Rolin Guilla prist à Vernier, ne le peurent mené con

trainct à Du dit jutlii prist Jo. de Géra prest le pont

d'Alva.

12 jullii prirent Jo. Michallet, leur eschappa, Pety Sacconex.

14. Jo. Gompto eschappa en MoUu sola. Picca Raison prist tout ce de trois maisons à G. Roset à Ghommont et à Tyolla.

16 jullii. Deux frères de Farel et plusseurs aultres prist à Fa verges.

21 jullii, sus ce examiné Antoe. Ghevriet de Gursilles.

24 jullii, Gonin Ghivallier de Arbusignier prest de la Ghesnoz cherché et deffendu ne venir en Genève aussi entendy du pontonier Eslrambières que l'on luy osteroit son cheval.

Le 25 du dit juillet, fust destrossé Laurense vefve de Urbain Bonyan prest du Vengeron et luy ostarent 3 pars de polies.

Le dit jour Pierre serviteur de George de Léclez fust prys prest de Gex et menez à Piney. Le dit jour les quattorses femmes revenderesses furent en venant de Gex par les dits de Piney destrossées.

1555. Le dit dernier jour de juillet fust prys le serviteur de Françoy Vullens à Roule par Mons"" de Beaumont qu'il se tient à Morges et Johann Papan de Morges.

Le tiert jour du moy d'augst, à Piney tirent morir le pouvre Antoenne Richeomy de Genève sans cause ny raison.

Le quinzieusme jour du dit moy d'aousl, furent prises les vaches de ceulx de Genève en la montaigne de Sallevoz par ceulx de Piney.

Le sèzes, nous est révellé comment les officiers du duc de Savoye hont levé tous les biens de Johann Gocquet esxessés et deffendu de ne luy en bailler rien.

Le vingt et deux du dit moy d'augst, Pierre Grillion de Porrentru, serviteur de Mons"^ de Roguiac destrossé par ceulx de Piney prest de Nyon.

Sont venus les nouvelles de la prise de Audoier Phillippe prist en France et mené à Piney par Johann Du Grest et des aultres.

Le vingt et quattre du dit moy d'augst est esté prys sus le chemin de Lyon Bernardin Goffel et menez à Piney no-

nobslant qu'il menasse la marchandise de Mess"^' de Fribourg. Aussi est esté pryst par ceulx de Piney Johann Le tracliez prest Thonon et est détenu prisonnier.

Le vingt et cinq du dit moy d'augst, la femme de Tivent Sajous et aultres sont estées destrossées en Bonna par les Bondrys de Artas.

Le vingt sept du dit moy, Martin filz de feu Johann de Cluse de Genève destrossé en la monlaigne sus Ges par les dits de Piney.

Le vingt et vuyt du dit moy d'augst Deprato, Levracl, Pennet et leur complices hont pryst les batteaulx à Nernier le vin de Claude Saddoz et de Françoy de Camp.

Le vingt et neufz venu à sçavoir la prise de la marchandise de Antoenne Gerbel.

Le dernier d'augst hont prys à Gex Pierre filz de Pierre Ballexert menez à Piney comment larron. (Il se dict que ceulx de Gex l hont faict relaxé.)

Le second de septembre du dit an, Clauda fille de feu Pierre Thoma et sa compaigne dicte la Vantellma et Antoenne servente de la relaissée de Falconz Vachon, sont estées destrossées venans du marché de Bonna par les bandix.

Le tiert du dit septembre, la voix publicque des circumvoisins ha rapporté que lungdi passé il pendirent à Piney Pierre Feu serviteur de George Desclei'z et serviteur de ville quant il fust prys.

Le dit jour est esté battu l'homme de Jo. Vectier à Piney et prist son bled.

Tenés pour certain que Pierre fust serviteur de George de Clefz et de ville, qu'il fust prys à Gex et mené à Piney est esté pandu d'empuys vuyt jours en sa, les seigneurs Bischoffz et Roufy en sont informés à Piney mesmes.

Le dit jour quart septembre prirent le filz de Claude Humbert, le composarent à dix escus.

Le cinquiesme de septembre hont prys les balles sus le lac, pour l'aultre foy à Nernier et mené à Grillier ou à Gex, comme sçavent lesdits seig"^' ambassadeurs.

Par toute vérité, par tout à l'entour Genève sont esté faictes cries de la part et par les chastellains de Mons*^ de Savoye que nulz ne soyt ausé ny si ardys de venir ny practiquer en Genève homme des sept ans en sus, sur poenne de la vie pour la tierce foys. Ce qu'est esté faict le jour de la sainct Félix à Presinge, que fust trente de augst, d'empuys

à Gex, à Gaillard, à Villa, à Ternier, et tout à l'enlour. Et plus, car il mest aux cries que si quelcung de Genève se veult retirer sur son pays pour vivre comme ses subjeclz, que il soit seur et luy soit iaict tout plaisir, service et ayde et laveur, laquelle chose est bien pour despupler Genève.

Par les choses dessus successivement escriptes, quant aultre chose ne se trouveroit, porroit l'excellence de Mess"^' des Ligues assez veoir et cognoistre de quelle affection le dessus dit illustre seig"^ duc de Savoye est allé envers la dicte ville de Genève et comment jamais il n'ha observe absey, cognoissance, ordonnance ny sentence que leur excellence baye faict, ains plus tost pendans les journées ha faict comment à ceste heure pysque par avant, maximement d'empuys la sentence de Payerne en sa d'un couste à la dicte ville plus de deux centz mille escus d'or que une chose que aultre. Il n'y ha plus rien et s'il ne peuvent traffiquer ny aller et ne vient personne vers eulx, ny foyre ny marché, pourtant cecy doibge estre remonstré à l'excellence de Mess'' en général que de leur grâce et clémence leur plaise pou» l'honneur de Dieu bavoir pitié de leurs pouvres serviteurs et remonstrer au dit illustre scig"^ les dites affaires et les ayder à pouvoir estre récompansés et satifliiictz de luy et prierons le Créateur pour leur prospérité et augmentation.

JUSTIFICATION DES PENEYSANS.

Archives de Genève. Portefeuilles des pièces historiques. Dossier N° 1114.

I. A très puissans, magnifiques, redoublés et très honorés setgnieurs Messieurs l'advoyer et Conseilz de Berne, du 4 novembre (iSSk-).

Très puissans magnifiques redoubtés et très honorés seignieurs, tant humblement que fère povons nouz recomandons à vouz bonnes grâces.

Très puissans seignieurs, nous avons aujourd'huy receut la lettre qui vous az pleut nous escripre par l'ung de vous héraulx, en laquelle nous laictes mention que par vostre commis, le sire Jasque Tribollet, serions plus à plain infor-

mes ; et pour ce que n'avons vheu ny ouy le dicl seig' Tribollet, ne povons entendre de vous dictes seigniories sinon ce que par voslre dicte lectre nous avés escript . à laquelle disons qu'avés estes mal informés de nous sus les violences que nous escripvés avons faicte à Baptasar et son grangier, auqueulx ny à aultres avons faicl ny proposons jamais fère violence; ains si riens leurs az esté faict, ce az esté par voye de justice. Touchant les faulx procès que escripvés avons faict fère, vous seigniories sont estes aussi mal informées, car nouz ne nouz meslons poeint des formacions des procès, ains sont les officiers de nostre très révérend seigneur et prince Monseigneur de Genève, qui sont sage et prudens pour procéder en matière de justice aultrement que vous dites seignories n'ont estes informées, ainsi que croyons feront apparoistre quant temps et lieu seraz; suppliant vous dictes seignories ne voloir croyre à beaucop de faulx rapors que l'on vous porroit fère de nous, et nous avoer tousjour pour recommandés commanl vous humbles et loyaulx comburgois, priant Dieu que à vous très puissans, magniffiques, redoublés .et très honnorés seigneurs doeint bonnes vies et 1 ngues. Du château de Pigney ce iiij de novembre. Par les tous vostres très humbles comburgoys et serviteurs, les bons chrestiens de Genève résidant en Pigney.

II. Copie de lettre envoyée à Monseigneur le duc, du 5 juillet (4585).

Très illustre, très excellent et nostre très redoublé seignieur, tant et si très humblement que fère povons, nous recomandons à vostre bonne grâce.

Mon seigneur aujourd'huy a estez ici Mons"^ le collatéral Milliet, lequel de la part de vostre très excellente seigoiorie nous a monstre une lettre que l'excellence de Mess" de Berne vous a escripte, faisans plaintifz contre nous, que sus vous pais donnions empêches aux marchians en leurs marchandises, aux postes et aultres messagiers, délornans les dites marchandises de leurs propres passages par sus vostre dit païs, qui tomboyt à gros dommayges tant de vostre dite très excellente seigniorie que de tous Mess"* des Ligues, tant à cause des péages que aultres ; et nous a prohiber le dit Mons"" le collatéral, de la part de vostre dite très excellente seigniorie, de non plus il procéder.

Monseigneur, ceulx qui onl informés l'excellence des dis seig"' de Berne, l'ont faicl contre la vérité, pour ce que ne bavons pas faict et si se consle bavons riens faicl sus vouz païz, ce a esté contre nouz ennemis résidans en Genève, en exéquution des sentenses qu'avons obtenues contre eulx par devant nouz et leurs juges ordinayeres, que croyerons ne vouldriés empêché, ny aussi les dits seigneurs de Berne, quant serons bien informés de la vérité des grandes extorcions et ultrayges nous ont faict et font tous les jours les dis de Genève, (et non pour aultre sinon pour ce que ne nous sûmes voUu joindre avec eulx faisans monopolle contre nostre très révérend seigneur et prince noslre seigneur (ii' Genève), qui méchamment ont tués nouz frères et parens, pilliés et forragés nouz biens, abbatus nouz maysons, dont summes estez contrains pour la conservation de nouz personnes, par le consentement de nostre dit très révérend seigneur Monseigneur de Genève, nous retirer céans; là nous sont venust plusseurs foys en gros nombre de gens en armes assalli et signamment le jour de la feste ascention noslre Seigneur dernièrement passés, là où nous n'estions que vingt et deux, viendrent en nombre plus de vuyt cens^ en armes, de nuyt, à grosse artillierie, nous assiéger et bactre le chasteau de céans, et depuys plusseurs foys sortis sus vouz dit païs en plusseurs lieux forager et pilliez nouz maysons, batus nouz femmes, enfans et serviteurs, prins aulcuns de nostre compaignie sus vostre dit païs. mesmement ung prestre qui menèrent en Genève et de première venue luy donnèrent six trayt de corde non pour aultre que pour luy fère déceler nouz confessions, et fais beaucopt d'aultres ultrayges ainsi que bien ferons apparestre par bonnes informations, dons ne povons croyere si les dis seig"' de Berne (qui sont vous seigneurs de justice et qui ont le debvoyer à nous qui sûmes leurs povures combourgoys autant qu'à ceulx qui sont dans Genève) estoyent véritablement informés des ultrayges et extortions qui nous sont estez fais voullissent porter nouz dis ennemis contre nous, ains nous serions en aide et secours. Don supplions très humblement vostre dite très excellente seigniorie en volloyer estre véritablement informée et nous avoyer tousjours pour recomandés et non permectre que sus vouz pais teulx ultrayges et violences nous soyent fais. Et quant véritablement se consterat en hayons pieur faict, en voilons demorer à la cognessance et rigour du droyl, sans

nulle mercis, el ferons tout ainsi que vostre bon playsirs seserat nous comander de nostre petit povoyer, aidant le Créateur, lequel prions très illustre, très excellent et nostre très redoublé seigneur, vous donner bonne vie et longue. Du chastel de Pigney ce Y" jour de juillet. Par les tous vostres très humbles et obéissans subjès et serviteurs les procureur fiscal et aultres coinpaignons de Genève résidans en Pigney.

III. Double de la réponse faite aux cantons, du 46 juillet 4 5 85.

Très magniffiques, puissans et très redoublés seigneurs si très humblement que fères povons, nous nous recomandons à vous bones grâces.

Magniffiques seigneurs, nous avons receu vous lettres datées du diziesme jour de julliet et avons entendu le bon volloyer que vous excellenses on envers nous, don grandement et très humblement vous remercions. Quant à se que vous excellenses on eslés informés que avons faict pluseurs injures et déprédacions de biens non tant seullement à ceux de Genève, meys ausy aux estrangiers passans, vous dites excellences on esté mal informés et contre toute vérité; cart nous n'avons toché à persone du monde, fors que à ceux de Genève, el se que leurs a esté fayl, a esté fayl par bonne justice, comment a esté cogneu et ordoné par deux sentenses tant part les officiers et juges ordinayres des dit de Genève, comment pari les officiers el juges de Vienne, par lesqueulx on esté condampné, là où les dit de Genève avoyent appelle. Et ne voudrions avoyer fayt autrement, et ne heussons nullement procédi contre eux, si heussent voussu obtempéré et observé l'ordonnance part vous magnifficences avec Mess" de Valloys donée au lieu de Thonon, où quel lieu et pour le dit affère vous dites excellences prindrent beaucop painnes et labeurs ; meys les dit de Genève n'ont voussu nullement tenir ny observer vostre dicte ordonnance, ny pareillement selle de Lucberne, ains contrevenant à vous dites ordonances, on procédy contre nous part forces et violences, en déchassant nous femes et enfans hors de nous maysons de la dicte ville de Genève, on prins et forragés nous biens estans aux dites maysons et puis en on défroché la plus grande partie en tant que sommes estes contrain nous retiré aux chastel de nostre révérend seigneur, Monseig" de Genève,

nostre prince et seigneur, aut quel sommes de présent vivans assé pourement pour les grandes extorcions nous on fayt les dit de Genève, nous adversayres ; car eux non estans contans des injures et viollences à nous faites dans la ville de Genève, sont pluseurs foys sorly en armes à grand puyssances avec artillierie, et nous sont venus assally icy au dit chastel en teuUe sorte que si Dieu ne nous heu préservé, estions tous perdus et mors, et si on part pluseurs foys pilliés et ferrages nous maysons qu'avons aux villages part le pays, entor la dicte ville de Genève, exqueulles avoyent retiré nous femes et enfans, et on bastu nous dites femes tant ensainctes qu'autres, jusques à leurs fère perdre le fruyt de leurs ventre, que sont choses fort contre Dieu et le monde, et de nous ne voudrions leurs fère le moindre cas qui on fayt et perpétré, meys se leurs fassons de tojors informé de messonges, et se ne sont que certain particulliers du dit Genève que se sont fayt gouverneurs de la dite ville, qui tiennent le reste de la dite ville en si grand subjection que à penne la gastent et du tout et s'en sortissent tous les jours les gens de biens pour se qui ne peuvent enduré la tirannie des dits governeurs. Don pléraz à vous dites excellences avoyer égard sur nous et nous avoyer pour recomandé en nostre bon droyt aussy qu'avons nostre parfayte fiance duquel ferons apparestre à vous magnifficences en temps et lieu et aussy aiéz pour recomandé la poure ville de Genève laquelle sans vostre ayde s'en va du tout à ruyne et non que par le mauveys governement des dits governeurs. Et nous prions le Créateur du monde, très magniffiques, puissans et très redoubtés seigneurs pour la sainteté et prospérité d'icelles vostres magnifficences et seignories. Du chastel de Pigney, se xvj jour de julliet 153b. — Les vostres très humbles serviteurs, les poures gens sorty de Genève habitans aux chastel de Pigney.