PLAINTES DE PIERRE DE LA BAUME
Archives de Berne.
Et premièrement hont prins et détiennent en prisons le Beaulpère Jacopin qui havoit presché l'advent à Sainct-Pierre
et ne Tljonl vollaz lâcher par commandemans qu'il leur haye esté faict, de leur dict seipneur et prince.
Item estant détenu le dit Jacopin en prison, ilz hont prins Loys Poujal citoyen de Genève qu'il revenoit d'Arboex portant ung pacquet de mondict seig" de Genève qu'il luy ostarent et l'hont détenu, auquel pacquet estoyent les lettres de la relaxation du dict Beaulpère Jaccopin et d'aultres lettres addressantes au conseil épiscopal, chappitre et aultres gens de biens, les advertissant du despartement de son balliflz, lequel est détenu à Berne, et defl'enciirent sus grosses pœnnes au dit Poujal qu'il n'en dict rien, ains qu'il dict bavoir bruslé ie dit pacquet par crainte que Ton ne le luy estasse.
Item bout constitué nouveaulx officiers, faict nouveaulx tribunal, imposé gabelles, faictz inventaires, admys les culpables de la mort de feu Mons^ Pierre Werly à leurs deffenses extra carceres, ce que seulement appertient à leur dict seigneur et prince.
Item sont entré de nuytz en la maison de l'évescbée, l'hont forraigée, pillez et rompus tous les secrés et emporté les filtres appertenens à leur dict prince.
Item hont prins le secrétaire Porteri serviteur et officier de leur dict seigneur et prince dedans Sainct Pierre, qu'il estoit clerc, pour ce seulement que par cas de fortune se sçoit trouvé en la présence quant le souldain de leur dict seigneur et prince qu'il s'appelloit Claude Pennet frappast Nycod Chouderon chappellier du Perron, son corps deflendant, dont la mort s'en suyvyt, lequel souldain boni faict morir sans le voloir oyr en ses deffenses, en moins de temps de vingt et quattres heures, et tiendrent les portes de la ville serrées, et tous les luthériens jour et nuyt estans en armes parmy la ville à sons de taborins, crians à haulte voix tuée, tue ; et faisans grosses émotions, tenans les crestiens et gens de biens à grosse subjection et crainte de mort, jusques à l'heure que l'on coppast la teste au dict souldain. Et lequel Porteri ne hont seullement interrogué pour le cas qu'il havoit esté prys, ains sus pluseurs aultres, sans bavoir aulcunes informations contre luy ny partie denunçant, à la forme de leurs franchises.
Item les sindicques, pety et grand Conseil à la poursuyte des culpables de la mort du dict feu messire Werly confessèrent à nos seigneurs de Fribourg cinq cas qu'il s'ensuy vent.
Le premier que aultre ne appertenoit prendre aulcunes
informations secrètes dedans Genève contre les criminaulx; que seulement au procureur fiscal de leur seigneur et prince.
Le second que à aultre n'appertenoit la capture de délinquans dedans Genève que au dict procureur fiscal.
Le tiert que à aultre n'appertenoit faire instance par devant lesdictz sindicques contre les délinquans que au dict procureur fiscal.
Le quart, que aultre n'appertenoit mettre en exéquution les sentences criminales des dictz sindicques dedans Genève, que au dict procureur fiscal tout ainsin que a esté faict de Pierre Lhoste.
Le cinqueusme, que quant l'on havoit print ung homme dedans Genève, estant en prison l'on ne le doibt ny peult interroguer sur point d'aultre cas, combien l'on hauroit bonnes informations, sinon sur celluy pour lequel seroit esté prys, et que premièrement le failloit condempner ou absouldre et mettre hors des prisons et puys le reprendre.
Tout le contraire hont observé à la mort des deux devant dictz Porteri et Pennet, serviteurs et officiers de leur dict seigneur et prince. Car premièrement les hont prins sans informations, leur hont formé leurs procès, interrogué le dict Porteri de pluseurs aultres cas que de celluy pour lequel fust prins, les ont myst à mort oultre le voloir de leur dict seigneur et prince et sans évocquer son dict procureur fiscal.
L'on leur ha présenté deux grâces faicles au dict Porteri par leur dict seig" et prince, que toutes deux hont retiré à eulx sans la voloir rendre ny obéir, ny aussi à pluseurs aultres lettres et mandemans tant de leur dict seigneur et prince que de Mess" les vicaires, olficialz et juges des excès concédées en faveur de pluseurs bons crestiens et gens de biens qu'ilz par leurs plaisirs hont détenu long temps en prison ainsy que bien se consteroit et que l'on fera apparoître.
Item oultre les deffenses que leur hont esté faictes de la part de leur dict seigneur et prince, suyvant les anciennes coustumes de non prescher faire ny permettre prescher en sa cité de Genève point de prédicateur quelqu'il feu, sinon par son consentement ou de Monsieur son vicaire, hont faict et font jornellement prescher publicquement au couvent de Rive, aux Cordelliers de Genève au son de la douche, Farel, Froment, Viret et aultres gens tenans la sette luthérienne, soubverlissant le peuple, rompant les pierres sacrées des aultiers, prenant les corporaulx et soy moucher et crai-
chant contre les ymages de Nostre Dame et aultres sainctz et saincles du paradys.
Et toutes ces choses et pluseurs aultres, hont faictes et perpétrées que sont contre l'auctorité et jurisdition de mon dict seigneur et prince, contrevenant à la bourgeoisie faicte entre mes devandictz seigneurs de Fribourg et les dictz de Genève, laquelle auctorité et jurisdition luy fust expressément réservée, ainsy qu'il s'en conste par la teneur d'ycelle.
