.

26 de may, les Grenans de Gartinier hont battu le serraillion de la Fusterie à Gartignier, en tant qu'il est a fessé de mort. Ge Grenant est celluy qu'il batly le pouvre Françoye escripvain.

Vingt et sept dudit moy, Deprato et les aultres qu'il se tiennent à Piney hayans assemblée de grosse campaigne, se porlirent trente, allirent tenir les chemins de Anneissier, prirent ung serviteur de Estienne Dada, le firent prisonnier, luy hostarent tout le sien, le menarent dans Annessier pour monstre qu'il piaist aux Savosiens. Jaçoye qu'il eschappa tout despoillé de leurs mains, d'une chambre où il estoit enserré, voyés que c'est quant il hont prison Annessier.

Ce jours mesme despoillarenl le filz de Cuvât (?) qu'est serviteur de Johann Sourd l'ansien auprès Annessier ; prirent Urbain Besson et Lyonnard le messaigier, leurs ovrirent leurs lettres prest Annessier, leur mettant la corde au col infâmemant au prest de Annessier sus le pays de Savoye.

Hier que fust lungdi dernier de may, ces larrons qu'ils se tiennent à Piney au nombre de quarante bien armés, allarent à CoUonges prest la Cluse et là prirent et robarent à Loys Dutour nostre bourgois et conseillier, comment il nous ha dict qu'il sçayt pour vray, dix bossotz seu dix chairs chargés de vin que luy montoienl plus de trois cenlz florins et l'honl mené à Piney où il sont beaucoup de gens.

Le dict jour se sont trouvés six ou vuyt chevaulcheurs en l'hostellerie de l'Ange à Lausanne attendans s'il passeroit quelcung de Genève et voyant qu'il estoit passé ung pouvre compaignon venant de Berne, montarenl à cheval luy corirent au devant à Rôle et de là le voyant il le suyvirent jusques à la chappelle de la Maladare, là où il le cherchearent et luy ostarent quattre escus d'or qu'il portait à Michel Varo de Genève. Il se appelle Johann Bien ; c'est le dernier messaigier que bavons envoyé à Berne. 11 havoit caché ses lettres qu'il nous portoit dedans ses soUiers, pourquoi il les saulva. Ledit Bien a entendu que partout de cy à Lausanne ha de telles gens, soit à Rôle, à Nyon et Goppet.

Par les garsons qui corent les postes, bavons sceu comment ledit jour et le jour devant, ilz sont estes détenus et cherchés leurs pacquelz du Roy et aultres par celles gens qu'il se disent de Piney, sus les chemins de cy à Lausanne.

io35. Dès le six jusques à douze de ce moy de juing, un homme appelle don Bonin Mersier de GenèvQ, habitant de Neufz Chastel fust prist s'en allant de Genève, par ceulx de Piney, et croyons qu'il l'haurons faict morir.

Le douze de juing, ces gens de Piney sont venus trouver Françoy Pictet de Vernier à la charrue et luy ont donné pluseurs coups d'espée, luy disans que tant qu'il trouveront de ceulx qu'il laborent les terres de ceulx de Genève, il les tueront.

Le quinze du dit juing, ces gens de Piney bout tenus les passaiges de Gex et sus les chemins hont destrossé Jenéta Verua, femme de Pierre Gleret de Genève, luy hont osté son argent, son frommaige et son burre; aussi hont il faict à sa compaigne nommée Janne Ponaré, femme de Genève, la-

quelle pour ce qu'elle s'en pleinioil au vilaige de Sessye il l'honl là tuhée et mise à mort.

Le 16 dudit moys havons heub nouvelles et lettres que i'évesque ha faict prendre Françoy Buel (?) et serviteur de Johann Ph il lippe Arboyes mener au chasteaulx Sainct-Sorlin et se craint (?) fort des polices.

Le dit sèzes de juing, entre Nyon et Rôle, hont destrossé Hemoz Pernet de Megiva, habitant de Genève, auquel il hont oslé deux escus d'or et des procès qu'il venoit de conseiller de Lausanne.

Ledit sèzes de juing, au villaige de Bernex, il trouvarent don Antœnne Ailliod prebslre de Genève; il le prirent et menarent à Piney, l'hont examiné de qu'il hont voulsu, puys l'honl laissé allé.

Ledit jour prest Piney il trouvarent Françoy fils de Johann Boulât de Genève; il le destrossarent et luy ostarent trois florins et six solz, c'est ung pouvre compaignon magnin qu'il n'havoit que cela.

Nous havons sceu par nouz espies, comment ces gens de Piney hont faict faire vingt et cinq charretz ferrez pour aller recuillir nouz bledz el nostre prise qu'il le peulvent faire ; nous ne osons bouger et il hont dix de nous chevaulx desqueulx il se porront servir, ce sont les chevaulx de Petre de (?) Franch et Johann Genevet.

Le vingt de juing havons heub une missive du filz de Hemoz Bonna comment l'on luy détient xxi polices de grosse somme en augste, à l'instance de Pierre Goujon; nous pansons que ce ne soit sans puyssance ducale.

22 de juing, prist Pierre Jacquet.

Le dit jour prist celluy que après brularent de Paris.

23. Guillaume de la Salla les rencontra gros nombre et aussi cheu Faulcony ilz poya le vin pour eulx à Léluyset el luy dirent comment il tiennent les paissaiges.

Ledit jour, Martin nostre guex fust prist par eulx. Item les vaches de Léonard, — les vaches du Bégoz.

2^1 junii, entroynant Johann Collomb, fust frappé de la alabard.

Le dit jour en la de Faulcon les deflenses des vivres.

26, pris à Amye Ghapeaurouge six vaches en la monlaigne.

28, brularent le Parisien.

29, Mauloz avecque ung sergent deffent les vivres au pont d'Alve.

4 juUii, les vaches de C. Sula prises en Chastelaine.

5 jullii, Renat Villiez de Peyloz prist à Ghansier luy ostarent 5 escuz. — 7 jullii coururent Joh.. de Gex.