SENTENCE DE SERVET
« Le procès faict et formé par <leuant noz très redoublés seiffneurs scindiques, iuges des causes criminelles de oeste cité à la poursuîtte et instance du seigneur lieutenant de ceste dicte cité, es dictes causes instant
Contre
i( Michel Seruet de Villeneufue au royaume d Aragon en Hespagne,
« Lequel premièrement est esté atteint dauoir, il y a enuiron vingt troys a vingt quatre ans faict imprimer ung Hure à Agnon en Alemagne contre la saincte et indiuidue Trinité, contenant plusieurs et grans blaphemes contre icelle, grandement scandaleux es Eglises desdictes Aleoiagnes : lequel liure il a spontanément confessé auoir faict imprimer, nonobstant les remontrances et corrections a lui faîctes de ses fausses opinions par les scauants docteurs euangelistes desdictes Alemagnes.
(c Item, et lequel liure est esté par les docteurs dicelles églises d Alemagne, comme plein dheresie reprouué et ledict Seruet rendu fugitif desdictes Alemagnes a cause dudict liure.
« Item, et nonobstant cela ledict Seruet a persévéré en ses faulses erreurs, infectant dicelles plusieurs a son possible.
« Item, et non content de cela pour mieulx diuulguer et espancher son dict venin et hérésie dempuys peu de temps en ça il a faict imprimer un aultre liure a cachettes dans Vienne en Daulphiné remply desdictes hérésies, horribles el exécrables blaphemes contre la saincte Trinité, contre le Filz de Dieu, contre le baptesme des petits enfans el aultres plusieurs saincts passages et fondemens de la religion chrestienne.
u Item a spontanément confessé quen iceluy liure, il appelle ceux qui croyent en la Trinité, trinitaires et atheistes.
« Item et quil appelle icelle Trinité ung diable et monstre a troys testes.
a Item et contre le vray fondement de la religion chrestienne et blaphemant detestablement contre le filz de Dieu, a dict lesus Christ nestre filz de Dieu de toute éternité, ains tant seulement dempuys son incarnation.
«< Item et contre ce que dit lescripture, lesus Christ estre filz de Dauid selon la chair, il le nye malheureusement, di-
sant icelu y estre créé de la substance de Dieu le Père, ayant receu troys éléments diceluy, et un tant seulement de la Vierge ; En quoy mesehamment il prétend abolir la vraye et entière humanité de noslre Seigneur lesus Christ, la souueraine consolation du pounre genre humain.
« item et que le baptesme des petits enfans nest que une inuention diabolique et sorcellerie.
« Item et plusieurs aultres pointz et articles, et exécrables blaphemes, des qnelz ledict liure est tout farcy, grandement scandaleux et contre Ihonneur et majesté de Dieu, du Filz de Dieu et du Sainct esprit, quest ung cruel ot horrible murtrissement, perdition et ruine de plusieurs pouures âmes, estant par sa dessus dicle desloyable et détestable doctrine trahies. Chose epouuantable a reciter.
« Item et lequel Seruet remply de malice intitula iceluy son liure, ainsi dressé contre Dieu et sa saincte doctrine euangelique. ChrUtunihmi restitutio, quest a dire restitution du christianisme, et ce pour mieulx seduyre et tromper les pouures ignorans, et pour plus commodément infecter de son malheureux et meschant venin les lecteurs de son dict liure soubz lumbre de bonne doctrine.
« Item et oultre le dessus <lict liure. assaillant par lettres mesmes nostre foy, et mettant peine icelle infecter de sa poison a volnntairement confessé et recogneu auoir escriptes lettres a ung des ministres de ceste cité, dans laquelle entre aultres plusieurs horribles et énormes blaphemes contre nostre saincte religion euangelique, il dit nostre euangile estre sans foy et sans Dieu, et que pour ung Dieu nous auons ung Cerbère a troys testes.
« Item et a dauantage volnntairement confessé que au dessus dict lieu de Vienne, a cause diceluy meschant et abominable liure et opinions, il fut faict prisonnier ; lesquelles prisons perfidement il rompit et eschapa.
« Item et nest seulement dressé ledict Seruet en sa doctrine contre la vraye religion chrestienne, mais comme arrogant innouateur dheresies, contre le papistique et aultres, si que a Vienne mesmes il est esté bruslé en effigie, et de sesdictz liures cinq basles bruslées.
« Item, et nonobstant tout cela, estant icy es prisons de ceste cité détenu na laissé de persister malicieusement en sesdictes meschantes et détestables erreurs, les tachant soustenir auec iniures et calomnies contre tous vrays chrestiens et fidèles tenementiers de la pure immaculée religion chrestienne, les appelant trinitaires, atheistes et sorciers, nonobstant les remontrances a luy desia des longtemps en Aleraagne, comment est dict, faictes, et au mespris des reprehen-
sions, emprisonnements et corrections a luy tant ailleurs que icy foictes. Comme plus amplement et au long est contenu en son procès.
«c Et Nous sindiques, juges des causes crimioelles de ceste cité, ayans veu le procès faict et formé par deuant Noos a linstance de nostre lieutenant èsdictes causes instant, contre Toy, Michel Seruet de Villeneufue au royaume dArragon en Espagne, par lequel et tes voluntaires confessions en noz mains faictes, et par plusieurs foys réitérées, et tez liures deuant nous produîclz, nous conste et apart Toy Seruet auoir des longtemps mys en auant doctrine faulse et pleinement hereticale, et icelle mettant arrîer toutes remonstrances et corrections, auoir dune malicieuse et peruerse obstination, perseuerement semée et diuulgée jusques a impression de liures publiques contre Dieu le Père, le filz et le Saint Esprit, brefz contre les vrays fondemens de la religion chrestienne, et par cella taché de faire schisme et troble en leglise de Dieu, dont meintes âmes ont pu estre ruinées et perdues ; chose horrible et espouuantable, scandaleuse et infectante, et nauoir heu honte ny horreur de te dresser toutallement contre la majesté diuine et sainte Trinité ; ains auoyr mys peyne et testre employé obstinément a infecter le monde de tez hérésies et puante poyson hereticale. Cas et crime dhcresie griefz et détestable, et méritant grieue punition corporelle. A cez causes et aultres justes a ce Nous mouuantes, desirans de purger leglise de Dieu de tel infectement el retrancher dycelle tel membre pourry ; ayans heu bonne participation de conseil auec noz citoiens et ayans inuoqué te nom de Dieu, pour faire droit jugement, seans pour tribunal au lieu de nos majeurs, ayans Dieu et ses saintes escriptures deuant noz yeux, disans au nom du Père, du Filz et du Saint Esprit, par iceste nostre diffmitiue sentence la(iuelle donnons ycy parescript, Toy Michel Servet condamnons a debuoir estre lié et mené au lieu de Champel, et la debuoir estre a un pilotis attaché, et brusié tout vifz auec ton liure tant escript de ta main, que imprimé, jusques, a ce que ton corps soit reduict en cendre; el ainsin finiras tez jours pour donner exemple aux aultres qui tel cas vouldroient corn met! re.
« Et a Vous nostre lieutenant, commandons nostre présente sentence faictes niectre en exécution. »
(Mémoires de la Société d'Histoire, tome #//, pages li '5 à H9,j
