I. il
voians, s'assemblarent, à cause de quoy les dictz luthériens craignans estre foibles, se retirarent ainsi qu'a veu et sceu le dit déposant qui estoit pour lors en la dicte ville de Genesve. Dit aussi avoir bien sceu que à cause de la dicte assemblée et émotion, despuis s'est ensuivie la mort de quatre personnes, tant d'ung party que d'autre, et la blessence de plusieurs autres personnes du couslé des crestiens tenans le party contraire aus dictz luthériens. Dit plus avoir ouy dire à troys ou quatre marchans de Genesve, des noms desquelz n'est présentement recors, que le dict Colonyer ameyne en ceste ville de Lyon des livres lesquelz ung imprimeur gendre d'ung feu imprimeur de Lyon nommé le dict feu le Prince, imprime en la ville de Neufchastel, et mesmement qu'il en a amené ceste foyre de Pasques ; et plus n'en dit. Et a signé sa précente déposicion Pierre Pennet.
Gonrald de Lorme coardonnier filz de Guilllaume de Lorme parroisse de Fonsenay à une lieue et demy près la ville de Genesve, aagé de vingt cinq ans ou envyron, tesmoing etc.» dit et dépose moiennant son sercment etc., qu'il a demeuré en la dicte ville de Genesve envyron l'espace d'ung an continuel finy il y a environ troys sepmaines besongnant de son mestier avec Estienne Forgeul aussi cordoannier du dict Genesve son beau-père et demeurant en la maison du dict Estienne durant lequel temps a vcu que où dict Genesve y a heu et a grand partie des gens sulvans Terreur et hérésie luthérienne, vivans à la mode des Luthériens et talchant tant qu'il? peuvent d'accroistre leur party et tirer à leur dicte manière les autres bons calholiques. El s'appellent les dictz luthériens les évangelistes, et appellent les autres les papistes. Et entre les principaulx et plus apparens des dictz luthériens y a veu et cogneu ung nommé Baudichon, Jehan Phillippe et autres. Dit que durant le temps que dessus il a veu que les dictz luthériens falsoicnt plusieurs assemblées en armes de jour et de nuyt pour les diflérens estans entre eulx et les catholiques appelez comme dessus papistes, èsquelles assemblées il a souventesfois veu le dict Baudichon armé d'ung allecret et embastonné. Dit que ung jour de dimenche qui fut environ la sainct Martin dernier passé, ung chanoin<^ du dict Genesve appelé le chanoine Vergle pource qu'il soustenait uoslre foy, fut tué où dict Genesve per les dictz luthériens, et premièrement fut assailly en une place appelée le Molard, toulesfois n'y estoit présent le dict déposant et ne
scet si le dict Baudichon estoit en la compaignie quant le diet chanoine fut assailly. Bien dit estre recors que le dict jour il avoit veu le dict Baudichon portant son espée et passant par là ; que de la Fusterie dit avoir ouy dire à son dict beau-père et à plusieure autres gens et est la commune voix entre les catholiques où dict Genesve, que le dict Baudichon fut à Berne quérir des prescheurs luthériens et qu'il est l'ung des principaulx qui ont esté cause et ont pourchassé d'avoir mis la dicte hérésie en la dicte ville. Dit cognoistre ung prèscheur luthérien nommé Pharellus demeurant et preschant où dict Genesve, lequel il a veu souventesfois fréquenter avec le dict Baudichon, Dit que après que le dict chanoine Vergle fut tué, lendemain le commun bruict estoit entre les catholiques où dict Genesve que ceux qui Tavoient tué s'estoient retiré et estoient en la maison du dict Baudichon et disoient plusieurs des dictz catholiques et entre autres Toyt dire assavoir à maistre Pierre le Barbier, au sire Girardin présentement lieutenant de Genesve, Thomas Moyne et plusieurs autres, que s'il n'estoit pour craincte de perdre les maisons circonvoisines ilz eussent adonques mis le feu en la dicte maison du dict Baudichon. Dit que notoirement les dictz luthériens mengent chair les vendredy et samedy et par caresme, et ung jour de vendredy ou samedy de caresme dernier passé, fut présent devant la maison de Jehan Balard et oyt que le dict Baudichon invita ung nommé Bellia filz de Denys Dada à menger d'ung chappon en la maison du dessus nommé, Amé Perrin du dict Genesve. Et plus n'en dit.
Moine témoin des prédications de Farel.
Vénérable et religieuse personne frère Anthoine Gharnil, prieur de Sainct-Martin en Velay de l'ordre de sainct Benoist, diocèse de Viviers, aagé de quarente cinq ans ou environ, ainsi qu'il dit, tesmoing etc. Dit et dépose moiennant son serement etc., que ung jour de la sepmaine dernièrement passée, en revenant de Chambéry, de visiter le sainct suaire, il passa par la ville de Genesve et en icelle arresta certain espace. Dit que il oit parler à plusieurs gens et tant dedans la dicte ville que aux champs près et à l'entour d'icelle, d'ung nommé Baudichon marchant du dict Genesve, lequel ilz disoient estre prisonnier à Lyon à cause de ce
qu'on l'accusoit d'estre lutbérieD et hérétique^ duquel emprisonnement les dictes gens se resjoissoient, mauldisans h dict Baudichon et le donnans au diable, disans que c'estoit le principal qui avoit esté la cause pourquoy Thérésie puluk)it où dict Genesve et qu'il mesmes, esloit allé à Berne quérir des prescheurs hérétiques, lesquelz il avoit amené en la dicte ville, les avoit nourry, entretenu et soustenu en leui^ prédications, dont estoit procédé tout le trouble d'icelle ville, de sorte que grant partie des habitans sont tombez en la dicte hérésie, et plusieurs gens de bien ont esté contrainctz icelle absenter, et laquelle ville est présentement fort désolée et détériorée, ainsi que veit le dict déposant, qui dit plus que en la didte ville sont troys prescheurs enseignans la dicte hérésie, nommez Tung et le principal Pharellus, l'autre Viret et Tautre Froment, et en veit Tung des deux, assavoir des dictz Viret et Froment, preschant en chaire en une église dedans le couvent des Cordelliers, et ne sçait vraiement lequel des deux prescheurs c'estoit. Dit que les dictes gens de la dicte ville et dehors icelle, lesquelz toutesfois il ne sçau rait nommer, pource qu'il ne les cognoit et n'en s'enquist de leurs noms, disoient en parlant du dessus nommé Baudichon, qu'il estoit cause de la mort d'ung chanoine du dici Genesve qui fut tué en la dicte ville pour la querelle de la foy catholique et en icelle souslenant. Il a signé sa déposition Â. Charnil.
Déposition de M. de Simieux. Confronter avec les dernières pages de la Chronique de Fromment, édition Revilliod.
Noble homme Anthoine de Dysimieu, seigneur du dicl lieu en Daulphiné, aagé de trente deux ans ou environ ainsi qu'il dit, tesmoing etc., dit et dépose moyennant son sercment etc., que il y eust jeudy dernier huit jours, il fut et passii par la ville de Genesve et en icelle séjourna environ demy journée estant logé où logeis de la grue, chieux Pierre Peschu. Et il qui dépose estant en la dicte ville et se promenant au devant son logeis, survindrent à lui environ douze ou quinze personnaiges des plus apparens de la dicle ville, lesquelz après avoir salué le dict déposant, lui demandarenl quelz nouvelles on disoit à Lyon touchant Baudichon du dicl Genesve, estant détenu prisonnier où dict Lyon, pource que
romme ilz avoient ouy dire il estoit prochain à estre relas* obé. Et en continuant leur propoz disoient que si par aveniure le dict Baudichon estoit relasché, il et tous les bons catholiques du dict Genesve estoient toutellement perduz et ruynéz, et que pour mectre la dicte perdicion et ruyne à cxécucion, les luthériens du dict lieu, complices du dict Baudichon, avoient faict leurs entreprinses et délibéracions, ne restoit synon qu'ilz actendoient préalablement le relasche du dict Baudichon, ainsi que les dictes gens apparens et notables disoient avoir bien sceu et entendu. Et daventaige, priarent le dict déposant que estre de retour à Lyon il luy pleust bire les remonstrances de ce que dessus à ceulx à qui en nppertient la cognoissance. Disoient aussi les dictz notables que le jour du sacre et feste du précieux corps de Dieu dernièrement passé, ainsi qu'on portoit le dict précieux corps on procession parmy la ville à la manière acostumée, et qu'on passait par deuant la maison du dict Baudichon, la iemme du dict Baudichon estant aux fenestres avec sa chambrière, eulx deux fillans leurs coneilles la dicte femme disoit telles ou semblables parolles parlant aux prestres : Voyià des belles chievres ; et après parlant aux femmes suivans la dicte procession, disoit autres telles ou semblables parolles: Ha paillardes, vous allez en mommerie après ces prestres. Et aus dicts propoz devant le dict logeis, estoient présens, avec le dict déposant, M. Loys de Gorcelles, son frère le prieur et M. le maistre Meillan de Geyssel, gentilzbommes. Dit aussi que tant lors que aussi ailleurs es lieux circon voisins il a ouy dire et tenir notoirement que le dict Baudichon estoit Tung des principaulx et celluy qui plus s' estoit emploie à réduire la ville de Genesve aux hérésies et erreurs luthériennes, au moyen desquelles au pris de la prospérité d'icelle ville du temps passé la dicte ville est empirée et désollée plus qu'on ne pourroit penser, ainsi qu'a veu et sceu le dict déposant. Et semblablement a ouy dire et tenir que le dict Baudichon est celluy qui a faict venir les prescheurs au dict Genesve, assavoir Pharel, Viret et Froment et autres, et que aussi il les avoit menez luy mesmes à Lozanne pour semblement séduire ceulx du dict Lozanne, lesquelz toutes foys chassarent les dicts prescheurs. Aussi a ouy dire notoirement où dict Genesve que si le dict Baudichon est relasche, chescun se rengera à sa créance, extimant que s'on Tavoit trouvé mauvaise, on ne l'auroit relasche. Qui
dit plus que une autre foys il y a environ ung an, luy estant où dict Genesve, se trouva en compaignie de certaines dames et entre autres y estoit la femme du dict Baudichon, laquelle lenoit quelques propoz luthériens dont il n'est présentement recors ; et pource qu'il la redargua, elle luy dit qu'il estoit bon papiste ; et le dict déposant respondit qu'elle estoit bonne luthérienne. Lors elle luy replicqua telles ou semblables paroUes : Pleust à Dieu, Monsieur, que nous feussions tous bon luthériens, car c'est une bonne chose et une bonne loy. Et aussi disoit lors la dicte femme qu'ilz espéroienl en brief la venue de Pharel et de ouyr ses sermons, et à ce estoient présens M. de Flacieu et sept ou huit de leurs valletz, comme il dit. Et plus n'en dit ; et a signé sa déposicion Dysymieu.
Les prédications à domicile.
Henrys Persyn fromaigier natif du lieu et villaige du Grand Bournand en Savoye, à présent habitant de Lyon, aagé de vingt troys ans ou envyron ainsi qu'il dit, tesmoing etc., dit et dépose moiennant son serement etc., que par le temps de caresme dernièrement passé, il fut et demeura par l'espace de sept jours continuelz en la ville de Genesve, et durant le dict temps passa deux foys à deux dy vers jours, par Téglise des Cordelliers et à ches(îune des dictes deux foys veit que ung nommé Pharellus, luthérien preschoit en la dicte église et avoit plusieurs auditeurs entre icsquclz y estoit ung homme qu'on nommoit Baudichon lequel avoit aus dictes deux foys ung baston en la main, mectant les gens en ordre et faisant faire silence. Dict ausvsi que ung jour du dict temps en la dicte ville et en la place du Âlolard, où estoient le dict Baudichon avec plusieurs aultres luthériens, le dict déposant fut présent et ouyt que le dict Baudichon parlant à aulcuns catholiques aussi illec estans, dit qu'il gaigeroit volentiers cent escus contre cinquante à perdre les dictz cent escuz où cas que le jour de Pasqiies, lors prochain ensuivant. Ton célébrast aucune messe dedans la dicte ville de Genesve. Dit plus que la commune voix est où dict lieu que le dict Baudichon est le capitaine et le plus grant luthérien de la dicte ville. Dit aussi avoir encores esté despuis Penîhecoste en ça où dict Genesve oùquel lieu la commune voix estoit entre les catholiques que le dict Baudichon et aussi ung
autre luthérien nommé le Colonier estoient prisonniers à Lyon, et que les dietz catholiques ne vouldroient pour chose du monde qu'ilz retournassent au dict Genesve, pource que s'ilz y retournoient tous les dictz catholiques seroient perduz. Et plus n'en dit.
Claude Thevenon fromaigier natif de la paroisse du Grand Bournand, diocèse de Genesve, à présent habitant de Lyon, aagé de trente quatre ans ou envyron, ainsi qu'il dit, tesmoing etc., dit et dépose moiennant son serement, qu'il demeura dedans Genesve à l'entrée de caresme dernier passé, environ huit jours continuelz, durant lequel temps il a veu certaines foys où dict lieu un marchant nommé Baudichon, lequel selon la commune voix estoit tenu et réputé pour le plus grand luthérien du dict Genesve. Dict plus, que dudict temps et le premier dymenche du dict caresme, il ouit dire que l'on alloit baptiser ung enfant en la maison du dict Baudichon, parquoy y alla en compaignie d'ung aultre fromai- ■geir nommé Henrys Avreillon, et eulx estre arrivez dedans la dicte maison veirent que plusieurs gens s'assemblarent en ioelle, et entre les autres, y estoient le dict Baudichon et deux aultres nommez Pharel et Viret. Et illec veit que le dict Viret baptisa ung enfant qu'on apporta de quelque autre lieu, luy mectant de l'eau sur la teste, et disant in nomine Patris et filii et spiritm sancti, sans faire aulcun signe de la croix ; et aussi disoit le dict Viret telles ou semblables parelies : Dieu volut estre baptisé en l'eau pure et necte, et maintenant les caffars baptisent avec eau huyllée et crachas. Dit plus que avant que faire le dict baptisement, le dict Viret fit ung sermon en la dicte maison en présence de grand multitude de gens, et semble au dict déposant qu'ilz estoient bien troys cens auditeurs et estoient en une grande salle laquelle ilz avoient alongée d'une autre chambre y joignant, au moien d'ung postan ou haiz qu'ilz avoient levé, et aussy y a voit des sièges faictz expressément sur quoy les dictz gens estoient assiz. Et estoit le dict Viret assiz sur ung si^e plus hault que les autres, et à costé de luy estoient assiz assavoir d'ung cousté le dict Pharel et d'autre cousté ung nommé Froment ; lesquelz Pharel et Froment on disoit aussi estre pi*escheux. Dit aussi que despuis Penthecostes en çà, il a passé par le dict Genesve et illec a ouy dire à plusieurs gens de bien et est le commun bruict que si le dict Baudichon et ung nommé le Golonyer prisonniers en ceste ville
de Lyon sont relâchez, tous les catholiques du dict Genesve seront deffaictz et ruinez. Et plus n'en dit. (Suit la dépmim citée dans le texte.)
Propos tenus sur la religion par Baudichon.
Discrète personne messire Jehan Barbier prestre incorporé de réglise cathédrale de Vienne, aagé de cinquante et sept ans ou envyron ainsi qu'il dit, tesmoing etc., dit et dépose moiennant son serement etc., qu'il y a environ ung an et deroy durant une foyre des Roys, ung jour le dict déposant vint de la ville de Vienne en ceste ville de Lyon pour certains se^ affaires en compaignie d'ung religieux de l'ordre de sainct Jehan de Jhérusalem nommé frère Lyonnet Reynault et de Anthoine Reymond lors serviteur du dict déposant, et allarent loger où logeis de la Couppe d'or près Sainct Pierre les Nonnains, et le jour mesmes qu'il arriva où dict logeis, print sa réfection à l'heure du disner en icelluy logeis avec et en présence des dessusdictz, et aussi en présence d'ung marchant pelletier de Vienne nommé maistre Symon bien cogneu au dict déposant et d'ung aultre marchant de Genesve nommé où dict logeis le sire Baudichon, lesquelz disnarent ensemble. Dit que durant le disner, ainsi que les assistans parloient ensemble, après que le dicl Baudichon eust aperceu que le dict déposant estoit de Vienne, icelluy Baudichon demanda au dict déposant s'il c^gnoissoit M. Peyroleri homme d'église fort ancien docteur et homme de grand savoir demeurant à Vienne. Et après avoir tenu quelque propoz du dict sieur Peyroleri, le dict Baudichon se print à dire que certain temps auparavant on avoit faict mourir k Vienne ung cordellier pour la foy, et demanda au dict déposant pourquoy c'estoit qu'on avoit faict mourir le dict cordellier. Lequel déposant lors se print à réciter au dict Baudichon qu'il estoit vray que où dict lieu de Vienne despuis ung ou deux ans auparavant l'on avoit faict par auctorité de justice dégrader et après brusler ung cordellier pource qu'il estoit luthérien et en ses sermons lant à Annonay que ailleurs avoit presché et soustenu qu'il esloit licite en caresme et les jours de vendredy et samedy menger chair, ensemble infinies aultres erreurs contre la délerminacion de noslre mère saincte église et la commune observance de tous bons crestiens. Dit que lors le dict Baudichon dit et respondit que
c'estoit mal faict d'avoir fait mourir le dict cordellier et que c'estoit un grand homme de ïÀtn et de grand science, aussi que réglise ne peult nous faire aulcune institucion, commandement ou deôence sur peyne de péché mortel, et mesmement que l'église n'avoit peu deffendre Tusaige de menger chair où dict temps de caresme et èsdictz jours de vendredy et samedy, ne semblablement instituer le jeusnes, et plusieurs aultres propoz mal sonans tenoit et disoit lors le dict Baudichon, desquelz n'est à présent recors le dict déposant, lequel de toute sa possibilité se mit à debvoir de remonstrer audict Baudichon qu'il parloit mal et luy allégua plusieurs raisons, mais n'aperceut que par icelles le dict Baudichon muast aucunement son propoz. Tellement que à ouir le dict Baudichon, le dict déposant extime que icelluy Baudichon n'est bon crestien et qu'il est mal sentant de la foy. Dit plus que lors où dict disner estoient présens plusieurs aultres incognuz audict déposant, qui plus n'en dit. Ainsy ay déposé Barber ii.
Lettre de Pierre de la Baume faisant allusion à des faits antérieurs à 4532.
A Messieurs les officiaulx de la primace et ordinaire de l'arcevesché de Lyon, mes bons frères et amys.
Messieurs je suis informé qu'avez en voz prisons ung mien subject nommé Baudichon de la Maison Neufve détenu pour la secte et hérésie luthérienne, de laquelle desjà aullresfois se sentant entaché m'en demanda marcis et pardon promectant jamais n'y retourner, ains en faire pénitence, sur quoy cum nemini gremium ecclesia claudat^ je fus content luy pardonner en le comminant in casum resummationis d'estre bruslé. Si d'aventure n'avez deslibéré en faire justice, par la présente vous prieray le me vouloir remectre comme à son supérieur et juge ordinaire, pour en faire justice selon le debvoir, au contentement de Dieu et du monde et entreténement de nostre saincte foy . Et à celle fin qu'aiez meilleur matière de procéder contre luy, vous envoyé le beau père gardien du couvent de Sainct François de ceste ville avec ung des religieulx du couvent de Genesve, informez de sa vie, pour les luy confronter, ensemble aultres dépositions, Ciisans à la matière. Et de mon costé je vous advise en foy
de prélat que c'est celluy qui est promoteur de la dicte secte dedans la ville du dict Gènes ve, et le premier qui y a amené les prescheurs luthériens et logez en sa maison. Par quoy je vous prie avoir nostre foy pour recommandée en punissant telz meschantz hérétiques ensuivant le bon plaisir du roy qui s'est monstre à ce bien fort affectionné par les lectres royaulx qui en ont esté octroyées et publiées, avec ce que ferez œuvre de grant mérite envers Dieu auquel après me estre recommandé à vous de très-bon cueur je prie vous donner Messieurs ce que désirez. De Ghambery le tréziesme de juillet xv",xxxinj. Le tout vostre frère et amys Tévesque et prince de Genesve.
LES PENEYSANS.
Archives de Genève. PortefeoiUes des pièces bistorigaei.
Dossier N» 1145.
Rôle des condamnés penaysans.
Les noms des condampnés de Tan mille cinq cens trente et cinq.
Michicl Guilliel, de Thonon (bourg" de Genève). Nyeod De Prato, notayre. Franc* Régis. Franc* Régis le jeune (de Saconnex au de là d*Arve, bourg* de Genève). Claude fils de Jehan Baud (citoyen de Genève). Bizanson du Mur. Françoy et Nycolas Pennet, notayres. Pierre fils de feu Petremand Malbuisson, drappicr. Nycolas fils de feu Henri Du Nant. Jehan Oddel et Bartholom. Du Crest frères. Mons"^ Dominique Suchet, docteur en droit. Claude fils de feu Percevai Mersier dict Guilliard. Bizanson Jornal, pécheur. Rolland. Taccon. Permet Des Chans (fils de George). LoysPonfal (V) not". Pierre Tcstador, not" (Petrus Capitis Auri). Jehan Du Mont appelé Perceval, chausatier (fils de feu Louys). Jehan Régis, notaire, dict De fonte. Thomas Ferra (fils de feu Louys, chausatier). Mons*^ Jehan De fabrisa, doc* teur (en droit, bourg* de Genève). Mons' Claude De fumo, docteur (en droit). Mons' Pierre Blanchet, docteur (endroit» dict Mermel). Jaques Grand Champt, excofficr. Pierre Verdellct, excofficr. Françey De leschaux, appelle Chandellet, excoffier. Jaques Mulatier dict Foissiaz (excoffiier). Claude VuUiard, drappier (autrefois curé de Vullenex). Pierre Bra-
met, notaire. Pierre de Lacra, notaire. Bernard De la palu, notaire. Jaques Goil, dict Redam. Gonin Mestrai, excoffier. Nycolas Griffon, drappier (bourgeois de Genève). Thomaz Meruné, drappier. Franc* Du Grest, chaussatier. Jehan Blanch, admodieur de bénéfices. Jehan Levrat ie jeune, chaussatier. — 38.
Deux Peneysans seuls se trouvent au nombre des eidgnos libérateurs de Genève,
