EN 4S

Là TYRAIfnn DBS DUCS DE SATOIB.

A tous ceulx qui désirent sçavoir et entendre de la Guerre et Délivrance d'une ville de Genève, Salut, par nastre Seigneur Jésus-Christ.

Et ceulx qui ont voullu maintenir les libertés et franchises, les faysoit mourir misérablement : les envoyant quérir du Piémont à foy et fiance, et les faysoit mourir et chappeler, et qui plus est les ranvoyer salles dans tonneaux en toutes derrision et mocquerie. Tellement qui n'a jamais cessé de persécuter cette pouvre Ville, serchant tous les moyens qu'il a sçeu trouver pour la destruyre et ruyner tant par famines, guerres, que autrement. Mais Dieu qui a eu pitié des siens, n'a vollu parmettre telles injures leur estre faictes, les inspirans à congnoistre ce bon et vénérable Prince ; leur donnant cueur d'aller faire alliance avec Messieurs de Berne et Fribourc, pour et à celle fin qu'ils fussent maintenus en leurs Franchises et libertés, en toute justice et équité, comme a esté faict. Mais ce duc voyant bien qu'il perdroit ses plusmes, comme il a faict par ses derniers jours : a tant faict et machiné deçà et delà qu'il a eu grandes alliances avec plusieurs Princes et seigneurs. Mais tout n'a rien servy, sinon de soy estre prophète, c'est de ce qu'il avoit peur de perdre son pays. Car ce que l'homme craint, luy tombe sus la teste. La crainte ne luy a pas esté sans dommaige. Car ung chescun luy a tiré une plume, et est plusmé tout nud et est sans plumes. Aussy est bien rayson, que celuy qui veult plusmer et est plusmé qui soit sans elles. Femmes boutés hardiment pussins couver, car les Ducs ne les mangeront plus.